حبني وحاول يكلمني صديته وهو كان اخو زميلتي وبعد فتره كلمته وكان بيقولي انه بيحبني جدا وانه ميقدرش يعيش من غيري وقالي انه هيتقدم يخطبني بعد فرح اخته عدي فرح اخته وبعدين اختي اتخطبت قولتله مش هينفع خطوبه الا بعد فرحها وكده عدت علينا سنتين وكانوا من احسن سنين عمري وفي يوم قبل فرح اختي قالي انسيني بابا مش راضي علي جوازنا قولتله ليه تصورا معايا تفاهه السبب باباه جوز اخته يبقي ابن عم بابا وهو متشاكل معاه ومش بيحبه فرفض يجوز ابن اي حد من العيله بتاعتنا كل الناس اتدخلت لحل الموضوع وهو مش راضي بس حبيبي معملش حاجه يدافع بيها عن حبنا وقولتله لا هستناك ونحاول نقنع باباك كلمت اخته وقالتلي هحاول احل الموضوع وهقول لماما وكانت دي النهايه عمو عرف اني بكلم ابنه غضب جدا وبقي الرفض مزدوج عشان عيلتي وعشان بكلم ابنهقالي لعاشر مره انسني في المره دي كنت حاسه انها النهايه بعتله رساله قولتله حسبي الله ونعم الوكيل وربنا علي الظالمبعدها بيوم عمل حادثه وقالي متدعيش عليا وسامحني انت اجدع مني بكتير وانا مستهلش حبك لنتي بتكبري في نظري وانا بصغر في نظر نفسي لازم تسامحيني وتنسيني حد يقولي بعد كل الحب ده وكل الوعود دي كل حاجه تنتهي كده في غمضه عين انا بجد مخنوقه وتعبانه حد يقولي باعني ولا لا ؟ ظلمته ولا لا؟ليه معملش حاجه عشاني؟ليه اتنازل عن حبنا؟ليه سابني لوحدي ومشي؟ليه عايش في دور انه ضحيه وانه عمل الي عليه؟ليه متحملش عشاني شويه؟

ياتري حبني أصلا ولا ده كان وهم كبييييييييييييييييييييييير؟حد يرد عليا ويعرفني انا صح ولا غلط

في رايي الشخصي انه مش بيحبك دا بيلعب وبيقضي وقت
انا اسف اذا كان رايي يزعلك
الولد مننا لو حب بجد ممكن يكسر الدنيا فسبيل حبه

انا مريت بنفس القصه ديه بالظبط
واللى اكتشفته بعد كده انه كان بيتسلى من الاول
وانه ميستحقش انى ادمع عليه دمعه واحده
وخساره فيه الوقت اللى حتى اضيعه فى التفكير فيه
بجد انسيه
ومتحوليش انك ترجعى ليه علشان لو رجعلك
هيسيبك تانى
انا عارفه ان كلامى صعب تنفيذه فى الاول
بس صدقينى
هترتاحى اوى بعد كده

أقولك حاجة و أجري على الله ساعات الأنسان الظروف تدفعه يعمل حاجات مش عايز يعملها ... بس انا ما أقدرش أجاوب على سؤالك لأني ماعرفش علاقته بوالده عاملة إزاي ... و كمان ما عرفش أخلاقه إزاي هل بتاع بنات و بياع كلام و لا إيه نظامه ... لكن ع العموم إنتي ما ظلمتيهوش و أي واحدة مكانك هاتعمل أكتر من كده ... و كمان في نقطة في صالحك : هو يعني ماكنش عارف من الأول انه في مشاكل ... و في النهاية أقولك عسى أن تكرهو شيئا و هو خير لكم ...

بصي يا توتو انتي بجد حكايتك هزتني لقتني بحط نفسي مكانك بس انا هاقولك حاجة و يمكن متحسهاش دلوقتي بس حطيها في بالك النصيب هيجي لحد عندك و الي ملكيش نصيب فيه بيروح من غير اي سبب ممكن كان بيحبك ليه لا بس مش هو ده نصيبك هترتاحي اوي لو اقنعتي نفسك ان ده النصيب و دي اجابت اسءلتك الكتير و بكرة تقبلي نصيبك و ينسيكي الدنيا

دا مكنش بيحبك من الاول اصلا

هقولكوا كارثه وعارفه انكوا مش هتصدقوا وهتلموني تاني بس رجعلي تاني وقالي عندي امل وقالي المره دي مش هسيك ولو علي موتي ولكن للاسف لسه سايبني من يومين عشان انا مش عجبه اهله لاني كنت بكلم ابنهم مع اني والله شهيد علي كلامي حتي مش مسك ايدي بس كا ن بالنسبه ليا دنيتي وقبل مايسبني بعشر دقايق كنا بنتكلم وقالي وربنا ماهسيبك بعدها كلمني بعشر دقايق قالي ماما بتقول ان اهله عرفوا ان انا بكلمه ودلوقتي رفضوني اكتر ومبقاش في امل قلتله بحبك قالي معلش بحبك ياعمرو قالي معلش قولتله بحبك قالي معلش عارفه اني غلطانه وعارفه انكوا هتلموني بس اعمل ايه كنت بحبه عارفين انا ماليش غير ربنا هقوله يجبلي حقي منه ومنهم من كلامهم عليا وتشويهم سمعتي سامحوني وادعولي

الانسان ده ياريت تنسيه نهائيا

وان شاء الله هتلاقي احسن منه

اللي بيحب حد مفروض ميتنزلش عنه بسهوله دي لو فعلا بيحبه بس دي محبكيش وبالبلدي عايزيخلعك بالزوق

كل اللى اقدر اقولة
ربنا معاكى وان شاء الله هتقدرى تنسية
ودة المفروض يتعمل انك تنسية نهائيا حتى
متحوليش تعرفى اى حاجة عنة
وهتلاقى الحب الحقيقى ان شاء الله

طب قولوا ليا بقي لما بيشوفني بيقضل واقف ويبص عليا اوي وغير كده بيجي يعدي دايما من ادام المدرسه الي انا بعمل فيها خدمتي العامه هو عايز ايه بالظبط مني يعني لااكون بتاعته ولا بتاعه غيره

طب انتي ليه عطياله اهتمام كده عمرك ماهتنسيه خلي الامور عادي يعني متهتميش بحاجه يعملها لانه باعك وميستهلش انك حتي تفكري فيه

ع فكره انت عندك حق اكذب عليك لو قلتلك اني كرهته بس هو نزل من نظري جدا وصدقني انا الي ينزل من نظري استحاله حتي اعبره بنظره ربنا يسامحه ويديله ع قد نيته ومرسيه اوي لاهتمامكم ياجماعه ربنا يخليكوا ليا

الانسان اللي زي ده

ولا تفكري فيه ابدا وانسيه وربنا هيعوضك بالاحسن منه

sda2enny enty testahly ahsan mennoh bekteeeeeeeeer we bokra rabena hay3awadek we law kan beyhebek kan etmasek beky men el awal we 3ayza a2olloko haga ya gama3a begad el hop el ha2e2y 3omroh ma beyntehy abadan

هو كده يا مجروحة باعك لانه لو بيحبك بجد كان اتحدى العالم كله علشانك بس هو فضل الهروب ومواجهش مشاكله واحسن انك عرفتيه على حقيقته قبل ما يحصل بينكم ارتباط رسمى حاولى تنسيه وتعيشى حياتك من جديد. ولو فكر يرجعلك تانى حولى ترفضى انت احسن ما يسيبك هو تانى

صدقينى مفيش واحد بيحب واحدة وممكن يتخلا عنها تحت اى ظروف وبعدين كان على الاقل يعمل الى علية وزيادة مش يستسلم كدة من الاول الى يعمل كدة يبقا انسان عمرة محب شوفى انتى لو كنتى مكانة كنتى هتعملى اية لانك بتحبى وشوفى هو عمل اية

اسمعينى يا مجروحه فكرى فى نقطة واحده بس وهيه تريحك من العذاب دا كله.. هل الشخص دا ينفع زوج؟ هل شخص يعتمد عليه فى مشكله او مسئوليه؟ .. اظن بعد الكلام الى قلتيه دا انه انسان هوائى متقلب مش عارف ياخد قراره بنفسه وبالتالى مينفعش يكون زوج متحمل للمسئوليه..
دا رأيى

اصعب حاجة ف الدنيا لما تحب انسان وتتعلق بيه
و فجاة تتحرم من و بتلاقي نفسك فجاة ان مبقاش من حقك حتي تسلم
عليه.
الله يقدرك و تنسيه.

هقولك حاجة وصدقينى لو اقتنعتى بيها هترتاحى اوى وهيا انه "" قل لا يصيبنا الا ماكتب الله لنا""

وان عسي ان تكرهو شيئا وهو خير لكم وصدقينى دى ترتيبات من القدر وربنا عالم يمكن ربنا هيديلك حاجة احسن

تستهليها وهيعوضك ان شاء الله ولو كان بيحبك كان اتمسك بيكى انما هوا متعبش نفسه وقال يجيب من الاخر ويسمع

كلام بابا ربنا يخليه لبابا

sad2eny ya magroha howa habek we 3azabo 2akter meen 3azabek bas ya gama3a lazem ne2dar mawkefo howa 2estaslem bosr3a bas mesh ma3na keda 2eno mesh beyhabek 2enseh we 3eshy hayatek 2enty mesh zalmteh 2enty 2elly mazloma bas howa mafesh fe 2edo haga ma3lesh

"أقولك حاجة و أجري على الله ساعات الأنسان الظروف تدفعه يعمل حاجات مش عايز يعملها ... بس انا ما أقدرش أجاوب على سؤالك لأني ماعرفش علاقته بوالده عاملة إزاي ... و كمان ما عرفش أخلاقه إزاي هل بتاع بنات و بياع كلام و لا إيه نظامه ... لكن ع العموم إنتي ما ظلمتيهوش و أي واحدة مكانك هاتعمل أكتر من كده ... و كمان في نقطة في صالحك : هو يعني ماكنش عارف من الأول انه في مشاكل ... و في النهاية أقولك عسى أن تكرهو شيئا و هو خير لكم ... "

أنا معاك يا"mscience" وأحب أضيف كمان ياريت ياجماعة نتعلم من المشاكل دى يعنى الولد اللى بيحب واحده مايقولهاش انه بيحبعا الا اذا كان فعلا متأكد انه هيخطبها وكمان الولاد يصارحو أهاليهم بكل حاجة من الاول لاان فى معظم الاوقات بيبقى المشكلة عند الاهل مش فى الولد وده بيخلى البنت تاخد فكرة وحشة والدنيا تسود فى وشها وفجأة يبقى هو اللى باعها وخانها والبنات برضه حاولو تحافظو على نفسكو هو قالك انه بيحبك يبقى خلاص ييجى يتقدم فى ساعتها ومتفتحيش حوارات انتى ايه يضمنلك انه يكون صادق ثانيا متحطيش نفسك فى موقف انكى تترفضى لمجرد انك كلمتيه عايزك هيجيلك

ana baheb had gedan we howa bey2ol 2eno bethabeny bas 2el moshkela 2en feh mashakel ma been 2ahly we 2ahlo bas mesh 3arfa 23mle 2eh 2asebo wala la2?

اختى العزيزه
رأى الشخص وانا صريح جدآ ولا تزعلى منى
هذا الشخض لا يحبك اصلآ مع اول مشكله سابكـ وتنازل عنك بمنتهى البساطه والسهوله
من غير حتى ما يحاول ..يعمل حاجه...
انسى هذا الشخص وعيشى حياتك وانشاء الله هتلاقى الانسان اللى يقدر حبك ويعرف قميتك...
بالتوفيق

متزعليش اوى كدة هو مقدرش يحافظ على الحب بتاعكو ومحاربش وانتى طلعتى اجدع منة ياريت اللى انا حبتها كانت زيك ربنا يوفقك وتلاقى احسن منة

هوة ممكن يكون كان بيحبك بس في ظروف اللي خلته يعمل كدة
وبعدين ممكن يكون ده مش قد تحمل المسؤليه انه يواجه اهله وبرده متعرفيش الخير فين كل واحد بياخد نصيبه

بصي انصحك تنسية خالص لانة فعلا كان بيلعب بيكي لانة مخلي اهلة عملينك لعبة المفروض هو لو بيحبك هيكسر كل شي يمنع حبوكوا بس هو معملش كدة انتي لازم تكوني كبيرة في نظرة عشان يعرف قيمتك وفي النهاية هو الي خسران وهيندم انة مخدكيش