الســلام عليكم ورحمة الله وبركـــاته



يــــرسم الكثيــر من الشباب صور معينــه لفتـــاه المستقبل فبعد ان كان يريدها جميلة وشعرها طويل وذات عيون واسعتين وذات مظهــر بشكل عــام جـــذاب ... اضيف اليها مـــؤخرا بعض الصفــات مثل ان تكــون مـــوظفــة تعينــه وتســاعدة على تحمــل تكـــاليف الحيــــاة و اخـــرهــذة الشــــروط لـــدى بعض الشباب هـــو انه يــريـــد فـتـــاه لا تــــدخل الأنتــرنت !!!




لــمــــــــــاذا ... مــــأ الأسبــــاب ... مـــــــا الـــدوافـــع ..؟؟؟



هــــــذا شــــاب عقـــد قــــرانه علــى فتــاه ومـــع الـــوقت تعــرف عليهـــا اكثــــر واكثــر وقـبــل ان يـــدخل بهـــا سئـــلهــــا ذات يـــوم عن الأنترنت وهـــل هي من رواده أم لا ...قالت له نعم انا احب الأنترنت واستمتع بة عندما ادخله ..عنــــدهـــا تغيـــرت مــــلامـــح الشـــاب وكشـــر عن انيـــابه وانهى عـــلاقته مع الفتاة مــتـــذرعــا ذلــك بأنـــه لا يثـــق بــأي فـتـــاه تـــدخل الأنترنت .

شــــاب اخــــر قـــال لـــوالـــدته واختـــة ابحثـــو لي عن بنت الحـــلال وقـــال لأخته ..اريــــد فتـــاة لا تعرف عن الأنترنت ألا اسمــــه فــقــط .."قـــالــت" له اختـــة ولــمــــاذا يـــا أخــي .."قـــال" لـها اسئلينــي انـــا عن فتيات الأنترنت فـــأنــا اعــــرف منكي بـهــن .

واخـــر ايضـــا أتـــم زواجـــة وبعـــد مــرور اشهـــر قـــالت لــه زوجتـــه اريــد منك ان تحضـــر لي جهـــاز كمبيوتـــر حتى ادخل على الأنترنت واتعرف على الــعــالــم .."قـــال" لهـا هل كنتي تــدخلين الأنترنت قبــل زواجـــنــا "قــالــت" نعم لمـــاذا ..قــال" لـــو كنت اعرف ذلك لـمــا تــزوجت بــكِ.

مـــا سبــق لــم تكــن قـصـص خيـــالـيــــه ولـــم تكــن قـصـص من نسيــج افكـــاري بـــل هـــي حـقـيـقة لشبـــاب رسمــــوا فـــي مخيلتهــم صـــور معينـــه لــلفـتيــات الـــواتي يــدخــلن الأنترنت.. ولــــكـــــن ...

*هـــــل كـــــــل الفتيـــــــات يبحــثن عمــــا يغضــب الله عزوجل في الأنترنت ..
*هـــــل كـــــل الفتيـــات همــهــم الأول تكــوين عـــلاقــات غيـــر شـــرعيــه وتبـــادل الغـــراميــات مع الشبــاب من خــلال الأنترنت..
*هـــــل كــــل الفتيـــات يبحثـــن عن السلبيـــات ويتـــركن الأيجـــابيــات فــي الأنترنت..
*وهــــل .. وهـــــل .. وهـــل ...

لـــست هــنـــا مـــدافـــعة عن الفتيــات لــكن مـــــــا أعــــــــرفه ان اصـــــــابع الــيــدين ليســـو مـــثـــل بعـــض فـبتــالــي حتى الفتيـــات انفسهـــم ليسو مثـــل بعض ...

مـــا رأيـــكـــم انتــم اخـــواني واخـــواتي الأ‘عضـــاء فيــما سبق ؟؟




بالله عليكم كل الى يدخل الموضوع يرد وبصراحة
تحياتى *زهـــــــــــــرة*

أولا مش ممكن نقول إن كل البنات اللى بيدخلوا على النت بيدخلوا لمعصية ربنا وأكبر دليل وجود العديد من البنات المحترمات هنا فى المنتدى اللى بيدخلوا لطرح مواضيع وأفكار ومساهمات فى الرد على مشاركات الآخرين بكل أدب وإحترام فليه دايما بنبص للجانب السلبى بدل ما نحط عنينا على الجانب الإيجابى منه شكرا على الموضوع

أولا مش ممكن نقول إن كل البنات اللى بيدخلوا على النت بيدخلوا لمعصية ربنا وأكبر دليل وجود العديد من البنات المحترمات هنا فى المنتدى اللى بيدخلوا لطرح مواضيع وأفكار ومساهمات فى الرد على مشاركات الآخرين بكل أدب وإحترام فليه دايما بنبص للجانب السلبى بدل ما نحط عنينا على الجانب الإيجابى منه شكرا على الموضوع



مرسى اوى اوى يا عبير انك اول واحدة نورت موضوعى
وده قريب اوى لرأيى انا كمان واللى شجعنى انى اكتب موضوعى ده
عشان اعرف اراء اصدقائى واخواتى فى المنتدى

شكرا لمرورك.......زهرة........

يااااااااااااااااااااااه على المواضيع التعبانة
انا هقولك كل الردود اللى كلة هيدخل يقولهالك
كل البنات هتدخل تقولك مش كل البنات كدة والدليل على كدة اننا هنا فى المنتدى والكلام الفقع بتاع البنات دة وتقولك احنا مش بنعمل حاجة غلط والهتش دة كلة
وهتلاقى الشباب المسنحة اللى عايشة فى دور عماد حمدى ورومانسية وكدةيعنى داخلة تقولك لا طبعا لازم البنت تبقى متفتحة وعادى طلاما مش بتعمل حاجة غلط يبقى خلاص وهيقولك طلاما دة كلة حصل قبل معرفتى بيها يبقى خلاص وانا اللى يهمنى البنت والحياه دلوقتى بقت كلها كمبيوتر ونت وكدة يعنى
وهتلاقى ناس مقلبظة دماغها من الدنيا زيى كدة هقولك انا الحياه روشة للى يركبها
زهى دى الردود اللى هتسمعها كلها البنات كلهم هيقولو لك الاجابة اللى قولتها فوق
والشباب اللى هما مسنحين هيقولو لك نفس الاجابة اللى فوق
واللى مقلبظين دماغهم هيقولو لك الاجابة بتاعتى
الحياه روشة للى يركبها

يعني اللي بيفكر بالطريقة دي بيفكر ازاي
يعني البنت المش محترمة حتستنى نت
ما هي ممكن تتصرف غلط مع زمايلها في الجامعة في الشغل
ممكن تستخدم التليفون استخدام غلط
طرق الغلط كتير

انا مع الرمزية lionhmada
بجد رأية صح جدا
ومش النت هو اللى هيخلى البنت تغلط هو صحيح ممكن يكون وسيلة ويخلى البنت تغلط
لكن فى وسائل غيرة كتير والبنت مش هتستنى النت عشان تغلط

موضوعك جميل اوى يا زهره
واكيد البنات فيها الحلو وفيها الوحش
سواء ف النت او برا النت
المحترم هيفضل محترم ف اى مكان
ولو دى وجهه نظر الشباب واكيد مش كلهم
لان ف ناس كتير بتفكر بعقلها دلوقتى وعارفين ان كل بيت دلوقتى فيه نت
واكيد كله بيدخل عليه
مهو ممكن بنت بتكون بتعمل كل حاجه غلط جوا ع النت
ويجى العريس ويسألها وتقول ولااعرف اى حاجه عنه
هيبقوا فرحانيين كدا
هو ممكن يكون قصده ع البنات اللى مقضينها لليل ونهار ع الشات وبس

ميرسي اوى يا زهره وهى دى وجهه نظرى

احييكى على موضوعك المميز
مش عارفه اقول ايه بصراحه بعد كل اللى اتقال دا
بس من وجه نظرى ان البنت اللى مش محترمه فعلااا مش هتستنى نت ولا غيرة
لان فى طرق كتيييييييييييييير غير النت . . فى ظل مجتمعنا طبعا والتطورات اللى بتحصل فيه
والنت ما هو الا وسيله وسط وسائل كتير
المهم الشخصيه والاخلاق
والاهم استخدامنا للشئ نفسه يكون صح ولا غلط

بشكرك على موضوعك مرة تانيه
خالص تحياتى لكى يا قمر

بصراحه مفيش اى كلام يتقال بعد كلام الاخ الكريم عمرو فؤاد
وبجد الطيبين للطيبات والخبيثين للخبيثات فا كل واحد على قد عمله هياخد
اتقى الله فى نفسه وفى بنات الناس ربنا هيكرمه بواحده احسن مما يتخيل انما اللى هيعيش مقضيها وبعد كده يجى يدورلى على واحده محتره هيلاقيها ازاى اذا كان هو اللى فرض على نفسه ان ربنا يديله واحده من عينته
ومرسى ل زهره على الموضوع

كل ماورد هو الحق ..

وكلٌ يرى الناس بعين طبعه ..

ومن خاف الله لا يرتكب مايحرمه أبدًا

موضوع رائع مشاء الله عليك

بالتأكيد سؤال يطرح نفسه بقوة علينا طيلة الوقت ...... وموضوع هام جدا وشائك اختى الفاضله ذلك الذى تسردين ..... وفعلا اصابع اليد الواحده ليست متشابهه ولكن ربما زيادة عدد السيىء تجعلنا نعمم تلك القاعده على كل البنات وهذا خطا ولكن فى نفس الوقت لابد ان نعترف ان عدد البنات الباحثات عن الارتباط والمقابلات والحب عن طريق الانترنت وفى غفلة من الاهل هو عدد يتزايد بقوه هذه الايام وهذا الذى يدعو الشاب الى الخوف الشديد ولكن عليه ان يفكر فى شىء هام جدا الا وهو انه قد يتقدم لخطبة فتاة عن طريق الصالونات او زميلته فى العمل او ماشابه ذلك .. فما يدريه انها تجلس ايضا على الانترنت حتى ولو على مقهى من مقاهى الانترنت ؟؟؟؟؟؟؟؟؟ وما يدريه انها بالفعل جلست ذات مره عليه؟؟؟ او انه فى بيتها ؟؟؟؟؟ هل سيتركها بعد ان اقتنع باخلاقها وسلوكها ؟؟؟؟؟ وهل يعمم تلك الفكره على جميع البنات ؟؟نسبه كبيره جدا جدا من بنات مصر من رواد الانترنت فهل بنات مصر كلهن فاسدات ؟؟؟؟؟ اذا انها لكارثة كبيره جدا بالفعل ....هناك مقوله للقدماء بان البنت المحترمه محترمه فى كل مكان ولو كانت وسط مائة رجل وان البنت السيئه ستفعل ماتريده ولو وضعت فى قيود ........... لابد لنا من اخذ ذلك فى الاعتبار لان الشخص المحترم يكون محترما فى كل مكان ولكن ليس عليه ابدا ان ينجرف ويتنازل ويغير من مبادئه وانا ادعو ذلك الشاب الى شىء مهم جدا هو ان تتقى الله انت ايضا فى بنات المسلمين لكى تكون من الطيبين ويرزقك الله بالطيبات وان تتقى الله كى يجعل لك مخرجا لانك اذا اسات لبنات المسلمين وفعلت الخطا الذى تكرهه فيهن فلا تنس مقولة نبيك الكريم صلوات الله وسلامه عليه ( اصنع ماشئت فكما تدين تدان ) ... واعلم جيدا انك اذا اتقيت الله فسوف يكشف لك الله تلك الفتاة الفاسده مهما مر الوقت وينقذك من تلاعبها وتمثيلها لان الله كان حقا عليه ان ينفذ وعده بان (الطيبون للطيبات والخبيثون للخبيثات ....)

تلك هى المعادله التى يجب عليك ان تنفذ كل شروطها حتى تصل الى الناتج السليم وهو الزوجه الصالحه لانك مهما فعلت لن تكشف تلك المراه الخادعه لك لانك لا تعلم الغيب ولكن القادر على ذلك هو الله سبحانه وتعالى ولكن يشترط عليك ان تكون مستحقا لان يفعل لك ذلك بان تكون انت اصلا طيبا وتستحق الطيب وثق تماما بانها سوف تقع فى خطا او تسقط سقطه ما او تكتشف شيئا ما بالصدفه او تسمعه عنها او ماشابه ذلك لان الله قادر على كل شىء ولا يخلف الميعاد ولا يكذب سبحانه وتعالى جل وعلا عن تلك الصفه .....

اذن عليك اولا الا تتلاعب انت بفتيات المسلمين والا تتسلى بمشاعرهن والا تخدعهن وقبلهم تخدع اهلهن ... وضع نفسك مكان اخيها وضعها مكان اختك ... فهل تقبل عليها ذلك ؟؟؟؟ هل تقبل ان تتبادل الحب مع شخص من وراء ظهرك ؟؟؟؟ والله لو علمت ذلك لسعيت الا تقطيعه وقتله . حتى وان لم تفعل ولكن سيراودك ذلك الشعور ....

ذهب رجل الى النبى صلى الله عليه وسلم وطلب منه ان يحل له الزنا لانه مدمن له فاراد الصحابى ان يفتكوا به فاوقفهم النبى الكريم وتكلم معه بسماحته صلى الله عليه وسلم وقال له يااخا العرب اترضاه لاختك ؟؟؟ قال الرجل لا فقال النبى اترضاه لامك ؟؟ قال الرجل لا ... فقال النيى اترضاه لبنتك ؟؟؟؟ قال الرجل لا .... قال النبى كذلك نحن ياخا العرب لا نرضاه لهن .......
انظر الى الجمال النبوى فى النصح وتعلم منه انك اذا اردت الخير سياتيك الخير وان اردت الفتاة الصالحه فلتكن صالحا مع فتيات المسلمين .... ولكن العبرة ليست بالانترنت او باى مكان تعرفت عليها به ولكن العبره بالسلوك وقبل سلوكها سلوكك انت كى يرزقك الله الطيب ويجعل لك مخرجا ..... ونفس النصح موجه لبنات المسلمين ان تتق الله فى اهلها وفى اخوتها ولترى ما يفكر به الرجل بها عندما يراها تمشى مع شخص غريب ولتنظر نظرة ذلك الذى يمشى معها فى الاصل فوالله هو يمشى معها ويخدعها بكلامه العذب ومن داخله لا ينوى الارتباط بها بل ويحتقرها فيما تفعله معه من وراء ظهور اهلها ولكن الاحظ انهن ا يتعلمن ذلك ويقعن دوما فى الخطا ... ولكن لا تعلم الفتاه بذلك انها تظلم نفسها واهلها بل وتظلم بنات المسلمين الصالحات لان الشاب يعمم ذلك على كل البنات ويشك فى كل فتاة يتقدم لخطبتها ...

اعتذر عن الاطاله ولكن موضوعك اختى زهره هو ما جعل الكلمات تسترسل دون ان اشعر وتنسدل منى دون ان الاحظ اشكرك اختى الكريمه على ذلك الطرح المميز وعلى ذلك الموضوع الذى يدعونا الى التامل والى اصلاح انفسنا ...

تقبلى مرورى المتواضع على موضوعك الرائع .....
دمت متالقه .....

احيييييييييييييييييك بشدة على كلامك المبدع
واضافتك لمعانى الموضوع كالعاده
تقبل تحياتى . . .

بأمانة دا من ضمن شروطى فى شريكة حياتى
ومتسألنيش ليه
يكون عندها خلفية عن النت واستخداماته
بس متكنش مدمنة نت
موضوع اكثر من رائع
تحياااااااااااتى

والله انا شايفه ان اى شاب عنده حق فى كدا
يعنى مانقدرش نلومه لو حب ان شريكة حياته ماتكونش ليها علاقة بالنت
هم بالذات كمان لانهم بيكونوا خايفين اووى على اسمهم وشرفهم
ولازم يدوه للى تستاهلهم
وخصوصا كمان دلوقت لان الدنيا مابقاش فيها امان ولا حد بقى بيثق فى حد
واديكو قولتلوا ممكن تكون بتعمل بلاوى ولما ييجى واحد يسألها تقول ماعرفش عنه حاجة
يعنى انا لو اخوبا جة مرة وطلب كده مش هعترض بصراحة
يعنى كل واحد وليه تفكيره
طبعا الانترنت حاليا بقى كل حاجة يعنى احنا حتى علشان نشتغل لازم تكون معانا شهادة اننا بنعرف
نتعامل معاه
ولو ماعرفناش عنه حاجة عمرنا ماهنتقدم
لكن بجد الدنيا بقت صعبة اووووى والغشاشين كتير
ومانقدرش نحكم على الشباب اللى تفكيرهم كده انهم مش بيفهموا او حاجة
واكيد فى واحد تانى ممكن يقول عادى لانه مسيره هيعرفها ويعاشرها
ولو فيها حاجة وحشة هتبان وهتظهر وممكن يكون النت ده بالنسبالها نقطة فى بحر غلطات
المهم اننا مانحكمش ع الانسان بدون اساس واضح وصريح
وده اللى بنشوفه من خلال الاحتكاك والمعاملة والعشرة

ميرسى ليكى يازهرة ع التوبيك
بجد حلو ومفيد

موضوعك فعلا هام جدا
وانا راي مع عبير الجنه وليون حماده

مش كل البنات بتدخل النت علشان الشات وبس فيه كتير محترم جدا واكيد انتى عارفه كدا كويس
وبردو مش كل الولاد بيدخلوا علشان الشات والغلط فيه منهم كويس جدا

وعلى فكره ان لو البنت محترمه المفروض بردو مترداش تتجوز ولد بيقعد يتشات ويعمل غلط
الولد زي البنت الغلط ما بتجزاش والبنت مش لوحدها هي اللى عليها الغلط

اولا احب احييكي علي طرحك لهذا الموضوع المثير للجدل
وانا مع كل كلمه قلها الاخ عمرو فؤاد لان ده رائي بالضبط
جزاك الله خيراااااا

الله يقطع النت على النتيتة على عينتتو علية
قلبظو دماغكم بقى يا جدعان
اية الاوفر دة

الكلام حلو وموضوع جميل بس مش كل البنات اللى بيدخلو ع النت وحشين ومحدش هيعبرهم ويرضى يرتبط بيهم مش كلهم حياتهم غلط وبيدخلو النت علشان يضيعو وقتهم وحياتهم التفكير اتغير والدنيا اتطورت والنت بقى حاجة ضرورية للكل
ولا اية

أولا بحييكي يا زهره على الموضوع...

ثانيا اللي بيدخل النت ده سواء كانت بنت أو كان ولد لو فاكرين ربنا عمرهم ما هيسمحوا لنفسهم إنهم يعملوا أي حاجه غلط سواء في النت أو غير النت...

وإذا لم تستحي فافعل ما شئت وكما تدين تدان...

ومش كل البنات زي بعض ومش كل الشباب برضه زي بعض...

ربنا يهدي الجميع...

شكرا على الموضوع يا زهره...

بصى محدش بيخطب واحدة غير لما بيسأل عليها كويس
ولو هى اصلا مش محترمة مش هيبقى موضوع نت
بس اى حد من حقه انو يشترط الى هو عيزه لانه اصلا ممكن انو تكون طبيعته شكاك اصلا
فامش عايز يدخل نفسه فمتهات ملهاش لازمه
بس طبعا دى مش قاعدة ومتهاتميش بكلام الناس الفاضيه الى عنهم عقد اصلا

أنا بجد متشكرة اوى اوى لكل أصدقائى
اللى بحبهم وبعتبرهم أخواتى اللى نوروا أول موضوع ليا
هنا فى المنتدى
ومرسى لرأيكم وردودكم فى موضوعى...

موضوع هايل يستحق المناقشه

بس اسمحولي اني اقول رد عليه بالبلدي شويه من غير كلام منمق

عندنا في اسكندريه واغلب المحافظات الشاب مننا بيقول ماتجوزش بنت

مشيت معاها لاني مدام مشيت معايا يبقي ايه يضمني انها ماتمشيش مع غيري

ارجع اقول ليكم النظريه ده اثبتت غلطها

لاني ايه يضمن اني الانسانه اللي مامشيتش انا معاها ورحت ارتبط بيها انها مامشتش مع غير ي

ما يمكن اتعرفت علي شاب وحبته هو انا هاكون مراقف حياتها كلها

اللي اقصده من الموضوع ده ومن كلامي فيه

اني النت زي ماهو وسيل بتعرف الناس ببعض فهو مجرد وسيله

وولو عملت زي مابيقول راس الموضوع اني ده نظريه الشباب

يبقي نظريه غلط من الاساس

لاني اي بنت دخلت الكليه او مادخلتش كليه وكانت حتي تمتلك تليفون منزل او موبايل

اكيد برده هاشك فيها

علي حسب كلامكم

يبقي من الاخخر مش هاتجوز اساسا لاني هاكون شاكك في كل الدنيا وده ساعتها هيكون مرض

وعدم ثقه بالنفس

واخر كلامي احب اوضح اني البنت لو كانت مقيده بسلاسل في منزلها واحبت ان تفعل الخطاء لفعلته


الامر كله راجع الي التربيه والنشاءه



واسف لو كان اسلوبي بلدي شويه في الموضوع ده بس ده رايي

وارجو تتقبلوا مروري

عندك حق ياخالد

الله عليك يا جونى يا جامد يا مكيفة يا صاحب جائزة نوفل فى الهشتكة والدماغ العالية
شوفتى يا بومبو قولت لك كل الكلام اللى هما هيقولوة
علشان تعرفى بس ان جون egypt دة علامة الجودة
اى خديعة
بس بينى وبينك هو حوار النت فكسان موووووووووووووووووووت
مالوش اى تلاتين لازمة
حب من على النت يوم ما اتجوز من على النت طب هجيب عيال ازاى اعمل لهم دون لود
وهتفرق بس السرعة فى النت والرمات والهرد بتاعك مش هيشيل فهتضطر تحذف عيل ولا اتنين من عندك علشان تنزل العيال الجديد
حوار فكسان موووووووووووووووووووووووت
موووووووووووووووووووووووووووووووووووووووووووووووت

الله عليك يا جونى يا جامد يا مكيفة يا صاحب جائزة نوفل فى الهشتكة والدماغ العالية
شوفتى يا بومبو قولت لك كل الكلام اللى هما هيقولوة
علشان تعرفى بس ان جون egypt دة علامة الجودة
اى خديعة
بس بينى وبينك هو حوار النت فكسان موووووووووووووووووووت
مالوش اى تلاتين لازمة
حب من على النت يوم ما اتجوز من على النت طب هجيب عيال ازاى اعمل لهم دون لود
وهتفرق بس السرعة فى النت والرمات والهرد بتاعك مش هيشيل فهتضطر تحذف عيل ولا اتنين من عندك علشان تنزل العيال الجديد
حوار فكسان موووووووووووووووووووووووت
موووووووووووووووووووووووووووووووووووووووووووووووت

افضل رد على الموضوع

تعيش وترد يا بومبو يا كبيييييييييير