اه اعاكسها براحتى

دى كانت كلمه واحد من شبابنا المصريين اه اعاكسها ماهى اللى عاوزه كده

ستوووووووب
فلاش باك
نرجع بقى لأصل الحكايه

بالأمس كنت أشاهد التلفاز .........(ايه التلفاز ده)
خلينا احسن نتكلم بالبلدى كده عشان الكل يفهم ومبقاش تقيله على قلبكوا
امبارح بليل كنت ماسكه الريموت وعماله اقلب فى التلفزيون واناعندى حاله من الملل
البرامج اللى بحب اشوفها خلصت زى الطبعه الاولى للمسلمانى وبرنامج قلم رصاص لحمدى قنديل اللى لغاه الرئيس القذافى بسبب ان حمدى قنديل بيشتم فى الحكومه المصريه فهو خاف احسن حسنى باشا يزعل منه فقام لغاه
كل مااقلب قناه الاقى يااما برامج تافهه يااما مسلسلات تركى اللى بقت عامله زى الغزو على عقولنا
المهم مسكت قرطاس اللب وعماله اقزز حلوه اقزز دى؟؟؟؟هى اصلا عاميه ولافصحى والله معرف
وفجأه لقيت برنامج اسمه صبايا على قناه المحور تقديم مذيعه اسمها ريهام
واللى مسمرنى فى مكانى ان موضوع الحلقه كان بيتناول قضيه الاغتصاب

فتاه من دمياط قام شابان باختطافها ثم اصطحبوها الى مدينه بنها واتصلوا بخمسه من اصقائهم وتناوب السبعه اغتصابها بمنتهى الوحشيه لمده 38 يوما ثم تركوها تذهب وهى شبه عاريه حتى وصلت الى بيت رجل يدعى الشيخ ناصر ولمارأى حالتها استضافها فى بيته ثلاثه أيام حتى توصل الى عنوان والدها فى دمياط

المذيعه اجرت حوار مع والد الفتاه المغتصبه فقال ان ابنته لم تعد تريد ان تراه ولامجرد ان ترى اخيها الذى يصغرها بعشرات السنين
لقد اصبحت فتاه معقده

طبعا الموضوع ده ياجماعه مشكله بس يتهيألى كده انه بقى حاجه عاديه وامر مسلم به زى مااحنا اتعودنا على حاجات كتير فى بلدنا

زى مااتعودنا على الغم والحزن مع ان رئيس مجلس الشعب اسمه سرور
زى مااتعودنا على التلوث والزباله اللى ماليه الشوارع مع ان وزير البيئه اسمه نظيف
زى مااتعودنا ان التعليم بقى نازل فى الأرض مع ان وزير التعليم اسمه هلال
زى مااتعودنا ان الاسعار رخيييييييييييييصه وطبعا انتوا فاهمنى مع ان وزير الماليه اسمه غالى

نرجع بقى تانى لكلامنا
الموضوع اللى حبيت اطرحه النهارده مش مشكله الاغتصاب ولكن المشكله اللى هحكيها دلوقتى

فى الجزء الثانى من الحلقه قامت المذيعه بأخد اراء بعض الشباب المصريين فى قضيه التحرش بالمرأه

وده أول نموذج ياجماعه

المذيعه:انت ممكن تعاكس بنت؟
هو:يعنى .....ساعات؟
هى:ايه السبب؟
هو:هى بتبقى السبب.ساعات بلبسها وساعات بنظراتها وكده يعنى
هى:طيب انت بتستفاد ايه لما تعاكسها؟
هو:طاقه بتبقى عند الواحد

*مش فاهمه يعنى ايه طاقه دى؟؟!!!!!ده على أساس انه بيطبق نظريه تحولات الطاقه وانه عنده طاقه فحولها الى طاقه صوتيه واحيانا تتحول الى طاقه جديده اسمها الطاقه اللمسيه.ودى قريبا هتلاقوها بالاسواق فى جميع المحافظات

_تانى نموذج

المذيعه:ليه بتعاكسوا البنات؟
هو:عادى يعنى
هى:طيب ايه نوعيه البنات اللى بتعاكسها؟
هو:البنت الاستايل وكده وبعدين لماباجى اعاكسها بلاقيها ضحكت

*ياسلاااااااام!!!!!!!!1هو كده بيطبق ماقاله الهضبه ضحكت يعنى قلبها مال وخلاص الفرق مابينا اتشال

هى:وبعد مابتعاكسها بتعمل ايه؟
هو:موبايلات بقى

*على رأى هنيدى باى باى ياقطه موبايلات بقى

_تالت نموذج وده بجد عاهه

المذيعه:بتعمل ايه فى حياتك؟
هو:مقضيها
هى:يعنى ايه مقضيها؟انت فى كليه ايه؟؟؟
هو:لا انامش فى كليه وهدخل كليه اعمل بيها ايه؟؟؟؟؟عشان اتخرج واخد شهاده واركنها فى البيت؟
ادينى مقضيها خروجات كل يوم مع شله وخلاص
هى:طيب بتعاكس بنات؟
هو:لأ.....بس هم اللى بيعاكسونى

*ياروح ماما....اصل انتوا مشفتوش كان عامل ايه...كان مكهرب شعره ولابسلى بادى هيفرقع من عليه بسبب البادى بيلدنج اللى عامله ومسقط البنطلون بغباوه ولابس اسكارف فى عز الحر

_رابع نموذج

المذيعه:بتعاكس بنات؟
هو:اه وماله ماهم برضه بيعاكسونا
هى:البنت بتعاكس الولد؟!!!!!!!!
هو:اه والله.وخصوصا الواد الاستايل
هى:انت لابس نضاره شمس بالليل ليه؟؟؟؟؟؟
هو:…………..دى نضاره ليل

*عمركوا سمعتوا عن النوع ده من النضارات؟؟؟؟؟؟؟؟كان نفسه يقولها هو احنا اصلا بالصلاه على النبى كده بالصبح ولابليل؟؟؟؟الله يحرقك ياموزه ضيعتى الدماغ.اصلا هو كان ناقص يعاكس المذيعه لولا عارف ان ده برنامج

وخدوا عندكوا بقى حوارات من ده كتير
طيب ليه بقينا كده؟؟؟؟؟؟؟؟؟؟؟؟؟طبعا انامش باجى على الولاد بس لان كمان فى بنات عاوزه الولعه

بقول للولاد امتى ترفعوا بنطلوناتكوا
وللبنات امتى توسعوا بناطيلكوا

اللى غايظنى اليومين دول البنات اللى بتلبس البنطلون رجل الزماره ده وببقى عاوزه اقولها حلال اللى ممكن يجرى فيكى

ياترى ياجماعه احنا ايه اللى وصلناله ده؟؟؟؟؟؟؟؟؟؟؟؟
الاولاد والبنات اتهبلوا
مبقاش فى دين ولا أخلاق ولا تربيه
وشكلنا قريب مش هنلاقى اخلاق خالص وهنضطر نشترى حبوب اخلاق وحبوب شجاعه وكله

معلش طولت عليكوا
كانت معكم ريرى ابو حفيظه من نت بيتهم

فوتكوا بالعافيه

موضوع جامد ياريري
بس انا فراى ان كل البنات ببتتعاكس
حلوة وحشة محترة مش محترمة لابسة نقاب مش لابسة حاجة
كلة بيتعاكس
دة بقي زى الانفلونزا

وكما عوداتنا رانيا ابو حفيظة وكالعادة بالمواضيع الجامدة التى تمتعنا بها و ترجع لنا رانيا بموضوع حلو جدا جدا وفعلا احنا عاوزين ناخذ راى البنات بردة فى كدة عاوزين نعرف السبب ومحدش يقول البنات بس ولا الاولاد بس واكيد فى بنات محترمة كتير مش يقولوا البنات اللى بتعاكس الاولاد واكيد فى ولاد محترمين بردة مش بيعاكسوا
واحشتينى

ههههههههياروح ماما....اصل انتوا مشفتوش كان عامل ايه...كان مكهرب شعره ولابسلى بادى هيفرقع من عليه بسبب البادى بيلدنج اللى عامله ومسقط البنطلون بغباوه ولابس اسكارف فى عز الحر
والله انتى عسل
ده حاجات اتعودنا عليها اه والله الواحد من كتر ماشاف خلاص اتعود هنعمل ايه يعنى
كفاية ان الواحد بقى يخاف يخرج حتى لو خرج بيكون فى وضع استعداد للجرى لو حد حاول يقرب او يعاكس
بجد الواحد اتخنق ساعات بيكون نفسى اخرج ابص من البلكونه الاقى هبل فى الشارع ادخل تانى والغى فكرة الخروج هنعمل ايه يعنى
ربنا يسترها

الموضوع جميل جدا ياريرى بجد

فعلا والله ياريري كلامك مظبوط
الواحد مبقاش عارف مين الصح ومين الغلط
وانا شايفة فعلا ان الحل هو التمسك بالدين والاخلاق
وشكرا علي الموضوع الهادف اللي ياريت منكنش بنقراه لمجرد التسلية

فعلا ياريرى انا شوفت الحلقة دى واستغربت جدا لرودو افعالهم لا وكله كوم واللى بيقول مقضيها ده كوم تانى
لدرجة ان ماما كانت بتتفرج كانت بتهزر معايا وتقولى وانتى بقى مضياها؟ بصراحة ضحكت
شبابنا الحمد لله بقى فى حاجة زى الغيبوبة وحاجة ليه هو فعلا كده مش عايز يتعب وعايز حياته كلها اعذرونى فى الكلمة هلس وخلاص والمعاكسة بقت واجب قومى زى مابيقولوا
بيحسوا انهم فى حاجة غلط لو ماعكسوش بنت النهاردة يحسوا بحاجة نقصاهم ولا البنت اللى اغتصبوها ياعينى عندها تاخر عقلى هى مفروض عندها 16 سنة زى ما والدها قال لكن عقلها عقل طفلة عنده 4 او 5 سنين حرااااااااااااااام بجد اللى حصل فيها و 38 يوم كتييييييييييييييير اوووووووووى ويضربوها ويبهدلوها
ميرسى كتيييييييييييييييييير يا ريرى على الموضوع

ايه اللي انتي كاتباااااااااااه ده

ياااااااااااااااا جـــــــااااااااااااااااااامد ........... موضوع جمييييييييييييييييل

بس انا معترضة ع الجـــزء ده ...........
زى مااتعودنا على الغم والحزن مع ان رئيس مجلس الشعب اسمه سرور
زى مااتعودنا على التلوث والزباله اللى ماليه الشوارع مع ان وزير الصحه اسمه نظيف
زى مااتعودنا ان التعليم بقى نازل فى الأرض مع ان وزير التعليم اسمه هلال
زى مااتعودنا ان الاسعار رخيييييييييييييصه وطبعا انتوا فاهمنى مع ان وزير الماليه اسمه غالى

وعلى فكرة النت متراقب ياحلوة ........ شكلك مش عايزة تعيشي وتعديها على خييييييييييييييير

لمي الدوووووووور يارانيا ........... مش كده ,,,,,,,,,,, انا خايفة عليكي

وعلى فكرة كمان ......... وزير الصحة مش اسمه نظيف

مساله المعاكسه دى مساله يتحملها البنت والد يعنى كل واحد يتحمل 50%
بنات بلبسهم الللى كلنا نعرفه واللى مش محتاج وصف
وشباب بعنيهم الزايغه اللى بيبصوا على الساقطه والاقطه
تقولولى مش شرط اللبس عند البنات مهو فى بنات بيبقو لابسين كويس ويتعاكسوا
هاقول مش شرط اللبس فى حاجات تانيه كتير

مون مون عندها حق يارانيا

معظم الشباب المخدرات قصرت عليهم وخليتهم مساطيل علي طوووول
وزرعت حاجه فيهم اسمها (التسول) تلاقي الشاب ماشي في الشارع مش طيبعي
والبنات خايفه من مرض العنوسه
فتلاقيها بتشجع الولد انه يعاكسها
وبعديها تتعرف عليه وتمشي معاه

يعنى ايه البنات بتشجع الاولاد ع انهم يعاكسوهم دا كلام ازاى يعنى مش منطقى خالص الشباب حتى بنت حلوة او مش حلوة بيعاكسوها كانها هوايه عندهم مش عارفه بيستفيدوا ايه ممكن يحطوا حد من اخواتهم البنات مكان البنت دى ويشوفوا يرضوها لها ولا لا

توبيك جامد جدا جدا يا ريرى كالعاده يعنى
وبجد الواحد بيشوف بنات بيبقى مستحقرها وساعات بحس انها
بتبقى شوبها للبنات كلها وبيبقى حلال فيها اى حاجه ممكن تحصلها
وياريت الولاد هما كمان يعقلوا ويعرفوا انه مهما كان فى الاول وفى الاخر ليهم
اخوات او اقرايب بنات
وميرسى ليكى ياقمر

يعنى ايه البنات بتشجع الاولاد ع انهم يعاكسوهم دا كلام ازاى يعنى مش منطقى خالص الشباب حتى بنت حلوة او مش حلوة بيعاكسوها كانها هوايه عندهم مش عارفه بيستفيدوا ايه ممكن يحطوا حد من اخواتهم البنات مكان البنت دى ويشوفوا يرضوها لها ولا لا

انا مقولتيش البنات كلهم بيعملوا كده بس في منهم كتير اوووي بيعملوا كده
ومش كل الشباب بيشرب مخدرات بس معظمهم بيشرب مش كله وانا مش بوجه الكلام للكل علشان تزعلي اوووي كده
في بنات كتير اوي محترمه وفيه مش محترم

موضوع جامد ياريري
بس انا فراى ان كل البنات ببتتعاكس
حلوة وحشة محترة مش محترمة لابسة نقاب مش لابسة حاجة
كلة بيتعاكس
دة بقي زى الانفلونزا

[center][نورتينى ياقمر وفرحانه ان التوبيك عجبك
وعندك حق والله بقت انفلونزا يااختى/center]

وكما عوداتنا رانيا ابو حفيظة وكالعادة بالمواضيع الجامدة التى تمتعنا بها و ترجع لنا رانيا بموضوع حلو جدا جدا وفعلا احنا عاوزين ناخذ راى البنات بردة فى كدة عاوزين نعرف السبب ومحدش يقول البنات بس ولا الاولاد بس واكيد فى بنات محترمة كتير مش يقولوا البنات اللى بتعاكس الاولاد واكيد فى ولاد محترمين بردة مش بيعاكسوا
واحشتينى

ههههههههههههههههههه انتى هتصيتيلى ولاايه يابت ياسويتى

طبعا ياسويتى فى لسه ناس محترمه بس قليل جدا والله
الاغلبيه بقى مخها مهيس

ياريت الناس ترجع لربها ودينها

ونورتيييييييييييينى ياقمرايه

ههههههههياروح ماما....اصل انتوا مشفتوش كان عامل ايه...كان مكهرب شعره ولابسلى بادى هيفرقع من عليه بسبب البادى بيلدنج اللى عامله ومسقط البنطلون بغباوه ولابس اسكارف فى عز الحر
والله انتى عسل
ده حاجات اتعودنا عليها اه والله الواحد من كتر ماشاف خلاص اتعود هنعمل ايه يعنى
كفاية ان الواحد بقى يخاف يخرج حتى لو خرج بيكون فى وضع استعداد للجرى لو حد حاول يقرب او يعاكس
بجد الواحد اتخنق ساعات بيكون نفسى اخرج ابص من البلكونه الاقى هبل فى الشارع ادخل تانى والغى فكرة الخروج هنعمل ايه يعنى
ربنا يسترها

الموضوع زاد شرف بمرورك الكريم ياكاكى
انتى اللى عسل وسكر والنمل هيتلم بقى كمان شويه

احنا نلبس نقاب وحتى لولبسناه هنتعاكس
ربنايسترها على الكل

الموضوع جميل جدا ياريرى بجد

ده من زوقك ياقمر المنتدى
والله بمووووت فيكى ياسويتى

فعلا والله ياريري كلامك مظبوط
الواحد مبقاش عارف مين الصح ومين الغلط
وانا شايفة فعلا ان الحل هو التمسك بالدين والاخلاق
وشكرا علي الموضوع الهادف اللي ياريت منكنش بنقراه لمجرد التسلية

ميرسى ياحنان ونورتى التوبيك

وياريت فعلا منكونش بنقراه للتسليه فقط

فعلا ياريرى انا شوفت الحلقة دى واستغربت جدا لرودو افعالهم لا وكله كوم واللى بيقول مقضيها ده كوم تانى
لدرجة ان ماما كانت بتتفرج كانت بتهزر معايا وتقولى وانتى بقى مضياها؟ بصراحة ضحكت
شبابنا الحمد لله بقى فى حاجة زى الغيبوبة وحاجة ليه هو فعلا كده مش عايز يتعب وعايز حياته كلها اعذرونى فى الكلمة هلس وخلاص والمعاكسة بقت واجب قومى زى مابيقولوا
بيحسوا انهم فى حاجة غلط لو ماعكسوش بنت النهاردة يحسوا بحاجة نقصاهم ولا البنت اللى اغتصبوها ياعينى عندها تاخر عقلى هى مفروض عندها 16 سنة زى ما والدها قال لكن عقلها عقل طفلة عنده 4 او 5 سنين حرااااااااااااااام بجد اللى حصل فيها و 38 يوم كتييييييييييييييير اوووووووووى ويضربوها ويبهدلوها
ميرسى كتيييييييييييييييييير يا ريرى على الموضوع

الحفو الحفو ياقمرايه

هههههههههههههههه.حلوه كلمه المعاكسه بقت واجب قومى دى

ربنايحرقهم وياخدهم اللى بيهتكوا عرض بنت دول

منوره ياديسنت كعادتك

ايه اللي انتي كاتباااااااااااه ده

ياااااااااااااااا جـــــــااااااااااااااااااامد ........... موضوع جمييييييييييييييييل

بس انا معترضة ع الجـــزء ده ...........
زى مااتعودنا على الغم والحزن مع ان رئيس مجلس الشعب اسمه سرور
زى مااتعودنا على التلوث والزباله اللى ماليه الشوارع مع ان وزير الصحه اسمه نظيف
زى مااتعودنا ان التعليم بقى نازل فى الأرض مع ان وزير التعليم اسمه هلال
زى مااتعودنا ان الاسعار رخيييييييييييييصه وطبعا انتوا فاهمنى مع ان وزير الماليه اسمه غالى

وعلى فكرة النت متراقب ياحلوة ........ شكلك مش عايزة تعيشي وتعديها على خييييييييييييييير

لمي الدوووووووور يارانيا ........... مش كده ,,,,,,,,,,, انا خايفة عليكي

وعلى فكرة كمان ......... وزير الصحة مش اسمه نظيف

ياستى اللى يحصل يحصل انامستبيعه
وبعدين لكل اجل كتاب
وانتى صحيح عارفه انى كنت هتمسك قبل كده ايام اضراب المحله ولالا؟ده بجد.بسبب الجروب بتاعى ع الفيس بوك واسمه كان مصيبه
بس الحمدلله قلت ابعد عن الكلام ده

اللى انيل بقى البت اللى اسمها اسراء عبدالفتاح الى اتقبض عليها فى احداث المحله وتم اعتقالها كانت من بنها وكانت جنبى ومشاركانى فى الجروب ده

وبعدين انتى لازم تركزى اوى
خلاص اختى غلطه مطبعيه
جل من لايسهو

كنت اقصد وزير البيئه

مون مون عندها حق يارانيا

نورتينى تانى ياكاكى
لوقصدك ع السياسه وكده
عاااااااااااااااااااادى
اظن دى حريه
مادام مااتكلمتش على الريس
ولو تقصدى الوزير
فهى غلطه مطبعيه واناهعدلها
وهو فعلا وزير البيئه وليس الصحه

يعنى ايه البنات بتشجع الاولاد ع انهم يعاكسوهم دا كلام ازاى يعنى مش منطقى خالص الشباب حتى بنت حلوة او مش حلوة بيعاكسوها كانها هوايه عندهم مش عارفه بيستفيدوا ايه ممكن يحطوا حد من اخواتهم البنات مكان البنت دى ويشوفوا يرضوها لها ولا لا

انامعاكى ياسويتى
يعنى ايه لوحتى البنت لابسه ايه ان الولد يعاكسها
ده مش منطق خالص
لو الولد محترم ومتربى عمره ماهيفكر يعاكس بنت
ربنايهدى الكل

معظم الشباب المخدرات قصرت عليهم وخليتهم مساطيل علي طوووول
وزرعت حاجه فيهم اسمها (التسول) تلاقي الشاب ماشي في الشارع مش طيبعي
والبنات خايفه من مرض العنوسه
فتلاقيها بتشجع الولد انه يعاكسها
وبعديها تتعرف عليه وتمشي معاه

ميرسى ياعصام على ردك

وفعلا المخدرات سبب كتير فى ده

ربنايهدينا اجمعين للصواب ويهدى كمان البنات اللى بتخرج الصبح لابسه وحاطه ميك اب كامل لدرجه ان الواحد يشك هى رايحه فين على الصبح

لا بجد موضوع سوبر جااااااااااااااااااااااامد يا رانيا

وفعلا دلوقتى اى بنت بتتعاكس حتى لو ماشية محترمة وبتغض بصرها ومش بتعمل اى حاجة غلط حتى فى لبسها...والله العظيم بتحصل

وبعدين فعلا فى بنات بتبقى نازلة من بيتهم الصبح وكل همها انها تبقى احسن واحدة فى الشارع علشان الكل يعاكسها فعلا بيحبوا يتعاكسوا

والولد برضو مايعمليش حجة البنت لا دا لبسها هو اللى بيشجعنى دا نظراتها دى ضحكتها دى مش عارفة ايه.... يا ابنى المحترم محترم مهما كانت البيئة اللى هو عايش فيها او الظروف اللى حواليه....

وعلى فكرة البنت برضو هيه اللى بتشجع الولد انه يستمر فى معاكستها باى رد فعل تبينله انها موافقة

للمعلومة فى طبيب نفسى قال ان اى امراة بتتعاكس وبكرر اى امراة دى حاجة بتفرحها

بس انا بقوله ان دى اكيد زى اى قاعدة ليها شواذ يعنى ان اعرف بنات لما حد بيكلمهم فى الشارع باى كلمة بجد بيبقوا مخنوقين ومحرجين وحاسين بالذنب انها غلطتهم .....

لان بجد فى طرق معاكسة والله العظيم ماتفرح ولاتبسط .....بالعكس .................

معلش طولت بس دا بجد موضوع مهم جداااااااااااااااااااااااااااااااااا

وحله فعلا الوعى الدينى عند كلا الطرفين

شكرا يا رانيا على الموضوع

توبيك جامد جدا جدا يا ريرى كالعاده يعنى
وبجد الواحد بيشوف بنات بيبقى مستحقرها وساعات بحس انها
بتبقى شوبها للبنات كلها وبيبقى حلال فيها اى حاجه ممكن تحصلها
وياريت الولاد هما كمان يعقلوا ويعرفوا انه مهما كان فى الاول وفى الاخر ليهم
اخوات او اقرايب بنات
وميرسى ليكى ياقمر

العفو يابوسى نورتى التوبيك

ياريت البنات تتهد فى بيوتها يااماتخرج بادبها

فى اية يابنات الموضوع دة جامد لية كدة واية ياريرى اعصابك

بس الموضوع جميل اوى

لا بجد موضوع سوبر جااااااااااااااااااااااامد يا رانيا

وفعلا دلوقتى اى بنت بتتعاكس حتى لو ماشية محترمة وبتغض بصرها ومش بتعمل اى حاجة غلط حتى فى لبسها...والله العظيم بتحصل

وبعدين فعلا فى بنات بتبقى نازلة من بيتهم الصبح وكل همها انها تبقى احسن واحدة فى الشارع علشان الكل يعاكسها فعلا بيحبوا يتعاكسوا

والولد برضو مايعمليش حجة البنت لا دا لبسها هو اللى بيشجعنى دا نظراتها دى ضحكتها دى مش عارفة ايه.... يا ابنى المحترم محترم مهما كانت البيئة اللى هو عايش فيها او الظروف اللى حواليه....

وعلى فكرة البنت برضو هيه اللى بتشجع الولد انه يستمر فى معاكستها باى رد فعل تبينله انها موافقة

للمعلومة فى طبيب نفسى قال ان اى امراة بتتعاكس وبكرر اى امراة دى حاجة بتفرحها

بس انا بقوله ان دى اكيد زى اى قاعدة ليها شواذ يعنى ان اعرف بنات لما حد بيكلمهم فى الشارع باى كلمة بجد بيبقوا مخنوقين ومحرجين وحاسين بالذنب انها غلطتهم .....

لان بجد فى طرق معاكسة والله العظيم ماتفرح ولاتبسط .....بالعكس .................

معلش طولت بس دا بجد موضوع مهم جداااااااااااااااااااااااااااااااااا

وحله فعلا الوعى الدينى عند كلا الطرفين

شكرا يا رانيا على الموضوع

نورتينى ياهديل ياقمر وعجبنى ردك جداااااااااااا

ولايهمك انتى تطولى براحتك
وشرفنى مرورك الكريم

فى اية يابنات الموضوع دة جامد لية كدة واية ياريرى اعصابك

بس الموضوع جميل اوى

اى خدمه ياراغب واى خناقه برضه

وبعدين هو انت شايفنى بشد فى شعرى يااخويا

ماانا كويسه اهو وهاديه

ومنورنى دايما ياراغب باشا

موضوع جميل جدا على الرغم ان فيه ولاد عايزه الحرق فيه بنات برضه عايزه الحرق أنا أسفه ياجماعة حد يقولى يعنى ايه ان فيه أنسة محترمة تنزل من بيتها وهى عامله فى نفسها اللى ميتعملش يعنى " البرفيوم اللى ريحته جايبه 10 متر قدامها + البنطلون اللى بيبقى عامل زى الاسبريى المرشوش على الجلد + البدى اللى بنص كم من تحت لأه ومش كده كمان لأ دى تلاقيها لبسه بعد ده كله حتة ايشارب فوق راسها وتقولك أنا محجبة 00 ازاى بقى تطلبوا من الولاد انهم ميبصوش أو ميعكسوش أنا متأكده أنه بيبقى بيعكسها عشان خاطر أنه مفكر ان هيا عامله كده عشان تتعاكس على الرغم ان ده ممكن ميبقاش فى دماغها بس مش كل بنت لابسه كده هتقابل كل ولد وتغير من دماغه الفكرة دى آى نعم هما المفروض يغضوا بصرهم بس اليومين دول احسنلهم انهم يمشوا مغمضيين عشان ميبصوش ثانيا فين الاهل نايمييييييييييين الا من رحم ربك تتصوروا ان فيه امهات هى اللى بتغصب على بناتها ان هى تعمل كده ومستعده اسبتلكو والله 0 انتو عارفين الاهل اللى بيشوفو بناتهم كده نازلين الشارع بالمنظر المقزز ده وأى منظر مخالف للبس الشارعى بيبقى عند ربنا "ديوووووووووووووووووووس" ولا ينظر الله له يوم القيامة ليه نعمل فى أهالينا كده والله البنات لو التزمت بالحجاب الشرعى المظبوط الولاد هتلم نفسها لأن ساعتها مش هيشوفوا حاجة تغريييهم وتثيرهم كمان احنا منأدرش نلومهم فى حاجة زى كده " الشهوة " لأن دى غريزة فيهم واحنا للاسف اللى بلبسنا ومكياجنا وعطورنا اللى بنخليها تتطلع أنا مش فى صف الولاد وبرضه أنا بقولهم انت مترضاش على أختك اللى انت بتعمله وخليك فاكر اخواتك البنات دايما قبل أما تعمل حاجة فى بنات الناس لأن اللى انت هتعمله بره هيتردلا فى اللى جوه وانتو فاهمين 0 ياريت البنات متزعلش منى ماهو أنا بنت زيكوا والله بس ملتزمة بحجابى الشرعى اللى محافظ عليا من المعكسات وأنا على لا منقبة ولا لابسة حتى خمار لو سمحتوا ماتزعلوش منى