تانى حاجة انا مش عايز افورة فى الموضوع بدل ما اولع فية يعنى اللى يشوف الموضوع دة يا يقول كلمة روشة يا اما ينطر من هنا
اشطاط
اذن هيا بنا نبداء القصة التى سوف يعنى تهز وتهز جامداوى مشاعر ال اللى هنا يعنى
القصة ابتدت فى صيف 2009 عندما كان الجو ممطر ورعد وبرق وكان جو يشعرك بالتفاؤل
القصة كانت السنة اللى فاتت يعنى بس استمرت لفترة طويلة جدى طويلة طويلة طويلة يعنى
ام هند انا قولت بقى بدل الاعده فى المنزل وحدى شريد وحيد بدون ادنى جديد يعنى كانت حياه اومليت مولة يعنى
فقولت اشطاط انا هنزل اشتغل ضربت الحتة الروشة اللى على الحبل فطرت ونازل وكلى نشاط
روحت شركة برمجة قولت لهم عايز اشتغل والجو اللى يفقع دة كلمتين من هنا على كلمة من هنا
قولى لى اشطة روح قابل المزة اللى فى المكتب اللى جبنا دى وهى هترسيك على الزتونة كلها يعنى هتقولى هعمل اية فى الشغل وكدة يعنى قولت اشطاط يا معلم
رزعت الباب ودخلت قولت لها يا صباح يا قمر
قالت لى وعليكم السلام ورحمة الله قولت ما علينا انا جديد هنا وهما قالو لى انك هتفهمينى الليلة كلها
ضحكت وقالت لى اتفضل وكدة يعنى على فكرة كل دى بداية يعنى او مقدمة دة انا هشلكم النهار دة
ههههههههههههههه
المهم اعدت معاها بتاع ساعتين لحد ما خلاص كان هيجيلى جفاف منها ما بطلتش رغى وترجيع فى ودانى عن الشغل فانا اتخنقت قولت لها على فكرة يا انسة انا نسيت اللى قولتية فى الاول بالراحة شوية انا لسة ما هضمتش اللى فطرتو فضحكت وقالت لى طب هتعرف الشغل ازاى قولت لها بالممارسة قالت لى نعم قولت اية البصة دى انا قصدى ممارسة العمل الشغل يعنى
فضحكت وقالت لى اول حاجة فى الشغل اليونيفورم وبيكون فى العموم بدلة بصيت لها كدة بصة كلها حزن وقلب مكسور وقولت لها وهستمر طول الفترة اللى هترميها هنا بالبدلة لا انا بتخنق منها فابتسمت كدة وقالت لى انت طلاما بتعرف تتكلم وشكل وكدة انت تنزل التسويق قولت لها اشطاط باللمون
وقالت لى بس تلبس كاجول قولت لها كدة اشطاط
ومن هنا
ابتدت القصة
يعنى كان فى خلال يوم ونص كنت اتعرفت على كل اللى فى الشركة وهزار واخر مليطة
المكتب اللى كنت فية كان مليان ناس المهم كان معايا مزة كدة فى المكتب بس اية حتة من الاخر زى القمر حاجة كدة تعرق السمك فى الماية اووووووووووف
ما علينا المهم يعنى دى برضو كانت تسويق فكان شغلنا كلة كلة مع بعضينا يعنى
ننزل مع بعض نروح سوى نروش سوى يعنى وصل الحوار بينا للاعجاب من الناحيتين مش هكدب عليكم يعنى بامانة مزة اصلى اصلى فكنت معجب بيها يعنى وهى كمان بس ما قولناش لبعض كنت بكتفى بنظرة استهبل شوية ومش هوضح
بس اشطة يعنى
عدى شهر من العمل وانا بكد وبكدح اضع الجنية فوق الجنية المهم
جية واحد صاحبى قال لى انا عايز اشتغل وكدة يعنى قولت له بيس يا ريس انزل معايا
هكلملك الجزم اللى هناك واشطاط نروح السغل سوى ونيجى من السغل سوى دة انا هظبطك
المهم روحت كلمت المزة اللى كنت عندها فى اول يوم اللى اعدت ترغى اربع تيام دى
وقالت لى اوكى بس هينزل معاك انت قولت لها رفبتى قالت لى يعنى زيك كدة قولت لها بصى يا مى
انتى تربطية من ايدية وترمية البحر هيطلع وفى بقة سمكة ضحكت وقالت لى ماشى يا جو رغم ان مش عايزين ناس بس هنزلة علشانك قولت لها اموت انا فى عيونك يا قمر فضحكت قولات بس يلا
روح على مكتبك قولت لها ماشى يا عم المدير واعدت اهزر معاها شوية بعد كدة وجبت معاها فى كباية كبشتينو افغانى
ضربتها من غير حتى ما تقولى شكرا يلا ما علينا
المهم بقى من هنا المهم يعنى
جية بقى صاحبى نزل واحب افكركم تانى ان الحتة اللى كانت معايا فى المكتب كان فى اعجاب بينى وبينها دة نزل الشغل اول يوم اول لما شافها سنح فى وشها جرى عليا زى الطور وقالى جون مين دى قولت له لا ما تقلقش دى معانا هنا قالى اية معانا وهنا فى مكتب واحد وانا وانت
فانا ضحكت وقولت له لالالالالالالالالا بس يا معلم انا منزلك ضمانى وعليا انا يعنى لو حصل حاجة انا هبقى بره قبليك قالى ما تقلقش قولت له والله انا ما خايف غير من الكلمة دى قالى خلاص بقى يا جون بطل افورة قولت له خلاص يا عم اللول خلص اللى الشغل دة علشان انا نازل دلوقتى قالى اشطة انا نزلت وتانى يوم قالى جون انا معجب بيها اووووووووووى وشكلى كدة حبيتها من اول نظرة قولت له اية
قالى اه والله حبيتها قولت له انت فطيرت ولا هتافور علشان اعزمك قالى والله يا جون حبيتها واحب افكركم مرة تانية انى انا وهى كان فى اعجاب بينا يعنى كان نظرات كدة يعنى
فهو لما قالى كدة انا من جوايا حسيت ان هيحصل مشكلة وهتتقلب عليا انا فقولت له ياعم من يومين ومش من يومين وانت ولا عارفها ولا حتى اتكلمت معاها حبيت امتى بس قالى ما اعرفش وانت اللى هتظبطنى معاها والا هسيح فى الشركة
بصيت له كدة قولت له تصدق بالله ياض انا جزمة انى نزلتك معايا قالى يعنى يرضيك صاحبك يتهرى كدة وانت واقف تتفرج فقولت له ياعم انطر بقى من دماغى احنا جيينا هنا شغل ونسوان وانت لسة ما خلصتش الشغل خلص وبعد كدة تعالى رجع فى ودانى قالى ماشى يا جون
فراح اعد على مكتبة وانا اعدت دماغى كلها فى الكلام بتاعة وفى اللى هيحصل الواد بقى متعلق بيها
وهى اكيد هترفض لو راح وقال لها بحبك لانها بتحبنى او معجبة بيا انا وانا كمان كنت معجب بيها
فجينا تانى يوم كنا اعدين انا وهو وهى جت قالت هاى جون ازيك يا 00000000000
المهم جية هو بعد ما اعدنا شوية الصبح كدة قال لها بعد اذنك انا كنت عايزك فى موضوع مهم قالت له خير
فانا قولت لهم طب يا جماعة انا هروح للاستاذ شريف علشان اخلص الورق دة قالو ماشى
انا خرجت ومتاكد مليون فى المية انة هيفتح معاها الكلام
وفعلا انا خرجت ورجعت لاقيتها مخنوقة شوية كدة دخلت قولت اية مالكم ضربين بوز لية على الصبح
بصت لى كدة وهو لاقيتة شد مكتبة شوية لورى كدة ووشة احمر انا قولت هو حصل بوس وانا بره ولا اية
فاعدت شوية كدة ابصلهم لاقيتها اخدت الورق وشنطتها وخرجت اول ما خرجت نطيت على مكتبة وقولت له انت عملت اية يا ابن المرة الورمة قالى مافيش قولت لها بحبك
قولت له وحياه امك قالى اه والله يا جون بس تخيل تخيل رفضت ولو كنت جيت بدرى شوية كنت اخدت كام مسمار فى وشك واحتمال كانت هتقوم وتديك بالكرسى فى خلقتك قولت له لية قالى علشان هى قالت لى علشان كدة جون خرج من المكتب علشان تكلمنى
فجت من هنا بقى عرفت انها اتنيلت اكتر فقولت التمام بقى طلاما وصلت لكدة انى اسيب المكتب ودة علشان اول حاجة لانى كنت ساعتها بجد حسيت انى بحبها وتانى حاجة علشان صاحبى حبها وراح صارحها بحبة قبلى تالت حاجة كنت هبقى فى موقف زبالة لما اشوفها وبعد اللى هى قالتة ورابع حاجة منها انى انا كنت سبب رفضها لانها بتحبنى ولما امشى اكيد هسيب له مساحة وهى هتنسى مع الوقت وممكن تحبة ويرتبطو
جيت بقى انا ما نزلتش الشغل اسبوعين اتصلو بيا فى البيت قولت لهم معلش عندى ظروف ومش هينفع انزل الشغل تانى وانا جيبت لكم واحد مكانى يعنى انا ما قصرتش فالمهم خلاص كدة انا فكيت منها ومن الشركة فجالى بقى بالليل اعد معايا يقولى انة بجد حبها وعايز يخطبها ونفسة انها تحبة وجالى يقولى يعمل اية انا قولت فى نفسى طلاما حبها بالشكل دة وانا سيبت الشغل فخلاص انا انسى الموضوع
بدل ما نخسر بعض فالمهم انا رسيتو يعمل اية وفعلا بعد شهرين هى حبتو واتفقو على الخطوبة
وكدة جية هو بقى عزمنى على الخطوبة وكدة فقولت له مبروك يا معلم وربنا يتمملك على خير وفعلا اخدت واحد صاحبى وروحنا الخطوبة كانت فى بيتها دخلت اول لما هى شافتنى والله العظيم بجد انا حسيت انها كانت عايزة تعيط حسيت انها لسة بتحبنى حسيت انها بتقولى انت لية عملت كدة
بس فانا دخلت سلمت على ابو صاحبى واخواتة وابو العروسة والناس اللى اعده وباركت
وسلمت على صاحبى وجيت اسلم عليها لاقيتها ان خلاص والله عنيها تملت دموع وهى قامت دخلت اوضة كدة عندها فى بيتهم وانا اعدت شوية كدة وعلشان ما ابينش حاجة اعدت اهزر مع ابو صاحبى وابو العروسة والناس اللى اعده وقولت لام العروسة انتى جيبنا على صيام احنا جعنا يا جدعان عايزن ناكل فضحكت وقالت دة انتو تنورو حطو الاكل واعدنا شوية ودى خرجت وكان باين على وشها انها كانت بتعيط فقولت لطنطاوى صاحبى يلا بقى نطير علشان الجو ما يغماش اكتر من كدة فقمنا فابوه قالى اية يا جمال رايح فين قولت له معلش يا عم علشان بس ما نتاخرش على المواصلات وبعدين بقى هنسيب العرسان يعدو مع بعض شوية والف مبروك وروحت سلمت على صاحبى وربنا يتمم على خير وسلام عليكم ومشينا
فالمهم عدى بتاع اسبوع وكدة فولدى كان جايب دعاوى غدا فى مركب على النيل وكدة فاتصلت باصاحبى وقولت له انا عزمك على الغدا وهات خطيبتك وبتاع وجم وكل حاجة واعدنا نهزر شوية وهى كانت طول الاعده بصالى كدة ومش بتاكل ولا اى بتتكلم ولا اى حاجة فقولت لهم طب انا هطير بقى علشان ما اتاخرش على اصحابى يعنى علشان خارجين وكدة واديتو الدعاوى ومشيت لاقيتها فى نفس اليوم باليل بتتصل بيها وبتقولى انت لية بتهرب منى ولية عملت كدة انت بتحبنى وانت عارف انى كنت بحبك لية عملت كدة فقولت لها مالناش نصيب وهو برضو احسن منى ورجولة وما ينفعش اللى بيحصل دلوقتى وما اقبلهاش على نفسى وبجد ياريت يكون دة اخر اتصال وقفلت واتصلت تانى وقالت نفس الكلام وانا ما رضتش وقفلت معاها بعد كدة غيرت الرقم بتاعى اللى هى الشريحة يعنى وما اديتش لصاحبى دة رقمى الجديد علشان هو هيسجلو على موبايلو وهى ممكن تجيبو من على موبايلو وتتصل تانى فالمهم هى لما انا قفلت الموبايل اعدت تبعت فى رسايل على رقمى القديم دة يعنى علشان لما افتح ابقى اشوفها المهم جية صاحبى دة مسك الموبايل بتاعها لاقى انها اتصلت برقمى اكتر من 10 مرات ومن فتره قصيرة يعنى من بعد الخطوبة دخل الرسايل لاقى رسايل هى بعتاها كتبالى فيها انها بتحبنى ومش بتحبو وهتسيبو وكلام كدة
المهم هو شاف الرسايل دى راح جاى شد معاها جامد وضربها فاعدت تزعق معاه وقالت له انها مش بتحبو وبتحبنى انا وانى انا بحبها وهو اللى بوظ العلاقة بينى وبينها وكدة يعنى فراح جاى فسخ الخطوبة معاها وجالى باليل ووالله العظيم انا ما كنتش عارف اشوف وشة من كتر الدموع اللى كانت على وشو
جالى ما نطقش غير بكلمة واحدة قالى شكرا يا صاحبى ومشى
اعدت اكلمة فى اية يا بنى اية اللى حصل مالك ومش مالك نزل ركب العربية ومشى
اتصلت بواحد صاحبى تانى اية اللى حصل معاه وحكيت له قالى اية يا جون يعنى انت مش عارف يعنى
يكون صاحبك وتعمل معاه كدة قولت له ما تتكلم على طول يا ابنى فى اية قالى انة لاقى رقمى على موبايلها دخل شاف الرسايل لاقى انها بعتة لك رسايل مش تمام على رقمك
وضربها وفسخ الخطوبة وهى قالت له انها بتحبك وانت بتحبها وهى مش بتحبو وهو اللى دخل بينكم
انا كنت هعيط ساعتها قفلت فى وشو وشغلت الرقم التانى لاقيت الرسايل اللى كانت بعتاها
شوفتها كنت هنتحر من الكلام اللى كان موجود اعدت اتصل بصحابى دة قافل الموبايل اتصلت عنده فى البيت امة كلمتنى وقالت لى رجع لم هدومو وسافر البلد بتاعتهم
وانا بقى بعد اللى حصل ما بقتش ولا طايق نفسى ولا البيت ولا عارف اتعامل مع اى حد وسيبت البيت انا كمان يومين وقافل الموبايل ولا بكلم حد ولا بنزل شارع ولا اى حاجة
يعنى انا لما عرفت انة كان بيحبها سيبتهالو علشان ما اكسرش قلبو لو عرف انها بتحبنى
وسيبت الشغل علشان برضو ما اكنش الحاجز اللى بينهم وانها رفضاه بسببى لانها كانت بتحبنى
عملت دة كلة علشان ما اخسروش وفى الاخر خسرتو
ولحد دلوقتى انا مش لاقى الحل