شايفاك متغير حالك ...
شايفاك بتقربلو ومش واخد بالك ...
هوانت نسيت إيه اللي جرالك ؟؟
مش إنت اللي حرمت تحب تاني ؟؟
مش إنت اللي وعدتني إنك مش هتخليني أعيد لوعتي بحبيبك الأولاني ؟؟
حبيبك اللي ياما خدعني بوعود وأماني ...
وفي الآخر سبني ورماني !!!
شايفاك لقلبو ابتديت تأمّن ...
ولحبّو خلاص قرّبت تسلّم ...
هوانت عايزني تاني أتجنن ...
من تاني وأرجع أتألّم ؟؟
عايزني أفضل العمر كله بجراحك ألمم ؟؟
ليه يا قلبي بتعمل كدا ؟؟
بتقولي عشان خاطري جربيه ...
دا أول قلب أحس بيه ...
صدقيني هيحبك وهتحبيه ...
ومش هتعرفي قلبو في يوم تسيبيه ...
وانا بصراحة ما عدتش قادرة أخبي شوقي ليه ...
ما عدتش عارفة أطفي النار اللي اشتعلت فقلبي لحظة ما عنيا جات في عنيه ...
ما عدتش قادرة أستحمل لهفتي عليه من ساعة ما إديّا جات في إديه ..
ما عدتش عايزة أداري شوقي ليه ...
وأنا من دلوقتي هنفز رغبتك ..
هروحله وهقربو منك ..
بس مش قبل ما توعدني إنك ...
مش هتتعبني لو بعد عنك ...
مش هتحرقني لو حب غيرك جمب منك ...
اتعهدلي إنو لو سابك هتسيبو ..
لو باعك هتبيعو ...
ولو خانك ختخونو ...
وهتعرفو حرج القلوب وفنونو ..