انت بتمشى ورا عقلك ولا قلبك ولا الاتنين مع بعض؟؟ دا السوال ومستنى اجابتكو على رقم...
قصدى فى المنتدى هنا يعنى بس دا ميمنعش انى ارغى شويه 
انا شايف ان الناس ممكن تتقسم اما انها بتفكر بقلبها او مشاعرها يعنى او بعقلها وفى طبعا ناس بتوازن بين الاتنين ودا اعتقد احسن حاجه الوسط
اولا : اللى بستخدم عقله اكتر
فمثلا اللى بيحكم على الامور وبيفكر بعقله اكتر بيكون عملى حازم قاطع الخ.....
وبيقدر يحسم امور ممكن ناس تانيه تتردد فيها
لكن عيبه ان ممكن يبقى زى الكمبيوتر فى تعاملاته مع الناس يعنى شبه جامد
لان فى حياتنا مواقف لازم يبقى فيها عاطفه مش عقل بس
اما النوع التانى فبيبقى العاطفى اللى بيحكم على الامور بقلبه يعنى هيرتاح للحاجه دى ولا لاه هيبقى سعيد وهو بيعملها ولا مضايق ومخنوق يعنى بيعتمد على احساسه
وطبعا عيبه التردد وان فى مواقف لازم فيها العقل يكون موجود علشان يقدر الموقف
النوع التالت وهو الوسط او اللى بيقدر يوازن بين الاتنين فى حياته يعنى ساعه الحزم تلاقيه ساعه وقت التعاطف والامور اللى عايزة احساس اكتر ويعرف يستخدم عقله امتى ومشاعره امتى
بس كدا مستنى بقى كل واحد يقول بيفكر ازاى