|
هل صحيح الفرق بين الزوجين في السن يلعب دورا كبيرا؟؟؟؟؟؟؟؟؟؟؟؟
في موضوع شاغل بالي بقاله كتير و عاوزكم تجاوبوني 
بكل صراحة و إان شاء الله ما يكون مطروح من قبل يقال ان الفرق القليل بالعمر لصالح الزوجين لانهم بيكونو متفاهمين وبيفهمو بعض اكثر من الزوجين الى فرق كبير بينهم بالعمر هل هذا الكلام صحيح جاوبوني بصراحه انا في الحقيقة أشوف الفرق القليل اكثر مشاكل لانه يكون كل واحد يريد أن يفرض شخصيته على الاخر اما اللي بينهم فرق كبير بيكون الرجل ناضج وفاهم واعقل من المرأه بكثير إيه رأيكم يا جماعة أنتظر ردودكم مع تحياتي محمد القلب الطيب _________________ |
|
انا ليا صحبات ليهم قرايب متجوزين وفرق السن بينهم كبير جدا والحمد لله معندهمش مشاكل لان الزوجين موفرين لبعض السعادة والحب والامان وكل واحد بيضحى علشان التانى يفضل سعيد ومرتاح
بجد موضوع مهم جدا ومحتاجين اراء كتير فيه تسلم ايدك على الموضوع الرائع والهام ده |
|
ميرسسسسسسسسسي لردك
يااحلي بوسسسسسي كات في الدنيا وميرسي لردك يا قمر |
|
بصراحة انا من رايى ان فرق السن ممكن يكون عائق الى حد ما لكن لو اتنين فاهمين بعض ايه المانع مفيهاش حاجة
لكن انا بقول ان بصراحة كل ما كان فرق السن اصغر كل ما كان احسن لان هايزيد التفاهم بينهم وطريقة تفكيرهم هاتبقى قريبة اوووووووى من بعض ولو كان فى اتنين فرق السن بينهم كبير وعلى درجة كبيرة من التفاهم والتفكير القريب جدااااااااا ده افضل لكن لكل حاجة مميزاتها وعيوبها ولكل قاعدة شواذ واحب اوضح كلامك على ان لو سنهم قريب كل واحد هايفرض شخصيته على الثانى لو اتنين بيحبوا بعض مستحيل هى هاتفرض شخصيتها عليه والا ما كنتش ربنا قال فى كتابه ( الرجال قوامون على النساء ) وهى لو بتحبه هتمشيله كل كلمة يقولها لان ايد هايبقى فيها مصلحتها لو بيحبها وبيخاف عليها اعتد كده انى وضحت وجهة نظرى يارب اكون وضحتها صح وتكونوا فهمتونى صح شكرااااااااا ليك على موضوعك الرائع والمهم واتمنى رايى مايضيقش حد وتقبلوا مرورى |
|
انا من رائ ان لازم يكون فى فرق بين الزوجين
بس فى حدود المعقول من 5 _ 7 لان زى ماقلب قال ان الزوج هيكون ناضج اكتر ويتحمل مسؤلية وكمان لان الست من الحمل والولادة شكلها بيكبر اسرع من الزوج فلو هم فى سن واحد بيجيلك احساس ان الزوجة اكبر من الزوج وطبعا بالتفاهم كل العوائق بتزول بس المشكلة لو الست هى الى كبر هنا المشكلة |
|
بصراحه طب انا عايزه اسال سؤال يعنى اكبر من ها بقد ايه دى برضو تفرق كتير
بس بصراحه انا شايفه ان المفروض السن بنهم مش يكون كبير اووى يعنى بالكتير اووى يوم ما نقول كتير يبقى 10 سنين مثلا بس اعتقد برضو ان لما يكون السن قريب من بعض يكون احسن علشان يقدرو يفهمو بعض وفى الاخر ساعت القدر بيعمى البصر وده نصيب وقدر مكتوب |
|
ميرسي ياقلب ياطيب ع الموضوع الهايل ده
بص بقى............ :-انا رأيى ان فرق السن يكون كبير ..... مش أوي يعني عشان يكون في نضج أصل لما يكون في نفس السن..... أو أكبر منه بحاجة بسيطة بيبقى فيه تعامل بالند....... يعني العين بالعين,,,, والسن بالسن انا شخصيآ......... نفسي في واحد اكبر مني مش أقل من 5 سنين ..... ممكن اكبر من كده كمان ..... يعني ممكن يوصل ل 10 سنين مثلآ زي ماما وبابا الفرق بينهم 9 سنين وأختي وزوجها الفرق بينهم 8 سنين وخالتي وزوجها الفرق بينهم 13 سنة وجوازهم ناجح جدآآآآآآآ ومتكافئ جدآآآآآ وسعييييد جدآآآآآ عقبالنـــا ياااااااااااااااااااااااااارب |
|
هي بصراحه نقطه مهمه جدا واكيد طبعا فيها وجهات نظر كتير
بس انا من وجهة نظري ان فرق السن ده مش ضروري خااااااااالص اهم حاجه هي وجود الحب بين الزوجين والحب ده اكيد هينتج عنه تفاهم والحياه هتكون متعه بينهم واكبر دليل ياكد صحة كلامي ان الرسول صلى الله عليه وسلم تزوج من السيده خديجه وكانت اكبر منه ب 25 سنه يعني فرق كبير بس الحياه بينهم طبعا كلنا عارفين النبي ازاي كان عايش مع السيده خديجه وبرده في ناس كتير بيتجوزو وبيكونو قد بعض والحياه بتستمر بينهم وفعلا بيكون القدره على التفاهم مع بعض اكبر بس زي مانا قلت في الاول اهم حاجه هي وجود الحـــــــــــب وده فعلا اهم حاجه وطبعا انا قابلت شباب كتير من افكرهم انهم يتجوزو بنت اصغر منهم في السن وبرده في بنات بتقول انها لازم تتجوز واحد اكبر منها بس صدقوني زي مقلت اهم حاجه هي الحب والروح لان الروح هي الي هتفضل معاك لكن السن ده من رايي ملهوش علاقه بالجواز خالص بس طبعا في المعقول وياريت تكونو فهمتو وجهة نظري وشكرا على موضوعك |
|
السن القريب افضل عشان التفاهم لو سنهم كبير هتكون بنهم خلافات كتير الصغير عايز يعيش وينطلق والكبير كبر ومش بقي قادر ولكن عمر ما كان السن المتقارب يكوب فيه حاجه زي كده ولكن ممكن يكونوا متفاهمين ودي نادره انا ليا حد من قريبي جربت فرق السن ثم لتطلقت مش نفع يعيشوا مع بعض لاسباب كتيره
|
|
انا شايفه ان السن المنطقي من 4 الي 7
و ممكن لو زاد الي10مش وحش لانه هيكون فاهم ويدري بالحياه الزوجيه و مشاكلها و مرسي ليك استاذ محمد |
|
انا شايف ان اكتر من 8 سنين الحباة بينهم تبقى صعبة وشكرا ليك على الموضوع
|
|
ميرسسسسسسسسسسي لكل الاعضاء
|
|
الموضوع ده معدش بيفرق خالص الوقتى
المهم يكونوا متفاهمين وبس ميرسي علي التوبيك |
|
انا من رائي والله يا محمد ان الزوج يكون اكبر من الزوجه مش كتير اوي يعني
يعني انا اعرف ناس كتير جدا اتزوجو وهما قد بعض وكان في مشاكل لان دايما البنت بتبقي فكرها اعلي من الولد لو السن قريب دايما بيبقي في مشاكل في الاراء خاصة الازواج ذات السن الصغير المتساوي يعني انا مثلا افضل اني يكون زوجي اكبر مني لاني عايزاه يكون مصدر معلوماتي وبيساعدني داميا في قراراتي والمثل المشهور الصحيح بياكد كلامي اكبر منك بيوم يعرف اكتر منك بسنه يعني من الافضل ان يبقي في فرق سن وكمان ده حاجه حلوه للرجل علي فكره شكرا ليك |
|
اولا يا جماعه الموضوع عشان تبقوا فاهمين ان الراجل بيتجوز واحده اصغر منه عشان البنات بتعجز بسرعه عن الرجاله وياريت تكونوا فهمتوا قصدى اما فى حكايه التفكير وكده معروف ان الولد دماغه احلى من البنت الف مره والرسول عليه الصلاه والسلام قال فيما معناه ان النساء ناقصات عقل ودين وانا عضو جديد فى المنتدى وكليه علوم انشاء الله وياريت اتعرف على اى حد هنا يفهمنى موضوع الكليه هيمشى ازاى
|
|
مابلاش كلمه ناقصات عقل ودين دى
عشان انتوا بستخدموها مش فى مكانها خالص انتوا اللي عاقلين اوى |
|
مش فى مكانها ازاى يعنى وبعدين بلاش تدخلى فى حته انتوا اللى عاقلين اوى لان الكلمه دى مش باقولها عشان اتمنظر وافتخر بنفسى لا لان الكلام دى حقيقه فعلا منتظر ردك
|
|
انا شايف ان فرق السن مش عائق قدام الارتباط لكن اهم شىء التفاهم وعمر المخ اهم شىء لان ممكن حد يكون عنده 50سنة وتفكيره تفكير طفل وومكن العكس يكون فا المهم التفكير مش السن وطبعا فى نفس الوقت الفرق مش يكون كبير اوى يعنى مش فرق 20 او 30 سنة لا ممكن فى حدود 10 سنوات اوكى وشكرا على التوبك
|
|
مش في مكانها عشان انت متعرفش الرسول كان بيقصد بيها ايه وقالها ليه
انتوا بقه فهمتوها علي مزاجكم وكل واحد يجى يتكلم يقول ناقصات عقل ودين وفعلا بتقولها بكل فخر وبتبقوا فرحانين بنفسكوا اوى مش عارفه ليه !!!!!!!!!!!!!! |
|
والله دى وجه نظرك وانا احترمها وبجد فرصه سعيده انتى اتحاورت مع واحده بعقليتك يا همسات
|
|
وبعدين استنى صحيح فهمينى الاول الرسول قالها ليه ويقصد بيها ايه ومنكم نستفيد ياستى
|
|
انا بتهيئلى الفرق الكبير احسن حتى نحس ان احنا بنعامل راجل مش ولد عدى
|
|
ميرسسسسسسسسسسي لرد كل الاعضاء
|
|
وبعدين استنى صحيح فهمينى الاول الرسول قالها ليه ويقصد بيها ايه ومنكم نستفيد ياستى
ناقصات عقل عشان العاطفه عندنا تطغى علي العقل بس مش معنى كدا ان احنا مبنفهمش يعنى وانتوا اللى عباقره اما ناقصات دين بقه ابقي اسال فيها حد عارف وانت تعرف |
|
على فكرة الموضوع ده اتكرر كتير
وعلى معلوماتى والتجارب التى اراها امامى كثيرة جدا جدا ان يكون الزوج اكبر سنا من الزوجة بنسبة 90% بيكون ناجح جدا وزواج من يتقاربون فى السن او ممن فى سن واحد تكون المشاكل الزوجية كثيرة لاسباب تقارب التفكير والمستوى عامة فالزواج لابد فيه بربان يحكم قيادة الدفة وخبره وحكمة وكل هذا لايأتى الا بان يكون قد نال من الحياه بالكثير من من الخبرة وانظر حولك ستجد فى كلامى الكثير من الحقيقة مع تحياتى |
|
فرق السن يكون كبير.....مثلا من 5ال 10 سنين
|
|
انا رايي ان الفرق الحقيقي هو الي بيظهر في اختلاف الاراء او تباعد التفاهم والامور دي ليس لها علاقه بالسن علي الاطلاق بل بالعكس احيانا يكون ما يكونش في فرق في السن ونلاقي اختلافات بين الزوجين والعكس ,المهم التفاهم بين الاتنين ايا ما كان فرق السن المهم الحب والتفاهم والرسول عليه الصلاه والسلام خير من يقتدي به كان في فرق بينه وبين السيده خديجه كبير جدا ومع ذلك كانت له كل شئ وكان يكن لها من الحب الكثير وعشان كده انا رايي السن مش مهم ابدا انه يقف حائل في مساله الزواج دي
|
|
فرق العمر مش مهم ان شاءالله حتي عشرين سنه و للطرفين و خلينا نكون قدوه لرسولنا الكريم صلي الله عليه و سلم و الاهم هو التفكير و التفاهم و الحب
|
| مواضيع مشابهة: | ||||
| › من وجهــة نظرك .. ما هو فرق السن المناسب بين الزوجين ..؟! | ||||
| › حب الزوجين | ||||
| › شاهدت طفلين صغيرين في السن .. تساويا في السن ولكن ماذا فعلا ( حادثة عجيبة ) !! | ||||
