وانا الفرقة الاولى ج مدرج ج انتظام جامعة القاهرة وانا بصراحة من الحكايات اللى اتحكتلى عن الكلية وممكن ان الواحد يعمل جروب كبير بحيث ان الدراسة تكون جميلة وشيقة بعيدة عن الملل بتاع ثانوى وانتو كلكم عارفين وعلى كل الحكايات اللى اتحكتلى انا طبعا انبهرت بجو الجامعة وحسيت انى هعيش اربع سنين من اجمل ايام حياتى منها مذاكرة وتقديرات ومنها انطلاق وللاسف انا روحت فى اليومين دول وحسيت ان الجامعة مش عارف فيها شوية ملل اخلص المحاضرات من هنا واقعد شوية الف فى الجامعة شوية وازهق من الشمس واروح على طول واكيد حد جرب الحكاية دى ومع ذلك انا مش لوحدى فى الجامعة انا معايا اتنين بعزهم اوى واقرب اصحابى واحد منهم معايا فى تجارة والتانى فى حقوق بس انا حاسس ان احنا مخنوقين واقعد اسال نفسى يمكن علشان ان فى ناس هتيجى بعد العيد او ان الدنيا اليومين دول صيام والكل بيتعب فمفيش تعارف اوى معلش انا طولت شوية واكنى بكتب موضوع تعبير ولو سمحتم استحملونى ............. انا ليا طلب صغير نفسى اعمل جروب كبير شوية وياريت يكونوا من مدرج ج مجموعة ج علشان يبقى لينا عزوة وياريت ترودو عليا بسرعة ونتقابل ان شاء اللة بعد العيد وكل سنة وانتم طيبين