انا يجماعة اتخنقت مع حبيبتي من يومين كدة احنا يعتبر مخطوبين بس لسة هنتخطب انشاء الله علي اوول السنة الجاية كدة بسبب ظروف يعني و اهلها عارفين و اهلي عارفين طبعا و كل حاجة عشان محدش يخش يعترض عليا بس انا حبيت اوضع ان علاقتنا الحمد لله في النور و براعي ربنا فيها اوي
لكن الخناقة حصلت لما كنا بنكلم في الموبايل فجت سيرت اصحابها و كدة و كان حصل مشكلة مع صحبتها فكنت عاوز اعرف المشكلة ايه قلتلي مش هينفع اقولك لأن ده سر لصحبتي قولتلها انا مش هيفدني سر صحبتك انا يهمني مادام انتي بقيتي طرف في الموضوع يبقي لازم اعرفوا المهم قالتلي لأ مينفعش يعني انت تحب راوح اطلع اسرارك برة لأصحابي المشكلة بدأت من هنا اول حاجة حسيت بيها انها بتسويني بأصحابها تاني حاجة ان المفروض انا حببها و المفروض كلامنا ده حاجة مقدسة مبينا محدش يعرفوا ولا حتي امها و لما قولتلها انا المفروض اكون في مرتبة تانية ده انا حبيبك و هبقي خطيبك قالتلي و هي زي اختي و متربية معايا و انا معنديش مراتب و كلوا عندي زي بعضوا في نفس المعزة بس حب الصحبة غير حبي ليك غير و غير بس في النهاية ان كلهم عندها زي بعض و ده شيء جرحني
المهم الكلام سخن مبينا فذعقت و انا ملحوظة من النةع العصبي اوي و مبعرفش اخويا و انا عصبي
فذعقت و كدة فقلتلي انا مش عاوزة ازعق عشان عندي نايمين فانا اتاجننت اكتر و قولتلها مش انا اللي بنت تذعقلي و كدة :d المهم اقعدت طول ليه يعني و ايه شغل سي السيد ده و بتاع و الكلام ده و قلتلهل بلاش جهل و انتي غبية فقلتلي مادام انا ججاهلة و غبية بتكلمني اليه المهم قولتلها بعدصمت ربع ساعة عندك حاجة تقوليها قلتلي لأ قلتلها طيب روحي حاجة مفيدة تعمليها افيد من انك تتكلمي معايا كلمي اصحابك ولا حاجة
بس و قفلنا و متكلمناش تاني يوم كلمتها عالميل عادي لقتها مقفلة قولت خلاص فاكس و لقتها كاتبة عالميل في البيرسونال مسج الجولة ادب مش هز كتاف و ده اللي عصبني اكتر و اللي خالاني مصلحهاش
و لحد دلوقتي بقالنا 3 ايام او اكتر اهو متكلمناش ولا سألنا علي بعض و خرجت و عايشة حياتها عادي و مستأذنتنيش حتي
انا محتار يجماعة اعمل ايه مستني رأيكوا يا اخواتي و بجد نفسي استفيد من اخواتي ولاد و بنات و اسف لو شيلتكوا همي و رغيت كتير
