بسم الله الرحمن الرحيم



طبعا ياجماعه القصه دي او الروايه انا كنت بنزلها في منتدى تاني بس اكتشفت ان مافيش احلى من اسره نجوم اف ام هانزلها بس على دفعات وانا عملتها في المنتدى التاني لحد معين لكن النهايه والتكمله ان شاء الله هاتنزل هنا
اتمنى تعجبكم

تاليف
فرفوشة الفرفوشة

عرض الحلقات
حائرة فى عالم الحب




اول يوم في كليه تجاره وطبعا ابطالنا دفعه سنه اولى



من ضمنهم



حائره في عالم الحب



بنت كيوت خالص ورقيقه جدا اهلها عايشين في احد البلاد وهي قررت تكمل دراستها في مصر





العنصر التاني



فرفوشه الفرفوشه




بنت من الارياف اهلها ناس على قد حالهم وهي انسانه بسيطه جدا بقها مفتوح 24 ساعه ضحك وهزرا مابتحبش النكد


بدايه اليوم تمشي فرفوشه تايهه في الجامعه بتكلم نفسها بكل زهول طبعا لان الجامعه كبيره وناس كتيرعكس ماكانت هي في قريتها اللي تقريبا الناس كلها عارفه بعض

فرفوشه في نفسها*ايه ياخواتي الناس الكتيره دي وايه البنات اللي لابسه مش لابيه دي

وفجأه



يخبط فيها ولد فافي وعامل شعره سبايكي



الولد او سوري اسف



فرفوشه بسم الله الرحمن الرحيم



الولد ايه حضرترك شوفتي عفريت



فرفوشه عفريت ايه دا العفريت ارحم ايه ديل الديك اللي فوق دماغك ده



الولد لو انتي مش بنت كنت عرفتك مقامك



فرفوشه بعصبيه مقام ايه يابو مقالم عليا النعمه لاوريك



ويعلى صوت فرفوشه ويتجمع الطلاب كلهم




تسمعها عشق الحياه



بنت طيبه وعلى نياتها قوي لا ليها في المشاكل ولا الخناقات



وتروح تشد فرفوشه من وسط الخناقه وفرفوشه لسى متنرفزه



عشق وهي بتضحك خلاص بقى انتي شرشحتي الواد وخليتيه نكته



فرفوشه هو اصلا نكته مانتيش شايفه راسه عامل فيها ايه دا لو عندا في البلد لايركبوه ع الحمار بالمقلوب ويمشو يغنو وراه من دا بكرا بقرشين



عشق تموت على نفسها من الضحك



فرفوشه اه والله العظيم انما قوليلي انتي مين وجيتي وخدتيني ليه دا انا كنت هاوريه



انا عشق سنه اولى تجاره جديده في الجامعه وشوفت الخناقه من اولها قولت اكسب فيكي ثواب



فرفوشه انا بقى فرفوشه اولى تجاره برضو وجديده لنج هنا



عشق هههههههه تشرفنا يالنج



وفجأه تقابلهم مملكه الاحزان وحائره في عالم الحب



مع العلم ان مملكه زميله عشق من ايام المدرسه


يسلمو على بعض
عشق اهلا انتي لحقتي يامملكه تتعرفي بالسرعه دي
مملكه:طبعا ياماما هوا انا شويه اعرفك دي حائره هنا في الكليه تجاره برضو زينا
فرفوشه ومن غير مقدمات صلاة النبي صلاة النبي كلنا كدا بصره ههههههههههه
عشق هههههههههه معليش نسيت اعرفكم دي فرفوشه لسى متعرفه عليها من عشر دقايق
تمد فرفوشه ايديها وتسلم على مملكه وحائره
حائره نايس تو ميت يو ياجماعه
فرفوشه ودا من ايه ياختشي لا مواخذه
حائره وبكل عنتظره انتي بتكلميني انا
فرفوشه لا انا قصدي الحيط اللي واركي
عشق ايه يافرفوشه انتي جايه تقولي ياخناق من اول يوم ولا ايه تعالو ياجماعه نشوف وضعنا ايه هنا وتشد فرفوشه من ايدها بسرعه هعشان ماتلحقش تتلكم
حائره في نفسها* او لا لا ايه البنت دي ياي


وبعد انتهاء اليوم الي اصلا مافيهوش حاجه كل واحد راح لبيته

ونظرا لان حائره اهلها مسافرين قررت تسكن في سكن الجامعه
حائره* او ماي جاد ايه السكن دا وكما من مشترك امري لله
وتختار سرير وتشيل من عليه الملايه وتحط ملايتها ودباديبها وحاجاتها وتظبطه


وفجاه باب الاوضه يتفتح وتطلع فرفوشه
فرفوشه سلام عليكم وتتصدم ان حائره في الاوضه ...........ياليله طين
حائره نعم حضترك قولتي ايه
فرفوشه لا ابدا بس بقول شكلي غلطت في النمره ههههه اسفه سلام



حائره * الحمد لله انها غلطت لحسن تبقى كرسه فظيعه لو دي معايا


فرفوشه * ياليله زفت لو البيت اللي عامله زي البيض الفقع دي معايا في الاوضه يالهوي ياما يالهوي


وللاسف تاكدت فرفوشه انها مع حائره في نفس الاوضه
دخلت فرفوشه الاوضه
فرفوشه*يارب عيني على المصيبه دي
وقالت سلام عليكم انا ماغليطتش ولاحاجه انا معاكي هنا ان شاء الله هههههههه
حائره اوك دونت وري ويلكم
فرفوشه ها؟ خدي راحتك ياختي
وتروح ترمي نفسها وحجاتها على سرير حائره
فرفوشه ياحلاوه ياولاد ايه الدلع دا كله


حائره بكل عصبيه
لاااااااا لو ستمحتي دا سريري شيلي حجاتك من عليه بليز \
فرفوشه طيب خلاص ماتتعصبيش كدا لايطق لك عرق
يخبط باب الاوضه
فري انجل : هاي انا هنا معاكم في الاوضه
فرفوشه يااهلا وسهلا تعالي والله انا حبيتك ودخلتي قلبي تعالي
فرفوشه في نفسها*على الاقل ترحميني من بوز الفقر الي معايا دي
حائره ويلكم
حائره في نفسها* ياي ايه الزحمه دي مش كفايه اللي اسمها فرفوشه



وفي الليل حائره تستشور شعرها استعداد لليوم اللي بعده
فرفوشه وبكل عصبيه ياختي طفي مكنه الحلاقه اللي مصدعانا دي عايزه انااااااااام
حائره اسمه سيشورا
فرفوشه شنيور ايه ماتقفليه عايزه انام
فري انجل خلاص يافرفش شويه وتخلص استحمليها بقى
بعد ماخلصت حائره شعرها راحت لقت فرفوشه حاطه القطن في ودانها
حائره انتي عامله كدا ليه
فرفوشه من الشنيور بتاعك اللي مصدعانا بيه
فري انجل ههههههههههههه اسمه سيشوار
فرفوشه انا مالي ماكله بيجيب الصداع


حائره تطلع كريم البشره بتاع الرجل وتدهن بيه
فرفوشه ياحول الله ياربي انتي عندك روماتيزم
حائره ومصدومه انا ؟ لا طبعا
فري انجل ..هههههههههه دا كريم للرجل يافرفوشه
فرفوشه هههههههههههه ياصلاة النبي ايه الحلاوه دي عشنا وشوفنا الرجل بقى ليها كريم فينك ياما تشوفي اللي انا شايفاه
وينامو كلهم
تاني يوم بعد مارجعو من الكيله حائره كانت بتكلم مامتها من سماعه البلوتوث بتاعت الموبايل وغطيها بشعرها
دلخت عليها فرفوشه وزهلت ومشيت شافتها فري انجل
فري انجل مالك يابت في ايه
فرفوشه حائره طلعت مجنونه
فري انجل ليه بس ؟
فرفوشه دخلت عليها لقيتها بتكلم نفسها في الاوضه
فري انجل ههههههههههههه لا يابنتي دي بتكلم مامتها بالسماعه الاسلكيه بتاعت الموباليل
فرفوشه ههههههههههههه قال وانا اللي فكرتها اتجننت هههههههههههههههه
وبعد ماخلصت حائره مكالمتها وشربت النسكافيه بتاعها راحت تاخد شور
وفري انجل راحت تشتري حاجات كانت محتاجاها
وفضلت فرفوشه
فرفوشه* اما اروح اشوف ايه الحجات الغريبه دي
وراحت تستكشف حجات حائره
فرفوشه*ايه ياخواتي الدباديب دي كلها اكننا في حضانه
وايه دي اااه افتكرت دي الكوبايه اللي كانت بتشرب فيها اللي اسمه ايه ده اه سنكافيه
وفجاه تقع الكوبايه وتتكسر
فرفوشه ياليله طين اعمل ايه دلوقتي
وسمعت صوت باب الحمام بيتفتح وحائره ايه
راحت بسرعه ودخلت الكوبايه تحت سرير حائره


حائره مالك ؟
فرفوشه ها ابدا كنت مستنياكي تطلعي عشان ادخل استحمى
حائره اسمها اخد شور
فروفشه اه ماهو كله واحد انا رايحه
وتجري بسرعه
حائره مالها دي ؟ انا مالي
وتروح تسرح شعرها


رجعت فري انجل
هاااااااااااااي انا جيت
حائره ويلكم
فري انجل في ن فرفوشه
حائره بتاخد شور


فرفوشه انا سمعتكم جايبين في سيرتي هاااااااا بتقولو ايه


فري انجل ابدا كنت بسال عنك
حائره تسيبهم وتروح على سريرها


فرفوشه يالهو ي انا نفسي اقتل البت المسلوعه دي
فري انجل هههههههههههه ليه بس
فرفوشه نافخه ريشها كدا ورحها في مناخيرها يارب تعتطس بقى
فري انجل هههههههههههههههههههههههههه
وفجاه
صرااااااااااااااااخ حائره هز المكان وجريت فرفوشه وفري انجل يشوفو في ايه
فري انجل في ايه
حائره بكل عصبيه المج بتاعي انكسر
فرفوشه هو ايه المج ده
فري انجل الكوبايه يعني يافرفوشه


حائره مافيش غيرك انتي يافرفوشه اللي كسرتيه
فرفوشه دي كلها كوبايه
حائره يبقى انتي اللي كسرتيه
فرفوشه بقولك ايه ياختي لمي نفسك كدا هي وقعت غصب عني
حائره بجد كدا كتير انا استحملتك بما فيه الكفايه وكدا بقى اوفر قوي
فرفوشه ناعم ياختي هوا انا قاعده على راسك وبعدين ماانا اللي مستحملاكي يامسلوعه


حائره مسلوعه ايه ده ايه الكلام ده
فرفوشه بقولك ايه اتلمي يابت لالمك ااااااااه لابنخاف ولابنكش اه
فري انجل اهدو ياجماعه صوتكم طالع بلاش فضايح
حائره هي اللي بدات
فرفوشه انتي اللي مناخيرك فوق مش فاهمه على ايه
فري انجل بس بقى ياجماعه ارجوكم كفايه
فرفوشه انا عشان خاطرك بس
حائره اوك المرادي بس عشانك يافري



ومازالت الصراعات مستمره بين فرفوشه وحائره ياترا هاتوصل لحد فين دا اللي هانعرفه الحلقه الجايه

تم نقله للقسم المخصص

مساء صباح العسل عليكم دلوقتي جه دور الجزء التاني





بعد الخناقه وصدمه المج بتاع حائرة اللي انكسر
راحت حائره تلم بقايا المج بتاعها وهي بتدعي على فرفوشه ربنا ياخدها من الاوضه دي




اما فرفوشه من وجواها كانت فرحانه وبترقص وبتقول في نفسها
*ياه واخيرا شوفت البت المسلوعه دي متغاظه ومها محروق عفارم عليكي يا فرفش عليا النعمه لاخليكي تولعي من زي الشنيور اللي انتي مصدعاني بيه ده وخليكي تهري في نفسك لحد ماتخسي وتختفي من وش البصيصه هههههههه




اما المسكينه فري انجل فقالت في نفسها
*يارب اعمل ايه بس في الاتنين دول عاملين زي النار والكبريت يارب ماتحرقش منهم الاتنين
وخلص اليوم وكل واحده ماده بوزها شبرين



اما بقى في الكليه


عشق الحياه:ايه ده فرفوشه ازيك ياختي
فرفوشه:اهلا..ياصباح الورد والفل والياسمين
ياصباح النرجس والعيون الحلوين


عشق الحياه: هههههههههه بس بس ايه انتي ناقص تعملي روميو وانا ابقى جولييت ههههههههه




فرفوشه:هههههههههه وماله ياختي والله ليكي وحشه عماله ايه ازيك وازي حالك



عشق الحياه:الحمد لله انتي عالمه ايه عرفتي تتاقليمي هنا على جو الكليه والسكن والا لسى


فرفوشه: اسكتي ياختي دا هنا في حجات غريبه كدا البنات لابسين لبس اكنهم ماشين على البحر بالذمه دا لبس يتلبس ؟
والا الولاد متنسونين كدا وكل واحد عاملي الوان الطيف على راسه وماشي يطرقع باللبانه وكله كوم والحلق اللي في الحواجب كوم تااااااااني


عشق الحياه:هههههههههههههههههه يخربيت عقلك يافرفوشه حرام عليكي هاتموتيني من الضحك ههههههههههههههههههه
يابت دي الموضه


فرفوشه :ياشيخه بلا وكسه قال موضه قال


عشق الحياه:طب قوليلي اخبار السكن معاكي ايه وبنات السكن عاملين ايه


فرفوشه :اسكوتي مش البت المسلوعه حائره معايا في السكن ومعايا كمان وحده اسمها فري انجل


عشق الحياه:يانهار مش فايت حائره معاكي


اكيد حصلت بلاوي احكي احكي


فرفوشه :اه والله بلاوي ومصايب


وتقعد فرفوشه تحكي لعشق عن اللي حصل معاها



اما في ناحيه تانيه
فري انجل قاعده مع الشله بتاعتها اللي ليها اول ملهاش اخر من ضمنهم


اسامه اللي هو قريب فري انجل من بعيد
سيلنت لف اللي هي اروش بت في الشله
عمرو الشهير بمقالبه وياعيني ماحدش من الشله سلم منه
صدى الشوق هي ارق بنت في الشله
حماده برنس الشله ودا معروف انه مدوب كل بنات الكليه ونفسهم بس نظره منه


فري انجل:ازيكم ياشله عاملين ايه


سيلنت لف:اهلا ياختي عامله ايه


عمرو :مالك كدا اكن حد واخدك قلمين



فري انجل:ابدا مافيش حاجه ياعمرو


صدى الشوق:لا بد انتي مش متظبطه ليه؟
حماده :ياختي ماتقولي مالك والا نبوس راسك


فري انجل :بصراحه كدا انا معايا اتنين في السكن مطلعين عيني لو استمر الوضع على كدا لا هاعرف اذاكر ولا هارتاح


اسامه:احكي احكي دا باين الحكايه كبيره


وتقعد فري انجل تحكي للشله عن مغامرات فرفوشه وحائره معاها


وفي الجهه التالته بقى

حائره ومملكه الاحزان مع بعض وبرضو حائره بتحكي للمكله عن فرفوشه واللي بتعمله
حائره:ياي ياي بجد انا تعبت


مملكه:بجد الله يكون في عونك معليش



وفجاه يجي احمد سمير اللي هو زميل مملكه من الدراسه



احمد سمير:صباحو ياحلوين
مملكه :صباحو ياحمد اعرفكم حائره صحبتي الجديده احمد زميل الدراسه



حائره :ويكلم احمد
احمد في نفسه*ايه الرقه دي وويلكم كمان ياعيني ياعيني


ويقول :اهلا ياحائره
ويلتفت لمملكه ويقولها انا ماشي عشان الحق المحاضره


مملكه "اوك وااحنا كمان هانقوم نشوف المحاضره


ويروحو عشان المحاضره هاتبدا
اما بقى من ناحيه فرفوشه
وبعد ماخلصت فضفضه لعشق الحياه


عشق الحياه:هههههههههههههه يخرب عقلك كسرتيلها المج بتاعها


فرفوشه :اه والله وبعدين تستاهل دي ياما هاتشوف ايام سوده


عشق الحياه:ههههههههههههههههههه الله يكون في عونها يلا ياختي عشان المحاضره


ويقومو عشان المحاضره
واما بقى بالنسبه لفري انجل وبعد ماخلصت حكايتها عن مغامرات فرفوشه وحائره معاها


ماتت الشله من الضحك
عمور:ههههههههههههههههههه عليا النعمه فرفوشه دي نكته ههههههههه


سيلنت لف:هههههههههههههههه اه والله شكلها بت زي العسل


صدى الشوق:بجد انا زعلانه على المج بتاع حائره


حماده:لا والله ,,,,,بقى كل اللي همك المج في الحكايه دي كلها والله انتي رايقه وفايقه



فري انجل:والله ياجماعه هم الاتنين كويسين بس المشكله مش طايقين بعض


سيلنت لف :اه والله برنا يكون في عونك


اسامه:بقولكم ايه المحاضره بدات قومو لحسن تتادخو غياب وابقو خلو فرفوشه وحائره تنفعكم


ويقومو كلهم يروحو محاضراتهم



وبعد ماخلص اليوم الشاق وروحو


فري انجل:ياااااااااااااه اليوم كان متعب خالص النهارده


فرفوشه:اه والله دخلنا في المعمعه وعايزلنا مذاكره فحت


حائره:اه والله بجد يافري انا تعبانه موت وكمان المحاضره بتخلص متاخر يعني يادوب الحق اخد شور وانام


فرفوشه في نفسها***اه تخدي شور وتصدعيني بالشنيور بتاعك عليا النعمه ماني سيباكي


فري اانجل:انا بقى هاروح اعدل المحاضره عشان خطي كان سريع


فرفوشه :اه والله دا الدكتور عامل زي البرابنط كأنه بالع مسجلين وتلفزيون
هههههههههههههههههه


فري انجل:ههههههههههههههههههه يخربيت الفاظك
حائره:وبكل نعومه ايه برابنت دي اللي بتقول عليها فرفوشه يافري


فري انجل:يعني بيتكلم كتير


فرفوشه بكل تريقه:برابنت ايه المياعه دي يابت


حائره:بليز انا مالكمتكيش انا بكلم فري


فري انجل:ايه ياجماعه بس بقى مش معقوله كدا



تقوم حائره من جنبهم وتروح تاخد الشور
وفري تقمو تعدل المحاضره بتاعتها


وفرفوشه تنتهز الفرصه ان مافي حد شايفهاوتاخد السيشوار وتخبيه


فرفوشه في نفسها***عليا النعمه لاخليكي تلفي عليه زي النحله كدا
وماتعرفيش هو فين والله لو عملتي قرد واتشقلبتي كدا ماهاعبرك اما اشوف يام الشعر السايح هاتعملي ايه


وبعد ماتخلص خطتها تروح تقعد مع فري انجل


فري انجل:مالك يافرفش مش على بعضك
فرفوشه بخباثه:هههه انا لا دا انا مبسوطه خالص


فري انجل:خير اوعي تقولي انك بديتي ترتاحي لحائره


فرفوشه في نفسها****ههههههههه دانتي على نياتك قوي قوي داانا هاخليها تلف حوالين نفسها هههههه


وتقول لفري:اه انا فعلا بديت ارتاح لها واحبها موت


فري انجل :بجد كان لازم تعملو كدا من الاول عشان تنتبهو لمزاكرتكم


فرفوشه:اه طبعا بقولك ايه انا نعست هاروح انام تصبحي على خير
وتروح فرفوشه تنام
وتطلع حائره من الحمام وهي منتعشه


حائره:يااااااااااااااااه بجد الشور دا خلاني انتعشت
فري انجل:نعيما ياحبيتي
حائره :مرسي اما الحق انشف شعري عشان انام


وتروح تدور على الاستشوار وتكتشف انه مش موجود


فري انجل :مالك ؟
حائره:سيشواري كان هنا ومش عارفه فين..............اكيد البتاعه اللي اسمها فرفوشه هي اللي خدته


فري انجل:حرام عليكي هي كانت قاعده معايا طول الوقت وبعدين اصلا مالهاش فيه دوري عليه كويس


حائر؛انا هاصحيها
ه

فري انجل :حرام عليكي بقولك مش هي دوري عليه براحه


وتفضل حائره المسكينه تدور علي السيشوار طول الليل ودموعها على خدها وهي متغاظه ومش عارفه تصحي فرفوشه عشان تسالها عنه مع انها متاكده انها هي اللي خدته


وفرفوشه عامله نايمه وميته على نفسها من الضحك وهي شايفه حائره محتاسه في شعرها



ياترى حائره هاتلاقي السيشوار؟؟؟؟؟؟؟؟ولو مالقتهوش هاتعمل ايه في تاني يوم


دا اللي هانعرفه الحلقه الجايه

هههههههههههههههههههه

حلوه اوى المغامرات دى

متابعه معاكى بس متاخريهاش علينا

يسلمووووووو يا قمر

ههههههههههههههههه جميل اوى فكرتها ووسع على حائرة ال هتعملة فيكى

تسلمى يابيضه

يلا ف انتظار باقى الاجزاء

ف تقدم ان شاء الله .. .

ايه الجمال والمغامرات دى
وايه الفرفشه دى كلها
بجد حاجه جامده
استمرى بقا
تقبلى مرورى

جميــــــــــــلة وفي انتظااااااار باقي حلقاتها

ههههههههههههههههه
ماشى ياعم المغامرات بقى والحركات دى

to be continued...

مستني الباقي بسرعه...

[SIZE="5"]

ودلوقتي جه دور الجزء التالت من الروايه بتاعتنا هاسيبكم بقى مع الروايه

طبعا حائرة المسكينة طول الليل وهي بتدور على الاستشوار بتاعها ونامت فري انجل وفروفشة وفضلت هي ياعيني تدور عليه ودمها بيغلي ولما حست ان الوقت اتأخر وهي زاد تعبها من غير فايدة قررت تستخدم الجل على شعرها وامرها لله



ولما طلع الصبح




فري انجل:صباح الخير ياحائره ...


حائرة:وهايجي منين الخير بس


فري انجل:مالك يابنتي في ايه


حائره :هايجي منين الخير بس وانا طول الليل ادور على سيشواري مش لاقياه...... كله من البتاعه اللي اسمها فرفوشه دي


فري انجل: صدقيني انتي ظالماها بجد يعني..هاتخبيه ليه واديكي قلبتي عليه الدنيا لو هي اللي مخباياه كنتي لقيتيه شوفتي بقى انك ظالماها



تدخل فرفوشه عليهم :صباح الخير عليكم


فري انجل :صباح النور ياجميل



تلاحظ فرفوشه ان حائره باين عليها التعب والسهر وكمان ماردتش عليها



فرفوشه بكل لئم : صباح الخير ياحائره...مالك النهارده تعبانه كدا ليه .....كل ده سهر عشان الشنيور بتاعك


حائرة بكل استغراب:وانتي عرفتي منين ان سيشواري ضايع
فرفوشه بارتباك: ها......انا سمعتك بالليل بتكلمي فري انجل عليه ......يعني انا هاخده مثلا

حائرة : فرفوشة بليز هاتيه وبلاش لعب الولاد الصغننين ده
فرفوشه: طب وحياة ابو زحلف اللي بات طول الليل يحلف انا ماجيت جنبه

فري انجل: ههههههههههههههههههه يخربيت الفاظك يافرفوشه خلاص ياحائره اهي حلفتلك اهيه

فرفوشه في نفسها**: هههه على نياتك والله يافري ياميره ويعدين يعني هو كان لازم يافرفوشه تنطخي في دماغك وتقعي بلسانك المهم انها عدت على خير

وبعد الحوار دا كله فرفوشه وفري انجل جهزو نفسهم وحائره حطت الجل وامرها لله ونزلو ا كلهم وراحوا الكليه
وفي الكليه فرفوشه :صباح المقالب ياجميل انت ياعسل
عشق الحياة: ههههههههه مقالب اه ورايقه قوي كدا يبقى وراكي مصيبه احكي احكي

فرفوشه : هههههههههههه يافهماني انتي والله خدي عندك بقى


وفي الناحيه التانيه


مملكه الاحزان واقفه مع دمعه فرح والعاشقه في حب الله صحابها الجداد
مملكه الاحزان:أهي حائره اللي كلمتكم عنها جت اهيه


حائره: هاي بنات


مملكه الاحزان:ايه اللوك الجديد بجد يجنن عليكي


حائره : اسكتي بليز ماتفكرينيش انا عملت كدا غصب عني


مملكه الاحزان: ليه....اكيد البتاعه اللي اسمها فرفوشه دي تاني


حائره: هو في غيرها....تخيلي وصلت بيها تخبي سيشواري وانا عارفه انها هي بس مافيش دليل عليها


مملكه الاحزان:بجد لازم توقفيها عند حدها كدا كتير بجد طيبتك دي معاها غلط اليي زيها لازم يتوقف عند حده



حائره لاحظت ان الكلام اخدهم وفي بنتين معاهم


مملكه الاحزان: اه سوري نسيت اعرفكم حائره دمعه فرح ودي العاشقه في حب الله


حائره: ويلكم بجد سوري يلا بقى عشان احنا اتاخرنا على المحاضره



ويورحو للمحاضره .....اما بقى في المكان الاخر فري انجل وشلتها بعد ماحكتلهم عن اللي حصل بين فرفوشه وحائره في الليل

عمرو:ههههههههههههه بجد دول عاملين زي توم وجيري


سيلنت لف: ههههههههههه اه والله أول مره اتفق مع عمرو في حاجه بجد توم وجيري هههههههههههههههههه


صدى الشوق: بجد حائره قطعت قلبي ياترى عملت ايه في الليل وانتو نايمين


اسامه: ياخرابي عليكي وعلى رواقتك هو دا اللي همك بقولك ايه اسكتي احسن لك لاديكي في سنانك


فري انجل: بقولكم ايه انا مش اخلص من توم وجيري اللي في البيت عشان اجي الاقيكم تتناقرو هنا بطلو بقى بجد كدا كتير

حماده:بقولك ايه يافري ماتعرفينا على توم وجيري بتوعك دول بجد شوقتينا نشوفهم

سيلنت لف: هههههههههههههههه اه يالئيم انت طبعا عايز تخليهم يدوبو قيك وتعذبهم زي بقيت البنات اللي عذبتهم

عمرو :لا بجد والله يافري حماده معاه حق عرفينا عليهم لما تخلص المحاضرات

فري انجل:اوك هاشوف ويارب يوافقو يتجمعو ا يلا بقى احنا اتاخرنا على المحاضره

حماده :اوك هانتقابل عند البوابه الرئيسيه بعد مانخلص

فري انجل:اوك باي بقى

اما بقى فرفوشة بعد ماخلصت كلامها عن بطولتها وانتصارها على حائره عشق:ههههههههههههه حرام عليكي بجد يافرفش

فرفوشه : حرمت عليكي عشتك انتي معايا والا معاها يابت انتي

عشق : لا والله بجد مش كدا بس ليه ماتقربيش منها وتصاحبيها احسن من الحرب اللي بينكم دي صدقيني هي اكيد جواها طيبه بس اللي يعرف يطلعها

فرفوشه:بقولك ايه انا فرحانه ماتبوظيش فرحتي يلا ياختي يلا نورح المحاضره .....قال ايه انا اصاحبها ......بلا وكسه انا اصاحب بوز الفقر دي ياساتر يارب



وبعد ماخلصت المحاضره راحت فري انجل تدور على فرفوشه وحائره عشان تعرفهم على شلتها ولمحت فرفوشه وهي واقفه مع عشق

فري انجل:فرفوشه ازيك كويس اني لقيتك ......انتي عشق مش كدا ازيك ياعشق


عشق: اهلا يافري ازيك


فرفوشه:خير يافري في ايه


فري انجل: ابدا ياحبيبتي انا بس عايزه اعرفك على صحابي عادي يعني



عشق: اوك يافرفش اشوفك بكرا بقى باي


فرفوشه :طيب ماتيجي معانا طيب


عشق:لا معليش انا هاروح دلوقتي واشوفك بكرا..... ماتنسيش تفركي في اللي قولتهولك


فرفوشه بصوت واطي:ياختي اتهلي قال افكر قال انا اصاحب الفقر دي



فري انجل تتصل على حائره



فرفوشه:بتعملي ايه


فري انجل : هاكلم حائره تيجي هي كمان


فرفوشه في نفسها*** يعني بوز الفقر دي معايا كل حته يارب صبرني



فري انجل:الو.....حائره حبيبتي انتي فين.......انا وفرفوشه هانستناكي عند الباب الرئيسي ....هاعرفكم على صحابي عادي يعني......عشان خاطري المرادي .....اوك انا مستنايكي ....باي




وفي المكان التاني


حائره :اوووووووووووف


مملكه الاحزان:ايه مالك ومين دي



حائره :بجد الحكايه زادت عن حدها قوي


مملكه الحزان:اهدي بس كدا وفهميني


حائره:دي فري انجل عايزه تعرفني على صحابها والبتاعه اللي اسمها فرفوشه معاها يعني انا ماصدقت اخلص منها في الجامعه تقوم فري تجمعنا



مملكه الاحزان : اوك ولا يهمك انا هاجي معاكي مش هاسيبك لوحدك



وتبص لدمعه فرح والعاشقه في حب الله وتقولهم


اوك يابنات انا هاروح مع حائره اشوفكم بكرا وتشدها ويمشو من غير ماحد فيهم يقدر رد


حائره :بجد ثانك يو يامملكه انتي طيبه خالص



مملكه الاحزان:ماتقوليش كدا ياحبيبتي يلا عشان مانتأخرش علهم




وعند البوابه



فري انجل:هاي شله اعرفكم فرفوشه صحبتي



ودا عمرو...سايلنت لف......اسامه......صدى الشوق......حماده



فرفوشه :اهلا وسهلا فرصه سعيده ياجماعه


سايلنت لف:احنا اسعد والله يافرفش

صدى الشوق:فري دايما تجيب سيرتك بالخير


فرفوشه:فري دي اميره انا بحبها قوي والله



تلتفت فري انجل وتلمح حائره ومملكه جايين من بعيد



فري انجل:اهي حائره ت اهيه ياجماعه



فرفوشه في نفسها***ياقعادين يكفيكم شر الجايين



فري انجل تروح لحائره وتقولها بصوت واطي:ايه ياحائره اتاخرتي ليه ومين دي



حائره:انا ماكنتش هاجي اصلا بس عشان خطرك ودي مملكه صحبتي



اسامه فجاه: ايه يافري هاتفضلو تتوشوشو كدا كتير مش هاتعرفينا



فري انجل:اه طبعا طبعا ... دي حائره اللي معايا في السكن ودي مملكه صاحبتها


اما دول اسامه .....عمرو ....... حماده....سيلنت لف......صدى الشوق



حائره:نايس تو ميت يو ياجماعه


سيلنت لف:مي تو حائره


فرفوشه في نفسها***اهلا اهي بدأت بقى ترطم بالانجليزي



عمرو:ايه ياجماعه احنا هانفضل كدا زي اللي المتعاقبين ماتيجو نورح حته



اسامه: ايه رايكم نروح نشرب عصير فراوله



فجاه فرفوشه حائره بصوت واحد وبكل عفويه



"انا مابحبش عصير الفراوله"



كل الشله اتصدمت من الموقف ومعاهم فرفوشه وحائره لان عمرهم ماكانو يتوقعو انهم يتفقو في يوم من الايام

حماده:اوك...بلاش فراوله خلينا مانجا



وللمره التانيه فرفوشه وحائره



"فكره حلوه"



فري انجل وبكل زهول:لا والله دا ايه ده ان شاء الله بقى في البيت توم وجيري وهنا متفقين ماشاء الله



فرفوشه:هههههههههههههههههه ماتاخديش في بالك دي صدفه بتحصل كتير والله يلا ياجماعه نروح نشرب العصير



وهما ماشيين


حائره في نفسها***ايه ده معقوله انا اتفق مع فرفوشه ......لا لا دي اكيد صدفه مش اكتر اصلا مستحيل هي فين وانا فين



ولما وصلو لمحل العصير



عمرو :انا اللي عازم حائره وفرفوشه ومملكه على حسابي



وبرضو وبكل عفويه فرفوشه وحائره في نفس واحدل


" لا انا اللي هادفع لنفسي"

تنفجر الشله من الضحك على فرفوشه وحائره اللي هما في نفسهم مستغربين مملكه الاحزان:حيث كدا ياجماعه كل واحد يدفع لنفسه واهو كلنا هانكون مع بعض برضو

اسامه:صح كدا يامملكه عندك حق المهم اننا مع بعض


وهما بيشربو العصير يقرب عمرو لحائره بكل كلاسيكيه
ويقولها:على فكره ستايلك تحفه عليكي

حائره وبكل ثقه:اه thes is my normal
عمرو في نفسه****لا ياشيخه .....والله العظيم؟؟؟؟


حائره في نفسها***ياي دمه تقيل موت


وفي الناحيه التانيه يقرب حماده من فرفوشه بكل ثقه
ويقول:عجبك العصير يافرفوشه

فرفوشه:ههههههههههههههههههههه اللي يشوف كدا يقول ان انت الي عامله
حماده بكل احراج : احم.....لا مش قصدي ......... بس


فرفوشه :ههههههههه ماتاخدش في بالك انا بهزر بس هههههههههه

حماده في نفسه***ايه ده انا اول مره حد يعمل معايا الحركه دي وبعدين يعني كان لازم اسال السؤال السخيف ده

فرفوشه في نفسها****يالهوي يالسانك يافرفوشه كان لازم يعني تحرجيه دا وشه جاب الوان ههههههههههههه دا بقى عامل زي الطماطم انا مالي هو اللي بيستظرف



بعد ما خلصو العصير وروحو لبيتهم اول مادخلو من الباب

فري انجل:بقولكم ايه خليكم حلوين وعدو الليله دي على خير مش عايزه خناق

فرفوشه:يعني هو انتي شايفاني بقول شكل للبيع
حائره:انا اصلا تعبانه وعايزه اروح انام

وتسيبهم حائره وتروح اوضتها عشان تنام

فرفوشه:الا قوليلي يافري هما صحابك دول عرفتيهم ازاي

فري انجل :في منهم زماله مدرسه واسامه قريبي من بعيد وهو اللي عرفني على الباقي

فرفوشه :اها اااااا ...بس بجد كانت خروجه حلوه

فري انجل:ههههههههههههه شكلك بقى داخل على طمع بقى
فرفوشه: ههههههههههههههههههههههههههههههههههه

وفجأه يسمعو صوت حائره بتصوت وتقول الحقوني


فري انجل:دا حائره بتصوت تعالي نشوف في ايه
فرفوشه:ياختي ماتتخضيش تلاقي كوباتها اتكسرت

فري انجل:لا بجد شكلها حاجه جامده المرادي

ويروحو يلاقو حائره واقفه في زاويه السرير بتاعها مرعوبه

فري انجل: مالك في ايه

حائره بصوت برتعش:في صورصار تحت السرير بتاعي

فرفوشه:ههههههههههههههههههههههههههههههههههههه
هههههههههههههههههههههههه
مش قولت لك حاجه هايفه

حائره :بدل ماتضحكي كدا تعالي موتيه بدام هي حاجه هايفه

فري انجل:خلاص انا هاضربه انا

فرفوشه :وكتاب الله ابدا انا اللي هاضربه اما ل ايه انا في دي ك الساعه لما انقذ صحبتي حائره من الوحش القاتل ده

وتروح فرفوشه بكل شجاعه وتضرب الصورصار وتسيبه في مكانه جنب سرير حائره وتقول

هاهاهاي انتصرت عليه وقتلته افحري بقى ياختي

حائره:ايه ده انتي هاتسيبيه هنا؟؟؟

فرفوشه وبكل دلع:امال يعني اسيبه ياي ياي مستحيل


حائره تبص لفري انجل بنظره كلها رجاء

فري انجل:سوري بجد ياحائره انا اضربه بس لكن اشيله لا بقرف قوي بجد

فرفوشه:ههههههههههههههههههههههههه انتي خايفه دا ميت هههههههههه فكرتيني بسمير غانم لما قال شرين وهي خايفه من الصرصار دي حشرات منزليه اليفه في مسرحيه المتجوزين

فري انجل:هههههههههههههههههه اسمها المتزوجون يافرفوشه


حائره:يعني سايبين المهم وعملين تضحكو على المسرحيات

فرفوشه :لا ياختي انا هانم سهره سعيده بقى انتي وصورصار بيه ههههههه

فري انجل :سوري بجد ياحائره بقرف

ويروحو الاتنين ينامو ويسيبو حائره ياعيني واقفه زي ما هي
وبعد ماتعبت حائره من الوقفه اخدت دابدوبها ونطت من فوق السرير وراحت صحت فري انجل وطلبت منها تنام جبنها طبعا فري انجل ماقدرتش تقولها لا ونامو هما الاتنين على سرير واحد وهما مش مرتاحين على عكس فرفوشه اللي راحت في سابع نومه

وتاني يوم فرفوشه صحيت رايقه طبعا ماهي شبعانه نوم
وصحتهم وهما مش قادرين يقومو لانهم ماعرفوش ينامو طول اليوم
فاطرت تنزل هي وتسيبهم ولما حسو انهم اتاخرو وكل واحده قامت جري وهي مش عارفه لبست ازاي ونزلو ري عشان يلحقو المحاضره


وفي الكليه
عشق : صباح الخير يافرفوشه
فرفوشه :ياصباح العسل ياجميل
عشق:شكلك عملتي مصيبه
فرفوشه:هههههههههههههههههه بصراحه اه
عشق :بجد حرام عليكي كفايه كدا بقى
فرفوشه:عليا النعمه ماني حكيالك امشي يابت قدامي على المحاضره قال حرام قال

ونظرا لان فري وحائره متأخرين مالحقوش يشوفو صحابهم وبعد ماخلصت المحاضرات
حائره قابلت مملكه

مملكه الاحزان:ايه يابنتي فينك الصبح فكرتك مش جايه

قامت حائره حكتلها على اللي حصل كله

مملكه الاحزان:لا بجد كدا كتير قوي لازم توقفيها عند حدها


وبالصدفه عمرو كان معدي فلمح حائره ومملكه وهما بيتكلمو

وا
عمروفي نفسه:**ايه ده دا حائره اهيه ........وبعدين يعني انا مالي فرحان قوي كدا .....انا هامشي........لا ماهما شافوني مايصحش كدا ......انا هاسلم وامشي عادي خالص



ولما راح لهم
عمرو:هاي حائره ازيك
حائره بكل عصبيه:هاي

عمرو حس انه غير مرغوب فيه:سوري انا شكلي جيت قطعت كلامكم انا كنت معدي فقولت اسلم بس

مملكه الاحزان:لا ابدا بس حائره متنرفزه من فرفوشه تخيل كل شويه تعمل فيها مقلب سخيف
حائره وبكل عصبيه: بجد انا تعبت قوي منها دي مابينفعش معاها حاجه خالص
مملكه الا حزان:انتي اللي طيبه ومش عارفه تتصرفي

عمروفي نفسه:؛***اللعب ياعم الحج دي فرصتي بقى اهيه وجت اعرض مواهبي ههههههههههههههه

بص لحائره وقالها:بسسسسسس دواها عندي بسيطه جدا

حائره :بقولك ماينفعش معاها أي حاجه

عمرو:انتي ماتعرفنيش ياماما دا انا خبير مقالب هي فري ماقلتلكيش والا ايه

حائره في نفسها**ايه ده كمان دا أي يستعرض وانا مش فايقاله

مملكه الاحزان:طيب قول بقى ياعم الخبير هاتعمل ايه
عمرو:بصي ياستي اللي زي فرفوشه دي ماتمشيش الا بكراسه المحاضرات

حائره ازاي يعني:يعني انتي هاتخدي كراسه محاضراتها وتجيبيهالي من غير ماتحس واتفرجي عليها وهي بتلف حولين نفسها

مملكه الاحزان :والله فكره ياحائره وفرصتك وجاتلك لحد عندك جربي

حائره:ودي الاقيها فين بس
عمرو:بسيطه خالص خدي رقم موبايلي ولما تروحي البيت ابقي خدي الكراسه بتاعتها واديها للبوابا بتاع العماره واديني رنه هاروح اخدها منه
مملكه الاحزان :فكره تحفه ياعمرولله ياحائره فرصتك وجت لحد عندك
وقررت حائره تعمل الخطه اللي قالهاها عمرو واول ماروت البيت استغلت فرصه ان فرفوشه راحت تاخد شور وخدت الكراسه ونزلت جري اديتها للبواب وادت رنه لعمرو
ولما طلعت الاوضه لقت فري انجل في وشها
فري انجل:مالك ياحائره
حائره:ها....ابدا
فري انجل:كنتي فين وشكلك كانك كنتي بتجري
حائره:لا اصلي افتكرت ان البوك بتاعي وقع فقولت اشوفه ع السلم
فري انجل:ولقيتيه؟
حائره:ها .... اه لاقيته بقولك ايه انا داخله انام

فري انجل في نفسها***مالها دي والله انما قاعده مع اتنين مجانين


ولما طلعت فرفوشه من الحمام وبدات تحضر حاجتها لتاني يوم اكتشفت ان الكراسه بتاعتها ضايعه ولاحظتها فري انجلفري انجل:مالك يافرفوشه انتي كمان
فرفوشه :كشكول المحاضرات بتاعي مش لاقياه

فري انجل:انا زهقت بصراحه منكم انتو الاتنين اللي ضايع منها حاجه تدور عليها فلقتوني


تروح فرفوشه لحائره وتقولها
حائره

حائره بكل لئم:نعم يافرفش

فرفوشه :فين الكشكول بتاعي

حائره:وحياة ابو مش عارفه مين اللي قعد طول الليل مش عارفه بيعمل ايه ماشوفته

فرفوشه :بلاش رخامه بقى فينه
حائره:بصي يافرفش طول مانتي مش عارفه فين الشنيور بتاعي انا كمان مش هاعرف فين الكشكول بتاعك

فرفوشه :يعني لو جبتهولك تديني الكشكول بتاعي
حائره:طبعا اكيد

تروح فروفشه جري وتجيب السيشوار بتاع حائره

فرفوشه :فين بقى الكشكول

حائره:مين قالك اني اعرف مكانه

وراحت حائره بكل خباثه ونامت
ياترى فرفوشه هاتسكت لها
دا اللي هاتعرفه الحلقه الجايه

جميلة اوي
كملي باقي الحلقات
ميرسي

انا هقول جملة واحدةبعشق القمر لما يجمع الصحاب لما نبكى لو يفرقنا نفرح لو نكون لمة
انا بعشق الرؤاية دي تسلملي ايدك يا فرفوشة يا قمري

ههههههههههههههههههههههههههههههههههه

جميل جداااا

الجزء ده يا فرفوشة

الله الله الله الله
بجد قصة م الاخر
تحفة اوووووووووووى
جميلة جدا جدا جداااااااااااااا
تسلم ايدك وفى انتظار باقى القصة بسررررررررعه

!!! نيســــّ ّ !!! ّ ّتوبكــــــــّ ّ !!! ّ ّثانكســــّ ّ!!!

!!! تحياتيــــ ّّّ ّ !!! ّ ّليكــــ ّّ ّ!!!

حلوة اوى اوى يا فرفوشة بجد
كمليها بسرعة انا مستنية

تمااااااااااااااااااااااااااااام

تسلمى يا اختى

[جميله جدااااااااااااااااا يا فرفوشه
ومزيد من التألق

الله الله الله عليكى بجد يا فرفوشه
قصه جميله اووووووووووووى
كالعاده متميزة
فى انتظار باقى الحلقات
ومتابعه معاكى ان شاء الله

تسلم إيديكي...

مستني باقي القصه...

دمتي متميزه...

هاااااااااااااي ياحلوين عاملين ايه النهارده اكيد شمتانين في فرفوشه ههههههههه اسيبكم بقى مع الحلقه الرابعه

بعد ماراحت حائره بكل خباثه نامت وسابت فرفوشه مولعه من الموقف اللي هي فيه

فرفوشه في نفسها***أأأه منك انتي يامسلوعه اعمل ايه بس فيها ياربي ...مانا ماعدش معايا حاجه امسكها عليها ....يعني كان لازم اديها الشنيور بتاعها دا قبل ماتديني الكشكول .....طب اعمل ايه بس دلوقتي......روحي ياشيخه ...يارب تانم عليكي حيطه تبططك كدا تخليكي زي رغيف العيش المهري اللي ماحدش يبصله

طبعا حائره من الفرحه مش عارفه تنام خاصتا وهي شايفه فرفوشه بتلف حولين نفسها وهي بتدور على الكشكول بتاعها

حائره في نفسها**بجد ياعمرو كان عندك حق لما قولت انك خبير مقالب

اما بقى في ناحيه تانيه حصل اللي ماكانش يخطر على البال والخاطر

عمرو :الو...ايوا يابابا.........ورق ايه ده؟؟؟؟ يعني هو لازم يعني......طيب مابعتهلولك وخلاص..........طيب خلااااااص ماتعصبش بكرا هاكون عندك ...سلام

اخو عمرو: في ايه ياعمرو بابا عايز ايه

عمرو:عايزني اسافرله بكرا اسكندريه عشان اديله ورق نساه

اخو عمرو:طيب وهاتعمل ايه ؟

عمرو :يعني هاعمل ايه يعني مافيش بإيدي حاجه اعملها

ويفتكر عمرو انه لازم تاني يوم يودي الكراسه لحائره

عمرو في نفسه:اوبااااااا ايه المشكله اللي حطيت نفسي فيها دي ......اعمل ايه دلوقتي.............أتصل على حائره؟.......الساعه دلوقتي واحده وماينفعش ابدا .....طب ابعتلها مسج اقولها اني مش رايح..........اكيد هاتفكر اني بتلكك عشان اكلمها .......طب اعمل ايه ماهو لو قلت لفري انجل حائره ممكن تزعل وهاتولع فيا ....خلاص انا بكرا هاسافر وامري لله لما ارجع هافهمها الحكايه وبعدين ماجاتش من يوم يعني.......صح كدا .........هما كدا الكبار جايبلينا المشاكل ...يعني كان هايجرى ايه لو ابويا ركز في حجاته كلها قبل مايسافر........اوووووف........انا هالحق اناملي بقى كام ساعه قبل ماسافر

وفي الصبح
فرفوشه مانمتش طول الليل واول ماطلع النهار جهزت حجاتها ولبست ونزلت من غير ماتستنى حد


وفري انجل مااستغربتش لانها عارفه ان الحرب بين توم وجيري لسى شغاله


اما حائره فنزلت فرحانه ومبسوطه جدا لانها اخدت بتارها من فرفوشه


وفي الكليه:عشق:صباح الخير يافرفش

فرفوشه :اهلا ياختي

عشق:بدام مكشره كدا يبقى اكيد حائره خدت بتارها منك امبارح

فرفوشه: اه ياختي انبسطتي


عشق:بصراحه مالومهاش ...اللي عملتيه فيها مش شويه

فرفوشه بكل عصبيه: اقولك على حاجه.....روحي ياشيخه الهي تولعي انتي وهي بجاز قومي ياختي على المحاضره



وفي النحيه التانيه
سايلنت لف :هاي فري اخبار توم وجيري بتوعك ايه

فري انجل: بجد انا زهقت ماتجيبليش سيريتهم

صدى الشوق: شكلك تعبانه منهم قوي

فري انجل:بجد اعصابي ماعدتش مستحمله ...غيرو السيره دي بقى ..........هو عمرو فين مش شايفاه يعني

اسامه :ماحدش شافه ...شكله مش جاي النهارده

حماده: هو بدام اتاخر كدا يبقى مش جاي لانه مش بيتاخر يلا احنا على محاضرتنا

اما بقى حائره فالفرحه اللي في عينيها مش محتاجه تفسير

مملكه الاحزان:شكلك فرحانه قوي النهارده

حائره : شور....بجد عمرو دا خبير

دمعه فرح :طب والله كويس هابقى اخليه يدبرلي مقلب لما حد يضايقني

العاشقه في حب الله:ابقي عرفينا عليه ياحائره عشان نضربها صحوبيه معاه

حائره: هههههههههه نو وي انا هاعينه مستشار المقالب بتاعي انا بس

مملكه الاحزان:ههههههههههه طب يلا بقى ياجناب المديره عشان نلحق المحاضره

وفي المحاضره

دكتور صمت الوداع:اوك ياجماعه وبكدا نكون خلصنا المحاضره وبكر ان شاء الله في امتحان في المحاضرات اللي اخدتوها كلها


فرفوشه في نفسها**الله الله وانا كشكولي مش معايا كملت .....اعمل أيه بس ياربي ....ياريتني كنت سمعت كلام عشق وصاحبت حائره ماكنش دا كله حصلي

حائره في نفسها***او نو الامتحان بكرا لازم اشوف عمرو واخد منه الكراسه عشان فرفوشه

ولما طلعوا

عشق :ذاكري كويس يافرفوشه
فرفوشه: اه ان شاء الله ياختي
عشق: فرفوشه ماتزعليش مني انا مش ضدك انا عايزه مصلحتك والله ولو حطيتي نفسك مكانها هاتعذريها

فرفوشه: اسكتي ياختي مانتي مش عارفه حاجه
عشق: طب عرفيني انتي

فرفوشه : اهي الحجه بخ اللي انتي واقفه في صفها خدت كشكولي وبكرا الامتحان هاهبب ايه انا دلوقتي

عشق :بصراحه انتي اللي جبتيه لنفسك

فرفوشه: بقولك ايه امشي من وشي السعادي لحسن وكتاب الله اطلعه عليكي

عشق: خلاص انا ماشيه سلام



اما حائره فتتصل على عمرو وتلاقي موبايله غير متاح

حائره في نفسها**اعمل ايه بس دلوقتي يعني كان لازم ياعمرو تقفل موبايلك دلوقتي ......نا هاروح للشله اشوفه هناك

ولما راحت للشله

حائره:هاي ياجماعه
سايلنت لف: هاي حائره ازيك اكيد جايه تسالي عن فري هي لسى ماشيه من شويه
حائره : لا انا .....انا عايزه عمرو

كل الشله يزهلو ويبصو لبعض من غير ولا كلمه
وحائره تلاحظ ان ماحدش رد عليها

حائره بكل عصبيه:بقول عمرو فين

حماده : عمرو ماجاش النهارده اقدر اساعدك في حاجه

حائره: ثانك يو
وتمشي بسرعه وبكل عصبيه وهي بتقول في نفسها
ياربي اعمل ايه بس دلوقتي في المصيبه دي

اما الشله:اسامه :يابن الايه ياعمرو لحقت وقعتها
سايلنت: جرى ايه يابني انت دماغك دايما كدا
اسامه: مانتيش شايف بتسال عليه ازايه
حماده:خلاص ياجماعه بكرا يجي عمرو ويفهمنا

اما بقى حائره بعد ماتفقد الامل ان عمرو هايرد عليها حائره في نفسها**ياربي مافيش قدامي حل غير اني اصور الكراسه بتاعتي لفرفوشه وامري لله

وفي البيت
فرفوشه :اعمل ايه بس ياربي .........منها لله اللي كانت السبب

فري انجل: دوري تاني عليه يافرفوشه بالراحه

فرفوشه :كشكولي مش ضايع كشكولي متاخد
حائره: ا ........... فرفوشه
فرفوشه : نعمين ياختي
حائره : انا صورت لك الكراسه بتاعتي قولت اساعدك حرام ماتزاكريش

فرفوشه:تصدقي قشعرت من الفيلم اللي عملتيه ده ............تساعديني ايه ياروح طنط...........قالولك بشحت على باب جامع

حائره: ايه الاسلوب ده وبعدين دا بدل ماتشكريني اني فكرت فيكي اصلا

فرفوشه: ناااااااااعم اشكرك على ايه ياختي على انك ضيعتي الكشكول بتاعي وجايه عشان ترضي ضميرك مصورالي بتاعك

حائره:انا غلطانه اصلا اني فكرت في وحده زيك

فرفوشه وبكل عصبيه تاخد الورق اللي صورته حائره وتقطعه وترميه في الارض وتقولها
انا ياختي ماقبلش شقفه من حد وبلاش شغل السهوكه ده وهاتي كشكولي احسن لكحائره:بجد انتي وحده لاتطاق

وفجاه فري انجل بكل عصبيه وبعد ماطفح الكيل وفاض بيها
خلااااااااااااااااص كفايه حرام عليكم انتوايه مافيش احساس خالص ولا كأن في وحده هنا معاكم والله مانا قاعدلكم هنا انا ماشيه ولو هابات في الشارع ارحملي يارب تولعو انتو الاتنين

وتاخد حجاتها وتخرج من غير ماترد على حد فيهم
وطبعا حائره هاتنفجر ومش عارفه تعمل ايه وفروفشه راحت حطت غيظها كله في النوم

حائره في نفسها**كله منك ياعمرو انت اللي حطيتني في الموقف السخيف ده بس لما اشوفك

وتاني يوم
عشق :عملتي ايه يافرفوشه
فرفوشه :ولا حاجه مافتحتش ولا كلمه....وبصراحه بديت احس اني ظلمتها وان مش هي اللي خدته

عشق :سبحان مغير الاحوال.....طب هاتعملي ايه في الامتحان

فرفوشه :العمل عمل ربنا بقى يعني هاعمل ايه

عشق :طب كلمي الدكتور صمت الوداع يمكن يأجلك الامتحان
فرفوشه:هاشوف ربنا يستر بقى

ومن ناحيه حائره مملكه لاحظت انها مش مبسوطه
مملكه الاحزان:مالك ياحبيبتي هي فرفوشه عملت حاجا تاني
حائره :عملت حجات كتير قوي بس هي معاها حق ماهي ماعرفتش تذاكر

دمعه فرح:تستاهل ياحائره كل اللي بيجرالها
العاشقه في حب الله:ايوه تستاهل انتي بس طيبه قلبك اللي مضياعاكي
مملكه الاحزان :قولولها ......انا ريقي نشف من كتر الكلام
حائره :بقولكم ايه يلا خلينا نروح المحاضره احسن

اما فري انجل فباتت عند عمتها وراحت تاني يوم متاخر لان بيت عمتها بعيد وب ماشافتش حد من الشله


واما بقى شلتها اول ماشافو عمرو
حماده بكل لئم:ايه ياعم لحقت توقع البت بالسرعه دي
عمرو:بت مين الي وقعتها
اسامه يبص لحماده:ههههه الحق بيقولك بت مين
عمرو:لا بجد بت مين اللي تقصدوها
سايلنت لف:حائره جت امبارح وسالت عليك
عمرو في نفسه:**اوباااااااا يبقى اكيد في مصيبه حصلت ربنا يستر
اسامه :مش هاتقولنا ايه حكايتها
عمرو: ها.؟....مش وقته دلوقتي خلينا نروح نلحق المحاضره وربنا يستر
حماده :اه مااااااااااااااشي بس هايجي يوم ونعرف



وفي بدايه المحاضره راحت فرفوشه تكلم الدكتور وهي متوتره
فرفوشه:دكتور صمت بعد اذنك دقيقه
دكتور صمت الوداع:ايوا خير في حاجه
فرفوشه:دكتور معليش ممكن تأجلي الامتحان
دكتور صمت الوداع:ليه بقى ان شاء الله
فرفوشه:بصراحه يادكتور انا كشكولي ضاع و.........
دكتور صمت الوداع وبكل عصبيه وصوت عالي:
وانا مالي ان شاء الله اذا كنتي انتي مهمله دي مشكلتك انتي
.........بصو ياجماعه شغل الدلع وحركات المدارس دي مش هنا ومش معايا انا وان كنتو ماتعرفوش دكتور صمت الوداع تقدرو تسالو عني الدفعات اللي قبلكم ...........انتي اسمك ايه
فرفوشه بكل احراج:فرفوشه
دكتور صمت الوداع:اعتبري نفسك اخدتي صفر في الامتحان ويلا اتفضلي على مكانك ولو اتكرر دا تاني مالكيش حضور عندي والكلام للكل

فرفوشه في نفسها:حسبي الله ونعم الوكيل فيك من دكتور ....انا يتعمل فيا كدا

حائره في نفسها:سامحيني يافرفوشه ماكنتش اعرف ان الحكايه هاتوصل لحد كدا بس لما اشوفك ياعمرو

ولما طلعو من المحاضره راحت حائره تدور على عمرو واول ماشافته حائره بكل عصبيه:كنت فين امبارح يااستاذ عمرو
عمرو:اصل.........
وفجأه تعدي فرفوشه من جنبهم بالصدفه وتلمح الكشكول في ايد عمرو وحائره تتصدم ان فرفوشه في وشها

فرفوشه:مش داكشكولي والا بتهيالي.....وانا اللي كنت فاكره اني ظلمتك .....اتاريكي متفقه كمان معاه
حائره:فرفوشه اسمعيني هافهمك

فرفوشه:تفهميني ايه ياختي كشكولي طلعله رجلين وجيه نط في ايد الافندي وجه يرجعهولك ............ماخلاص ياختي كل حاجه واضحه اهييه

حائره:استني بس هافهمك
فرفوشه:انا اتهزء قدام اللي يسوى واللي مايسواش......انا اللي عمري ماحد كلمني كلمه يتقالي اني مهمله ...........لا وايه بسببك انتي ....وليه داكله انا عملت لك ايه ........عشان تعملي فيا كل ده ..عشاان.شلت البتاع اللي بتصدعيني بيه طول الليل .....تقومي تخليني مسخره قدام الكل.....انا اخد صفر بسببك.....روحي ياشيخه حسبي الله فيكي

حائره:اسمعيني هاقولك
فرفوشه :لاتقولي ولا تعيدي انا ماشيه
وتاخد فرفوشه كراستها وتمشي من غير ماتسمع حائره وتلتفت حائره لعمرو وتقوله
عاجبك كدا اديني بقيت فرجه للجامعه كلها بجد ثانك يو
عمرو:استني بس ياحائره انا هافهمك اللي حصل

طبعا حائره ماتردش عليه وتمشي وتسيبه من غير ماتسمع منه ولاكلمه هو كمان
لكنها ماروحتش البيت وفضلت تتمشى لوحدها لحد مالوقت اتأخر
اما فرفوشه فروحت لقت فري انجل في البيت

فرفوشه :انتي هنا
فري انجل:للاسف اه
فرفوشه :انا اسفه بجد على اللي حصل امبارح بس انتي شفتي اللي حصلي في المحاضره بسببها
فري انجل:شوفت بس لحد امتى هاتفضلو كدا بصراحه انا تعبت منكم انتو الاتنين ليه كل اللي انتو بتعملو ده اصلا؟
فرفوشه :حقك عليا.....والله انتي معاكي حق
فري انجل:وحائره فين لحد دلوقتي ماجاتش
فرفوشه :وانا ايش عرفني ياختي ماتكلميها وتشوفي هي فين

وطبعا حائره قافله موبايلها وفري انجل اتصلت لحد مازهقت ومن غير فايده وفي الاخر نامت فرفوشه وفري انجل
وحائره رجعت البيت متاخر لقتهم نايمين ونامت هي كمان

اما بالنسبه لعمرو فماجالوش نوم طول الليل لانه حاسس بالذنب وبقى قول في نفسه:ايه اللي انا عملته ده يعني كان لازم اخد منها الكراسه ماكنت قولتلها الفكره وخلاص...........وبعدين انا مالي مهتم قوي كدا ؟.........ازاي ماهتمش ماهو انا السبب..........لا هي اللي وافقت على فكرتي وانا ماجبرتهاش على حاجه......بس انا كمان اللي اتسببت في مشاكل لفري ما هما كدا هايتخنقو اكتر وفري هي اللي هاتتعب ..........اعمل ايه بس ياربي


والصبح:فرفوشه :صباح الخير يافري
فري انجل:صباح النور يافرفوشه............ايه ده دا حائر ه جت اهيه .....كنتي فين امبارح وجيتي امتى
حائره :ابدا كنت مخنوقه شويه فروحت اتمشى وماحستش بالوقت
فرفوشه :ياعني يافري عشان مخنوقه تتمشي في الشارع لبعد الساعه وحده بالليل وكمان قافله تليفونك ايه الكلام الفاضي ده

حائره :فري انا ماكلمتكيش بليز خليكي في حالك احسنلك ومالكيش دعوه بيا
فري انجل:حسبي الله ونعم الوكيل فيكم انتو الاتنين عمركم ماهتتعدلو

وتقوم فري انجل وتسيبهم وكل واحده فيهم تجهز وترو ح الكليه لوحدها وعلى المحاضره على طول لان ولا وحده فيهم ليها نفس تكلم حد
اما عمرو فكان بيدور على التلاته عشان يلاقي أي وحده فيهم ويفهمها اللي حصل بس للاسف المحاضره بدات ومالقاش ولا وحده فيهم
وبعد المحاضر فري انجل روحت على طول وعمرو شاف حائره ونادى عليها
حائره:نعم
عمرو :انا اسف بجد على اللي حصل
حائره:لا خالص اسف على ايه اني سمعت كلام بسببك عمر ماحد قالهولي ...والا على منظري اللي بقى سيء قدام الكل ....والا على ايه بالظبط ....بجد متشكره قوي بس دي غلطتي من البدايه
اني سمعت كلامك


وتمشي وتسيبه وعمرو المسكين ماقدرش يقول ولا كلمه ومافضلش قدامه غير فرفوشه وراح يدور عليها ولما لقالها ونادا عليهافرفوشه:نعمين ....في مقلب جديد عايزين تعملوه
عمرو:اديني فرصه بس اشرحلك
فرفوشه:تشرحلي ايه ياخويا ان شاء الله
عمرو:اسمعيني بس
ويقعد عمرو يحكيلها كل اللي حصل
فرفوشه:احسن تستاهلوا عشان تعرفو اللي يجي عليا مابيكسبش وبعدين انا مالي بكل ده .....مانتوش قد المقالب بتعملوها ليه


عمرو:مانتي السبب ياختي وانتي اللي ابتديتي
فرفوشه:بقولك ايه ماتعمليش فيه الحكيم .....انا ايه بقى اللي مطلوب مني بعد ماخدت صفر من تحت راسك

عمرو: طيب هو دكتور مين اللي بيديكم
فرفوشه:صمت الوداع ياخويا
عمرو:بسسسس دامعرفه هاظبطهولك ياستي تعالي معايا

ويرو ح هو وفرفوشه ويكلمو الدكتور ويتفقو معاه انه هايختبرها الاسبوع اللي جأي في محاضرته وبعد ماخرجو من عنده
عمرو:انبسطي ياختي .....اي خدع
فرفوشه :بقولك ايه انت هاتشيلها لي جميله ولا ايه ,..........دا اصلا اللي لازم تعمله بعد ماخربت الدنيا
عمرو:لا ولا جميله ولاغيره انا ماشي لحسن تضربيني وماتنسيش تهدي الدور مع حائره بقى
فرفوشه :طب امشي بقى من هنا لاحسن اديك في وشك
قال يعني انا اللي بقول شكل للبيع
ولما تروح البيت تلاقي فري انجل وحائره كل واحده فيهم في مكان وبعد شويه تنادي فري انجل على فرفوشه وحائره وتقعدهم جنبها
فري انجل:بصو بقى كدا كفايه قوي ولازم تتصالحوا
فرفوشه :انا ماعملتش حاجه يافري عشان اتصالح
حائره:ولا انا كمان يافري
فري انجل:انتو الاتنين عملتو كتير وانتو الاتنين غلطانين ولازم تتصالحو لمصلحتنا كلنا
فرفوشه :معاكي حق يافري....... بس برضو انا مش غلطانه
فري انجل:احنا مش في مين اللي غلطان يافرفوشه احنا بنقول لازم تتصالحو
حائره:عشان خاطرك بس يافري............سوري يافرفوشه
فرفوشه:وانا كمان عشان خاطرك يافري انتي ماتعرفيش معزتك عندي قد ايه .........حقك عليا ياحائره
فري انجل:ايوا كدا ......والله انا بحبكم وبعتبركم اخواتي بس العند اللي انتو فيه مبوظ كل حاجه

ومن كلام فري انجل فرفوشه وحائره حسو بالذنب ناحيتها وفروفشه افتكرت كلام عشق ليها وانها المفروض تحاول تصاحب حائره
وفجاه يسمعو صوت موبايل بيرن




ياترى موبايل مين ؟؟؟؟؟؟؟؟؟؟
واللي بيتصل عايز ايه؟؟؟؟؟؟؟؟؟؟؟؟؟؟؟؟؟؟
دا اللي هاتعرفه في الحلقه الجايه

هههههههههههههههههههههههههههه

الحلقه الجايه

هو دا المحقق كونان ولا ايه


ههههههههههههههههههههههههههههههههههههه

فى انتظار جديدك

معلش بس فرفوشة انتى كلامك وسع مايهمكيش حد بس حائرة شكلها مظلوم فى كل دة

هههههههههههههههههههه
انا حاسة بالدراما انا لسة هستنى اعرف مين اللى بيرن يالا كمليها بسرعة

ايه الجمال والحلاوه دى
بجد انتى تستحى تاخدى برنامج على الستالايت

حلوه جداااااااااااااااااااااااااااااااااااااااااااااااا اااااااااااااااااااااااا

ف انتظار باقى الحلقات

تسلمى

وبعدين فى التعليقة دى
ماتخلصي بئاااااااااااااااااااااا
مش بحب اندمج فى حاجة وتتقطع
بس سيبك انتى فرفوشة دى عسسسسسل
تسلم ايدك ياقلبي
ومنتظرين جديدك

كملى القصة انا اندمجت فيها اوى اوى

صباحو عسل ومساؤ مية فل وعشره مش هاطول عليكم وهاسيبكم مع الجزء الخامس






وفي وسط لحظه التسامح اللي فري انجل عاملاها فجأه يرن موبايلها



فري انجل:دا موبايلي بيرن ياترى مين اللي هايتصل دلوقتي ؟؟هاقوم اشوف مين




وتقوم عشان ترد على موبايلها وتسيب فرفوشه وحائره مع بعض


فرفوشه:هيييييييييه دنيا هي اللحظات الحلوه بتمر بسرعه زي رغيف العيش اللي طالع من الفرن و بيبرد بسرعه قبل مانوصل بيه البيت ههههههههههههه




حائره:ههههههههههه اه والله معاكي حق



وفجأه يلاحظو انهم نسيو كل حاجه حصلت وبيضحكو عادي مع بعض كأنهم اصحاب ويسكتو فجأه وكل وحده فيهم تدي ضهرها للتانيه



وترجع فري انجل وشكلها مش مبسوطه



حائره: what happen? فري



فرفوشه:مين يافري؟ وبعدين وشك جايب الوان ليه؟؟



فري انجل:دا أسامه بيقول هايعدي عليا ونسافر دلوقتي



فرفوشه:سفر ايه ياخواتي اللي بيظهر فجأه ده ؟؟



فري انجل: جدي الكبير تعبان وعايزنا كلنا حواليه



فرفوشه:لا اله الا الله .....بيودع يعني ؟



حائره تبص لفرفوشه بغيظ:ايه اللي انتي بتقوليه ده حسني الفاظك شويه



فرفوشه: مش قصدي والله يافري



فري انجل:ولا يهمك يافرفش انا فهماكي ياحبيبتي


حائره:ان شاء الله خير يافري ربنا يشفيه
فري انجل:اما الحق أجهز حجاتي قبل ما أسامه يجي



وتروح حائره وفرفوشه يساعدو فري في تجهيز حجاتها ولما يوصل اسامه يرن لفري رنه عشان تنزل



فري وهي ماشيه تبص لفرفوشه وتقولها

خفي الحرب شويه على حائره يافرفوشه
فرفوشه : اللي يسمعك بتقولي كدا يقول اني ماساكالها مسدس رشاش
فري انجل:وانتي ياحائره ماتقفيش لفرفوشه على الواحده هي صحيح كلامها زي الحجاره بس قلبها طيب
حائره:مش تشيلي هم خالص أكنها مش موجوده ابدا
فرفوشه :ليه ياختي مش ماليه عينك والا ايه


فري انجل:طب اعمل فيكم ايه دا انا لسى مامشيتش وبتعملو كدا امال لما امشي هاتعملوا ايه
ياخوفي افتح الاهرام الاقيكم في صفحه الحوادث


فرفوشه :ههههههههه ربنا قادر على كل شيء ....يلا ياختي لحسن اسامه ينزل اسمك انتي في صفحت الحوادث


فري انجل:يلا باي يابنات
حائره:خدي بالك من نفسك يافري وابقي طمنينا
فرفوشه :لا اله الا الله
فري انجل:محمد رسول الله


وتمشي فري انجل وهي في نفسها بتقول يارب استر على الاتنين دول



اما بقى فرفوشه وحائره لما قفلو الباب كل وحده فيهم بصت للتانيه ورجعت لفت وشها ومشيت كل وحده فيهم في اتجاه




فرفوشه افتكرت كلامها مع عمرو ولفت على حائره وقالت لها
إلا من حق يابت يامسلوعه انتي قبل مانسى

حائره:نعم ياختي
فرفوشه وبكل ثقه:هههههههه والله لو اتشقلبتي زي القرد كدا ما هاتعرفي تقوليها حلوه زي ما أنا بقولها

حائره بكل عصبيه: إنجزي ...عايزه ايه
فرفوشه: خلاص ماتجزيش على سنانك كدا لتقع وأنتي اصلا مش ناقصه
حائره: بليز مش كل كلمه اقولها تردي عليها بعشره
فرفوشه:لا ياختي....لاعشره ولاميه .....انا عايزه اقولك ان الافندي اللي انتي عملتي معاه المقلب جالي النهارده ....وفهمني انه ماكانش قصده اللي حصل....وانه راح اسكندريه عشان ابوه

حائره:طيب وبعدين اعمل ايه يعني وبعدين انتي مش كراستك رجعتلك وخلاص

فرفوشه:لا ياختي ماتعمليش انا بس بخلص ذمتي قدام ربنا وانتي بصراحه ظلماه ......وربنا ع الظالم والمفتري

حائره:ظلماه مش ظلماه انا حره
فرفوشه بكل روقان تغني :انا حره ماحبش ضره
حائره تدي ضهرها لفرفوشه بكل عصبيه :اووووووووف
فرفوشه:خلاص ماتنفخيش قوي كدا لاتوقعي الحيطه ....وننام احنا ازاي كدا من غير حيطه.؟



حائره يترفع عندها من فرفوشه وتروح تنام من غير ماترد عليها



اما فرفوشه تروح تنام وهي حاسه من جواها انها فرحانه لانها حرقت دم حائره



وتاني يوم طبعا من المؤكد ان كل واحده فيهم شايله طاجن ستها وبوزها شبرين ومش بتكلم التانيه



ولبسو ونزلو مع بعض وهما مش عارفين ليه اصلا هما نازلين مع بعض وان المفروض كل واحده تنزل لوحدها




وفي الكليه

عشق :اخبارك ايه يافرفش
فرفوشه : الحمد لله نحمده على مابلانا
عشق :وهو بلاكي بايه بقى
فرفوشه : ابدا ياختي فري انجل سافرت امبارح وسابتني انا وبوز الإخص دي في وش بعض
عشق :عشان خاطري يافرفوشه ارجوكي....


فرفوشه : عارفه ياختي الاسطوانه المشروخه بتاعتك اللي هاتقوليها اقرب منها واصاحبها
عشق :شطور يافرفوشه ياحبيبتي

فرفوشه :

حسستيني اني عيله بضفيرتين ومصاصه
عشق :هههههههههههه ياخرابي على الفاظك الي هاتوديكي في دهيه دي يلا ياختي نروح المحاضره



وفي النحيه التانيه



حائره قاعده مع مملكه الاحزان ودمعه فرح

مملكه الاحزان:ايه اخبارك النهارده ياحائره
حائره: مممممممم نوعا ما كويسه
دمعه فرح:وليه نوعا ما ؟
حائره:لاني مش متأكده انها هاتبقى كويسه على طول
مملكه الاحزان:ليه بس كدا
حائره:فري سافرت امبارح وأنا وفرفوشه مع بض
مملكه الاحزان:لاااااااااا....بجد ربنا يعينك



وفجأه مملكه تلاقي احمد سمير قدامها
احمد:صباح الخير يابناتيت
مملكه الاحزان:اهلا ياحمد ...تعالى اقعد معانا شويه من زمان ماحدش شافك

احمد يلاحظ ان حائره سرحانه ويقول


ياهوووو نحن هنا سرحانه في ايه بقى قولي قولي
دمعه فرح :انا هاقولك سرحانه في ايه
احمد:ياسلام ياختي بتقري الافكار والا ايه


دمعه تحس بالإحراج وتسكت وحائره تلاحظ ان احمد احرجها


حائره:لا ابدا مش سرحانه في حاجه ياحمد
مملكه الاحزان:لا سرحانه وبطلي كدب احمد مش غريب
احمد:خلاص يامملكه سيبيها على راحتها
حائره:لا والله ياحمد مش قصدي كدا ابدا
مملكه الاحزان:بص ياحمد انا هاحكيلك


وتحكيله كل اللي حصل مع حائره وفرفوشه وبعد ماسمع احمد الحكايه


احمد:انا من رايي ان حائره تنتهز فرصه ان فري مش موجوده وتتحاول تقرب من فرفوشه
مملكه الاحزان:جرى ايه ياحمد هو انا بقولك كدا عشان تقول تقرب من فرفوشه

احمد:ياجماعه مافيش انسان شرير بطبعه وصدقيني ياحائره لو قربتي منها هاتلاقي جواها طيبه وانسانه تانيه خالص غير اللي انتي شايفاها دلوقتي



تسكت حائره وتفكر في كلام احمد


احمد:بصي انا عارف انك بتفكري في كلامي دلوقتي فكري فيه كويس وانتي الكسبانه انا هامشي بقى عشان الحق المحاضره


ويمشي احمد وتستنى مملكه لما يمشي


مملكه الاحزان:سيبك منه ماهو لو في الموقف بتاعك وحاسس بيكي ماكانش قال اللي قاله
دمعه فرح:يلا ياجماعه عشان احنا كدا اتاخرنا على المحاضره

اما شله فري انجل:

سايلنت لف:خساره اسامه وفري انجل مش هايجو النهارده
عمرو:اه والله خساره وجودهم بيعمل جو وخاصتا فري لما بتحكي عن توم وجيري اللي معاها

حماده:ايواااااااااا إيه بقى حكايتك مع حائره ياعم روميو

عمرو:ها......ابدا ولا حاجه والله
صدى الشوق:ازاي وهي جت وسالت عنك بنفسها
عمرو في نفسه***:اه كلهم اتفقو عليا ومافيش مفر
سايلنت لف:ايه ياعم انت هاتفكر تقولنا ايه ماتنجز
عمرو:لا ياختي لافكر ولا حاجه بصو ياجماعه
ويحكيلهم اللي حصل
حماده:روح ياشيخ قال وانا اللي فكرتك وقعتها
سايلنت لف:عشان بعد كدا لما اقولكم حاجه تصدقوني
صدى الشوق:بجد ياعمرو انت غلطان انك دخلت نفسك بينهم اديك جبت لنفسك المشاكل

حماده:ايه ده مين اللي بيتكلم صدى؟؟؟؟؟ دي تتكتب في التاريخ اول مره تقولي كلام مفيد
صدى الشوق:ماتلم نفسك بدل مالمك
عمرو:خبر ايه ياجماعه ماتصلو ع النبي ويلا عشان المحاضره هاتبدا
وبعد ماخلصت المحاضرات
عشق:يلا يافرفش اشوفك بكرا وماتنسيش اللي قولت لك عليه

فرفوشه:خلاااااااااااااااص...حفظت العشر وصايا ....روحي بقى جاتك نيله وانتي رغايه كدا
عشق:انا استاهل الضرب اصلا
فرفوشه:ضرب بس دانتي تستاهلي الضرب والحرق مع بعض



وتروح فرفوشه وهي بتفكر في كلام عشق طول الطريق



اما حائره فكانت خارجه من المحاضره مع مملكه ودمعه



ويلمحها عمرو وهو واقف مع الشله
عمرو:طيب يلا بقى ياجماعه انا ماشي اشوفكم بكرا
سايلنت لف تلاحظ انها هاروح لحائره:اااااااااااه تشوفنا بكرااااا
عمرو:اييييييه في اييييه انتو اصلا مش فاهمين حاجه
حماده:اااااااااااااه مش فاهمين روح ياخويا روح ....يابتاع الكراسه
صدى الشوق:مالكم ياجماعه على عمرو
حماده:ياختي اتلهي ...انا شكلي حسدتك ولا ايه

يروح عمرو ويسيبهم عمرو:......ا.....حائره

تلف حائره هي ومملكه ودمعه وهي بتيتسم ابتسامه خفيفه يلاحظها عمرو

عمروفي نفسه**:بدام ابتسمت كدا يبقى خير ان شاء الله
مملكه الاحزان:خير ياعمر و عايز حاجه
عمروفي نفسه**:عايز شاي هههههههههه ايه الرخامه دي
عمرو:عايز حائره على انفراد

حائره:اوك يابنات اشوفكم بكرا ...باي
وتسيبهم وتروح مع عمرو
حائره:ها ياعمرو في ايه
عمرو: هانتكلم واحنا واقفين كدا ماتيجي نشرب حاجه
حائره:اوك ماعنديش مانع
عمرو طبعا مبسوط وطاير من الفرحه وفجأه سأل نفسه.....
هو انا مبسوط كدا ليه....انا اساسا بكلمها ليه .....يلا خلينا نشرب حاجه ونخلص الموضوع مره وحده عشان يبقى انفض

حائره في نفسها**: هو انا ايه اللي عملته دا؟؟اصلا ماكنش يصح اوافق اني اروح معاه...يلا هي مره وهاتعدي

وهما في الطريق
عمرو:حائره .....انا
حائره:انا فهمت كل حاجه فرفوشه حكتلي
عمرو:مع اني ماكنتش متوقع انها هاتحكيلك فقولت اكلمك النهارده
حائره في نفسها***معنى انها قالتلي انها كويسه والله شكل كلام احمد صح
عمروفي نفسه***والله وطلعتي جدعه يافرفش مع اني كنت فاكر انك هاتعملي حركه نداله وماتقولي لهاش

ولما يقعدو ويطلبو العصير
عمرو:يعني انتي مش زعلانه خالص
حائره:نو...الحكايه خلصت خلاص مافيش مشكله انا اللي كنت فاهماك غلط
عمرو:ولا يهمك بسيطه ان كانت عليا انا مش مهم المهم ان انتي مش زعلانه
حائره:ربنا مش يجيب زعل تاني ابدا
عمرو:عارفه ايه احلى حاجه في اللي حصل دا كله.....اني اتعرفت عليكي

حائره في نفسها**: نعم انت هاتعملهم عليا
عمرو:كلامي زعلك والا حاجه؟
حائره::لا ابدا مش زعلني ....ثانك يو دا بس من زوقك

وبعد مايشربو العصير تبص حائره للساعه وتقوم عشان تروح

عمرو:طيب اوصلك؟
حائره:ثانك يو انا قريبه .....وبعدين عشان ماعطلكش
عمرو:ولا عطله ولا حاجه اتفضلي هاوصلك
حائره:اوك

وهما في الطريق تحس حائره انها غلطت لما وافقت انه يوصلها وتقول في نفسها

دي تاني مره اعمل حاجه من غير مافكر مش يصح ابدا انه يوصلني

عمرو:حائره هو انتي من فين؟
حائره في نفسها**: بدانا بقى الاسئله السخيفه
وترد عليه: انا من القاهره
عمرو:طيب ايه اللي خلاكي تسكني في سكن الكليه
حائره في نفسها**:وانت مالك اساسا
وترد عليه: انا اصلا اهلي مش في مصر فقولت اسكن في سكن الجامعه احسن ماكون لوحدي

عمرو:بجد ربنا يكون في عونك
حائره في نفسها**:هو انا اشتكيت لك والا طلبت رايك
عمرو:عارفه ....انا طول عمري بحلم اسافر والف العالم كله وازور كل مكان..... بجد حلم عمري .....وانتي بقى ايه حلم عمرك؟؟؟
حائره:ها .....انا؟

عمرو:لو يضايقك تقوليلي خلاص مش مشكله
حائره:لا مش قصدي خالص....بس اول مره حد يسألني .....وتقريبا عمرها ماجت في بالي
عمرو:معقوله مالكيش حلم عايزه تحققيه
حائره:يمكن بعدين ....بس دلوقتي مافيش

ويوصلو البيت وحائره تقول لعمر و تبعتك معايا
عمرو:لا ابدا بالعكس انا ماحستش بالطريق خالص
تحس حائره باحساس غريب جواها وعمرو يلاحظ انها اتغيرت فجأه

عمرو:حائره مالك في حاجه؟
حائره:لا ابدا مافيش يلا بقى اشوفك بكرا

وتطلع حائره السكن وتلاقي فروفشه قاعده سرحانه وطبعا مافيش وحده فيهم بتكلم التانيه مع ان كل وحده فيهم بتفكر في التانيه
حائره بتفكر في كلام احمد ومملكه .....وفروفشه بتفكر في كلام عشق
وفي الليل وهما نايمين صحيت حائره من النوم لانها حاسه بوجع شديد لدرجه انها ماقدرتش تتحمله وصرخت مره وحده وصحت فرفوشه
فرفوشه:في ايه مالك ياحائره؟
حائره:مش عارفه تعبانه قوي ومعدتي مقلوبه
فروفشه:ايه ....حامل يعني
حائره:ايه اللي انتي بتقوليه ده ....انا تعبانه وانتي بتهزري
تحط فرفوشه ايديها على راس حائره تلاقيها سخنه مولعه
فرفوشه:يالهوي دانتي سخنه نار.....هاتموتي والا ايه........لا ابوس ايدك ماتموتيش دلوقتي ......فري هاتقول اني انا اللي موتك

حائره:اااااااااااااااااااااااااااااااااااه
فرفوشه:طب اعمل ايه بس........تعالي اوديكي المستشفى
وتنزل هي وحائره وياخدو بواب العماره وويوقفو تاكسي ويورحو المستشفى
وهما في الطريق تحس فرفوشه انها خايفه على حائره قوي وتقولها

هانت ياحبيبتي سلامتك الف سلامه ياريت اللي فيكي فيا انا ياحبيبتي




ياترى حائره فيها ايه وايه اللي هايحصل بعد كدا؟؟؟؟؟؟؟؟؟؟؟؟
دا اللي هانشوفه الحلقه الجايه