|
بسم الله الرحمن الرحيم
انا النهارده عايزه اسالكم سؤال مهم جداااااا 
هل ممكن ترتبط او ترتبطي بحد اتعرفت عليه ع النت؟ وايه هيكون ردك لما الناس تسالك اتعرفتو ببعض ازاي..هتكون عندك الجراه تقول ع النت؟ وهل هتكون ضامن انه او انها مش هتتعرف علي حد تاني بنفس الطريقه؟ ارجو المشاركه في الموضوع والرد بصراحه منقول |
|
انت ليه شايف ان الارتباط على النت حاجه عيب
انا اعرف ناس كتير ارتبطو على النت هوا يمكن معظم الكلام بيبقي فشنك وضحك على الدقون بس هوا برده مش عيب خالص ليه الكسوف من معرفه النت هوا مش عارفه من الشارع وحته بقي الثقه دى معتقدش ان الواحد ممكن يبقي واثق مليون في ميه من الى بيكلمه نيس توبيك |
|
انا فرايي ان موضوع النت دا جديد
اهم شئ فاي ارتباط النية الكويسة والاحترام موجودين فاي حتة يبقى تمام ومفيش مشاكل لكن لو في لعب ودا بيكون غالبا الشباب بيتسلى واغلب البنات بتفتكر جد |
|
طبعا اكيد لالا
|
|
التوبيك موضوعه حلو اوي ..... ورايي انه ممكن يحصل ارتباط من علي النت بس مش اي حاجه كدخ وخلاص كل واحد لازم يتاكد كويس اوي من الانسان اللي اتعرف عليه ويتاكد من حقيقه مشاعره ومن اخلاقه وانه انسان كويس ده ممكن يولد حب لان الحب مالوش مكان ولا زمان الحب ممكن ييجي في اي لحظه وباي وسيله.
|
|
شكرا علي مشاركتكم
|
|
جميل الموضوع بس محدش يعرف نصيبه فين ممكن واحد او واحده اول مره تدخل على النت
وتلقيها ويرطبطوا دا رايى ____________________________________ لا اله الا الله محمد رسول الله |
|
الله اعلم دة كلوا نصيب بس بردة لما تتعرف على النت مش بتشوف اللى بيكلمك وممكن اغلب الكلام كدب ومجتمعنا بيرفض الموضوع دة وبيعتبروا دة حاجة شاذة
|
|
انا برضوه رايى ان ارتباط النت صعب لانك مش شايف اللى بتكلمه وممكن يكون عايز يتسلى لكن لو عرفتوا بعض كويس ليه لالا اهو تعارف زى اى تعارف
|
|
اخواني بالله حبيت انا اشارككم هذا المقال
بالرغم باني كنت من مشجعين الارتباط عن طرق النت إلا اني الان ارفضه وبقوة شديدة وانا اضم صوتي إلا صوت اخونا والعضو في منتدانا Hossam Wagdy لابد من توافق ديني واجتماعي واخلاقي وخصوصا اجتماعي لان ديننا الحنيف لا يمنع من زواج المسلم من الكافر إذا كان النية هذا الزوج من الزواج هو دخول الزوجه للاسلام وإلا يبطل الزواج((حسبب ما فهمت )) اما بخصوص اجتماعي فمثلا انا مقيم في اللمملكة العربية السعودية ومن اصل عربي ولاكن عادت المملكة العربية السعودية لا تتوفق مع عادات البلد الذي انتمي إليه وانا شخصيا قد فكرت في الاتباط اكثر من مرة عن طريق الانترنت ولاكن في كل مرة اسحب نفسي بسسب العادات الاجتماعية اما التوافق الاخلاقي : انا في رائي الشخصي ان الفتاه الذي تكلمك تكلم غيرك وايضا ما من شاب يكلمك إلا يكلم غيرها فاي اخلاق هذه شكرا واسف على الاطالة واتمنا ان ما اكون جرحت احد |
|
انا بشوف ان صعب ان حد يرتبط بحد ع النت لان معظم الشباب بيدخلوا نت من باب التسليه وبماان اى ببنت بتفرح بالكلمه الحلوه فهما بيلعبوا ع النقطه دى وغير كل دا مش هيبقى فى ثقه متبادله مابينهم مفيش حد فيهم هيضمن التانى انه عمل كدا مع حد قبل كدا .
بس ممكن يحصل تعارف ع النت دا فى حاله انهم هيتاعملوا ع الطبيعه كتير يعنى اقصد معظم الكليات بيبقى ليها منتدى ممكن واحد يتعرف بواحده من المنتدى وبعد كدا هيتكلموا فى الكليه هيكون النت كوسيله للتعارف سورى على الاطاله |
|
أنا أتعرفت على بنت على النت
و وعدتها بالزواج و أنا عند كلمتي و خلاص |
|
انا من رايى انو مش ينفع ان واحد اوواحده يرتبط من عالنت لاننا مش ضامنين اننا هنتعرف على حد كويس او انو مش بيكدب
ومن ناحيه تانيه انو اكيد ان اخرة الارتباط خطوبه وزواج صح؟ يبقى هتقولى ايه لاقاربك العريس ده جاى منين وعرفيه منين ده رايى مرسى عالموضوع |
|
أنا أتعرفت على بنت على النت
وحبتها وحبتني بس الظروف كانت معاندانا وشكرا علي الموضوع |
|
موضوع جميييييييييييييييييييييييييييييييل جدا
بس انا عن نفسى صعب جدااااااااااا انى ارتبط بحد من النت لان معظم اللى بتكلموا على الشات مش بيكونوا صرحه مع بعض ده رأى وطبعا ده نصيب بس مهما كان انا لايمكن يكون ارتباطى بحد من الشات |
|
انا شايفه ان اللى ع النت بشر برضوا من حقهم يحبوا ويتحبوا
وممكن بس لو كانوا صادقين مع بعض من الاول طبعا |
|
انا رايي انه النت وسيلة للتعارف زيها زي اي مكان تاني ممكن تبقي مساحه للاعجاب باللاسلوب والطريقة في الكلام بس حب ده مش هيجي غير بمواقف وجها لوجه يعني لو جاتلهم فرصة انهم يشوفو بعض ويتكلمو ويتعرفوا اكتر ساعتها يبقي ليه لا ؟؟ وبعدين فكرة ان الشباب بتتسلي بالبنات علي النت ده ممكن يحصل في مكان علي النت وفي الجامعه وفيغيره ونفس الفكرة فكرة ان البنت اللي تكلمك علي النت بتكلم غيرك برده ده ممكن يحصل في مكان المهم الاخلاق وبعدين اول ماترتبطو بيبقي في شروط وقيود وانت او انتي بتحسو اذا كان اللي ؤدامكو صادق ومحترم او لاء ومرسي ياقمر علي التوبيك
|
|
انا مع فكرة الارتباط من على النت لان انا فعلا مرتبطة من على النت و موضوعى ناجح جدا جدا بس مش ينفع مثلا واحدة ترتبط بواحد على النت و يفضل العلاقة بينهم من غير اى خطوة رسمية ده بيكون اسمه لعب عيال و فى ناس كتير بيدخلوه النت اشتغالات بس برضه فى ناس بيدخلوه و بيتعاملوه بجد بس لازم الواحدة تاخد بالها لانه فى يوم من الايام حيقلها دخلتى الشات و كلمتى مين و قلتلهم ايه؟وحيبتدى الشك من هنا؟؟؟؟؟؟؟؟؟؟
|
|
يسلمو موضوع جامد فعلا ومحتاج المناقشة بجد وفعلا كل واحد بياخد نصيبة مهما عمل]
|
|
اه ممكن يكون فى أرتباط بس لو لقيت نصك التانى واتأكدت أنه حب وأرتباط بجد مش هبل ومع التطور النت بقى وسيله للتعارف
|
|
من وجهه نظرى بالنسبه لى عادى
بس احب اضيف حاجه احنا هنا بنتكلم بصراحه اكتر الاشخاص بتوع الشات كلهم بيكدبوا عنى اللى من بلد بيقول انه من بلدانيه وانا شفت ناس كتير من دى النوعيه |
|
ياجماعة النت وسيلة تعارف
زى اى وسيلة تانية والواحد لما يحب مبيهموش نت ولا مش نت اهم حاجة الاحترام والصراحة انا شايف ان الارتباط من على النت عادى خالص |
|
فعلا موضوع مهم ويستحق المناقشة
هو فعلاممكن يحصل حب من على النت احنا ساعة مابيحصل الحب مبنفكرشى بعقلنا وقتها وهو الحب بيجى فى اى وقت واى مكان بس انا شايفة ان فكرة الإرتباط دى صعبة شوية بسبب المجتمع والناس ومعتقدتشى ان الطرفين هيقدروا يوجهوا المجتمع ويصمدوا قدامه لفترة طويلة لازم هيجى يوم ومش هيقدروا يكملوا نايس توبيك |
|
الموضوع ده ياجماعه موضوع كبير ومحتاج فعلا اراء
الموضوع ده حصل منه مشاكل كتييييييير لبنات وشباب وانا عن نفسى بيحذر من اى حد يفكر انه يرتبط من النت |
|
موضوع حلو اووى وشيق
وانا شايفة انه ممكن يحصل ارتباط عن طريق النت لانها زى ماكتير قالوا وسيلة من وسائل التعارف فى وقتنا الحالى وحكايه ان ممكن يكون حد من الطرفين مش كويس او بيتسلى ده بردك بيحصل فى الحقيقة يعنى لو جبت واحد من ع النت وواحد تعرفيه من اى حتة تانية مش هتلاقى الفرق كبير الفرق ان ده بيتسلى بيكى وجها لوجه والتانى بيتسلى بمجرد كلام وفى كل حتة هتلاقى الكويس والوحش |
|
يا جماعه بجد انا في مشكله اني فعلا بحب من النت وحبصادق وهوه بيحبني بس للاسف اما اخواتي بس عرفوا حصلت مشاكل وان اهلي لا يمكن هيوافقوا على الفكره اساسا وتعبت كتيييييير وملقتش حل غير اننا نسيب بعض لان ان كان ده صعب بس هوه مش قادر يفهم ان فيه الاصعب ال ممكن تكلفني حياتي ومستقبلييييييي وانا في كليه طب يعني انا بجد تعبانه وهتجنن حد يساعدني هل ده فعلا الحل ؟؟؟وان مكنش ايه ممكن اعمله وانا عارفه اني اصلا لا اجرأ اني اقول ان العلاقه من النت ده غير اننا احنا الاتنين اه في مصر لكن في بلد غير التانيه وجامعه غير التانيه ولسه في سنه 2 يعني مش عارفه بجد وخلاص اخواتي بقوا عارفين كل حاجه ومنعوني كتير وطبعا لا يمكن هخسر اخواتي او اعصى اهلي واسفه على الاطاله والله الموضوع ده بجد هو سبب تسجيلي لاني محتاجه بجد اجابه وهل ال عملته هوه الصح ولا
|
|
انا شايف ان الجواز عبر النت مش عيب لان في ناس صحابي اتجوزوا من عالنت ونرجع في الاخر ونقول مش عيب
|
|
يعنى انتى يا اسيرة ممكن ترتبطى من على النت؟؟؟؟؟؟؟
لو هترتبطى يبقى نتعرف علشان بجد نفسى احب و اتحب بجد |
|
هههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههه ه بجد انا مش بهرج يا اسيرة |
|
بصوا هو انا فى الاول كنت رافضة الفكرة دى ومكنتش متخيلة انها ممكن تحصل لكن عن طريق الصدفة اتحط قدامى واحد وحبنى جداااا واقنعنى كتير انه فى الاول وفى الاخر نصيب وانه مجرد وسيلة للتعارف وانه كان ممكن يقابلنى فى الجامعه او فى الشارع او فى المواصلات يعنى فى اى مكان وقد كان يعنى بس
بلاش بقى اكمل النهاية بس عموما هو مش فيه حاجة هو دة نصيب وفى كتير ارتبطوا من النت واخرهم كان فى شهر 7 اللى فات كنت حضرت فرحهم ومش شرط ان الولد بس هو اللى يكون بيتسلى بالبنت يعنى فى بنات كتير بردو بتضحك على الولاد واول ماتقابل حد تانى احسن تدى الولد دة سكة او تكلمه وخلاص علشان هو متعلق بيها وبعدين بردو تسيبه يعنى المهم طبعا فى كل الحالات هى الاخلاق والتربية سواء بقى ولد او بنت او نت او غيره فى كل الحالات ربنا شاهد علينا وعلى اللى جوانا واللى بيعمل حاجة هتتردله لان الدنيا سلف ودين |
