الموضوغ دة يا جماعة منقول من واحد صاحبى ويصراحة كنت عايز اخد رايكم فية




اهلا يا حماعه
منورين منتداكو
النهارده انا عاوز اعمل موضوع شاغلنى من فتره ومكنتش عارف اجمعه
بس الحمد لله حددت النقط اللى كنت عاوز اعرضها عليكوا

حد فيكوا شاف الاعلانات بتاع كوكا زيرو
اعلانات زى العسل
انا ماليش دعوه بالمقاطه دلوقتى انا بتكلم على الاعلانات

انا بصراحه فيه اعلانات بتشدنى جدا وبتبقى لذيذه ودمها خفيف

عموما اللى شاف منكو الاعلان بتاع كوكا زير
فكرته ان كان مستحيل انك تعمل كوكا من غير سكر وبنفس طعمها الاصلى والافشخنات اللى مالناش فيها دى
فبيقولك بقى حياتك تبقى ازاى مع كوكا زيرو
اكيد هتحصلك حاجات مستحيله
من الحاجات المستحيله دى
انك تبقى خاطب ياسمين ومصاحب دينا

انا اللى يهمنى فى الاعلان كله اللقطه بتاعه الواد وهو قاعد فى السينما
وياسمين بتشربه من الكان اللى فى ايديها على جمب
ويروح يمسك ايد دينا على الجنب التانى

شوفتوا ياسمين ودينا

ايه الفرق بينهم؟

ياسمين
بنت زى القمر
جمالها هادى كده
وطيبه باين عليها
طيبه وهبله كمان
وبتحب الواد خطيبها ده
شكلها كده بتعرف تطبخ وبنت ناس وبتبح تاكله كمان

انما نيجى نبص لدينا

البت جامده جامده بصراحه
صاروخ من الاخر
مش باين على بصتها انها طيبه خالص
خبره البت كده من بصتها
موافقه عادى انها تمشى مع الواد بكل بساطه كده وتمسك ايده مفيش اى مشاكل
ولو ما اتجوزناش مفيش مشكله
خيرها فى غيرها
المهم ننبسط

النقطه بقى اللى انا عاوز اوصلها
وهى الرساله اللى انا عاوز اوجها لكل البنات

ليه الواد دا
خطب ياسمين
وصاحب دينا
ومجابهوش خاطب دينا
ومصاحب ياسمين

بغض النظر طبعا عن فراغه عينه لانه قاعد مع الاتنين
ودا موضوع تانى خالص بان الولد مش بيكفيه بنت واحده

خلينا بس فى النقطه دى
دايما الولد لما بيحب يعيش
ويمشى ويصاحب
بيدور على دينا
هى فعلا اللى بتليق بالمشى والصحوبيه

انما لما بيجى يختار شريكه حياته ويتجوز
بيتجوز ياسمين
لان هو دا النوع اللى بيستح يشيل الاسم
ومش بيتخاف منه
وبيبقى الواحد واثق فيه

رساله الى كل بنت
تحبى تكونى دينا؟
ولا تكونى ياسمين
اختارى القرار يرجعلك انتى بس

طبعا احب اكون ياسمين
وبجد بحييك على رايك الجامد ده

شكرا على صراحتك الجميلة واكيدبنات كتير تحب تكون ياسمين بس صدقينى فى بنات بردة بتبقى دينا وانا شوفت كدة مش عارف هما لية بيحبو كدة

نشفت ريقى على بال مافهمت انت عايز ايه من الاعلان
اكيد طبعا ياسمين تكسب
شكرا على موضوعك الجميل

طيب لو كل البنات اختارت ياسمين دينا دى موجوده ازاى مابينا

هههههههه انا بجد اسف يا دكتورة بس واللة دة موضوع واحد صاحبى بس قولت اخد راى البنات هنا بس بردة انا احب اقول ان دينا دى ممكن تكون للتسلية بس انما اللى تتحب بجد تبقى ياسمين

انا الحمد لله اخترت من زمان اكون احسن من ياياسمين
بس انتوا ياشباب بتحبوا دينا
ومحدش يقول لالالالالالالالالالالاء لان الكلام ده مش مظبوط
هقولك زملائى اللى من نوعية دينا هما اللى اتجوزوا ونوعية ياسمين قاعدين فى بيت اهاليهم مع انهم محترمين جدا وعلى قدر من الجمال عالى جدا
عرفت ليه نوعية دينا كتير لان البنت الممممحترمة دلوقت بقت مش بتعجب وهى عايزة تعيش حياتها وتحس انها انثى احساسها الطبيعى بقت تغير من اخلاقها وشكلها وطبعها عشان تعجب

لا واللة انا عن نفسى لو لقيت يا سمين عمرى ما هضيعها من ايدى ولو فى شباب كدة صدقينى واللة مش كلهم وبالعكس ياسمين هى اللى مبتقدش فى بيت اهلها لانها فعلا هعى اللى تشرف انما دينا دى يدوب اخرها تتصاحب ومع الشباب اللى عايز يتسلى بس

البنت لو واثقة من نفسها مش هاتحاول تبقى دينا
وتغير من نفسها ومن اخلاقها علشان تعجب
وبعدين تعجب مين! تعجب حد مشدود للمظهر مش الجوهر
لو هى فعلا بتفكر صح مش هاتغير من نفسها علشان حد مايستهلش
واكيد فى يوم من الايام هتلاقى حد يستحقها بجد.
حد يعرف الفرق بين ياسمين و دينا!!!!!!!!!!!!!

لا طبعا مفيش ولد دلوقتى مش بيدور على تسليه زى دينا
و لما بيجى يتجوز استحاله هيفكر فى امثالها وهيفضل ياسمين
بس المشكلة بقى انتى ليه تقبلى بواحد كان يعرف دينا وامثالها قبل كده؟

يا جماعة واللة كلامكم صح بس لو فى واحدة لقت واحد كان بيدور على دينا دى ولما شافها اتغير علشانها المفروض انها تديلو فرصة بس المهم يكون اتغير بجد وصدقونى واللة فى ولاد كتير بيدورو على ياسمين لان بجد هى دى اللى هتشرفو قدام الناس وصدقونى لو لقيوها عمرهم ما هيتخلو عنها ابدا

انا معاكى ان مفيش ولد مش بيدور على التسلية وان اغلبهم لما بيجوا يتجوزوا بيفضلوا ياسمين
وكمان مع تايتنك انه لو اختار ياسمين عن حب يبقى مستعد انه يغير حياته وميفكرش انه يمشى تانى مع حد زى دينا
ولازم ياسمين توافق لكن لو اختارها لمجرد انها هى اللى هاتشرفوا يبقى لازم ترفض طبعا لأنها هتبقى بالنسبة
ليه المشرفة اللى لازم تظهر معاه قدام الناس لكن دينا هتبقى لسه فى حياته كتسلية يعنى.

انا مش قصدى انها تشرفوا قدام الناش كشكل وخلاص انا قصدى انة يبقى فخور قدام اى حد وقدام نفسه قبل الناس ان قلبه اختار دى وان عمره ماهيلاقى غيرها انما اللى بيدور على الشكل بس يبقى مايستهلش انها توافق علية

شكرا على التوضيح يا titanic
وعلى العموم احنا متفقين ان لازم يكون فى حب قبل الموافقة.

وانا هبقى سعيد جدا لو شوفت مشاركاتك دى من وقت للتانى

انا ماحبش انى اكون دينا ولا ياسمين دينا مقضياقها وما يفرقش معاها حاجة خالص وده مش صح كاسلام وياسمين كويسة وطيبة بس ما نقتش صح انا ايه اللى غاصبنى آخد واحد عينه فارغة زى اما انت قولت وبعدين كل اللى انت قولته ده حاجات جوهرية من بره بس بس برضه الاعلان محددش مثلا اذا كانت ملتزمة ولا لأه وأظن ان هى دى الحتة الفاصلة اللى تخليك تختار البنت علشانها ومفيش حد من الولاد ينكر النقطة دى الاعلان مركز على الناحية الجوهرية فقط لكن من ناحية الالتزام والحجاب 0000000000الخ ما ركزش عليه ومن وجهة نظرى هى دى الحاجات الاساسية اللى تقدر تحدد منها انهى واحدة اى شاب عايزها

انتو عارفين فيه مشكلة اكبرمن دى وهى ان دينا دى عايزه اللى ياخد بايديها عشان تبقى على الاقل زى ياسمين بس ازاى ماعرفش ربنا يهدى البنات والولاد ويبقى مفيش حاجة اسمها دينا بينا خالص يارب

انا ماحبش انى اكون دينا ولا ياسمين دينا مقضياقها وما يفرقش معاها حاجة خالص وده مش صح كاسلام وياسمين كويسة وطيبة بس ما نقتش صح انا ايه اللى غاصبنى آخد واحد عينه فارغة زى اما انت قولت وبعدين كل اللى انت قولته ده حاجات جوهرية من بره بس بس برضه الاعلان محددش مثلا اذا كانت ملتزمة ولا لأه وأظن ان هى دى الحتة الفاصلة اللى تخليك تختار البنت علشانها ومفيش حد من الولاد ينكر النقطة دى الاعلان مركز على الناحية الجوهرية فقط لكن من ناحية الالتزام والحجاب 0000000000الخ ما ركزش عليه ومن وجهة نظرى هى دى الحاجات الاساسية اللى تقدر تحدد منها انهى واحدة اى شاب عايزها

شكرا على التوضيح يا طماطم بس ياسمين محترمة وفيها كل الصفات اللى يتمناها اى شاب ولو العيب فى حد هيبقى من الولد لازم يقتنع بواحدة مش تسلية هى لو عايز دينا خلاص يفضل طول عمرة كدة احسن ولو عايز حد يحافظ عليه ويبقى مخلص له طول عمره يبقى لازم ياخد ياسمين وميبصش لدينا دى خالص وصدقينى انا شوفت فى حياتى نمازج لدينا دى واللة طيبة من جواها بس .. عايزة اللى يغيرهاوشكرا بجد على مشاركتك الجميلة دى

طيب ليه دايما بندى الحق للولد انه يعرف مية دينا وفى الاخر يختار اللى هو عايزة؟
هو مثلا غلط على البنت والولد لا ولا الشرع حرمه على البنت والولد لا؟

ههههههه واللة انا مقولت كده بصراحة اان رايى لو الولد اخلاقه كدة يبقى ما يستحقش يختار واحسنه يقضى بقيت حياته كدة

انت دمك خفيف تايتنك انا طبعا عجبانى ياسمين انا بشوف كل يوم بنات كتير زى دينا و مش بيعجبونى بس للاسف دول اكتر وانت بتقول ان الولد بيبقي طبعة كدة وعينة فرغة بس انا عمرى ما هرتبط بواحد يعرف عليا ممكن اسالك سوال انت من الولاد دول و لا لأ انا على فكرة اول مرة اشارك فى المنتديات و عجبتنى موضوعاتك اوى

اولا شكرا على مشاركتك الجميلة
ثانيا تصدقينى لو قولتلك ان اول بنت اكلمها كان فى الجامعة انا على فكرة فى اولى ورايح تانيةوكان كل اللى بينا او بينى وبين اى بنت زمالة وبس ويوم ما هخطب بنت عمرى ما هكلم حتى بنت تانية وهفضل مخلص ليها طول عمرى لانها تستحق كده

يا عم انت بردو كده ما علينا المهم انت بتقول انك فى الجامعة بقى الموضيع بتاعتك بتاعة واحد فى الجامعة انت كبيرك رايح 2 ثانوي مش 2 جامعة اصلك شكلك مراهق من موضوعاتك سورى متزعلش منى اوك لو سمحت انا عايزة نبقى اصدقاء كلمنى على الميل ok

انا بس عايز اوضحلك نقطة انا لما بكتب مواضيع بكتبها وانا عارف انها ممكن تهم الشباب اللى فى المنتدى وصدقينى موضوع اوقات فراغ انا لفيته مكتوب بصيغ تانية فى منتديات تانية كتير مش ممكن يكونوا كل دول مراهقين وبعدين طب ما احنا لسه فعلا فى مرحلة المراهقة يعنى مش جديد وبعدين ما انتى كنتى قولتى ان مواضيعى عجبيت
وممكن عادى نبقى اصدقاء ok

اولا موضوعاتك حلوة بجد بس انت كتاب عن الحب و بتقول مش ليك علاقات مع البنات الا الزمالة بس كلامك فى المواضيع يؤكد انك ليك علاقة انا مش بهجمك بس بنأشك ياريت مش تزعل

انا فعلابحب واحدةبس مش معايا فى الكلية بس يعنى عارفين بعض بس مفيش بيناكلام وهى متعرفش ونفسى اقولهابس مش عارف وهوده اللى تاعبنى وبعد كده كل علاقاتى مع البنات فى الكليةواللةزمالة بس انامش مجبر يعنى انى اكدب ولا اية

انا مش قلت انك بتكدب و الله خالص لو كلامى هيديأك انا مش هكلمك خالص و لا هشارك فى مواضيعك

انتم سخنتم ليه اكيد كل واحد وليه زميلة وكل بنت وليها زميل بس كل حاجه لازم تكون ليها حدود

وشىء جميل ان الانسان يخلص للانسان اللى بيحبه

واللة العظيم انا مش قصدى انى اضيق انا بس كنت عايز اوضحلك وجهة نظرى يا جماعة احنا بنكلم مش بنتخانق انا مش قصدى ازعل اى حد وانا بكون بجد سعيد بمشركاتك ياريت متزعليش منى