حد فكر في السؤال ده قبل كده?
حد فكر هم ليه متقدمين عننا?
طب واللي فكر يقدر يقول إيه اللي وصل له? وممكن نعمل إيه علشان نبقى حتى زيهم?
عن نفسي : أنا في الأول كنت بقول إن احنا الأحسن كفاية ان عندنا الدين و طيبة القلب والحب ...لكن هم معندهمش قلب و لا رحمة ...وإذا كان هم متقدمين عننا دلوقتي فإحنا كنا أحسن منهم قبل كده...لا و كمان كنا بنعلمهم.....
لكن بعد كده لقيت ان احنا اللي وحشين أوي ...إحنا السبب في اللي إحنا فيه دلوقتي...حتى الدين منسوبين له على الورق ...لكن هم بيتعاملو على اساسه ...سيبنا أساسه وروحه وبندور على تفاهات حتى الشعائر مش كلنا بنعملها و اللي بيعملها ما بتكنش على أكمل وجه.
حتى الحب ما بيننا مفيش كل واحد نازل من بيته مش طايق هدومه و ياويل اللي يقوله صباح الخير ...كل يوم خناقات وضرب وسب ...ولما يوصل الشغل يضحك للمدير ويحارب أصدقائه علشان يترقى او أي أفضلية تانية.
أقولكم على قصة حصلت أدامي :
ليه قريب عايش كل عمره في أمريكا ماجاش مصر من 14 سنه و شاب مش كبير (في العشرينات) رجع مصر تبع الشغل ...
هاقولكم أهم ماسألناه و ردها :
¥مرتاح في الشغل ?
¤في الأول ما كانتش مرتاح كل حاجة براحة مفيش سغل , لكن دلوقتي أحسن بقيت busy (اللي عندنا يرتاحو في الشغل لما يقدروا أكبر قدر من الأجازات)
¥مصر و لا أمريكا أحسن ?
¤طبعا أمريكا (عارف طبعا)
¥ليه?
أول حاجة قالها النظافة و على طول قال الناس وحشة ...وبيستغلو...حتى في الشغل (وراح قايل الحوار اللي فوق بتاع الموظف)
¥روحت قايله بس في حاجات في الناس أكيد حلوة في مصر?
¤مين هم
واحد من الجلوس راح مأكد له الفكره السيئة وإتخلى عن مصريته و عزل نفسه عن المصريين والعرب كلهم وخلى نفسه و اللي معاه من نوع الطيبين!!!!!!
ومفيش اللي غلطه أو حببه في مصر وناسها
يعني من الاخر مفيش إنتماء
وعايزين نتقدم ...ده من كلامه عرفت أد إيه بيعلموهم هناك الانسانية ومفيش فرق بين الناس (لون,دين...)وإن كان بيحصل الفرق ده عندهم لكن بيعلموهم كده ...غير عندنا خالص و الكلام اللي بيتقال من تحت لتحت
ده مره إستغرب علشان واحد بيرمي سيجارة في الشارع (اللي هو عادي عندنا)
المشكلة فينا كبيرة جدا ....
محتاجين نتعلم النظافة و الإنتماء و الحب
محتاجين نتعلم ديننا نفهم ايه هو الدين
ده الدين هو الطريق اللي نمشي عليه أكيد مش بيأمرنا نعمل كده
ومستني إجابتكم عن الأسئلة اللي فوق