السلام عليكم
أقدم لكم قصيدتى العاميه ( يعنى ايه انك مدرس )
تشرح حال المدرس فى مرحله ربماكانت ماضيه
متمنياً أن تنال إعجابكم
القصيده
يعنى إيه إنك مدرس ..؟
يعنى إن الجيب مفلس..
يعنى تفطر فول مدمس..
يعنى تضحك يوم ماتقبض..
يومها تاكل لحم طازه
يعنى كل البيت يعيد
يومها تشرب ببس كولا
يومها تحس إنك مدرس
لك رساله ولك مهمه
تنوى تشرح يوم بذمه
تانى يوم تقوم بهمه
كل حرف يكون برسمه
كل كلمه تكون بمعنى
تلقى عقول مش عاوزه تفهم
غير الهلس إل فحياتها
الإحباط هيغوص فى نفسك
يومها تكره حتى إسمك
ولو تنام يمكن تهلوس
بإل كان وإل هيجراى
لما جيبك تانى يِفضى
تلقى الحل إنك هترضىَ
تدى درس قباله أُجره
ولما جيبك تانى يعمر
بالفلوس بطنك هتكبر
وتلقىَ إن الدنيا غنوه
حروفها ماده
ونغمها دنوه
عرفت إيه إنك مدرس
كلمات
حسن ابواسماعيل
هذا ربما كان حال المدرس قبل تطبيق
كــــــــــادر المعلم
تقبلو تحياتى