بسم الله الرحمن الرحيم



بقول يااحلى بنات





يا صاحبات الجمال العفيفات

اللاتى لم يتزوجن الانسات




واللاتى تزوجن اى المدامات







الى صاحبات القلوب الوفيه المتلالات




المخلصات الوفيات





من الاخر كده




اليكن انتن يا كل البنات








اولا ازيكم يا احلى بنات




انا جيبالكم موضوع جديد وحلو عشانا احنا البنات



ممنوع دخول الشباب







هما ليهم موضوعاتهم واحنا لينا موضوعنا





حنتكلم فيه مع بعضنا





وعن نفسنا ومشاكلنا احنا كبنات مهما صغرت او كبرت




هااااااااا اتفقنا حتسالوانى مشاكل زى ايه




مثلا العنوسه وتاخر سن الجواز




هوس الموضه والمكياج




مشكله المطبخ للبنات




هاااااااااااااااااااا




فهمتونى يالا بينا





نقول راينا عشان نبتدى بسرعه





يارب تكون الفكره والموضوع عجبوكم


وبتدى بمشكله المكياج وهوس الموضه والمكياج عندنا احنا كبنات ايه رايكم فيه وبصراحه



هااااااااااااااااااااااااااااااااااااااااااااااااا اا


مستنياكم

ليه بس محنا كويسن!! هو ينفع نشارك فى مشاكلكو ومتقوليش ليهم مواضيعهم ولينا مواضيعنا ههههههههههههه

حبيت اطل وخلاص ________________ متخافيش هبقى اطل واحاول احل معاكو ,, سلام بقى

helal

ع

الاصل دور

اهلا بيك ونورتنى يا هلال وطبعا شىء يشرفنى وجودك ومشاركتك وانا ما اقصدش ازعل حد والله

موضوع جامد وشكرا اوى على الموضوع الجميل ده



ومتزعليش يا ضوء القمر

ليه كده ما احنا ولاد وبنات مع بعض واحنا هنحاول نحل معاكم مشاكلكم
وبجد نايس توبيك

اهلا بيك تاتاومنوره الموضوع بس ايه رايك فى فى المشكله ياريت تقولى رايك فى موضوع المكياج والموضه منتظراكى .واهلا بيك معايا عاشق نورتنى ونحب نسمع رايك فى مشكله المكياج والموضه هااااااااااااااااااااا اتفضل منتظرين رايك .

بصى يا ستى البنات فعلا مهووسين بالميك اب وبصراحه بقينا بنشوف حاجات اخر جنان يعنى مثلا اتفرجى ع البنات وهما نازلين الصبح هتشكى هما رايحين الجامعه ولا مكان تانى وعموما ربنا يهدينا كلنا

نورتينى لفلى وهو فعلا المناظر اصبحت غريبه اوى وبصراحه بنشوف مناظر اغرب وده كان سبب اثارتى للموضوع عايزين ننبه البنات مش اكتر للموضوع . يعنى انتى ضد المكياج وهوس الموضه صح والا ايه نورتينى يا قمر والله

بصراحه انا مبحبش البنت اللى بتحط ميك اب وحبيبتى كانت بتحط احمر شفايف خليتها تبطله انا مش عارف هى شكلها والله اجمل من غير الميك اب بالاضافه انه بيبوظ البشره معلش اذا كنت اتشديت شويه بس انا خدت اسبوع مكلمش حبيبتى علشان موضوع الميك اب بس الحمد لله رجعنا تانى خلاص

بس الموضه دى دماااااغ خاالص فى موضه مهووسه خاالص وفى موضه بتخلى البنت شيك وقموره

شكرا ياقمر على الموضوع الجميل ده
وفعلا الموضة دلوقت مقرفة جدا والملابس كلها ضيقة قوى وعشان الاقى ملابس كويسة تطلع عينى
ده غير ان شكلها غريب
يعنى ممكن استخدمها فى تنضيف المطبخ

ميرسى يا جيسى
بس على فكره انا مش ضد الميك اب بس انا ضد انه يبقى اوفر او فى الجامعه يعنى ممكن يبقى فى فرح او مناسبه
وعلى فكره انا بحييالعاشق الرومانسىعلى كلامه ويا ريت كل الشباب يفكروا زيه
تسلم ايدك يا جيسى

اولا شكرا ليك ياعاشق على رايك ووجهه نظركودى اكيد لها احترامها وربنا يوفقك ونورتنى .واهلا باحلى بنوته كاكى الجميله نورتينى ياقمر والله ورايك جميل اوى وتسلمى يا قمر وخليكى ديما هنا معانا مشاركانى ومنورانى .واهلا بيكى لفلى الجميله والله كل ارائكم جميله اوى وانا مبسوطه بمروركم الجميل واما عن رائى انا فانا رائى ان الموضه شىء لذيذ وحلو بس يعنى ايه الموضه الموضه بمعنى انى البس اللى يليق عليا ويكون مناسب ليا لدينى ولاخلاقى ولعادتنا وتقاليدنا ومجتمعنا مش التقليد الاعمى من الغرب وخلاص بدون تفكير وبالتالى يكون غير مناسب لينا وده رائى واسفه لو كنت زعلت حد .اما بالنسبه للمكياج افانا مش بحب احطه طبعا غير فى البيت وده لسببين مهمكينه اولا لانه حرام وفتنه للبنت وثانيا لانه كمان يعنى عيب من وجهه نظرى انا بس لكن احب احطه فى بيتى مع نفسى وابدع بقى ههههه يعنى.وبصراحه حنا كبنات مظلوم عدد كبير منا فى الموضه وتقاليعها لان المحلات بتفرض علينا ازواقها بس معلش برضه يا بنات حنتعب شويه فى اللف لكن حنلاقى المناسب ولو غلبنا وملقيناش نختار احلى واشيك اقمشه وننزل على احلى واشيك اتيليه ونفصل احلى وارق موديلات يعنى المناسبه لينا وده رائى واسفه على التطويل واسفه اذا كان رائى زعل حد ياريت ديما تنورونى وديما تشاركونى .

طب يا احلى بنات فى مشكله تانيه حبه اناقشها معاكم ايه رايكم فى مشكله العنوسه وتاخر سن الجواز ياترى مين السبب فيه وياترى الحل ايه من وجهه نظركم هل تقبلوا بان البنت تقبل تكون زوجه تانيه خوفا من العنوسه والا ايه رايكم ياريت تجاوبونى منتظراكم .

بالنسبه لموضوع العنوسه يا جيسى هو معقد جدا بس انا شايفه ان البنات والولاد مع بعض هما السبب وكمان الظروف الاقتصاديه ده غير تشدد الاهل وطلباتهم واللى معظمهم مش بيراعى ظروف الشباب وكمان معظم البنات لما بتشتغل وتنجح وتثبت نفسها مش بتفكر ف الجواز اصلا اما مساله الزوجه التانيه كحل فانا بجد مش قادره احدد ينفع ولا مش ينفع

متشكره على مرورك لفلى وعلى رايك بس احنا عايزين حل لمشكلتنا لانها كبيره ومهمه اوى نورتينى يا قمر

هى العنوسة دى مشكلة بس انا شايفة ان السبب فيها الشباب
اولا واخيرا

اهلا بيكى ياكاكى يا قمر نورتى الموضوع بس ازاى الشباب هما السبب فى موضوع العنوسه وازاى نقدر نوصل لحل للموضوع ده وهل انتى موافقه على الزوجه التانيه كحل لموضوع العنوسه


هااااااااااااااااااااااااااااااااا منتظره ردودكم

هااااااااااااااااااااااااااااااااااا يابنات رحتوا فين عايزه ارائكم عشان نوصل لحل لمشكلتنا

اهلا بيكى ياكاكى يا قمر نورتى الموضوع بس ازاى الشباب هما السبب فى موضوع العنوسه وازاى نقدر نوصل لحل للموضوع ده وهل انتى موافقه على الزوجه التانيه كحل لموضوع العنوسه


هااااااااااااااااااااااااااااااااا منتظره ردودكم

شكرا ياجميل
شوفى ياستى الشباب هم السبب لانهم بيختاروا فى الزواج بنات سنهم صغير اطفال يعنى ويسيبوا البنات اللى فى سن الزواج
والسبب ان الشاب معندوش ثقة فى البنت اللى وصلت سن النضج ويقول اختار اللى سنها صغير اربيها على ايدى واعودها على طبعى وبعد فترة من الزواج تبتدى المشاكل لان نظرة البنت بتتغير لانها كبرت وفيه حالات طلاق كتير بسبب الموضوع ده
واللى يخلى الشاب معندوش ثقة فى البنات تجاربه السابقة من ناحية وانفتاح البنات على المجتمع ده بيخلى الشباب يخاف مع ان ده بيعمل مشكلة كبيرة وهى العنوسة وحاجات تانية
وفيه حاجة كمان البنات بقت تفضل عدم الزواج لتدنى اخلاق الشباب مش كلهم طبعا ولعدم الثقة
فالبنت دلوقت بتفضل العمل والخروج عن طبيعتها وهو تكوين اسرة
مين السبب بقى فى كل ده
طبعا فيه الظروف الاقتصادية والاهل بس انا شايفة ان الشباب هم السبب

من وجهة نظرى لاء مش موافقة على فكرة الزوجة التانية
انا الاولى والاخيرة
ده لو فكرت فى الزواج

اهلا بيكى يا احلى بنوته والله بتسعدينى بردودك ومشاركاتك الجميله يا قمر المنتدى انتى واكيد طبعا وجهه نظر سلبمه وراى صائب ميه فى الميه واحنا طبعا مش بنعمم الراى على كل الشباب ولكن بعضهم بصراحه الشباب طبعا غلطان فى تفكيره ده مليون فى الميه والا ايه رايكم يا بنات .

وانا كمان معاكى يا كاكى انى لازم اكون انا الزوجه الاولى والاخيره وربنا يكرمنا ويفرح قلوب كل البنات يارب.


بس اكيد فى اسباب تانيه طبعا وعايزين نقولها كلها ونوجد لها مع بعض حل يا احلى بنات

كل ما فى الامر

ظروف الشباب

ثانيا\اهل البنت مزودنها شويه مثل

المواهل\طبيعة العمل العريس\وانا كنت واحد منهم

اولا نورتنا واهلا بيك فى موضوعى وثانيا لالالا البنات مظلومين بلاش تعمم وياريت تقول وتوضح رايك بالتفصيل وايه اللى حصلك بالظبط

كل ما فى الامر

ظروف الشباب

ثانيا\اهل البنت مزودنها شويه مثل

المواهل\طبيعة العمل العريس\وانا كنت واحد منهم

ظروف الشباب دى مش حجة قوية لان الواحد بيشوف نماذج غريبة بس طبعا مش هنعمم بس انتوا يارجاله بخلاء جدا
اما بقى المؤهل انا شايفه انه ضرورى لان الفارق فى المستوى الثقافى والفكرى بين الزوجين مهم
صحيح فيه ناس كتير مختلفين وسعداء بس نسبة قليلة وانتوا يارجاله فيكوا حتة العلو مش بتحبو الست احسن منكم او ثقافتها اعلى

طب يا احلى بنات فى مشكله تانيه حبه اناقشها معاكم ايه رايكم فى مشكله العنوسه وتاخر سن الجواز ياترى مين السبب فيه وياترى الحل ايه من وجهه نظركم هل تقبلوا بان البنت تقبل تكون زوجه تانيه خوفا من العنوسه والا ايه رايكم ياريت تجاوبونى منتظراكم .


مساء الخير


اسمحولي اشارك معاكم وارد على الموضوع دا


العنوسه ظاهره خطيره جدا بتهدد المجتمع بسبب كثرها واسبابها بترجع لطبيعه البلد والعادات والتقاليد وثقافه البلد دي

انا عندي عده اسباب في رأي

اولا فيه اسباب بتفرظها البنت واسرتها

ممكن يكون المغالاه في المهر مثلا

وكمان إصرار الاهل على امتلاك العريس شقه قبل الارتباط وبالطبع دلوقتي الشقق بقت غاليه جدااااااااااااا واسعارها فوق الخيال والشاب معندوش امكانيه طبعا

فيه بنات بتتشرط ان مرتبه مثلا يبقى كبير وهي مش مقدره انه في وظيفه حكوميه مثلا

فيه بنات عندهم شروط تخلي اي حد يهرب منهم بسبب التفاخر اللي هما عيزينه والمتعه اللي هما عيزينها مش مقدرين ان كل انسان على قده كل واحد وإمكانياته

دي اسباب من البنت

حتى الشباب بيحطه اسباب في نظري تافهه ولا ليها اساس اصلا

مثلا يقولك ايه

انها لازم تكون على قدر كبير من الجمال والا بلش مش عايز

تاني حاجه الحسب والنسب يعني كثير من الشباب يتجهون للإرتباط من بنت فلان أو قريبة فلان وذلك للتباهي أنه على نسب بفلان الفلاني

والحل في إيدينا هو العمل بقول رسول الله صلى الله عليه وسلم "إذا أتاكم من ترضون دينه وخلقه فزوجوه

دا رأي وشكرا يا ياسمين يا قمر

اهلا بقمر المنتدى الجميله نورتى الموضوع والله يا ميسره بس انتى ما جاوبتيش هل ترضى او توافقى على اختيار الزوجه التانيه من انسان ارمل او مطلق او متزوج كحل وللهرب من لفظ العنوسه منتظره ردك يا قمر

انا معاكى ياميسرة فى الكلام ده بيحصل
ده غير شوط والدة العريس ووالدة العروسة
ومن ضمن الحاجات اللى بضايقنى وتحرق دمى ان العروسة لازم تدخل بيت الزوجية وفيه 7 مراتب ليه مش عارفه

انا معاكى ياميسرة فى الكلام ده بيحصل
ده غير شوط والدة العريس ووالدة العروسة
ومن ضمن الحاجات اللى بضايقنى وتحرق دمى ان العروسة لازم تدخل بيت الزوجية وفيه 7 مراتب ليه مش عارفه

هههههههههههههههههههههههههههههههههههههههههه

تصدقي انا اول مره اسمع الكلام دا وبجد ضحكتيني

تسلمي يا قمر

اهلا بقمر المنتدى الجميله نورتى الموضوع والله يا ميسره بس انتى ما جاوبتيش هل ترضى او توافقى على اختيار الزوجه التانيه من انسان ارمل او مطلق او متزوج كحل وللهرب من لفظ العنوسه منتظره ردك يا قمر

اهلا بيكي انتي يا قمر

بصراحه انا مبحبش اهرب من حاجه انا بواجهه يا باسمين

استحاله اهرب من اللي بيقول عليا عانس انا حواجهه وفي الاخر انا حره

على العموم انا اقبل اكون الزوجه التانيه لو فيه اسباب مقنعه يا قمر غير العنوسه