هو انت بتنادى مامتك بأيه
بتناديها ازاى يعنى .. ؟؟؟

تعالوا كده نشوف بعض الدول بينادو مامتهم إزاى ..........


الطفل المصري ينادي أمه...
ماما ومامى ويا حاجة ويا ست وياوليــه
عندنا فيه كل حاجة

الطفل اليمني ينادي أمه...
واا أماه
على اساس إنة رايح يستشهد ..




الطفل الروسي ينادي أمه....
ماتي
ده اسم بسكويت عندنا




الطفل الهولندي ينادي أمه...
ماتكا
ده اسم لبان عندنا




الطفل اليوناني ينادي أمه...
ماتا
ده مش اسم حاجة عندنا




الطفل الانجليزي ينادي أمه....
ماذر
دى معروفه طبعا .. بنستخدمها برضو فى مصر بس لما نعرف مواصفات الكمبيوتر
ماذر بورت




الطفل النمساوي ينادي أمه...
مونزك
دا على ما اعتقد نوع متفجرات




الطفل الفرنسي ينادي امه...
مامان
يا دلــعو




الطفل الايراني ينادي أمه...
موت
لو نديتها بكده هتعلقنى ومش بعيد هية اللى هتموتنى




الطفل البلجيكي ينادي أمه...
مام
يا سلام على النعومة والرقة




الطفل التركي ينادي أمه....
نينا
اللقب ده بنادى بيه جدتنا اللى هى ام امنا او ام ابونا .. انا كنت بقول لجدتى الله يرحمها يا تيتا او ستـو




الطفل الألماني ينادي أمه....
موتر
احنا عندنا مش بنعرف الموتر غير الى بيرخ على دماغنا فى الشتااا ..





الطفل الهندي ينادي أمه....
مّمي
دى برضه فى نعومة




الطفل الياباني ينادي امه....
ها ها
دى مصيبة لوحدها
تصور وانت فى البيت كل شوية تناديها وتقولها هاها هاها ياهاها
والله ما هتعبرك وابوك هيقول الواد اتجنين





الطفل السعودي ينادي امه..
يمّه
احنا المصريين بنقول كده برضة
بس لو إتفزعنا


تحب تنادي مامتك بانهي لغه؟؟؟؟؟

النادية يمه وبعض أحيان يالحبيبة يعني الدلعها الله يحفظها لي ......

بناديها ياماما وإما بحب أدلع عليها شوية بقولها يا مامتى شكررررررا توبيك جميل

انا بنديها مامى ولما بدلعها ممكن مامتى او باسمها

ههههه

شكرا على التوبيك

يا ماما او امى او مواما
واحيانا بقول لها انتى يا ست ياللى مخلفانى
ههههههههههههههههههههههههههههههههههههههههههههه
حبة ترويش كدة
او يا حبيبتى كدة يعنى

مامتى
شكراااااااااا

ماما وماماتي احيانا واحيانا بقي مامي نادرا هههههههه
توبيك جميل

مام او ماما

مامى
وسعات يا مامتى
ومرسي على الموضوع الرائع بجد جامد