جبت لكم شوية امثلة مصرية اللي بنسمعها في كل مكان دي بس متعدلة
*********

اللى بيته من إزاز ميغيرش هدومه فى الصالون


*******
لو حبيبك عسل ما تحطلوش طحينة
((هاهاها))
*******

فاقد الشىء يدور عليه
(( لازم))
*******
اقلب القدره على فومها الفول يقع منها
((اكيد طبعا))
*******
تأتى الرياح محمله بالأتربة
(( من الصحراء ههه))
*******
يا خبرالنهارده بفلوس بكره ينزل عليه أوكازيون او ببلاش
*******
اللى معاه قرش محيره يجيب حمام ويحمره
(( ايد مش هايطيره))
*******
جت الحزينه تفرح شغلت شريط حكيم وقعدت ترقص ( مش هاتعمل حاجة غير كده)
*******
قال يامحشحشين يكفيكوا شر الكمين
(يارب)
*******
اللى ياكل لوحده يشبع
(طبعا)
*******
لاتبكى على اللبن فى البسكوت
(او الشكولاتة ههه)
*******
اطبخى ياجاريه الأنبوبه فاضيه يا سيدى
(ازاي)
*******
اللى يتلسع من الشوربه يتصل بالمطافى
(او يحط كريم)
*******
ياداخل بين البصله وقشرتها حط قطرة علشان هادمع من ريحتها
(ههههه)
*******
اصوم اصوم وافطر على المدفع
(مع اذان المغرب)
*******
القرش الأبيض بيعوم فى البحر الأحمر
(لازم)
*******
ضربوا الأعور على عينه قالهم كسرتوا النضاره
(يجيبلوا غيرها)
*******
المال السايب يعلم الطلبه
(دروس خصوصية)
*******
نام وارتاح وكل عسل نحل التمساح
(معروف)
*******
من خرج من داره مينساش يأخد المفتاح معاه
(هاينام في الشارع)
*******
المضطر يركب التاكسى
(او توك توك)
*******
اللى يخاف من العفريت يعمل عبيط
(او اهبل)
*******
المركب اللى فيها رايسين يلعبوا طاولة
(على المشاريب)
*******
اللى خدتوا القرعة تخدو ام الخلول
(او ام زغلول)
*******
اللى ميعرفش يقول what
( لو في امريكا)
*******
أكل العيش يحب الطعميه
(و الفول)
*******
العين عليها lenses
( او نظارة)
*******
قالوا للحرامى أحلف قالهم وحياة
((قلبى وأفراحوا))

هاهاهاهاهاهاهاهاهاهاهاهاهاهاهاهاهاهاهاها جامدين بس انت كده غيرت التراث الى مفيش حد فالح فيه غير المصريين

حلوه اوى

تسلم

حلوين خالص

شكرا ليك

نعمل اية بس يا
tamatem

وشكرا غلى مررورك


شكراا على مررورك الجميل يا
IT-is-MY-DeStinY

دة بس من زؤاك يابسمة

شكرا ليكى على المرور الكريم