انا عندى 15 سنه وبحب واحد هو معايا ف نفس السنه بس عنده 17 سنه

وانا الى اتصلت بيه وقالتله بحبك بس عشان كنت هجنن
وبعد كدا عرفت انه بيحبنى هو كمان وعمل حجات كتييييير عشان يوصلى
بس انا اتخنقت معاها مرة بس الشك وقولتله انا حاسه انك بتكدب وكله كدب
وحاسه انى بعمل حاجه غلط انى بكلمك
اعمل ايه يا جماعه
انا بحبه بجد
بس خايفه
ارجو النصيحه

مش شايفة انك صغيرة اووووى ع الكلام دة؟؟؟؟؟؟؟؟؟؟؟؟؟؟؟ظ

ياحبيبتى الاحسن انك تركزى فى مزاكرتك ودروسك وطبعا ده غلط لسه بدرى اوى على الكلام ده حاولى تهتمى بمزاكرتك وتنجحى دى اهم حاجه دلوقتى وسيبك من الكلام ده دلوقتى خالص وبلاش تخونى ثقه اهلك فيكى لانهم منحوكى حريه حاولى تكونى اد الثقه دى واوعى تفكرى فى شىء غير فى دروسك ومزاكرتك لان دول هما اللى حيعملولك قيمه وسط الناس ويعملوا ليكى كيان وهما ادام شويه حيخلوا الناس تحترمك وتقدرك لما ييقولوا فلانه معاها شهاده كذا نظرتهم حتتغير ويحترموكى ويبقالك وضعك طبعا بخلاف لو اهملتى دروسك وفضلتى تفكرى فى الكلام ده حتبقى ايه ولا حاجه و مجرد بنت مش اكتر سامحينى لوكلامى قاسى انا اختك الكبيره ووالله خايفه عليكى وربنا يكرمك و يوفقك

أختى ما تشعرين به ليس بحب ولكن أنه فترة مرهقة تعيشيها وأظن أن كلا منا فى سنك مر بها أنا رأييى أنك تركزى فى دروسك زى ما قالت ياسمين لأن أنتى لسه صغيرة على الكلام ده

مش شايفة انك صغيرة اووووى ع الكلام دة؟؟؟؟؟؟؟؟؟؟؟؟؟؟؟ظ

انا عارفه انى لسه صغيره
بس هى كانت غلطه وهصلحها ان شاء الله
وشكرا ع المرور

يا حلوه انتي لسه صغيرة وماتغلطيش انا لما كنت في سنك حبيت وانا لليوم بتعذب من دا الحب
عشان كدا اهتمي بدراستك واهلك واضحكي لسى الحياه قدامك
ولو عايزه اي مساعده ولا نفسك تحكي وتفضفضي قوليلي
وانا راح اخليكي تحكي وترتاحي من الالم دا
يلا انا منتظرة ردك اوكي
ماتنسيش يا قموره

انا اقوللك كلمة هو بيتسلى مش بيحب عالشان السن دة مافهوش حب فى لعب وخلاص دة مخ الشباب فى السن دة يعنى ابعدى عنة فورا وحاولى انك تنسية بجد تنسية خالص واتخليش حاجة تربطك بية

حبيبتى انتى لسه ما عندك خبرة كفاية انك تختارى شريك حياتك
اصبرى شوية علشان ما تندمى على اختيارك

اعملى اللى انت عايزاه براحتك متسمعيش كلام حد

انتي لسسسسسسسسسسه صغيرة اوووووووووووووي ع الحب ده

بصى يا قمر انا عارف كويس انتى بتفكرى ازاى دلوقتى انتى بتقولى لنفسك انا مش صغيره انا بحب بجد وده الحب الحقيقى كلنا قلنا كده انا عن نفسى وانا فى اولى اعدادى كنت هموت واكلم وحده جارتى كنت مفكر ان ده الحب الحقيقى وده السن الصح للحب بس صدقينى لما كبرت شويه عرفت ان ده كله كانت مرهقه وهترجعى من نفسك بعد كده هتضحكى على الايام دى وهتقولى معقول انا كنت بعمل كده صدقينى لسه العمر قدامك وانتى مش صغيره انتى كبيره بس لزم تعيشى سنك هتفهمى كلامى ده كويس بعد ما توصلى لسن 20 سنه نورتى المنتدى ييا قمر واتمنى يكون راى فادك بشئ

هو لو بيحبك مكنش هيكلمك لانه هيخاف عليكى حتى من نفسه وان ثقت اهلك ليكى تتغير يوم من الايام لازم تكونى قد الثقه دى وفعلا دا مش حب ونصيحه من محدش بيحب حد كله عايز يتسلى خلى الحب لنصيبك اللى ربنا كتبهولك هيكون اجمل حب وبتمنالك التفوق فى دراستك.تاج الملوك من ذهب وتاج الفتاه من ادب