كلنا تقريبا نعرف محرك البحث الكبير اوى جوجل او اتعملنا مع الشركه نفسها من خلال خدمتها المتعدده
امبارح يوم 27/9/2008 جوجل احتفلت بعيد ميلادها العاشر

وطبعا وراء كل قصة نجاح مجهود كبير وشغل وافكار عبقرية
هقدم لكم ازاى نشات جوجل لحد ما وصلت لعملاق الانترنت

فى الاول كان فى اتنين طلبه اسمهم لاري بايج وسيرجي برين طلبه فى امريكا جامعة ستانفورد وكانو بيدرسو علوم الحاسبات بعد التخرج كان عندهم فكره رائعه حول عمل محرك بحث وفعلا بعد التخرج عملو محرك بحث وكان اسمه "BackRub" وكان دا على سيرفر جامعه ستانفور وبدا يكبر معاهم وكانو محتاجين انهم يخرجو ويبتدو شغل استثمارى الكلام دا من سنه 95ل97

يمين سيرجي برين 31 عاما , يسار لاري باج 32 عاما

فدورو على رجل اعمل يساعدهم علشان يبتدو وفعلا لقو واحد اسمه "Andy Bechtolsheim" واداهم شيك ب 100 الف دولار ... هنشوف الرقم دا وصل لكام بعد 10 سنين بس
وزى ما هم زى ما قيلين ان حتى الشيك كان طالع لامس شركه مكنتش موجوده قبل كدا وهى "جوجل"

وفعلا ابتدوى الشركه واختارو اسم جوجل اللى هو اساسا "“googol” ودا تعبير رياضى
"mathematical term" عن رقم 1 متبوعاً بمائة صفر او 10 اس 100 .....
ودا كمان رمز لانهم كان عليهم تنظيم مليارات الصفحات على النت

وانطلقت الشركه في 27سبتمبر عام 1998 بالإبداع ، وأربعة أجهزة كمبيوتر، ومستثمر لديه 100 ألف

فيما أصبح لديهم الآن نحو 150 مليار دولار القيمة السوقية للشركة وما يزيد على 20 ألف موظف.
حول العالم ويصبح جوجل عملاق محركات البحث وتقدم الشركه خدمات لحوالي 22 مليون شخص يوميا

واصبح لاري بايج وسيرجي برين فى خلال 10 سنوات من العمل والجهد من اغنياء العالم

وتأتي الذكرى العاشرة لتأسيسها في الوقت الذي نجحت فيه جوجل في تدعيم مكانتها في عالم تكنولوجيا الكمبيوتر والإنترنت من خلال تطوير محرك بحثها وتقديم المزيد من الأدوات التي تفيد المستخدم. ومعظمها بشكل مجانى عكس كثير من الشركات المنافسه

وأطلقت جوجل آخر مشاريعها متصفح انترنت باسم كروم ليكون منافسا لبرنامج إنترنت إكسبلورر الذي تطوره مايكروسوفت ويعد مستعرض الويب الأكثر استخدامها في العالم، وغيرها من الخدمات عبر الانترنت حتى يسهل الوصول إليها، كما أن مد الذراع نحو الهواتف المحمولة وغيرها من الأجهزة المتحركة يحتل جدول أعمال الإدارة للعقد المقبل.

وينتظر أن يتم طرح النسخة التجريبية من متصفح جوجل بـ 43 لغة في 100 بلد وبذلك بدأ جوجل في دخول حقبة جديدة تماما حيث ينوي أن تكون خبرة الاتصال بالانترنت خبرة خالصة لجوجل ابتداء من المعلومات والبيانات مرورا بالمتصفح المستخدم لذلك.

وتضم قائمة مشاريع "جوجل" توفير نسخ رقمية من جميع كتب العالم، وإنشاء خزانات الملفات الإلكترونية للسجلات الطبية لكل الناس، وبيع برامج الكمبيوتر للأعمال التجارية عبر شبكة الانترنت، وتعزيز محرك البحث بحيث يمكنه فهم الطلبات الواردة في لغة بسيطة.


ولايزال الابداع مستمر ......

للمزيد عن تاريخ جوجل كاملا :http://www.google.com/tenthbirthday/#start

مسابقه جوجل Project 10 to the100 افكار لتغيير العالم : http://www.project10tothe100.com/?hl=en

دى كانت قصه جوجل بختصار وهى اكبر دليل ان بالجهد والكفاح والعمل الجاد يقدر الانسان يعمل اللى هو عايزه يقدر يوصل من الصفر لرقم 1 قدامه 11 صفر
وربنا يوفق الجميع

ميرسى موت ع التقرير الجامد ده

وهابى بيرز دى ياجوجل

العفو و شكرا ليكى