فيه عجوز قاعده لوحدها وفجأه طلع لها إبليس , العجوز خافت وسمت بالرحمن

. قال لها إبليس : إنتي ياعجوز تعتبري نفسك داهية ؟

العجوز : اه داهية , والنساء عموماً كيدهن عظيم ..

إبليس: أنا اتحداك , وبنشوف مين كيده أعظم المرأة وإلا إبليس ..

العجوز : خلاص أنا حعمل مشكله وأنت تحلها وإذا مقدرتش أنا أحلها وأفوز ..

إبليس : خلاص موافق..

راحت العجوز عند واحد من العاطلين وقلتله انا حشووفلك شغل عندي لمدة معينه

بس لو عايز فلوس لاتتدخل ولاتتكلم ..

وافق الشاب لأنه طفش من البطالة وعايز فلوس فلوس , راحت العجوز ومعاها الشاب لمحل قماش وقالت له انتظرني عند

باب المحل واخذت قماش غالي وراحت تفاصل تاجر القماش ..

العجوز : رخص يابن الحلال..

التاجر: لو معندكيش فلوس خذي شيء ارخص..

العجوز: ما اقدرش

التاجر: ليه يعني؟للدرجة دي؟ايه المشكلة

العجوز : شفت الولد اللي واقف عند باب المحل ده ولدي .. وبيحب واحده متزوجه وهي تحبه ولما تتطلق من

زوجها .. ولدي بيتزوجها وهو قال لي ان عارضتي الزواج بأطردك من البيت وأمرني اني اشتري له قماش غالي

عشان يعطيها حبيبته ولا راح يطردني من البيت مع ان البيت بالأاساس بيتي ولكني غلطت وكتبته باسمه ( العجوز

تبكي)..

التاجر: خلاص هونيها وتهون والله كسرتي قلبي .. خلاص انا باعطيك القماش ببلاش وعسى ربي يكرمني

العجوز طلعت مبسوطة وقالت للشاب روح البيت ..

بعدها راحت العجوز لبيت زوجة التاجر وخبطت ع الباب وطلعت الزوجه ..

العجوز : آآآه يابنيتي أنا تعبت بالطريق وماأقدر أكمل ممكن أقعد عندك أرتاح خمس دقايق ..

رحبت الزوجة ودخلتها وأكرمتها وجابت لها شاي..

العجوز : مشكورة مقصرتيش إن شاء الله اردها لك ( تعمدت تنسى القماش وطلعت )..

الزوجة : حرام .. نست قطعة القماش .. أكيد بترجع بعد شوية وتاخذها حروح أحطها بالدولاب ..

تاجر القماش رد لبيته وتغدى ونام شوية , قام العصر وفتح الدولاب يغير ملابسه عشان يروح

محله ..تفاجأ بقطعة القماش وعرف انها الست اللي عايزها ولد العجوز هي زوجته يعني تخونه قام عليها وطلقها

وطردها بالشارع بالهدوم اللي عليها ..

العجوزكانت تنتظر بآخر الشارع فراحت لها تركض ..

العجوز : مالك يابنتي بتعيطي ليه؟؟

الزوجة : زوجي طردني .. وماعطاني فرصة أتكلم ..

العجوز : خلاص أنا بوديك بيتي وبروح أحل المشكله .. راحت العجوز لبيتها ودخلت الزوجه ف غرفه والشاب في

غرفه ثانيه وقالت له مايطلع منها ..

راحت العجوز تبكي عند الشرطة وتقول: كنت قاعده في بيتي وفجأه دخل علي راجل ومعه امرأة وقعدوا ببيتي

حاولت أطلعهم ماقدرت ..

راحت الشرطة ومسكت الشاب والزوجه ..وحطوهم بالسجن ..

العجوز: هاه ايه رايك يا إبليس دورك دلوقتي تحل المشكلة؟

إبليس: يخرب بيتك

لا لا مقدرش احل المشكلة دي اتلخبطت خالص

العجوز : انا ححلها وكأن شيئاً لم يكن ..

راحت العجوز تزور الزوجة بالسجن وقالت لها : انتي ساعدتيني مره وانا دلوقتي حساعدك ..يالله البسي عبايتي

وغطي نفسك واطلعي من السجن كأنك انا وانا بأقعد مكانك

الزوجة: شكرا .. لكن انتي ؟

العجوز : مالكيش دعوة زي ماطلعتك بطلع نفسي ..

تمت عملية الهروب بنجاح ..

الوالي قال للحارس انه يجيب المسجونين عشان يحكم عليهم ..

حضرت العجوز والشاب وقال لهم الوالي : ماسكينكم ليه عملتوا ايه؟

ردت العجوز : احنا معملناش حاجة كنا قاعدين ببيتنا انا وولدي وإلا الشرطة دخلت علينا وواخدينا للسجن ..

زعل الوالي وهزأ الشرطة وماعطاهم فرصة يتكلمون ..

طلعت العجوز من عند الوالي مبسوطة وعطت الشاب فلوس وانهت خدمته من عندها ..

راحت العجوز لتاجر القماش وقالت له انها تعبت بالطريق وان زوجته اصيله واكرمتها وهي من كثر التعب نسيت

قطعة القماش عندها وان زوجته بريئة وقالت خذ قماشك لأن ولدي سافر هو وزوجته الجديدة ..

رجع التاجر لزوجته وتأسف منها وارضاها

العجوز: ايه رايك بقى يا ابليس انا حليت المشكلة

شفتم بأه مين أقوي

هههههههههههههههههههه يعني هيا اقوي من ابليس ههههههههههه

ميرسي

ههههههههههههههههههههههههه

قصه جميله

هههههههههههه
حلوه اوووووى
تسلم الايادى

قصه حلووووووووة اوووى
تسلم ايدك