|
|
معك حق يا اخى العزيز بس انا احب اوضح نقطة جبهة علماء الازهر دا كيان غير رسمى ولا يمثل الازهر والازهر لايعترف بية ولا يعترف بفتواة وكان هناك قضايا واصبحت كيان غير رسمى
ودا موقف الازهر منها :
القاهرة ـ أكد الشيخ عمر الديب وكيل الأزهر أنه لا يمكن الاعتراف بجبهة علماء الأزهر لكونها كيانا غير شرعي، وقال في أول تعليق للأزهر عقب إعلان الجبهة عن تجديد نشاطها من الكويت وإطلاق موقع لها عبر الإنترنت: "إن الأزهر ليس له إلا إدارة واحدة تتمثل في مشيخة الأزهر وما يصدر عنها، وأي كيان يصدر غير هذه المؤسسة باسم الأزهر سيكون كيانا غير شرعي، مهما كانت أهدافه".
وأضاف أنه إذا أراد أحد أن يتقدم بمقترحات من أجل الأزهر فإن أبواب المشيخة كلها مفتوحة، تتلقى هذه الاقتراحات بصدر رحب، وتستمع لآراء أصحابها، وتناقشها بكل موضوعية، وتحاول أن تنفذ منها ما هو في مصلحة الأزهر.
كيان غير شرعي
واعتبر الديب أن ما يصدر عن بعض تلك الكيانات غير الشرعية -ومنها جبهة علماء الأزهر التي صدرت أحكام قضائية بعدم شرعيتها سابقا- لا يمثل رأيا للأزهر، ولا مصدرًا للمعلومات باسمه.
وعن إمكانية أن يتقدم القائمون على جبهة علماء الأزهر بطلب لإعادة تشكيل الجبهة مرة أخرى بطريقة شرعية، أكد الديب أن ما يجعل جبهة علماء الأزهر غير شرعية، ولا يمكن أن يتم الاعتراف بها، هو وجود كيان أساسي يمثل الجبهة العليا لعلماء الأزهر.
وأضاف أن الهيئة العالمية الرسمية التابعة للأزهر هي مجمع البحوث الإسلامية، ويمثل علماء الأزهر الذين تخرجوا فيه سواء من أبناء مصر أو من خارجها.
وأوضح أن "من يريد الانضمام إلى المجمع فليتقدم بطلب إلى رئيسه عندما يخلو مقعد به؛ حيث إنه في كل فترة يخلو موقع من أعضاء المجمع لسبب أو لآخر، ويتقدم لشغل هذا المقعد أكثر من عالم، ثم يعرض على المجلس بكامل هيئته، ويتم انتخاب المستحق بمنتهى الشفافية والديمقراطية".
وكمان بيقلوا ان الهيئة الرسمية المعترف بها من الازهر هى مجمع البحوث الاسلامية
دى مجرد محموعة منفصلة عن الازهر عاوزة تعمل فتنة
ياريت تكمل جدعنتك للاخر وتكتب موضوع توضح فية الفرق يبقا جزاك الله خير علشان فى ناس بيختلط عليها الامور ما بين الازهر الشريف و مابين بعض الكيانات الى مش تابعة لية
علشان يا اخى الازهر لية مصدقيتة وممكن الناس تتبع الفتوى دى على اساس انها صادرة من الازهر وهى مش كدا
ربنا يقينا شر الفتن والى عاوزين يعملوها
انا متأكد ان كلامك كله صح يا استاذ ياسر ومقتنع بيه ولكن برضو لازم نكون واقعيين,, دلوقت اي شيئ حكومي مبقاش له اي مصداقية عند الناس ,, يعني مثلا شيخ الازهر كان عضو في الحزب الوطني,, وكثير من القساوسة اعضاء في الحزب الوطني,, يعني مثلا البابا طمئن مبارك ان اصوات الاقباط هتبقي للحزب الوطني في مجلس الشعب ولن يتم اي اعتراض علي خطة التوريث,, دة بالنسبة للكهنة,, وبالنسبة لشيخ الازهر ف حضرتك طبعا فاكر الفتوي بتاعت فوائد البنوك حلال حلال حلال ,, ودة رقم حسابي في البنك ! وكمان الشيخ الجديد دة يتقاله يمين يروح يمين,, يتقاله شمال يروح شمال .. طب ما حضرتك في مشايخ كتير خارج مؤسسة الازهر والناس بتتبعهم زي محمد حسان وابو سحاق الحويني ودول اكبر اتباع الحكومة..
اذن الموضوع مالوش علاقة بالوحدة الوطنية وقبول الاخر,, الموضوع ان دي كلها عصابة قاعدة بتموت الشعب المصري كله بمسلميه واقباطه بالبطيئ
يعني مش قصة ان الازهر يقولي دة حلو يبقي دة حلو.. ودة وحش يبقي دة وحش..
وعايز افكرك مثلا بمشايخ كانوا شيوخ للازهر ومع ذلك عمر قالوا فتاوي تتماشي مع سياسة الحكومة .. خد عندك مثلا,, الإمام العارف بالله عبد الحليم محمود ,, ايام لما كان ماسك منصب شيخ الازهر او المفتي لا اذكر,, كانوا عايزين يمرروا قانون يسمح ببشواذ بممارسة حياتهم الشاذة في مصر دون ضوابط وساعتاه قالهم علي جثتي يحصل الكلام دة,, لدرجة ان السادات لما سمع خبر موت الامام عبد الحليم محمود قال : في ستين داهية!
وعندك شيوخ زي الشيخ عبد الحميد كشك والشيخ محمد الغزالي ودول من بلدي وجيراني وانا اكتر واحد يعرفهم .. كانوا متعلمين في الازهر ومع ذلك كانوا منشقين عنه وكل شوية يتسجنوا بسبب ارائهم الدينية الصادمة ,, بالسخرية من ضعف حكام العرب واهوانهم
يعني الخلاصة مش اللي تجيزه مشيخة الازهر يبقي حلو
وبصراحة انا بعد اللي بيحصل في مؤسسة الازهر دلوقت اللي اصبحت مؤسسة حكومية
اقدر اقولك ان أي جبهة في العالم لها مصداقية عندي اكتر من مشايخ الازهر
ولكن مش اي حد يفتي فتوي انا اصدقه ,, انا اخد اللي يتماشي مع عقلي وفهمي السليم للدين الاسلامي السمح,, وبكررلك رغم احترامي لتلك الجبهة الا ني ارفض فتواها من كل قلبي 
|
