اكتبيها ورا بعض احسن ههههههههههه
|
حلوة اوى اوى بس بلاش كل شوية التشويق دة
اكتبيها ورا بعض احسن ههههههههههه |
|
هاااااااااااااااااي عليكم جه دور الحلقه 12يلا نشوف فرفوشه مالها فرفوشه:ياخرابي يالهوي ....جات الحزينه تفرح مالقتلهاش مطرح عمرو:جرى ايه مين اللي مات لك ياختي حماده:مش وقت تريقه ياعمرو حائره:اهدي كدا ياحبيبتي وقولي في ايه فرفوشه:محمولي اتسرق ياختي ....وملحقتش افرح بيه عمرو:ماكنش يووووووووومه ياختي حماده:ماتلم نفسك شويه ياعمرو عمرو:وهو انا اتكلمت؟؟؟ صدى:طيب اهدي كدا وكلنا هاندور عليه وتبدا الشله تدور على موبايل فرفوشه اما سيلنت وميزو لما مشيو ميزو:حمد لله على سلامتك ياسيلنت سيلنت:الله يسلمك ميزو:يعني عاجبك اللي احنا فيه ده؟ سيلنت:وهو اللي احنا فيه ده مش انت سببه ميزو:انا غلطت بس ندمان....ارجوكي كفايه عند بقى اديني فرصه لو لاخر مره سيلنت:انا ميزو:انتي بتحبيني وانا كمان بحبك....كفايه عذاب اكتر من كدا لحد امتى ياسيلنت حرام عليكي بجد ..حرام فجأه سيلنت دموعها تنزل ميزو:ليه دموعك دي؟؟؟ سيلنت:لاني تعبت....تبعت بجد .....عشان لسى بحبك ميزو:ياااااااااااااه واخيرا قولتيها ....وانا والله العظيم بحبك وبوعدك عمري ماهزعلك تاني سيلنت:صدقني ياميزو دي اخر فرصه ليك ميزو:ايه الغلاسه دي يابت عيشي الرومنسيه..ياساتر سيلنت:ياسلام ياخويا....ماشي ياميزو ماشي اما الشله فلسى بيدورو على موبايل فرفوشه حماده:طيب اخر مره كان معاكي فين فرفوشه:هو كان في ايدي وحطيته في الشنطه...دا مش ضاع ..دا اتاخد مني عمرو:هههههههه لافكيكه قوي صدى:ايه ياعمرو انت رايق كدا ليه حماده:اقطع دراعي من هنا ان ماكنش انت اللي واخده عمرو:وانا هاخده ليه مانا معايا واحد فرفوشه:ياسلام وهو دا سبب كفايه انك ماتخدهوش حائره:خلاص ياجماعه انتو هاتسيبو المهم وتقعدو تتخانقو فرفوشه:اه ....طبعا مانتي هاتحاميله ماهو حبيبك حماده:ههههههههههه لا حلوه عمرو:ضحكتك قوي دي ...اه حبيبها عندك اعتراض صدى:خلاص بقى الله حائره بصوت واطي:ماشي يافرفوشه حاااااااضر فرفوشه:وانتي بتوطي صوتك ليه ...ماتقولي حاضر حائره:فرفوشه لمي الدور وبعد بحث طويل ولما حسو انهم اتأخرو قوي عمرو:ههههههههههه خلاص كفايه قوي كدا...خدي ياختي صدى:اخص عليك بجد ياعمرو معقوله تعمل فينا كدا فرفوشه:انا كنت حاسه من الاول ....روح ياشيخ شكيتك لواحد احد فرد صمد ..ايلاهي اشوف فيك 360 يوم يارب...عليا النعمه ماهاسيبك حائره:خلاص يافرفش يلا بقى نروح عشان اتأخرنا فرفوشه:طبعااااااااااا مهو حبيبك مش هاتقوليله حاجه عمرو:بقولك ايه بس عشان ماتخلينيش اندم اني اديتهولك حماده:ماحلاك بعد داكله ماتديهولهاش صدى:ياجماعه انا اتأخرت قوي حماده:كلنا اتأخرنا ....بسبب الحج ده ..يلا خلينا نمشي حائره:يلا ياجماعه نشوفكم بكرا ...يلا يافرفش عمرو:سلميلي ع الموبايل فرفوشه:بس ياخفه ....عليا النعمه لاوريك ولما روحو: فرفوشه:عجبك كدا ياختي اللي عمله الحج روميو بتاعك حائره:انتي اللي زودتيها بصراحه فرفوشه:طبعااااا معاكي حق تدافعي عنه حائره:لا مش بدافع ....بس انتي اللي مسكاه تريقه من الاول فرفوشه:بس ماخدتش تيليفون حد وخبيته حائره:والله كل واحد وطريقته فرفوشه:كل واحد وطريقته.....الله يحرقك انتي وهو بجاز ياشيخه اما سيلنت لما رجعت البيت بعد الفراق:اهلا .. سيلنت:اهلا بيكي ياحبيبتي انتي يااختي بعد الفراق:ايه الروقان دا كله سيلنت:واني تكرهي اختك حبيبتك تكون رايقه بعد الفراق:لا طبعا ....بس خير ....اوعي تقولي رجعتي لميزو سيلنت:احم احم....ايووووووووووووون بعد الفراق:هي دي اختي اللي بحبها هههههههههه وتحضنها وتقولها ربنا يهديكي كدا على طول يام قلب قاسي انتي ههههههه اما عمرو لما روح البيت: ههههههههههههههههههه احسن يافرفوشه احسسسسسسن عشان تاني مره تعرفي تتريقي كويس ...ههههههههه دانتي هاتشوفي ايام سوده .....بس غريبه حماده كان محموق عليها قوي كدا ليه يكونش وقع ..ههههههههه حماده يقع ......لا تلاقيه بس عشان دور معاها .....ههه قال حماده يقع اما حماده فمن ساعه مارجع البيت وهو نفسه يمسك عمرو بخنقه وبقى يقول: اه ياعمرو.....لحد امتى هاتفضل تشتغلنا بمقالبك السخيفه دي ..لا وعمال يضحك ولا همه....ماشي ياعمرو الايام جايه كتير.....وبعدين اساسا فرفوشه مش هاتسيبه دي جامده اخر حاجه....بكرا نشمت فيك ...وريني بقى ساعتها هاتعمل ايه وفي اليوم التاني عشق:ايه يافرفش مين زعلك حائره:ههههههههه اصل عمرو عمل فيها مقلب امبارح بعد مامشيتي فرفوشه:اه اضحكي ياختي اضحكي ...يعني انتي همك حاجه ...بصي ياعشق انا راضيه ذمتك في اللي حصل ....واحد زي الافندي ده ياخد تيليفوني ويلففني عليه 7 دوخات لييييييييييه؟؟؟.... حائره:ماهي كمان ياعشق مابترحمهوش طول الوقت واخداه تريقه عشق:هههههههههه طب اقولكم ايه بس فرفوشه:قولي الحق ياختي ...هي بتدافع عنه عشان هو حبيبها حائره:لا مش بدافع انا بقول الحقيقه ..انتي مش بترحميه عشق:هههههههههه انا بقول نروح المحاضره ارحم اما الشله اندهشوا ان سيلنت وميزو جايين مع بعض عمرو: ياصباح الفل ايه ده ..انا مش مصدق عيني حماده:اه والله ياجماعه حد يقولي اني بخرف سيلنت:جرى ايه انتو الاتنين ماتتلمو صدى:اصل دي معجزه ياسيلنت ..انتو اتصالحتو بجد؟؟؟؟ ميزو:ايوا ياختي اتصالحنا ....وان شاء الله مافيش زعل تاني ...لاني لو بعدت عنها تاني هاموت حماده:اوباااااااااا.....ايه الكلام الكبير ده لالالالالا انا اكيد بحلم عمرو:هههههههههههه ياجماعه حماده هايسورق مننا الحقونا بميه وسكر سيلنت:انتو مش هاتلمو نفسكو والا ايه صدى:خلاص اهدو ياجماعه ...زاهم حاجه الميه رجعت لمجاريها يلا بقى المحاضره هابتدا وبعد المحاضره: عشق:احنا خلاص ياجماعه قربنا قوي على امتحانات الترم لازم نشد حيلنا حائره:عندك حق احنا لازم نشد حيلنا جامد عشان مانطلعش بمواد فرفوشه:لا بقى تفي من بقك ولا اعطسي ...قال مواد قال ..احنا هانشد الهمه وربنا ان شاء الله مش هايضيعنا عشق:ونعم بالله يافرفوشه بس انتي عارفه النظام في الجامعه مش زي المدرسه دا هنا لو دكتور حطك في دماغه بيقعدك هنا طول العمر حائره:اه والله ياعشق ربنا يستر ومايكنش حد حطنا في دماغه فرفوشه:ايه ياختي انتي وهي ايه الكلام ده اللي بتعكوه انا ياختي مش فارقه معايا دا كله ..احنا نعمل اللي علينا ونتوكل على الله داربنا بيقول"ان الله لا يضيع اجر من احسن عملا" حائره:ونعم بالله صح كدا يافرفش فرفوشه:بدام هو صح واجعين دماغ الي خلفوني ليه ..ايه الوكسه دي عشق:الحق علينا ياختي احنا غلطانين اننا بناخد وندي معاكي حائره:اه والله غلطانين فرفوشه:جاك اوى انتي وهي ...وبعدين انتي قاعده ليه ياعشق مش بتروحي بدري كل يوم ايه اللي مقعدك حائره:بقى دا كلام تقوليه يافرفوشه؟؟ عشق:سبيها ياحائره...انا عارفه فرفوشه كويس ومش بزعل منها ...انا فعلا هامشي عشان اتأخرت فرفوشه:اوعي ياموكوسه تكوني زعلتي عشق:هههههههههههه موكوسه ...لا ياختي مازعلتش يلا سلام ولما تمشي عشق حائره:ايه يافرفوشه انتي مش هاتبطلي كلامك اللي زي الطوب ده فرفوشه:وهو انا قولت ايه يعني وبعدين ماهي قدامك قالت مش زعلانه اطلعي منها انتي وخليكي في حالك حائره:انا غلطانه فرفوشه:الا قوليلي صحيح هو روميو بتاعك فين حائره:عايزه منه ايه انتي مش المفروض انك زعلانه منه عشان اللي عمله فرفوشه:وهو انا يعني كنت سألت عشان سواد عينيه انا سألت عشانك انتي حائره:ازاي بقى ان شاء الله فرفوشه:يعني ..اصل اللي بيحب ياختي لازم يشوف اللي بيحبه كل يوم لحسن يحصله حاجه....وانا قلبي عليكي يعني حائره:لا والله ....حنينه ....وبعدين من امتى الخبره في الحب ان شاء الله......ايه رايك بقى اننا هانروح ومش هاندور عليه ولاهنكلمه فرفوشه في نفسها**:هههههههه اشرب بقى ياعمرو ان ماوريتك فرفوشه:وانا مالي ياختي هو انا اللي بحبه والا انتي حائره:اشوف فيكي يوم ياشيخه يلا امشي قدام ع البيت اما الشله: حماده:انا مش عارف احنا هاننجح ازاي السنادي صدى:اه والله ياحماده ربنا يستر ميزو:طب ياجماعه انا وسيلنت هانمشي بقى حماده:ابتدينا بقى الحركات ياعم ميزو ميزو:حركات ايه ياحماده حماده:شويه تقول هاتمشي وبعدين تقول رايحين مشوار شويه شويه مانشوفكمش الا كل فين وفين سيلنت:الله الله الله ايه دا كله ياحماده حيلك حيلك ماكنتش كلمه وانت ماصدقت.. صدى:هههههههههههههه اشرب بقى ياحماده حماده:فرحانه قوي ياختي ..ماشي ياسيلنت اقلبوها عليا انتي وميزو ميزو:يلا بقى سلام نشوفكم بكرا ...سلام ولما يمشو حماده:غريبه يعني ياعمرو ماحدش سمع صوتك النهارده عمرو:لا ابدا صدى:لا ابدا ايه بس....دانت مش على عادتك خالص عمرو:لا والله عادي بس اصل حائره ماشفناهاش النهارده لا هي ولا فرفوشه حماده:هههههههه ياعيني ياعيني ...وبعدين تفتكر بعد الحركه اللي عملتها امبارح في فرفوشه هاتهنيك....تلاقيها خدتها وروحت عند فيك عمرو:معقوله تعملها؟؟ حماده:وليه لا...انت اللي جبته لنفسك اشرب بقى صدى:بصراحه فرفوشه ليها حق تردهالك عمرو:طيب ياختي انتي وهو ....انا ماشي سلام ولما عمرو مشي حماده:عمرو شكله وقع وقعه جامده صدى:اه والله دا النهارده كان ساكت اكن حد ماتله حماده:يلا ربنا يتولاه ...بس لو فضل يناقر في فرفوشه هايروح فيها اما عمرو لما مشي بقى يقول في نفسه يعني معقوله فرفوشه تكون هي السبب ان حائره تمشي من غير ماتسلم عليا حتى...تعمليها يافرفوشه مانتي قويه....صبرك عليا اما سيلنت وميزو ميزو:على فكره حماده دا رخم سيلنت:ليه بقى هو عملك ايه ميزو:يعني انتي ماسمعتيش كلامه سيلنت:عادي يعني دا بيهزر وبعدين انت محبكها قوي ميزو:بقولك ايه لامحبكها ولا مسيبها اقفلي ام السيره دي اما فرفوشه وحائره لما رجعو البيت فرفوشه:يااااه النهارده جميل بشاكل حائره:ليه بقى ان شاء الله فرفوشه:ابدا بس النهارده ماشوفتش تقيل الطينه بتاعك ده حائره:بقولك ايه مش طالبه تريقه منك اسكتي لاديكي في وشك فرفوشه:ليه يعني هوا انا اللي قولت لك ماتروحيش وبعدين جالك كلامي لما قولت هاتتعبي اديكي هاتفرقعي زي البلونه حائره:بلونه....طيب امشي من وشي بدل مااقتلك وفجأه يرن الموبايل بتاع حائره فرفوشه:ههههههه ردي ياختي اكيد دا روميو حائره:بس يابت.......الو عمرو:الو حائره حائره:ايوا ياعمرو ازيك عمرو:ماجيتيش ليه النهارده حائره:معليش اصل فرفوشه.... عمرو:اهاااااااااااا يعني فرفوشه هي السبب زي ماتوقعت حائره:لا مش كدا ...بس عمرو:ماشي ماشي ولا يهمك ...بس ياريت لو سمحتي ماتتكرش تاني حائره:حاضر عمرو:المهم انك بخير يلا بقى خدي بالك من نفسك حائره:وانت كمان عمرو:لا اله الا الله حائره:محمد رسول الله ولما قفل فرفوشه :ياعيني ماقدرش يستحمل حائره:يعني انتي ماكفكيش اني مشيت معاكي وماسألتش فيه كمان بتتريقي فرفوشه:ايه ياختي هو انا جيت جنبك انا بقول بس انه ماستحملش حائره:طب ياختي شكرا على المعلومه ...روحي نامي بقى فرفوشه:حاضر ياختي هانام يكش....والا بلاش احسن تصبحي على خير يعني كدا يافرفوشه مااااااااشي ان ماوريتك مابقاش انا وتاني يوم الشله قابلو حائره وفرفوشه فرفوشه:صباح الخير ياعموووو عمرو:عموووو..صباح النور ياطنط حماده:هههههههه ياصباح المناقره فرفوشه:ليه يعني دا انا بصبح بس حائره:هي فين سيلنت ياجماعه عمرو:سيلنت خلاص اتصالحت مع ميزو وماعدناش هانشوفها غير كل فين وفين حائره:بجد ...انا مبسوطه انها اتصالحت مع ميزو فرفوشه:طبعااااااااااااا مانتي نفسك تبقى زيها ماحدش يشوفك الا كل فين وفين حماده:ههههههههههههه لا حلوه يافرفش عمرو:لا والله..زعجبتك قوي ياخويا صدى:ماتبس بقى هو انتو كل ماتتقبلو تشاكسو في بعض حائره:نعمل ايه بس في فرفوشه فرفوشه:ياسلام يعني فرفوشه دلوقتي هي السبب حماده:ماهي فرفوشه مابتعملش حاجه الا لما حد يشاكس فيها صدى:ايوا ياعم مين قدك يافرفش حماده بحاله بيدافع عنك فرفوشه:متشكرين.....انا ياختي مابحبش حد يدافع عني ليا لسان ياحبيبتي عمرو:انا قولت مافيش فايده فيكي ولا لسانك حماده:خلاص بقى يلا ع المحاضره وفي اخر اليوم ولما المحاضرات خلصت صدى:انا مش مصدقه الترم خلص بالسرعه دي حائره:اه والله الايام بتجري بسرعه وادي الجدول نزل ومافاضلش حاجه ع الامتحانات عمرو:احنا لازم نشد حيلنا بقى فرفوشه:شد ياخويا شد بس حاسب لا يتقطع عمرو:عارفه يافرفوشه ايه احلى حاجه النهارده فرفوشه:ايه ياعم روميو عمرو:ان دا اخر يوم وبعدها هارتاح من سنحتك لحد الامتحانات صدى:بعدين انتو الاتنين هو احنا هانفضل نسكتكم كتير حماده:بقولكم ايه خلوه يوم حلو دا احنا مش هانتقابل الافي الامتحانات وبالعافيه فرفوشه:انا كافيه خيري شري عمرو:يعني هو انا اللي بقول شكل للبيع حماده:بقولكم ايه كله يروح احسن انا ماشي صدى:وانا كمان هامشي فرفوشه:يلا ياختي انا هامشي حائره:حاضر انا جايه اهه عمرو:خدي بالك من نفسك وانتبهي لمذاكرتك عايزين تقدير عالي فرفوشه:اه وصيها ياخويا الوصايا العشره وصيها عمرو:يابت بطلي رخامه حائره:خلاص يافرفوشه يلا بقى امشي ...مع السلامه ياعمرو وبدا العد التنازلي على الامتحانات فرفوشه وحائره:عملو جدول وبدؤ بدايه جامده لدرجه انهم احيانا من كتر التعب كانت كل وحده ترو ح عليها نومه وهي بتذاكر عمرو:كل يوم كان بتصل على حائره اول مايصحى وقبل ماينام وطبعا فرفوشه ماتتوصاش بالمشاكسه سيلنت وميزو:كانو بيتلككو عشان يذاكرو مع بعض ولما يتقابلو ماكانوش يقرو كلمه اما حماده:كان مقضيها نوم طول النهار ومذاكره بالليل عشق :من اول مانزل الجدول وهي لاحد عرف يوصلها ولا بتكلم حد لانها حبست نفسها في اوضه مع كتبها صدى:كانت تذاكر والتسجيل شغال بحجه انها ماتعرفش تذاكر الا لما تسمع المسيقى خلصت الايام وجه اول يوم في الامتحان ياترى ايه اللي هايحصل في الامتحان ؟؟؟ دا اللي هانعرفه الحلقه الجايه |
|
يوم الامتحان يكرم المرء او يهان
ههههههههههههههههههههههههههههههههههههههههههههههههه هههههههههههههههههههههههههههههه ايه لازم ام السيره دي الترم لسا مبداش هههههههههههههههههههههههههههههههههههههههههههههههههه هههه ههههههههههههههههههههههههههههههه |
|
هههههههههههههههههههههههههههه
كما توقعت حمادة حب فرفوشة بش على ما اعتقد فرفوشة هتخربها ههههههههههههههههههه تسلم ايدك يا قمر |
|
عشق : من اول مانزل الجدول وهي لاحد عرف يوصلها ولا بتكلم حد لانها حبست نفسها في اوضه مع كتبها ههههههههههههههههههههههههههه فلتت منك دى هههههههههههههههههههههههه والله عمرى ماعملتها هههههههههههههههههههههههههههههههه ولا هعملها تسلم ايدك |
|
القصة تحفة
كملى كملى |
|
ياعم ياعم القصة احلوت خالص
كمليها بقى بسرعة عشان شوقتينى |
|
انااااااااااااااجيييييييييييييييييت
يلا بقى نشوف الحلقه ال13 ونشوف الامتحانات هاتعمل ايه في الشله *اول يوم امتحان الكل متوتر وكلهم قاعدين بيراجعو عشق:يارب سهلها يارب انا خايفه قوي حائره:ماتخافيش ان شاء الله خير حماده:عرفتو اماكن امتحانكم؟؟؟ فرفوشه:ايوا انا وحائره في القاعه الخامسه وعشق في التالته عمرو:وانا في القاعه السابعه حماده:انا وصدى في القاعه العاشره حائره:طب وسيلنت ماحدش شافها عمرو:لا انسى سيلنت وميزو مش هاتشوفيهم خالص في الامتحانات يمكن اخر يوم نشوفهم صدفه عشق:يلا ياجماعه الامتحان بدا صدى:يارب استر حماده:بعد ماتخلصو هانتجمع هنا ماشي عشق:انا مش هاقدر اشوفكم الامتحان الجاي بقى عمرو:خلاص ماشي يلا ياجماعه بقى اتوكلو على الله وبعد الامتحان عمرو:عملت ايه ياحماده حماده:اديني حليت وخلاص عمرو:امال صدى فين هي مش معاك حماده:دي لايصه خالص ربنا يقويها عمرو:طب ياحماده اخوك قصدك في خدمه قبل ماحد يجي حماده:خير ان شاء الله عمرو:عايزك طول الامتحانات تلهي فرفوشه عني انا وحائره شويه اديك شايف مابعرفش اتكلم معاها كلمتين الا وفرفوشه قايله ميه كومنت حماده:مع انها مهمه صعبه بس ربنا يقويني عمرو:طب اسكت بقى عشان جم حماده:هايافرفش عملتي ايه فرفوشه:انا عارفه بقى دا الوليه اللي بتراقب دي عايزه كسر رقبتها هي والكعب بتاعها ده حائره: اه والله عندك حق ...امال صدى فين حماده:ياريتنا كنا افتكرنا مليون جنيه اهي شرفت صدى:ازيكم ياجماعه عمرو:انتي اللي عملتي ايه واتأخرتي كدا ليه صدى:على ماخلصت وبعدين الامتحان مكلكع قوي حماده:طب يافرفوشه ماتيجي معايا نجيب عصير للكل فرفوشه:وايشمعنى انا يعني ماتاخد عمرو والا صدى صدى:لا انا هامشي عشان تعبانه ..سلام حماده:شوفتي اهي صدى ماشيه يلا تعالي بقى فرفوشه:طب وعمرو مامشيش خده معاك يلا عمرو:لا سيبو عمرو في حاله انا وانا خارج من الامتحان رجلي اتلوحت فمش هاقدر اتحرك خليني قاعد حماده:يلا بقى تعالي بلاش رخامه *ولما مشيو حائره:انت ايه اللي خلى رجلك تتلوح عمرو:انتي صدقتي دا انا قولت كدا بس عشان تروح معاه يلا بقى احنى نمشي قبل مايجو ومانعرفش نهرب حائره:ههههههههه يعني كله تمثيل عمرو:يلا قومي بقى *اما فرفوشه وحماده فرفوشه:بالك انت حركه ان عمرو رجله ملووحه دي دخلت دماغي حماده:طب مانتي لماحهه اهه ماقومتيش ليه فرفوشه:كدا مزااااج حماده:هو انتي عندك شك ان عمرو بيحب حائره فرفوشه:هو من نحيه بيحبها فهو بيحبها حماده:امال ليه المشاكيه دي كلها ..انتي بتكرهيه ليه فرفوشه:انا؟....انا مابكرهش حد ياحماده....يمكن اكون بحب اشاكس بس اكره ..دي مستحيله حماده:طيب واشمعنى عمرو اللي بتشاكسيه كدا...ليه مش بتشاكسيني او بتشاكسي صدى فرفوشه:اصل عمرو هو اللي بيعرف يرد عليا انما صدى مش حملي لو قولت لها كلمه ممكن تعيط حماده:طب وانا مش بتشاكسيني ليه فرفوشه:ههههههههههه انت .....انت لو شكاستك مش هاتعرف ترد عليا حماده:ليه يعني ماعنديش لسان فرفوشه:لا بس مابتعرفش ترد ...والا انت نسيت اول مره شفتك فيها وشربنا العصير وقولتلي ايه رايك فيه ...لما رديت عليك وشك جاب الوان ههههههههه حماده:ياسلام ..مانتي اللي كلامك مدب اعمل ايه يعني فرفوشه:عشان كدا انا مش بشاكس الا في عمرو حماده:طب بالله عليكي خفيها شويه عليه..الواد في امتحانات فرفوشه:يعني اعمله ايه يعني حماده:يعني اعملي حسابك طول الامتحانات هاتيجي معايا زي النهارده كدا عشان عمرو يقعد مع حائره شويه فرفوشه:ولو قولت لك لا حماده:هما 4 ايام غير النهارده وبعدها اجازه وانتي اصلا مع حائره في السكن ماتعقديهاش بقى ..وبعدين مانتي متأكده انه بيحبها فرفوشه:ماشي وامري لله حماده:قشطه يافرفوشه يلا بينا نشرب العصير ولما رجعو البيت فرفوشه:اخبار ابو رجل مسلوخه ايه حائره:قصدك عمرو فرفوشه:هو فيه غيره .....بالك انتي اني مصدقه ان رجله ملووحه ..انا مشيت بمزاجي حائره:طب ما انتي اللي بتشاكسي فيه يافرفوشه وهو هايعمل ايه يعني فرفوشه:خلاص ياختي اديني هاسيبك كل يوم بعد الامتحان تحبي فيه براحتك حائره:ايه ده وهاترجعي البيت بدري قوي كدا فرفوشه:لا ياختي حماده هايقعد معايا شويه وبعدين نروح هو كمان بيتأخر حائره:طب وصدى مش هاتيجي معاكم فرفوشه:لا صدى هتروح بدري كل يوم زي عشق كدا مش هانشوفها الا الصبح ماهي عدوى بقى *اما عمرو لما روح البيت ياااااااااااه ياحماده دانت جامد مش عارف من غيرك كنت عملت ايه ..الحمد لله انك موجود لحسن كنت ولعت في فرفوشه وفي نفسي ...يارب تفضل كدا عاقله كدا لحد ماتخلص الامتحانات وحماده لما رجع البيت كان بيفكرفي كل كلمه فرفوشه قالتها وخاصتا لما قالت انا مابكرهش حد وقال والله يافرفوشه انتي طيبه قوي بس لسانك دا اللي مبوظك ...بس غريبه يعني انها سمعت الكلام ..تكونش وقعت....وليه لا دا انا حماده اللي موقع الكل هههههه ومرت الايام وجه يوم الامتحان التاني وبعد ماخلصو الامتحان وخرجو عمرو:يلا بقى انا وحائره هانتمشى شويه فرفوشه:اتمشى ياخويا اتمشى ياكش تتلوح رجلك التانيه عمرو:متشكر ياخفيفه ...يلا ياحائره ولما مشيو حائره:معليش ياعمرو فرفوشه بتهزر هزار تقيل شويه عمرو:عارفه ياحائره فرفوشه دي عامله زي الصباره كلها شوك من برا بس قلبها طري حائره:اه والله هي فعلا كدا...واحلى حاجه فيها البساطه عايشه على طبيعتها من غير تغيير ضحكتها دايما عنوانها ...عارف انا اتعلمت منها حجات كتيره قوي في الفتره اللي فاتت وحبيتها قوي عمرو:سبحان مغير الاحوال دا اللي يشوفكم الاول يقول دول هايموتو بعض اخر السنه ههههههههههههه *اما حماده وفرفوشه حماده:يابنتي خفيها الواد هايموت منك فرفوشه:بقولك ايه اطلع انت منها هو ماحطكش محامي عنه حماده:خلاص خلاص ماتزقيش كدا ....ياستي انا غلطان ومنك السماح فرفوشه:ايوا كدا بلا وكسه الواحد ماعدش يعرف يقول كلمه من غير ماحد يلومه ياساتر يارب حماده:هههههههههه قولي ياستي كل اللي يعجبك ماعدتش هالومك *وفجأه تيجي بنت تسلم على حماده حماده:اهلا ياشمس ازيك شمس:الحمد لله فينك يابني ليك وحشه حماده:موجود بس انتي عارفه الامتحانات بقى شمس:ربنا يقويك يلا بقى اشوفك قريب ابقى اسأل...سلام حماده في نفسه**:الله يخربيتك ايه اللي جابك دلوقتي ويبص لفرفوشه ويقولها دي...دي شمس بت زميلتي كنت بكلمها عادي يعمي فرفوشه:ههههههههههههههه ومالك عامل زي التلميذ اللي نسي يحل الواجب ...هوا انا سألتك حماده:لا بس خفت لاتزعلي فرفوشه:هههههههههههههه محسسني اني بحبك وبغير عليك وانت خايف على زعلي ههههههههههههههههههههههههههههه *ولما روحو البيت فرفوشه:عملتي ايه مع روميو النهارده حائره:ابدا ياختي اتكلمنا ..اه صحيح كنا بنجيب في سيرتك فرفوشه:خير ان شاء الله حائره:خير ياحبيبتي...عمرو كان بيقول انك طيبه بس لسانك هو المشكله فرفوشه:متشكرين ياختي حائره:ياخرابي نفس مره تقولي كلمه حلوه فرفوشه:كنافه ..بسبوسه وبلح الشام....يلا مش حارماكي من حاجه ههههههههههههههه *اما حماده الله يخربيتك ياشمس بوظتي كل حاجه ايه اللي فكرك بيا دلوقتي بس يعني كان لازم تيجي وبعدين هي البت دي ايه مانا فهمتها مليون مره اني مش بحبها هو ايه الحب بالعافيه ياساتر....وبعدين انا محموق كدا ليه دا فرفوشه ولاهمها ..اكن شمس دي واحد صحبي والله انا مش عارف البت دي غريبه كدا ليه ....وانا كمان مهتم بيها كدا ليه..؟؟.والله مانا عرف انا ايه بس اللي بيجرالي معاها...اما نشوف اخرتها معاكي يافرفوشه ومرت الايام وعمرو وحائره كل يوم يقربو لبعض اكتر ويتمنو لو الامتحانات تطول كمان وكمان اما حماده فكل يوم يحس انه مشدود لفرفوشه وهي ولا هي هنا وجه اخر يوم في الامتحانات واتجمعت الشله كلها واتفقو يشربو عصير مع بعض احتفال بان الامتحانات خلصت حماده:ها ياجماعه هاتعملو ايه في الاجازه دي ميزو:انا مش هاروح في حته انا هاقضيها فسح وخروج عمرو:طبعا ومش لوحدك ميزو:اكيد يعني هو الخروج من غير سيلنت يبقى خروج صدى:ياعيني ع الرومنسيه عشق:ربنا يخليكو لبعض يارب سيلنت:اهو انتي الوحيده ياعشق اللي لسانك زي العسل فرفوشه:اه بدام هاتبقة مع بعض لازم يبقى زي العسل حماده:طب وانتي يافرفوشه هاتعملي ايه في الاجازه فرفوشه:يعني هاعمل ايه هاروح البلد عن اهلي صدى:طيب ياجماعه انا هامشي بقى عشان اتأخرت وفي البيت عندنا عاملين حفله عشان خلصنا امتحانات فهالحق اساعدهم ..يلا اشوفك على خير عشق:وانا كمان اتأخرت يلا اجازه سعيده فرفوشه:ايه ..كلكم هاتمشو والا ايه ميزو:احنا بقى هانحتفل انا وسيلنت لوحدنا حماده:ايه الرزاله دي سيلنت:الله احنا مش شربنا عصير وقعدنا شويه معاكم ..سيبونا بقى فرفوشه:خلاص ياختي روحي حقك علينا امشي يالا حماده:وانت ياعمرومش هاتروح تحتفل مع حائره على انفراد والا ايه عمرو:دا اكيد طبعا انا كنت هاقوم بس انت سبقتني فرفوشه:هو ايه اللي اكيد ده....انتي يابت مش هاتسافري بكرا عمرو:ماهو علشان هاتسافر بكرا هاخدها ونتمشى شويه لوحدنا فرفوشه:ياسلام ياختي والشنط يافالحه هاتجهزيها امتى حائره:ماجاتش من ساعه يافرفش يلا احنا هانمشي *ولما مشيت حائره وعمرو حائره:هو ايه حكايه حماده عمرو:حكايه ايه يعني حائره:انت مش لاحظت انه بقى لازق في فرفوشه الايام دي ودلوقتي بيقولك خد حائره واتمشو عشان يقعد هو مع فرفوشه عمرو:هههههه حماده....ياماما دي اخر حاجه تفكري فيها ...طب ليه ماتقوليش ان فرفوشه هي اللي لازقه فيه حائره:مستحيل ....انت ماشوفتهاش لما قالتلي انتي هاتسافري وماكانتش عايزاني اسيبها معاه عمرو:كل شيء جايز...وبعدين احنا هانقضيها نتكلم عليهم والا ايه حائره:صح عندك حق عمرو:ماتتصوريش انا تعبان قد ايه من حكايه سفرك دي انا مش عارف هاستحمل ازاي بعدك الفتره دي حائره:معليش اهي ايام وتعدي وبعدين انا هاكلمك على طول عمرو:كان نفسي نخرج مع بعض حائره:الاجازه الجايه ان شاء الله *اما حماده وفرفوشه حماده:والله هافتقدك يافرفش فرفوشه:هههههههه ليه هو انا رايحه اموت والا ايه كلها ايام وهاتشوف سنحتي البهيه دي تاني حماده:تصدقي يافرفوشه انا اتعودت عليكي قوي الايام اللي فاتت دي فرفوشه:طب وانا اعملك ايه يعني حماده:فرفوشه ماتخليكي جد شويه فرفوشه:حاضر اديني جد اهه نعم افندم حماده:انتي ماحسيتيش باي حاجه من نحيتي الايام اللي فاتت دي فرفوشه:حسيت طبعا حماده:وساكته من الصبح....ماتقولي ها حسيتي بايه فرفوشه:حسيت ان انت وعمرو متفقين عشان يقعد مع حائره لوحدهم حماده:يييييييييييه مادي معروفه....طيب مافيش حاجه تانيه فرفوشه:طب انت حسيت بايه حماده:حسيت اني عايز اكلمك على طول وان الوقت معاكي بيعدي بسرعه فرفوشه:ايه ياخويا شغل فريد الاطرش ده حماده:والله يافرفوشه بتكلم جد فرفوشه:طيب ياخويا متشكرين حماده:فرفوشه.....انا .........انا فرفوشه:ههههههههههه انا مش عارفني انا مش فاهمني انا مش انا ههههههههههههههه حماده:يافرفوشه والله انا بتكلم بجد.....انا عايز اصارحك بحاجه فرفوشه:هاااااااااا اصدمني ياخويا اصدمني حماده:انا بحبك ياترى ايه رد فعل فرفوشه من كلمه حماده؟؟؟؟ دا اللي هانشوفه الحلقه الجايه |
|
هههههههههههههههههههههههههه
تلاقية بكوباية العصير وعلى دماغة اان هموت واعرف عملت اية ههههههههههههههههههههههه حلوة اوى ياقمر تسلم ايدك |
|
حلوووووووة جدااااااااااااااااااا
تسلم ايدك |
|
ههههههههههههههههههههههههه
فرفوشة دى تحفه معقولة فى بنت كده بس انا نفسى اعرف هتعمل ايه |
|
هههههههههههههههههههههههههههههههههه
لا تعليق كلنا عارفين فرفوشة هتعمل اية بس يمكن تطلع رومانسية ولا حاجة ههههههههههههه تسلم ايدك فرفوشة |
|
مش هاطول عليكم كتير هاسيبكم مع الحلقه ال14 ونشوف فرفوشه قالت ايه لحماده فرفوشه:ياحول الله ياربي وده من امتى دايابني حماده:انتي بتتريقي؟؟؟......والله العظيم يافرفوشه انا بتكلم بجد فرفوشه:طب بص بقى ياعم الجد انت.....اوعى تكون فاكر انك عشان الشعريتين السيحين بتوعك وعينك الملونه وبرميل الريحه اللي بتستحمى بيه كل يوم انا هاموت عليك وادوب في دباديبك لما تثبتني بالكلمتين بتوعك دول حماده:اثبتك؟؟؟؟؟؟انا بقولك بحبك فرفوشه:اهي دي بقى تقولها للغندوره اللي جت تسلم عليك من كام يوم مش انا يابابا فوق حماده:فرفوشه انتي فاهماني غلط فرفوشه:انا ان كنت غلطانه فأنا غلطانه اني كنت بقعد معاك اليومين اللي فاتو ......سلام تمشي فرفوشه وتسيب حماده وتروح تدور على حائره ولما تلاقيها فرفوشه:بت انتي انا ماشيه هاتيجي والا اروح لوحدي؟؟؟ حائره:في ايه يافرفوشه مالك؟؟ فرفوشه:مالي في جيبي ياختي ...هاتيجي والا امشي عمرو:طب هو في ايه ...حماده ضايقك في حاجه؟؟؟؟ فرفوشه:روح اسأله في ايه......وفهمه ان مش فرفوشه اللي ينضحك عليها بكلمتين ......يلا ياختي قدامي حائره:طب ياعمرو هابقى اكلمك سلام ولما مشيو عمرو:ياترى هببت ايه ياحماده.....اما اشوف ربنا يستر فرفوشه وحائره روحو البيت وفهمت حائره ايه اللي حصل من فرفوشه حائره:ههههههههههههههه طب اقولك ايه بس.....يعني دا كلام تعمليه فرفوشه:امال يعني عايزاني اعمل ايه....اروح اقوله وانا كمان بحبك وميته في جمال اهلك حائره:ماقولتش كدا بس على الاقل اسمعيه واديله فرصه يثبتلك انه فعلا بيحبك فرفوشه:بقولك ايه....بالله عليكي بلا شغل اسامه منير ده ..حركات الحب وكلام البايخ ده مش معايا انا حائره:كلام بايخ؟؟؟؟.....يعني الحب كلام بايخ يافرفوشه ...مش انتي برضو اللي قولتلي جربي عمرو....ليه جايه تقولي كلام فاضي فرفوشه:بصي ياختي....عمرو كدا انا ارتحتله لله في لله وانتي كمان مرتحاله وحبيتيه ...انما انا عمري مافكرت في حماده دا اصلا....وهو كمان مش بيحيبني دا عايز يتسلى حائره:طب وانتي ايش عرفك فرفوشه:بقولك ايه اقفلي ام الموضوع ده..واطلعي من دماغي احسن لك ....خلينا نعرف نجهز الشنط عشان نسافر بكرا ...هههه قال يحبني قال ..حبه برص اما عمرو وحماده عمرو:يانهارك مش فايت ..ومالقتش غير فرفوشه تقولها كدا حماده:حتى انت ياعمرو فاكر اني بتسلى....انا فعلا حبيتها اليومين اللي قعدتهم معاها حسيت اني مشدود لها اكتر لقيتها انسانه بسيطه وعلى طبيعتها لا ليها في الكدب ولا المجامله ..هي صحيح لسانها متبري منها ..بس الي في قلبها على لسانها ومش بتشيل كره لحد ...يمكن تشاكس لكن ماتحقدش ...عارف ياعمرو..انا صحيح كلمت بنات كتير وانا مش بحبهم وانا اللي بسيبهم لان كل واحده فيهم بتحاول تعمل شخصيه غير شخصيتها كلهم بيمثلو....عسكها اللي عمرها ماعرفت تمثل او فكرت حتى تتصنع شخصيه حد تاني عمرو:يابن الايه ..كل دا جواك من امتى حماده:من اول مره شفتها فيها وانا بتشدلها كل يوم عمرو:معقوله انت حماده اللي انا اعرفه حماده:صدقني ياعمرو انا فعلا حبيتها بس هي فاكراني بتسلى عمرو:بص ياحماده ..هي فرفوشه طبعها حامي شويه لانها متربيه في الارياف وانت عارف كدا....هي اكيد الاجازه دي هاتفكر في كلامك وانت حاول تاني معاها واثبت لها انك صادق...وليك عليا اني اخلي حائره تتدخل وتكلمها حماده:ربنا يسهل ...اما نشوف اخرتها حماده روح البيت ايه اللي انا عملته دا كان لازم اتسرع كدا؟؟؟ يلا بقى اهو اللي حصل حصل ..اما نشوف الي هايحصل اما عمرو لما روح البيت ههههه يابت الايه يافرفوشه ياجامده...بقى عرفتي توقعي حماده مره وحده ..دا ماكنش في حد يملى عينه ...والله انتي شكلك هاتخدي حقهم كلهم وتطلعيه عليه...الله يكون في عونه حماده وقع وقعه سوده ...اما اتصل على حائره اشوف عملت ايه؟؟ عمرو:الو حائره:الو ..ايوا ياعمرو ازيك عمرو:الحمد لله حائره:معليش ع اللي عملته فرفوشه النهارده بس بجد انا كان لازم امشي عمرو:ههههههه لا ولا يهمك ....بس فرفوشه طلعت جامده حائره:جالك كلامي ..مش قولت لك حماده مشدود لها عمرو:انا اتفجأت لما قالي ماكنتش مصدق ابدا ان داحماده ....طب هي قالت ايه حائره:دي كانت شايطه قوي منه كل اللي في بالها انه بيتسلى عمرو:ربنا يعينه دا هايتعب قوي عشان يثبت لها انه صادق حائره:يارب.....وادينا هانحاول معاها برضو وهي اكيد هاتفكر في الكلام عمرو:المهم قوليلي جهزتي حجاتك؟؟ حائره:ايوا خلاص كله جاهز ه عمرو:هاتوحشيني قوي حائره:وانت كمان ياعمرو هاتوحشني عمرو:خدي بالك من نفسك ولما تجيبي رقم ابعتيلي عشان اكلمك حائره:ان شاء الله اول مااروح على طول هابعتلك واطمنك عمرو:لا اله الا الله حائره:محمد رسول الله ولما قفلت حائره فرفوشه:خلصتي ياختي مكالمتك حائره:مكالمتي....دا المكالمه كلها عليكي فرفوشه:ليه ياختي ان شاء الله حائره:حماده ياستي ..قال لعمرو انه بيحبك وهو متصل عشان اقولك انه مش قصده يتسلى زي مانتي فاكره فرفوشه:وقولتي ياختي خلاص؟؟؟.....اقفلي السيره الهباب دي ويلا نامي عشان ورانا سفر بكرا حائره:هاتفضلي طول عمرك عنيده وتاني يوم صحيو واستعدو للسفر حائره:عارفه يافرفوشه رغم ان الاجازه مش هاتطول ..بس هاتوحشيني قوي فرفوشه:وانتي كمان هاتوحشيني انتي ودباديبك المترصصه دي وشنيورك اللي بتصدعيني بيه كل ليله حائره:هههههههههه ماشي يافرفوشه ..خلي بالك من نفسك ياحبيبتي فرفوشه:وانتي كمان خلي بالك من نفسك سافرت فرفوشه البلد وراحت حائره لاهلها ولما وصلت فرفوشه البيت ام فرفوشه:حمد لله على سلامتك ياحبيبتي وحشتيني يافرفوشه والله..دا البيت من غيرك مافيهوش حس اخو فرفوشه:اه والله ماكنش في حد يشاكس فينا ويطلع البلا الازرق على جتنتا فرفوشه:ههههههه واديني جيت اهه...وان شاء الله هاتشوف ايام سوده هههههههههه ام فرفوشه:انا بقى عاملالك كل الاكل اللي بتحبيه فرفوشه:ياااي تسلم ايدك ياامي ياحبيبتي اخو فرفوشه:ايه ايه ايه ايه ..عيدي ماسمعتش؟؟ فرفوشه:ليه فيه ايه؟؟ اخو فرفوشه:ايه يابت النعومه اللي نزلت عليكي دي ..ياي وتسلم ايدك ..لا دانتي اتطورتي فرفوشه:ههههههههه لزوم الاتيكيت بقى اخو فرفوشه:ايتي ايه؟؟؟؟؟؟ههههههههههههه دا بيعلموهولكم في الجامعه ده فرفوشه:هاتفضل جاهل طول عمرك ام فرفوشه:ههههههههههههههه ورجعنا تاني للمناقره اللي مش هاتخلص يلا قومو عشان تتغدو وبعدين ابقو كملو مناقره وبعد ماخلصو الغدى اخو فرفوشه:الا قوليلي بجد ايه سر النعومه اللي انتي فيها دي فرفوشه:ابدا ...هناك اتعرفت على وحده وبتتكلم كدا فاتعودت عليها وبقيت زيها اخو فرفوشه:يظهر انك حبيتيها قوي فرفوشه:اه والله دي بت زي العسل مع اني كنت بتخانق معاها على طول وفضلت فروفشه تحكي عن حائره واللي حصل معاها من اول ماتعرفت عليها لحد ماجت الاجازه اما حائره لما وصلت لاهلها حائره :وحشتوني قوي اخت حائره:والله وانتي اكتر ياقلبي حائره:ربنا يخليكي ليا ياختي.. ام حائره:ايه ده..دي جديده دي حائره:ههههههههه يخرب عقلك يابت يافرفش خليتيني اقول كلامك وبقيت زي المدب اخت حائره:ههههههه لا دي الحكايه فيها ان ...مين فرفوشه دي اللي خلتك تبقي زيها ..دانتي حتى بتضحكي من القلب حائره:ليه يعني ..هو انا كنت نكديه والا ايه يابت اخت حائره:لا مش قصدي ..بس انتي متغيره خالص ..احكي احكي مين فرفوشه دي وبرضو حائره قعدت تحكي عن فرفوشه واللي حصل معاها ام حائره:ههههه والله البنت دي شكلها طيب قوي حائره:اه والله دي عسل وانا بحبها قوي ....عارفه على نيتها كدا لافيها حبث ولا لئم اخت حائره:ايه الكلام الكبيره كله ياحائره انا شكلي هاغيرمنها حائره:لا والله انتي هاتحبيها قوي اما عمروفضل على نار لحد ماحائره بعتتله مسج وطمنته عليها وتمر الايام: فرفوشه مع اهلها بتشاكس وتهرز لكن مع ذلك اهلها ملا حظين نعومه في تعاملها وتغيركامل في اسلوبها بس مع ذلك المرح اللي في طبعها لسى موجود حائره: اهلها كمان كانو ملاحظين عليها ضحكها ومرحها والفاظها الجديده وقعدتها معاهم بعد ماكانت شخصيه انطوائيه حبتين عمرو: لما عرف رقم حائره اتفق معاها اانه يكلمها كل يوم مرتين مره اول مايصحى ومره قبل ماينام عشان يكون اول واخر حاجه واخر حاجه يسمعها هو صوتها وكمان اهله لاحظو نظره الفرح اللي في عينه واهتمامه بالموبايل اللي ماعدش بيفارقه بعد ماكان بيرميه في أي حته ولا بيسأل عنه اما حماده: فضل طول الاجازه يفكر في فرفوشه وازاي يفهمها انه مش بيتسلى وخلصت الاجازه وجه يوم السفر والرجوع تاني للكليه ام فرفوشه:والله هاتوحشيني يا حبيبتي البيت من غير حسك مالوش لزمه اخو فرفوشه:اه والله ماعدش حد هايشاكس فينا فرفوشه:هههههههه طب ياخويا ارتاح بقى ...وبعدين ياامي هو انا مهاجره يعني...انا كلها كام شهر وارجع تاني وربنا يخلي التيليفون يلا بقى مع السلامه اما حائره: حائره:هاتوحشوني قوي كلكم ام حائره:خدي بالك من نفسك وكلي كويس ودفي نفسك كويس عشان البرد اخت حائره:ابقى سلميلي على فرفوشه عشان انا حبيتها قوي حائره:حاضر....يلا بقى لا اله الا الله ام حائره:محمد رسول الله ولما رجعت حائره السكن لقت فرفوشه في البيت وفجأه هما الاتنين صرخو وكل وحده فيهم لقت التانيه بتجري عليها وتحضنها حائره :وحشتيني قوي يافرفوشه فرفوشه:وانتي كمان والله ...تصدقي انا عمري مافكرت انك هاتوحشيني قوي كدا حائره:وانا والله يافرفوشه حبيتك قوي ووحشتيني قوي ومن كتر كلامي عنك اهلي حفظوكي فرفوشه:هههههههههه بصره يابت حتى انا والله ههههههههه بصي بقى انا جايبالك حاجه بسيطه كدا حائره:ههههههه بصره برضو وانا كمان جبتلك حاجه بسيطه فرفوشه:ههههههههه انا ابتدين اشك ان مخك زي مخي حائره:هههههههههههه دي كمان بصره ههههههههه كفففك وفضلت حائره وفرفوشه يتكمو ويحكو ويضحكو لحد مانامو عشان تاني يوم يروح والكليه ياترى ايه اللي هايحصل وحماده هايعمل ايه ؟؟؟ياترى هايكلم فرفوشه تاني والا هايصرف نظر؟؟؟؟ دا اللي هانعرفه الحلقه الجايه |
|
ههههههههههههههههههههههههههه
اه يا قاسيه يا فرفووووووووووووووشه ههههههههههههههههههههههه تسلمى يا اختى |
|
يخرب عقلك يا فرفوشة .. فى بنت تعمل كده
بس فعلا فى شخصيات كده . كملى القصة |
|
هههههههههههههههههههههههههههههههههههههه
بصراحه يعنى انا مش بحب اجامل احنا كده دخلنا ف المسلسلات التركى هههههههههههههههههههههههههههههه ههههههههههههههههههههههههههههههههههههههههههه وف الاخر فرفوشه هتحب حماده ههههههههههههههههههههه هههههههههههههههههههههههههههههههههههه وهيتكتب النهايه انتظرونا ف الجزء التانى هههههههههههههههههههههههههههههه ههههههههههههههههههههههههههههههههه هههههههههههههههههههههههههههههههههههههههههههههههههه هههههههه قصه جميله ههههههههههههههههههههههه |
|
قاسيه يا فرفوشه رومانسي يا عمرو
بجد كدا بقيت جامدة موت تسلم ايدك ههههههههههههههههههه بس فرفوشة مصيبة ههههههههههه ربنا يهديك يا حمادة اصلي بشك فيك هههههههههه... |
|
بجد تسلم ايدك
منتظرة باقى القصة |
|
احنا مبسوطين بجد ان الروايه عجبتكم
يارب تعجبكم لحد الآخر وتعجبكم النهاية بجد ماتقوعنش الإقبال ده بس الحمد الله اسيبكم مع باقي الحلقات مع فرفوشة |
|
هااااااااااااااااااي ياعساسيل دلوقتي جه دور الحلقه ال15
يلا نشوف لما رجعو عملو ا ايه لما راحت فرفوشه وحائره الكليه عشق:صباح الخير يابنات وحشتوووووووووووني قوي قوي قوي حائره:وانتي اكتر والله فرفوشه:ها عملتي ايه في الاجازه الصغيره دي عشق ترفع ايدها اليمين وتقول:تيرااااااا حائره:لا ..مش عقول فرفوشه:بجد؟؟؟؟؟انخطبتي عشق:هههههههه ايون انخطبت حائره تحضن عشق:مبروك ياحبيبتي فرفوشه:مبروك ياختي عقبال الفرح ان شاء الله ..بس اوعي بس اوعي ماتعزمينيش..مش هاقبل بأقل من صندوق بيبسي عشق:ماتخفيش ياحبيبتي اتطمني وان شاء الله قريب جدا يافرفش وحقك محفوظ حائره:لا كدا شكلك محدده موعد الفرح صح؟؟ عشق:ايون ..ان شاء الله بعد امتحانات اخر السنه على طول فرفوشه:نعم ياختي...ودراستك هاتسيبيها والا ايه عشق:لا مش هاسيبها بس هو عشان هايسافر امريكا يكمل رساله الماجستير فأنا هاحولها انتساب واجي ع الامتحانات حائره:بصراحه مش عارفه اقولك مبروك والا اقولك ياخساره لانك بجد هاتوحشينا قوي ياعشق فرفوشه:جرى ايه ياختي هاتعمليها مناحه ليه دلوقتي خلي البت تفرح وبعدين احنا لسى في اول الترم لما يبقى يخلص ابقى نوحي براحتك حائره:عندك حق يافرفش ربنا يهنيكي ياعشق يارب فرفوشه:اهو الرجاله كدا يدخلو حياه الوحده مننا يقلبوها هم ويبعدوها عن صحابها عشق:هههههههه ليه يعني انتي مجربه والا ايه؟ حائره:الرجاااااله برضو يافرفوشه ..والا البنات العنيده عشق:لالالالا كدا يبقى في جديد وتلقيح الكلام دا وراه سر فرفوشه:لا ياختي لا سر ولا حاجه بس هي اللي مكبره الموضوع حائره:طب اعرفي اللي حصل انتي ياعشق واحكمي بنفسك........ عشق بعد ماعرفت كل حاجه:هههههههههههه اه ياجامده والله مانتي سهله يافرفوشه فرفوشه:امال ايه اسيبه يتسلى والا ايه ...والله دا اللي ناقص حائره:هو انتي كدا حكمتي انه بيتسلى فرفوشه:هو كدا وقلت مية مره الموضوع دا مش عايزه افتحه تاني..وعلى فكره يعني لو عايزه تروحي لروميو بتاعك ابقي روحي لوحدك وانا هاسبقك على البيت عشق:هاتفضلي طول عمرك عنيده ومش هاتتغيري ابدا فرفوشه:متشكرين ياختي على الاضافه الجميله دي يالا بقى ع المحاضره وبعدين عايزين نشوف النتيجه حصل فيهاايه اما الشله: صدى:مالك ياحماده شكلك مش فرحان اننا رجعنا الجامعه عمرو:سيبي حماده في همه سيلنت:وهو حماده عنده هم؟؟؟لا لا لا ماصدقش حماده:ليه بقى هو حماده ده مش بشر ولا ايه؟؟ ميزو:لا ياحماده سيلنت مش قصدها دي بتهزر بس حماده:عارف ..معليش ياسيلنت انا عصبي شويه حقك عليا صدى:لا دا الحكايه شكلها كبير المرادي عمرو:خلاص ياصدى ازمه وتعدي سيلنت:امال فرفوشه وحائره فين؟؟والله ليهم وحشه حماده:بقولكم ايه يلا على المحاضره احسن عمرو:ايوا خلينا نروح المحاضره احسن يلا نتقابل بعد ماتخلص المحاضرات خلصت المحاضرات والكل عرف نتيجته عشق:ياااااااااه انا مش مصدقه اني نجحت حائره:اه والله انا كأني بحلم فرفوشه:ايه ياختي انتي وهي انتو مش كنتو بتذاكرو ؟؟وبعدين دا ربنا بيقول"ان الله لا يضيع اجر من احسن عملا" عشق:ونعم بالله يافرفوشه ..الحمد لله ماضيعش تعبنا حائره:بس تعرفي يافرفوشه النهارده كمان بصره في النتيجه ههههههههههههه فرفوشه:هههههههه كفففففففففك عشق:ههههههههه يارب مايفرقكم ابدا حائره:امين يارب لا احنا ولا انتي ياعشق عشق:امين يارب ..طيب يلا بقى انا هامشي حائره:طيب...انا .... فرفوشه:عارفه ياختي عايزه تشوفي روميو حائره:صراحه اه فرفوشه:طيب انا هامشي مع عشق وابقي حصليني انتي ع البيت عشق:يالهوي على عندك يافرفوشه فرفوشه:بت انتي اطلعي من نفوخي يلا ياحائره سلام..اشوفك في البيت وراحت حائره للشله حائره:هاي ياحلوين صدى:اهلا ياحبيبتي وحشتيني حائره:وانتو اكتر والله ..ها عملتو ايه في النتايج عمرو:الحمد لله كلنا ناجحين صحيح تقاديرنا مش اللي هي بس الحمد لله حائر ه:الحمد لله ....اما ل فين سيلنت صدى:يعني انتي لسى هاتعرفيها ماهي من ساعت مارجعت لميزو وهي مابتنشافش بعد المحاضرات حائره:يلا ربنا يهنيهم والله كنت عايزه اشوفها ليها وحشه حماده:هي.....فرفوشه ماجتش؟ حائره:لا فرفوشه جت ...بس.. حماده:فهمت ....روحت صدى:هو في ايه ياجماعه ..انتو شكلكم كلكوعارفين الموضوع وانا اللي زي الاطرش في الزفه عمرو:لا ياختي لا اطرش ولا حاجه ...كل الحكايه ان حماده قال لفرفوشه انه بيحبها وهي فاكراه بيتسلى صدى:بجد؟؟؟؟ حائره:مشكلتك ياحماده انك اتسرعت وانت عارف عقليه فرفوشه كويس حماده:انا ماكنش قصدي والله...انا قولت اجيبلها من الاخر عمرو:خلاص اللي حصل حصل المهم اننا نفهمها انه صادق حائره:انا من رأيي ان دي مهمتك انت ياحماده عمرو:فعلا حائره معاها حق ..لان انت اللي هاتعرف توصلها احساسك مش حد تاني صدى:وانا مستعده اساعدك واكلمها عمرو:ياشيخه روحي ..انتي لو اتكلمتي هاتخربيها صدى:ماشي ياعمرو اتريق اتريق حماده:طب انا ماشي بقى يلا سلام وبعد مامشي حماده عمرو:بجد ربنا يكون في عونه صدى:بصراحه انا ماتوقعتهاش من حماده ..دا كان موقع الكل حائره:طبعا ماصحبتي مش شويه ياختي ولما الكل روح وحائره رجعت ع البيت فرفوشه:منوره ياختي حائره:دا نورك يام قلب قاسي فرفوشه:انتي بتكلميني انا؟؟؟؟ حائره:ايوا انتي......مانتي ماشوفتيش حماده النهارده كان عامل ازاي فرفوشه:ياختي تلاقيه شايل مواد وزعلان حائره:لا ياختي دا نجح وانتي اللي مزعلاه وماحسش بفرحة النجاح فرفوشه:يعني وهو انا ضربته على ايده وقولتله ماتفرحش حائره:احنا هانلف وندور على بعض كدا كتير فرفوشه:انتي عارفه رأيي وقلت لك الموضوع منتهي وانتي اللي مصممه حائره:طب اسمعيه وشوفي كلامه ...خليه يثبتلك انه مش بيلعب ...ولو لقيتيه بيلعب سيبيه فرفوشه:واي لزمتها من الاول وجع القلب ده حائره:انتي ليه متأكده انه بيتسلى ..جربي ومش هاتخسري وانا اضمنهولك فرفوشه:لاتضمنيه ولا تكفليه قفلي ام السيره احسن لك اما حماده لما رجع البيت مافيش حل غير اني اكلمها تاني ..بس لو عملت نفس الحركه هاتبقى مصيبه وانا كدا هابقى ماعنديش كرامه...طب اعمل ايه بس انا فعلا بحبها....هو كدا انا هاكلمها تاني بس مش دلوقتي هاسيبها شويه لما تهدى وامري لله ومرت الايام وفرفوشه على حالها وعندها لا راضيه تسمع حد ولا حتى تفكر في حماده ولو للحظه وحماده طول الوقت يفكر ازاي يوصلها احساسه اما عشق وعمرو وحائره زهقو من كتر ماهما بيحاول يقنعو فرفوشه وفي يوم الصبح حماده:عمرو انا خلاص قررت اكلمها...بس عايزك تساعدني عمرو:ان عرفت اساعدك اكيد مش هاتأخر حماده:كلم حائره تقعد فرفوشه بعد المحاضره وانا هاروح اكلمها عمرو:حاضر بس خليك فاكر ..انت اللي قررت حماده:ماشي بس اتصل ومالكش دعوه اتصل عمرو على حائره وكانت واقفه مع فرفوشه وعشق حائره:الو.. عمرو:حائره لو فرفوشه جنبك ماتبينيش انك بتكلميني حائره:اوك عمرو:حماده عايزك تأخري فرفوشه شويه بعد المحاضره حائره:دي صعبه شويه عمرو:معليش حاولي تخليها تتأخر واحنا اللي هانجيلكم حائره:ماشي ياحبيبتي ابقى سلميلي على ماما...وماتقلقيش ....يلا سلام قفلت حائره الخط فرفوشه:مين يختي الي بيتصل ع الصبح كدا حائره:ها....دي اختي بتصبح عليا عشق:يظهر اختك دي متعلقه بيكي قوي حائره:اه....جدا ....طب مش يلا بقى عشان نروح المحاضره ....يارب استر خلصت المحاضرات وحائره عماله تفكر تأخر فرفوشه ازاي عشق:يلا بقى انا هامشي فرفوشه:وانا كمان جايه معاكي حائره:لا ..فرفوشه استني ماتمشيش عشق:طيب يلا انا هامشي بقى سلام فرفوشه:ليه ياختي عايزه ايه حائره:اصل....كنت عايزه اجيب كتاب من المكتبه وعايزاكي تيجي معايا فرفوشه:كتاب ايه ده ياختي ان شاء الله....وبعدين ماتخدي روميو معاكي حائره:لا انا اصلي عايزاكي انتي تيجي معايا وتشد فرفوشه بسرعه وتمشي عشان ماتلحقش تفكر وهما ماشيين يقابلو عمرو وحماده وصدى صدى:فرفوشه ازيك عاش من شافك فرفوشه:تسلمي ياختي عمرو:والله يافرفوشه ليكي وحشه انتي والمشاكسه معاكي فرفوشه:معليش يقى مش بإيدي حكم قوي نعمل ايه صدى:بجد مالكيش حق يافرفوشه دا احنا داخلين ع الاسبوع التالت من بعد الاجازه وانتي ولا فكرتي تسألي علينا ولا كأنك تعرفينا فرفوشه:مانا كنت بعرف اخباركم من حائره برضو صدى:برضو مش كفايه ...عموما انا هامشي هالك دلوقتي عشان انا هامشي ....يلا اشوفك بكرا بقى عمرو:حائره تعالي ..عايزك في كلمه مهمه فرفوشه:ودا من ايه ده بقى ان شاء الله ...انتي مش كنتي هاتروحي المكتبه حائره:ماحنا كنا رايحين اهه بس انتي شايفه عمرو عايزني في كلمه فرفوشه:لا والله....وبتلعبي على عقل مين بقى ان شاء الله..عموما متشكره انا ماشيه حماده يمسك ايد فرفوشه ويقولها استني اما عمرو وحائره ينتهزور الفرصه ويمشو فرفوشه:نعم ....افندم حماده:انتي ليه مش عايزه تديني فرصه اثبت لك فيها اني صادق فرفوشه:يابن الناس افهم ..انا مش من اللي تقولهم كلمه تدوبهم ..انا مابكلش من الكلام ده حماده:انا عارف انك غير كل البنات فرفوشه انا عرفت بنات كتير بس كلهم بيمثلو عمرماوحده فيهم كانت صادقه معايا ...لكن فيكي لقيت الصراحه لامجامله ولا كلام متزوق فرفوشه:طيب وبعدين؟؟ حماده:طب وكتاب الله انا مابضحك عليكي وعمري ماكنت صادق مع وحده زي مانا صادق معاكي دلوقتي فرفوشه:خلصت كلامك..يلا بقى انا ماشيه حماده:بالله عليكي فكري في كلامي وماترديش دلوقتي خالص وياريت تديني فرصه ومابقاش قلبك قاسي انا هاسيبك تفكري ووقت ماحس انك قررتي هاكلمك تاني ..سلام مشي حماده وساب فرفوشه لوحدها ياترى فرفوشه هاتفكر ؟؟ نشوف الحلقه الجايه |
|
هههههههههههههههههههههههههههه
انتى بتيجى عند النقطه اللى عاوزين نعرفها وتقولى الحلقه التانيه ههههههههههههههههههههههه بس انجزي بقى بالحلقه الجايه هههههههههههههههههههههههههههه |
|
ايه البنت دى قلبها حجر
بس فلا فى بنات كتير كده .. بيخافو من الحب مش عارف ليه ممكن خوف من الفشل كملى |
|
وربنا فرفوشه دى عايزه القتل هههههههههههه
انجزى ياختى |
|
بس بجد قصه ع حق
انا بدخل عشانها اقراها واخلع |
|
يلا يلا يلا بسررررررررررعه الحلقه 16
مشي حماده وساب فرفوشه لوحدها وهو جواه حاسس انه اول مره يكون محتار ومش عارف يعمل ايه بعد ماكان مقطع السمكه وديلها وروحت فرفوشه البيت حائره:حمد لله على السلامه فرفوشه:لا بجد متشكرين ياختي على الموقف التحفه اللي اتحطيت فيه ده حائره:فرفوشه انا مش قصدي حاجه ...حماده كان محتاج يكلمك فرفوشه:دلوقتي بس فهمت ايه التليفون اللي جالك ع الصبح.....قال ايه اختي حائره:خلاص بقى يافرفوشه ...المهم قوليلي عملتي ايه معاه وقالك ايه فرفوشه:ابدا ياختي سبته يقول الكلمتين اللي واقفين في زوره عشان نفسوياته ترتاح حائره:وبعدين سبتيه ومشيتي؟؟؟ فرفوشه:لا ياختي هو اللي مشي.....دا عايش الدور جامد ..وقال يقولي انا هاسيبك تفكري ووقت ماحس انك فكرتي هاسألك عن قرارك .....تقوليش ياختي هايشم على ضهر ايده ويعرف انا فكرت والا الا حائره:طب عشان خاطري فكري .....اديله فرصه ومايبقاش قلبك قاسي قوي كدا فرفوشه:قلبي قاسي...انتو كلكم ماسكينها ليه الكلمه دي...للدرجادي شيفيني مابحسش حائره:ياحبيبتي مين قال كدا بس...احنا قصدنا انك تفكري وتديله فرصه مره وحده فرفوشه:.......................... حائره:عشان خاطري يافرفش فرفوشه:خلاص ياختي هاديله فرصه يثبتلي..بس وديني ومااعبد لو طلع كداب وبيتسلى..... حائره:عارفه...هاتخلي ايامه سوده فرفوشه:ايوا بالظبط كدا كويس انك عارفه حائره:طب قوليلي هاتكلميه بكرا؟؟؟ فرفوشه:بكرا؟؟؟؟ليه ياختي قالولك ماصدقت لقيت واحد ارمي نفسي عليه....لا طبعا هاستنى لما يجي يسألني ...ولو ماجاش يبقى احسن برضو حائره:لا هايجي وهاسألك ...وهاتشوفي كمان فرفوشه:طب بس بس لا يطق لك عرق...يلا وسعي عايزه انام وتاني يوم الكليه: عشق:ازيكم يابناتيت النهارده حائره:احنا تمام جدااااااا وعال العال عشق:خير ان شاء الله ...ها فرحوني حائره:اصل حماده كلم فرفوشه امبارح وهي قررت انها تديله فرصه يثبت لها انه صادق عشق:بجد ؟؟؟والله فرفوشه:حيلك انتي وهي انتو محسسني اني هاتجوزه .....دا بس مهله يثبتلي يعني مش اكيد اصلا عشق:ياواااااااد ياتقيل انت ياجااااامد حائره:هايثبتلك يافرفش فرفوشه:طيب غيرو ام السيره دي لحسن اولع فيكم انتو الاتنين اما الشله: صدى:ها ياحماده عملت ايه امبارح حماده:ابدا ...اديتها وقت تفكر وتاخد قرار سيلنت:هي مين دي؟؟؟وقرار ايه ده...هو في ايه صدى:اصل حماده طلع بيحب فرفوشه سيلنت:؟؟؟؟؟؟؟؟؟؟؟؟ فرفوشه؟؟؟؟؟؟؟؟ ميزو:ايه ده انا في حلم والا في علم ..حماده؟؟؟؟ سيلنت:فرفوشه ياحماده؟؟؟؟ حماده:ومالها فرفوشه ان شاء الله؟؟ سيلنت:مالهاش ...انا قصدي يعني ان البنات كانو حواليك مالقتش الا فرفوشه اللي مش في بالها الحب اساسا صدى:القلب ومايريد ياسيلنت بقى عمرو:ماهي فرفوشه دي بقى اللي حاطلع ذنب كل البنات دي كلها حماده:جرى ايه ياعمرو انت معايا ولا ضدي؟؟ وبعدين انا مالكمتش وحده فيهم ووعدتها بحاجه هم اللي كانو بيتقربو مني عمرو:ههههههههه خلاص ياعم انا بهزر عدى كام يوم وقرر حماده يكلم فرفوشه عشان يعرف هي وصلت لايه ولما خلصت المحاضرات حماده اخد عمرو جري عشان يلحق فرفوشه وحائره قبل مايروحو ولما اتقابلو::: عمرو:هاي يابنات فرفوشه:الله الله لحقتي يابت تعديه وتخليه يتكلم زيك حائره:هههههههههههه وايه يعني الله..حبيبي وانا حره عمرو:اه حره حد ليه شوق في حاجه فرفوشه:ايوا امسك ياخويا في الكلمه امسك حماده:ازيك يافرفوشه فرفوشه:نحمده ياخويا على كل حال عمرو:طيب يلا بقى ياحائره نروح نتمشى شويه انا وانتي فرفوشه:خد بالك منها لحسن البت قلبت نصها من كتر المشي معاك عمرو:وانتي مالك انتي يلا يابت امشي من هنا فرفوشه:انا برضو اللي امشي ..ليه بقى هو انا كنت هامشي في الاول؟؟؟ حائره:خلاص يافرفش احنا اللي ماشيين اهه يلا سلام اشوفك في البيت مشيت حائره هي وعمرو حماده:ازيك يافرفوشه فرفوشه:هههههههههه ماقولت لك نحمده على كل حال انت نسيت والا ايه حماده:خلاص ياستي حقك عليا فرفوشه:ماشي... حماده:فكرتي في الموضوع؟؟ فرفوشه:مش انت قولت انك لما تحس اني فكرت هاتيجي حماده:ايوا فرفوشه:طب بدام انت جيت ومعنى كدا انك حسيت او عرفت اني فكرت بتسالني فكرت ليه؟؟؟ حماده:قولت يمكن احساسي يكون غلط والا حاجه فرفوشه:عموما ياخويا انا فكرت حماده:ووصلتي لايه؟؟؟ فرفوشه:بص ياعم حماده ...انا عشان مايبقاش قلبي اسود زي مابتقول هاديك فتره واعرفك كويس وساعتها بقى اقولك ان كنت مصدقاك والا لا حماده:ياااااه اخيرا قولتي حاجه حلوه فرفوشه:بس يكون في علمك لو عرفت انك بتشتغلني هاخلي نهارك طين حماده:انا وعزه جلال الله بحبك وهاتشوفي اني صادق فرفوشه:اما نشوف ياخويا اما عمرو وحائره: عمرو:عارفه حماده النهارده فكرني بنفسي لما كنت جايلك اعرف قرارك حائره:ههههههههههههههه ياسلام عمرو:اه والله يومها انا كنت هاتجنن لا تقولي لا مش موافقه مش عارف كان ايه اللي هايحصل لو رفضتي حائره:تعرف ياعمرو ...انا مع اني كنت رافضه الفكره دي تماما واني اجرب الحب تاني...الا انت ماعرفش ليه وافقت اجرب تاني معاك عمرو:عارفه ليه حائره:ليه.؟ عمرو:عشان انا عمرو مش أي حد ياماما حائره:ههههههه ياعم الواثق انت عمرو:طبعا لازم اكون واثق حائره:ليه يعني ان شاء الله عمرو:لان معايا اجمل واحلى وارق بنت في العالم كله..ازاي عايزاني ماكونش واثق....دا انا لو مش واثق ابقى مجنون حائره:هههههههههههه بعد الشر عليك من الجنان روح الكل للبيت بالنسبه لفرفوشه وحائره: حائره:ها يافرفش عملتي ايه فرفوشه:ولا حاجه ياختي قولت له اللي اما قررته حائره:وهو قالك ايه فرفوشه:انا خلصت الكلميتين من هنا لقيت دا طلع في وشي مره وحده وقعد يحلفلي من هنا انه صادق ومش بيتسلى...اكننا في محكمه هههههههه حائره:هههههههههه ياشيخه حرام عليكي دانتي قلبتي كيانه والله انا خايفه يدخل العباسيه بسببك بعد الحوار ده مرت الايام رجعت فرفوشه تاني تقف مع الشله وتسلم عليهم زي الاول وحماده بينتهز كل فرصه عشان يقعد معاها ويقرب منها اكتر عشان يحسسها بحبه وفي يوم صدى:ايه ديه شمس ازيك يابت عامله ايه شمس:ازيك انتي ياصدى ليكي وحشه فينك صدى:موجوده انتي اللي اختفيتي شمس:اظاهر ان الجامعه بتخلي الناس ماتشوفش بعضها صدى:اه والله معاكي حق شمس:المهم اخبار شلتك ايه لسى معاكي والا سابوكي صدى:لا طبعا وهايسبوني ليه كلنا مع بعض الحمد لله شمس:وحماده عامل ايه صدى:الحمد لله ..ايه انتي لسى بتحبيه والا ايه شمس:لا خلاص دي كانت فتره وعدت صدى:طب كويس ....اساسا هو ماكنش بيحبك شمس:اه اهي خلصت وخلاص بقى...الا قوليلي وصل لحد فين صدى:اسكتي دا وقع وقعه جامده شمس:ياشيخه......ازاي بقى صدى:اصله حب وحده اسمها فرفوشه ..تخيلي عملت اللي عمر وحده ماعملته في حماده شمس:ليه يعني عملت ايه صدى:حماده قالها بحبك...قامت شرشحته وفضل يلف وراها يجي شهر وفي الاخر قالت له انها هاتديله فرصه يثبت لها صدق مشاعره شمس:ياااه ..دا شكله وقع صدى:مش قولت لك ...دا فرفوشه دي هاتطلع كل اللي عمله في البنات اللي قبلها شمس:اه والله ربنا يكون في عونه صدى:مش هو اللي بيحب ..خلاص يشرب بقى شمس:عندك حق...يلا بقى انا هامشي بقى وابقي اسالي برضو ماتقطعيش يعني احنا بروض زمايل صدى:ماشي ياحبيبتي يلا سلام بقى وفي الليل حائره:فرفوشه فرفوشه:نعمين حائره:لسى برضو مش مرتاحه لحماده فرفوشه:والله انا كنت حاسه انك هاتسألي حائره:طيب ياختي جاوبي فرفوشه:بصراحه اكدب عليكي لو قولت لا..هو لحد دلوقتي شاب جدع...ساعات كتير بحس انه صادق في كلامه...عارفه يابت..لما بيحط عينه في عيني بحس احساس حلو قوي جوايا كأنه بيكلمني بعينيه وبيقولي بحبك حائره:الله الله ايه دا كله ايه دا كله مش ممكن تكون دي فرفوشه فرفوشه:ليه ياختي مابحسش والا ايه حائره:لا ياحبيبتي انتي ملكه الاحساس كله فرفوشه:ااااه بحسب حائره:هههههه لا ماتحسبيش ياختي يلا تصبحي على خير وتاني يوم بعد ما الكل خلص محاضراته فرفوشه كانت واقفه مع عشق وحائره وفجاه شمس:ا......لوسمحتي يافرفوشه ممكن كلمتين على انفراد فرفوشه:خير ياختي في حاجه...قولي ماحدش غريب شمس:لا معليش عايزاكي لوحدك عشق:خلاص روحي معاها يافرفوشه ..شوفي عايزه ايه فرفوشه:خير ان شاء الله راحت فرفوشه مع شمس حائره:ياترى مين دي.....انتي شوفتيها قبل كدا...؟؟ عشق:ابدا انا اول مره اشوفها حائره:اهي فرفوشه هاتيجي ونعرف منها هي عايزه ايه ومين دي اما فرفوشه وشمس فرفوشه:خير ياختي جبتيني على ملا وشي في ايه شمس:انتي مش فاكراني ولا ايه فرفوشه:...ايوا ايوا افتكرت انتي اللي جيتي سلمتي على حماده شمس:ااااااايوا انا شمس فرفوشه:...خير ياست شمس شمس:بصراحه انا جايه عشان مصلحتك ..انتي شكلك طيبه قوي وانا حبيتك فرفوشه:متشكرين ياختي...ايه بقى مصلحتي اللي انتي جيالي فيها شمس:بصي بقى ومن الاخر ...حماده دا مش بيحبك دا بيحبني انا فرفوشه:لا بجد...والله العظيم صدمتيني ...هايتيلي كوبايه ميه اصلي هاسورق شمس:ليكي حق ماتصدقيش...بس انا هاثبتلك فرفوشه:اثبتيلي ياختي شمس:هو قالي كدا بنفسه....وقالي كمان انك هزقتيه لما قالك انه هو بيحبك....فحب يرجع كرامته اللي بعزقتيها ويوريكي ازاي تعلي صوتك عليه فرفوشه:اه....وهو اللي قالك كدا شمس:يعني هو انا هاعرف منين اذا هو ماقليش فرفوشه:صحيح ياختي معاكي حق شمس:انا عارفه ان الكلام ضايقك بس انا ماحبيتش اشوفك مخدوعه فيه ويحصلك زي اللي حصل للنات قبلك فرفوشه:حصل ايه ؟؟؟ شمس:حماده علقهم في حباله الدايه ولما اتأكد انهم وقعو مشي وسابهم فرفوشه:اه .لا ياختي متشكره قوي على النصيحه الحلوه دي ربنا يخليكي شمس:العفو يافرفوشه على ايه....يلا انا هامشي بقى عشان اتأخرت فرفوشه:مع السلامه ياختي شمس:اه كنت هانسى ...انتي عارفه طبعا ان حماده حبيبي هايزعل مني لو عرف اني قولت لك فرفوشه:اه طبعا ياختي امال ايه ماتخفيش سرك في بير ومشيت شمس وسابت فرفوشه ياترى فرفوشه هاتعمل ايه يلا نشوف الحلقه الجايه |
|
جاااااااااااااااااااااااااااااااامده جدااااااااااااااااااااااااااااااااا
كملى بسررررررررررررررررررررررررعه |
|
لا بجد خرافة بجد تسلم ايدك
كل حلقة احسن من التانية مبدعة بكل صراحة |
|
اكيد هتفتح دماغ حماده مش هتسيبه
بس اكيد طبعا كلام شمس غلط كمــــلى |
|
كملىىىىىىىىىىىىىىىىىىىىىىىىىىىىىىىىىىىىىىىىىىىى
ومتعلقينااااااااااااااااااااااااااااااش |
|
هههههههههههههههههههههههههههههههههههههههههههه
ايه دا مطلعش مسلسل تركى دا طلع فيلم هندى ههههههههههههههههههههههههههههههههههه هههههههههههههههههههههههههههههههههههههه يالا كملى ............ |