انا مشكلتى متشابهة من مكشلة هنا بردة بس انا بشوفها كل يوم ومش بقدر اقولها وحاسس انى لو روحتلها هقف ومش هعرف انطق ولا اتكلم وكمان هى مؤدبة جدا وادبها اللى مخلينى مش عارف اقولها وهى عارفانى بس مفيش بنا كلام وبجد انا بموت كل يوم لما اشوفها واحس انها ممكن تضيع منى وهى لو ضاعت منى انا عمرى ما هلاقى زيها فى الدنيا تانىوعمرى ما هحب حد تانىواللة تعبت ومش عارف اعمل اية

بص لازم تاخد خطوة ايجابية مش هتستفاد حاجة وانت كدة

انت روح كلمها ولو وافقت ماشى ولو ما وافقتش خلااااص

لازم تحدد موافقك من دلوقتى مينفعش تكون متعلق كدة وفى كلامك ليها اثبت اها انك مش بتتسلى وقولها انها ممكن تعرف اهلها وانت تتكلم معاهم وكدة يعنى

وربنا يوفقك ويا رب تكون ليك

شوف حضرتك بتقول انها محترمة

خلينا كده نشوف الحالات الاتية :

الحالة الاولى:
لو انت رحت واتشجعت وقلت ليها مثلا وهى تجاوبت معاك ..بعدها حتحبوا بعض باه وحتعيشوا قصة حب بين اثنين فى الجامعة
وهى لو اتقدم ليها عريس فى الفترة ديه طبعا مش حتقدر تقول لاهلها لا
وبكده تعيشوا عذاب الحب

وطبعا حضرتك لسه ما تعرف بعد الدراسة حيكون ظروفك ايه فى الشغل
ده طبعا غير ان التواصل اصلا بينكم من غير رابط شرعى ده حرام يعنى كده احنا بنعمل ذنب

فنصيحتى فى الحالة ديه انك ما تقرب ليها واكتفى انك تدعى ربنا واعرف ان كل حاجة قسمة ونصيب وبخاصة فى الزواج


فى الحالة الثانية :
لو انك اتشجعت ورحت ليها ممكن هى تصدك .علشان زى انت ما بتقول انها محترمة
وممكن فى الحالة ديه تبقة انت عندها فى الخانة السوداء


الحالة الثالثة وده رايى الشخصى :
خليك مع ربنا وما تعملش حاجة تغضبه واستحمل وادعى ربنا انها تكون ليك
واعرف ان ربنا ان شاء الله حيقدم ليك الخير
لانك رضيت ربنا .فان شاء الله ربنا يرضيك

اتمنى اكون افادتك
وكلامى تقريبا عن تجربة

بجدشكرا يا جماعة على الردود دى بس انا بقول لهيما انا واللة لو رحت اكلمها هفهمها انى مش عايز اتسلى واللة بس عايز اعرف رايها لو اتقدمتلها فى يوم من الايام

الحالة الثالثة وده رايى الشخصى :
خليك مع ربنا وما تعملش حاجة تغضبه واستحمل وادعى ربنا انها تكون ليك
واعرف ان ربنا ان شاء الله حيقدم ليك الخير
لانك رضيت ربنا .فان شاء الله ربنا يرضيك

مع احترمى لرايك طبعا انا مش قصدى انه يغضب ربنا

بس لازم يعمل خطوة ايجابيه ولازم يعرفها انه بيحبها علشان لو فضل كده مثلا ممكن تكون هى مرتبطة مثلا ماحرام انه يعلق نفسه على الامل لازم يعرف منها الاول


وبالتوفيق ان شاء الله

بص يا titanic انت لازم تقوى قلبك وتاخد خطوه ايجابيه يعنى حاول مثلا تقرب منها شويه يمكن تحس ان فى تجاوب
وربنا معاك انشاءالله خيييييييييييييييير

شكرا بجد يا جماعة على اراكم وبجد فعلا لازم اخد خطوة ايجابية عشان متروحش منى لان بجد هى حياتى وبردة مش هعمل حاجة تغضب ربنا لان واللة كل الحكاية ان عايز اعرف رايها بس وهتقدملها رسمى

ربنا معاك ويا رب تلاقى اجابه تريحك
طالما انت ناوى خير انشاءالله هتلاقى خير

بجد شكرا على كلامك واكيد هعمل بية

جمد قلبك يا titanic
وربنا يوفق الجميع ويهدى كل عاصى

شكرا يا احمد على مشاركتك الجميلة

لو انت قد الكلمة دى فعلا وحاسس بيها ومتأكد انك عمرك ماهتندم فى يوم انك قولتها روح وادخل البيت من بابه منتاش قدها وعارف ان ظروفك متسمحش انك تقولها وتتقدملها يبقى السكوت أكرملك وأحسنلك وعلى رأى المثل " اللى من نصيبك يصيبك"

بص انت بتقول انها محترمة يبقى أكيد مسلمة أمر زى ده لأهلها هتقولى يعنى ايه هقولك يعنى هتقولك تعالى اتقدم رسمى ولو أهلى وافقوا أنا موافقة لو موفقوش يبقى مفيش نصيب وساعتها يبقى انت كده عرفت راسك من رجليك

انا واللة عايز اخطبها رسمى بس اعرف رايها الاول ولو رايها زى اللى انتى قولتيه ده اعمل اى حاجة فى الدنيا مهما كانت صعبة عشان متروحش منى وعمرى ما هتخلى عنها فى يوم

بص انا بوافق بسمة فى الكلام بتعها وانتا المفروض انك تعمل الاى عليك

اكيد وعمرى ما هتخلى عنها فى يوم

اتمنى انك تكون قولتلها
وقلبك ارتاح بردها وفرحت بيه

ربنا يخليكى يارب ومنتحرمش من مشاركاتك

بص انتلزم تعمل حاجة عشان اكيد هى حاسة بس هى مش هتقتد تتكلم عشان هى بنت
بس اتكلم معاها قبل مضيع منك

عمرى ما هسيبها تروح منى

انا من رايي تايتنك تروح و تكلمها لانت كدة بتحبها بجد بس من كلامك انت حاسس انها ممكن تصدك بس جرب و ال فى الخير يادموة ربنا

لأزم تقولها
وان شاء الله رد فعلها ىكون اللى انت مستنيه
انما هتفضل تبصلها لحد متضيع من اديك وبعد كده تغنى ظلموه
ربنا يوفقك

titanc بتحبها اوى كده انا عمرى ما شفت حد بيحب كدة بجد يا بختها بيك

لما الواحد يلاقى اللى قعد طول عمره يدور عليه لما يلاقى ينفع يفرط فيه

اوعى تسبها روح قلها
ربنا قال انى الى بيحب حد يروح يقله
روح قلها ومش هتندم

عمرى ماهستغنى عنها مهما حصل وعمرى ما هسيبها

انت مشيت ونسيت قلبى معاك ولا عارف بس ازاى هنساك دا انا حتى بتنفس هواك وكل ما فيا سيبتو معاااااك

شوف بقى نصيحة من اختك الصغيرة انت لازم تكلمها وتفهمها انك مش عايز تتسلى لان اصعب حاجة لما تضيع حد بتحبة من بين ايدك
انا حصلت معايا بس كان مع بنت طبعا
اقلها و ان شاء الله مش هتندم

شوف بقى نصيحة من اختك الصغيرة لما تحب حد اوعى تضيعه من ايدك لانة بيبقى احساس صعب جدا
انا حصات معايا بس مع بنت طبعا
روح اقولها و ان شاء الله مش هتندم

ماشى هوح اقولها وهى اكيد هتحس بيا لانى بجد مش عايز والله اتسلى