ازيكو يا جماعه كل سنه وانتو طيبين وبخير دايما يارب انا اول مره اكتب موضوع او اعرض مشكله ليا هنا خاصه بيا بس بجد خلاااص نفسي حد يقولي اعمل ايه المشكله بتاعتي هو اني بحب واحد جدااااا لدرجه كبيره اوي هو قبل ما يحبني كان بيحب واحده والبنت دي سبته واتخطبت لغيره وانا حبيته على طول للاسف بعد ما سبها انا عارفه اني غلط لما حبيت واحد وهو لسه خارج من مشكله بس هو اللي ساعدني ف ده وقالي انه هينساها معايا وكده فضلنا نحب ف بعض مع الوقت فعلا حسيت انه بيحبني وبدأ ينساها بس هي ظهرت تاني في حياته وقالتله انها اتخطبت غصب عنها وكانت فاقده الذاكره المهم كلامها كله كان كدب في كدب هو صدقها وحصلت مشاكل كتير بيني وبينه بسبب الموضوع ده وكلمته 3 مرات وفي المره الرابعه طلبت تقابله مع انه كان وعدني انه مش هيرد عليها ابدا قابلها ورجعلها وجه في نفس اليوم قالى احنا مش هننفع لبعض المهم حولت كتير اعرف منه السبب وضغط عليه لحد ما عرفت انها قابلته ورجعلها تاني وهي محتجاله وحاسس انه ظلمها لما حبني طبعا مش قادره اوصفلكوا انا كنت عامله ازاي وتعبت ودخلت المستشفي وهو ولا كان على باله كان كل يوم يقابلها وانا في المستشفي بسببه ومع ذلك كنت بتصل بيه واتحايل عليه مش يسبني بس هو كان بيرفض ويقولي انا بحبها اوي ومقدرش ابعد عنها وقالي انه حبني بس مش قوي حبها هي اكتر مع انها كدابه ولسه مخطوبه للولد اللي مخطوباله وانا مازلت مش قادره انساه فات 10 ايام ومش قادره ابعد عنه بتصل بيه وبيكلمنى بطريقه وحشه واحيانا كويسه بس انا قولتله اني راضيه اني اكون على هامش حياته وغير رقم موبيله عشاني ومش اداني الرقم علشان مش اكلمه وقالي كلميني على رقم والدته بس انا تعبانه اوي ومش عارفه انساه حولت كتير اوي ابعد عنه وف كل مره كنت بضعف واقول بكره انساه وبكره مش راضي ييجي ابدا مع ان عمري ما حبيت بالشكل ده وقولتله نرجع لبعض وانا متأكده انك هتنساها اكيد معايا بس رفض وانا مش عارفه اعمل ايه تفتكروا افضل معاه لحد ما يكتشف كدبها ولا مينفعش اكمل معاه حتى بعد ما يكتشف انها بتكدب عليه وانا اصلا في الحالتين مش قادره ابعد عنه الوسيله الوحيده اللي بتخليني انساه هي النوم باخود منوم علشان اقدر انام ومش اتصل بيه او اسمع صوته انا عارفه ان اللي انا فيه ده جنان ودمار لنفسي بس غصب عني ومش عارفه اعمل ايه