كيف تعرف نفسك

انا هسأل كام سؤال وكل واحد يعرف اجاباته كويس اوي او يكتبها في ورقه والاهم كل واحد يفتكر اجاباته كويس.
يلا هنبدا في المرحله الاولى
تخيل نفسك ماشي في غابه اوصف احساسك فيها ايه وانت ماشي يعني(فرحان-قلقان-خايف-مطمن).
وانت ماشي في الغابة لقيت فنجان اوصف شكله يعني (حلو ولا متكسر ولا ايه)وياترى هتخده معاك وانت ماشي ولا لا.
وبعدين وانت ماشي لقيت اسد قدامك هتتعامل معاه ازاي ياترى هتواجهه ولا هتجري ولا هتعمل ايه .
وبعد كده وانت ماشي لقيت بحيره اوصفها وياترى هتتجاهلها ولا هتنزل فيها ولا هتقعد عليها.
خليكم فاكرين اجاباتكم كويس اوي.
هنروح بقى للمرحله التانيه
تخيل نفسك ماشي في صحراء ياترى بردك شعورك هيبقى ايه
وانت ماشي قي الصحراء قابلت صندوق تفتكر ايه اللي ممكن يكون جواه
وانت ماشي قابلت حصان اوصف شكله وياترى هو هيطمن ليك وياترى انت هتخده معاك ولا ايه
وانت ماشي في الصحراء لقيت سلم ياترى هيبقى طويل ولا قصير ولا متوسط ،ولو وقفت عليه ياترى هيستحملك ولا ايه
وانت ماشي لقيت حيطه كبيره اوي وطويله وسده طريقك ياترى هتعمل ايه ،هتحاول انك تحفر فيها وتعدي ولا هتقعد تستنى فرج ربنا ولا هتعمل ايه.

ها كل واحد فاكر اجاباته كويس تعالوا بقى نحلل شخصية كل واحد




الغابة والصحراء دي الدنيااللي انتم عايشين فيها وشعوركم فيهم نفس شعوركم في دنيتكم
والفنجان ده الناس اللي انت بتقابلهم ووصفك للفنجان هو نفس وصفك ليهم
والاسد ده المشاكل اللي بتواجهك في حياتك وطريقة مواجهتك ليه هو نفس طريقة مواجهتك للمشاكل
والبحيره دي حياتك العاطفيه
والصندوق ده انت من جواك حسب اللي هتلاقيه في الصندوق واللى انت توقعته
والحصان ده فارس احلامك او حبيبتك اللي انت عايزها ووصفك للحصان هو نفس وصف شريك او شريكة حياتك
والسلم ده هو مدى حب الناس ليك او هم قد ايه بيستحملوك وقت غضبك
والحيطه دي هي المستقبل اللي انت متعرفش حاجه عنه وتعاملك كع الحيطه هو نفس تطلعك للمستقبل يعني هل انت شخصيه فضوله او سايبها على ربنا