"كوارثنا زادت كارثة.. الوضع شكله خطير.. قال يعني كانت ناقصة أنفلونزا الخنازير.. مرض خطير على البشر، وبوعيك.. في دولتين انتشر.. أمريكا والمكسيك..الأنفلونزا كترت، وبقي مرض خطير.. مبقتش طيور وبس.. بقت كمان خنازير.. لو شفت يوم خنزيرة ولو شفت يوم خنزير..لازم تلحق وبسرعة تاخد بعضك وتطير.. إيييييييه.. خنازير وطيور ولسه.. الناس جالها اكتئاب.. قادر ربنا يسترها.. ع القطط والكلاب.. بقول وبأعلى صرخة.. إحنا مش ناقصين سكوت.. علشان خنزير وفرخة.. حرام الناس تموت.. قفلنا كتير مزارع وعدمنا طيور كتير.. عايزين قرار سيادي ونعدم الخنازير.. ليه الخنازير تعيش ونضحي بناس كتير.. تعيش الناس سليمة وطظ في الخنازير.. يا ريتهم يعدموها، والناس في أمان تبات.. من غير ما الأمن يدخل، ولا تحصل إضرابات!
وكأن الحكومة قد استجابت لنداء شعبولا واسلام فصدر القرار السيادي باعدام الخنازير؟ ولا يهمنا ان كانت الاغنية ستري النور او سيغنيها شعبان ام لا ومهما يقال من ان شعبان يتاجر بتلك القضايا والاحداث لتسلط عليه الاضواء؟ المهم في النهاية ان له موقف يوضحه بصوته بمعايشته للاحداث بدلا من مطربين اخرين اختاروا الصمت شعار لهم ليظل شعبان هو الناطق الرسمي باسم الغلابة وصوت الشعب الشعبي.