بصراحة تفقع!!!!!!!!
يعنى مثلا:
في اسئله بديهيه مالهاش اي لازمه في الدنيا
بنتعرض ليها كل يوم من كل الناس
مثلا
أنت في أوضتك .. على السرير وطافي النور ومتغطي .
يجي أخوك الظريف ويفتح الباب عليك ويقول : ايه ده انت هتنام ولا ايه ؟
(( أظن ده مش وضع الرقص !!! واضح ان انا هنام))
_*_*_*_*_*_*_*_*_*_*_*_*_*_*_
او خلاص اتغطيت و طفيت نور الاوضة و عينك هتبتدى تروح فى النوم تلاقى حد بينادى عليك من اوضة تانية
يا ميزو ترد وتقول نعم يقولك ( انت نمت ؟ )
- ياااه فى سابع نومة و بتفرج على كابوس كمان
_*_*_*_*_*_*_*_*_*_*_*_*_*_*_
أنتم معزومين عند ناس ورحتو لبيتهم وأول ما فتحولكوا الباب يقول ابنهم الصغير " انتوا جيتــوا
(( لا لسه ))
_*_*_*_*_*_*_*_*_*_*_*_*_*_*_
والعكس : أنت لابس هدومك و متأنتك و على سنجه عشره وريحة البارفان واصله لاخر الشارع .. وخلاص بتفتح باب الشقه,, يجي حد من أهلك وينادي بصوت عالي : انت خرج ولا اييييييييييه
((- لا بجرب افتح الباب اصلهم قالوا فى صباح الخير يا مصر انه الحركة ديه بتنمى الذكاء !!! لاء ده انا لسه راجع ))
_*_*_*_*_*_*_*_*_*_*_*_*_*_*_
أو مثلا راكب العربيه ودورتها وخلاص هتطلع ... يجيلك لك البواب ويخبطلك على الزجاج,, أنت بكل ذوق تفتح الزجاج وتقوله : خير في حاجه؟
يقولك : انت رايح الشغل يابيه ؟
(( لا العربيه واحشاني ))
_*_*_*_*_*_*_*_*_*_*_*_*_*_*_
مثلا ماسك سماعه التلفون وقاعد تدوس على الارقام يجي حد من أهلك ويقولك : انت هتتكلم في التليفون ؟
(( لا أبتفرج عليه ,, أكيد بتكلم ))
_*_*_*_*_*_*_*_*_*_*_*_*_*_*_
مثلا : ماسك ملزمة أو كتاب وقاعد تحفظ ومتحمس (أول مره بقى) .. جه حد وقالك :ايه ده انت بتذاكر
(( تقوم رامي الكتاب و تقوله لاااء ))
_*_*_*_*_*_*_*_*_*_*_*_*_*_*_
ربنا هاديك كده ... ماسك سبحه و عمال تسبح ، يجي حد من البيت يعدي عليك ويقول :هوه انت بتسبح
(( لاء هفرطها و أسلقها ))
_*_*_*_*_*_*_*_*_*_*_*_*_*_*_
ولا تعالــو شوفو قنواتنا واسئلتهم البايخه
برنامج اهداءات يتصل واحد يطلب أغنيه
ترد عليه المذيعة بكل خفه ورشاقه : أنتا بتحب الاغنيّة دى ولا ايه ؟
(( لاء طالبها اخنق على نفسي))
_*_*_*_*_*_*_*_*_*_*_*_*_*_*_
او روحت مسكت التليفون مسكته و لسه بتضغط عالارقام عشان تتصل تلاقى الى بيقولك
(ايه هو انت هتتكلم فى التليفون و لا ايه ؟)
- لا يا عم دا الكابتن فى الجيم قالى على تمرين صوابع بعمله عالتليفون
_*_*_*_*_*_*_*_*_*_*_*_*_*_*_
رايح عند بتاع عصير القصب تقوله سلام عليكم فى خروب
يقولك فى سوبيا و عصير قصب و تمر هندى و دوم و مانجة وبرتقال
- طب يا عم قولى مفيش و خلاص ( جربوا السؤال ده بالذات )
_*_*_*_*_*_*_*_*_*_*_*_*_*_*_
ولاّ تعالــو شوفو قنواتنا واسئلتهم البديهية البايخة
برنامج اهداءات يتصل واحد يطلب أغنيه ترد عليه ست الكوتكوته (المذيعة) بكل خفه ورشاقة : إنتا بتحب الاغنيّة ديه ولا ايه ؟
لاء.. طالبها اخنق بيها علي نفسي
_*_*_*_*_*_*_*_*_*_*_*_*_*_*_
أو مثلا في العيد
المذيع : هههههه هههههههه هههههه نتعرّف بيك
المواطن : فلان الفلاني المذيع هههههه هههههه هههههه بتقول ايه للأهل ههه و صحابك ههه وقرابيك هههه و للناس اللي انت مخاصمهم كمان ؟ هههههه هههههه ههههههه
المواطن : أقولهم كل عام وأنتم بخير
((أكيد يعني مش هيقولهم البقاء لله ))!!!!
وحضرة المذيعة الظريفـة : وياترى بقى هتعملوا ايه العيد ده هتقضوه ازاي أكيد بيبقى زيارات الأهل و الصحاب و تخرجوا تشوفوا مظاهر العيدفي الشوارع و تفسحوا أولادكم ونتصل بالمعارف نعيّد عليهم و نقولهم كل سنة و انتو طيبين
(( سبتيله ايه يقوله يارخمة ؟ ))!!!!
♥♥♥♥♥♥♥♥♥♥♥♥♥♥♥♥♥♥♥♥♥♥♥♥
والأسخف بقى الشلل الكبير.. لما المذيعين يكلّموا الاطفال
يقول المذيع للطفل : إنت بتحب ماما وبابا ؟
((يعني أساسي الواد لسه ما طلعلوش عرق الندالة علشان يقول لأ ))!!