سابني و لا فكر فيا
للدرجة دي مش حاسس باي حنين ليا
انا الي كنت احن عليه من امه
و اتحديت العالم كله و اخترته
جرحني .. خاني .. داس عليا
سابني و دمعتي على خدي و لا سأل فيا
انا برضه الي قللت من قيمتي
و سمحتله يبيعني و لا يفتكرني
مسيره يرجعلي .. و يطلب حبي و قربي و كلامي
و يناديني .. بس ميحلمش لا بقلبي و لا بحناني من تاني
عيش يا اكتر حد حبيته و عشقته
و سيب قلبي يداوى جرحه الي انت كنت سببه
كنت عبيطة .. و افتكرت انك تختار الموت و لا تسيبني
اتاريني كنت بحلم و في اول فرصة سبتني و بعت قلبي و عشقي
بس وعد مني .. و انت اكتر حد عارف وعودي
هنساك و لا هحس بحبك من تاني
لو اعرف ادوس على قلبي و احساسي
المهم انساك و اعيش حياتي .. يا حياتي
احتمال حبك لسة جوه روحي و قلبي و احساسي
بس هنساك و هتحدى ألمي و هاعيش احلى ايامي .. مع حد تاني
هادعيلك من قلبي حبي يفارق كيانك و وجدانك
بس يا ريتك كنت تعرف لانه كان اجمل حاجة في حياتك