********
حاسس وعارف احساسك
بعد اما اغلي الناس سابك
وبقيت لوحدك من بعديه
ما انا قلبي كان زي حلاتك
وعشت برده فحكياتك
واللي انت حاسه انا حسيت بيه.
حاسس ان الدنيا دي فاضيه
وان الضربه دي كانت قاضيه
وشايف كل الناس اوهام
عاوز تصرخ وتسمعهم
قلبك موجوع شايل منهم
مدبوح بتقول اي كلام
شايف عمرك جه لنهايته
وانك حتي الحب كرهته
وانك مش حتعيش بعديه
بتفكر انا ليه فالدنيا
ونفسك لو تفارقها فثانيه
ولا شيء جواك باقي عليه
**************************
مش ده الاحساس اللي فقلبك؟
ومحدش حاسس بمشاعرك
بس انا فعلا حاسس بيك
زيك كنت انا واكتر منك
مش حتصدق بس ح اقولك
بكره الايام حتقويك
ح تخليك تنسي اللي يسيبك
واللي مكنش فمره حبيبك
عمرك يوم ما حتبكي عليه
ايامك ايام بتعدي
حبه بتجري وحبه تهدي
اياك تفضل مستنيه
***********