بسم الله الرحمن الرحيم

السلام عليكم ورحمه الله وبركاته

وعجبي ع نجوم بلدى ... اه النجوم مش الى في السماء تؤتؤتؤ الى في الارض ...

نجومنا ... الكينج ...او الهرم الرابع ... مش هتفرق كتير

الهضبه ... نجم الجيل ... ملك الاحساس او الحزن برضوا مهى مش هتفرق

اكيد القارئ العزيز هيتسائل ايه العجيب في كدا ... ااقولك انا بقي يا فندم

مين الى عمل المطربين دوووووول ؟؟؟ مش احنا

ليه اطلق عليهم الالقاب العجيبه دى ... ومين اصلا الى اطلقها ؟؟؟ مش الشباب التافهه

هنا بقا العجب كله ...ليه التفاهه وصلت بينا للدرجه دى ... لييييييييييييه ؟؟؟؟؟؟؟؟

الى دفعنى لكتابه الموضوع ده ... هوا كميه السفاهه الى بشوفها قدامى

من محادثات بين الشباب ع الفيس بوك او المنتديات ... الى ممكن تصل ... لا ده اكيد بتصل لخناقات وشتايم وهبل بعيد عنكم

انصار تموره وعموره وحماقي ومنير وفؤاد ........الخ

كل واحد بيطلق ع مطربه لقب ويفرضه علينااااااا ... وعجبي

بجد مستعجبه من الى بيحصل واكيد في ناس زيي كتيــــــــر ... وكلنا بنتسأل ؟؟؟؟؟؟

هما الشباب الى بتعمل كدا شباب هبله ؟؟؟

ولا المطربين دول يستاهلوا فعلا كل الضجه دى ؟؟؟

ولا فلوس البلد زادت عشان نشوف الالوفات دى في حفلاتهم ؟؟؟؟

ولا مشاكل مصر كلها اتحلت ومبقاش ناقص غير اننا ندافع

عن شعر صدر تموره .... وعضلات عموره .... ونشتم في تاتو عموره برضوا

وندفع فلوس لواحد بيلمع ازاز .... مع احترامى لاصواتهم جميعا

بصراحه انا بدور ع اجابات لاسألتى واتمنى القاها عندكم

والصور خير دليل ع حاله التافهه الى بنعيشها حاليا









واخيرا ... عجبي عليكى يا مصر

الله جاااااااااااامدة يا ندى

بجد بجد بجد اسلوبك تحفة

في تناسف كلمات
اما المقصود اروع بكتير

ابداعxابداع

المزيد من التالق

هههههههههههههههههههههههههههههههههههههههههههههههههه هههههههههههههههههه

والله يا ندى انتى بتقولى كلام زي الفل

احسن توبيك شوفته هنا ف المنتدى

دائماً الابداع يا نونوش

تحياتى ليكى


ولانجم الجيل ولا حتى حماقى دا انا ممكن اطلق فيها مراتى

الهضبه ف يوم لو عرشه اتهد دانا ابطل غنا واسرح بحراتى

ههههههههههههههههههههههههههههههههههههههههههههه
ههههههههههههههه

و الله بجد تسلم ايدك يا ندي
و الله انا تنيتني لحد ما كرهت عمرو و تامر
و الخناقات عليهم
دول يعني بيقدموا ايه
مفيش مره حد كتب ولا حتي اتخانق علي حد له قيمه زي الدكتور مجدي يعقوب و احمد زويل و الاف غيرهم يستحقوا بجد الذكر
بس بقي هيافه الشباب و البنات و الرومانسيه الكدابه اللي بتلف عولهم
اللي بيتسابقوا علي اللي تحمل الالبوم الجديد
يمكن يكونوا بيجيبوا فلوس الدراسه او حاجات ضروريه بيصررفوها عليهم و حفلاتهم
و بعد ده كله مغظم لو مكانشي كل ده حرام
و محدش هامه الكلام ده
و هيتنيهم زي ما هم
و بعدين الفلوس في البلد بتقل مش بتكتر و هم بيكنزوا الملايين و احنابنرميها من غير ما نحس
سوري طولت عليكي
بس و الله موضوع تحفه و اسلوب هايل
تسلم ايدك

اسلوبك في العرض رائع يا ندي ولا استطيع ان اجد افضل من تلك القصيدة العامية التي كتبها بيرم التونسي منذ عشرات السنين وكأن الرجل كان يتبنأ بما سوف يحدث الان

ارجو ان يقرأها الاعضاء

يا اهل المغنى دماغنا وجعنا دقيقه سكوت لله
داحنا شبعنا كلام ماله معنى ياليل وياعين ويااّه

طلعت موضه غصون وبلابل شابط فيها حزين

شاكى وباكى وقال موش عارف يشكى ويبكى لمين

واللى جابت له الداء والكافيه طرشه ماهش سامعاه

يااهل المغنى دماغنا وجعنا دقيقه سكوت لله



ردى عليه ياطيور بينادى وارمى له الجناجين

وانت كمان يابور الــــوادى قل له رايح على فين

قل له اياك يرتاح يابابـــــوره ويريحنــــــــــا معــــــاه

ياهل المغنى دماغنا وجعنا دقيقه سكــــــوت لله



كل جدع فرحان بشبابه يقول فى عنيا دمـــوع

ياللى جلبتى شقاه وعذابه حلّى لنــــا الموضــــوع

طالع نازل يلقى عـــــوازل واقفــــــــه بتستنــــــاه

ياهل المغنى دماغنا وجعنا دقيقه سكوت لله



حافضين عشره اتناشر كلمه نقل من الجـــــــــورنال

شوق وحنين وأمل وأمانــــــى وصد وتيـــــــه ودلال

واللى اتعـــاد ينزاد ياخــــــــــوانا وليل ونهــــــــار هـــوّاه

ياهل المغنى دماغنا وجعنـــــــــــا دقيقه ســكوت لله




وفي النهاية اشكرك علي الموضوع اللي لمس جزئية مستفزة جدا من المجتمع

بالظبط يا ندى زي ما قولتي

شباب تافه اللي بيتخانق ويقاتل عن نجمه المفضل ولا كأنه بيدافع عن عرضه

شيء مؤسف فعلا

كل فئة ما يطلق عنهم فنانين ممكن تعريفهم ( فئة تافهة ومالهاش اي لازمة في الحياة اقصى ما يمكن ان نستفيد من تلك الاشكال قد نتسلى بيهم في بعض اوقات فراغنا )

لكن للاسف في عصر مقلوب والمفاهيم فيه ملخبطة
اصبحوا ملء السمع والبصر
اصبحوا قدوة لكثير من الشباب
اصبحوا مثلا يحتذى به

ربنا يرحمنا من دي اشكال

شكرا علي الموضوع بجد كان نفسي حد يتكلم فيه

المشكلة بقي ان الموضوع ده مش بس علي الفنانين ولا عمورة ولا طامورة

لا ده كمان اهلي وزمالك ومصري واسماعيلي

ليه بقي كل حوراتنا ياما تفاااااااااااااااافهة اوووي يا اما متعصبة اووووي

والله بجد مفتقدين الحوار الراقي

يا سيدي انت بتحب مطرب او فنان او فريق كورة

عبر عن حبك يا سيدي بس باحترام من غير تعصب وشتيمة

وشكرا مرة تانية علي الموضوع التحفة وبجد اسلوبك شيك و وصل لقلبي بسرعة

عندك حق والله يا ندا
ليا واحد صاحبى بيموت فى تموره موووووووت
كل حياته تموره صور تموره كلها واخده وعاملها على الفوتوشوب واحطط نفسه مكانه
الديسكتوب بتاعو تموره التلفون كله من اوله لاخره صور واغانى تموره
ناقص يعمل النسخه الجهاز تموره ذى ابن عمى مرا عمل نسخه الهضبه ههههههههههههه
وفى الاخر توبيك جامد جدا

ولا اروع ولا اجمل من اسلوبك ياندى بجد توبيك جميل وكلام واسلوب اجمل

وفعلا الشباب هو اللى بقى تافه جدا مش لاقى حاجه يعملها وبصراحه اللى معاه قرش محيره

بس تسلم ايدك انتى جبتى المفيد

اسلوووبك جميل فى التعبير يا ندى
اشكرك على طرح الموضوع المهم دا
وبالفعل ناس كتير بتهتم بأشياء تافهه ومالهاش معنى ولا لازمه خالص
الا فى اوقات الراحه والفراغ
احييكى مره تانيه على اسلوبك المبدع
دمتى متألقه يا نونوش

والله كلام عثل وزى الفل
والحمد لله انا مش مأيد حد من الفنانيد دول
الاغنيه الى بتعجبنى بسمعها وخلاص
العالم دى مش احسن مننا فى حاجه بالعكس احنا الى بنفضلهم علينا
ونفسى اسأل سؤال بردو وحد يجاوبنى عليه
ليه المنتدى ده فى اقسام بأسم الفنانين؟؟؟

يا شباب عمرو وروح قلب تموره
نفسى حد يكون بيحبنى و يحللى الفزوره
هى الدنيا مالها ضاقت علينا اوى وبقت صغيوره
يا دوب بحجم شاشه كمبيوتر المهم تكون ويا اموره
و الكلام بقى كل شغلتنا و الرغى مع ريرى و سموره
نقعد بالساعات نشيت و املنا كله انها تبعتلنا صوره
و لو ميعاد يبقى كده القاعده سخنت و بقت هى دى الفوره
نشد الجينز و ندلدل البوكسر و نضرب جيل و جرى نقابل الغندوره
ندور على عشرايه من الجنيهات لزوم كافيه تكون قاعدته مستوره
و يسلام لو فى واحد من صحبنا جدع وتكون كمان حالته ميسوره
قشطه معانا يامان مانت ولى امرنا و صاحب راى و مشوره
و نقعد قاعده طحن كلها تفاحه و معسل مش قاعده اشفوره
و نسمع ادان الفجر نخش نام ولا نصلى ولا نقرا من القران حتى و لو سوره
نسيت فزورتى اللى عايز حد يحلها بذمتكم فى كده هى دى رجوله
معلش باحبكم بس خايف عليكم من وهم اغانى عمرو و حبيب قلبى تموره


موضوع هايل يا نونوش
دايما متالقه
ارجوا ان تتقبلي مروري بهذه الكلمات

عندك حق ياندى والله حاجة تحزن الحالة اللى شبابنا وصلها دلوقتى الحمد لله ماليش فى الغنا دا أصلا موضوع جميل بجد ميرسى ليكى

يا شباب عمرو وروح قلب تموره
نفسى حد يكون بيحبنى و يحللى الفزوره
هى الدنيا مالها ضاقت علينا اوى وبقت صغيوره
يا دوب بحجم شاشه كمبيوتر المهم تكون ويا اموره
و الكلام بقى كل شغلتنا و الرغى مع ريرى و سموره
نقعد بالساعات نشيت و املنا كله انها تبعتلنا صوره
و لو ميعاد يبقى كده القاعده سخنت و بقت هى دى الفوره
نشد الجينز و ندلدل البوكسر و نضرب جيل و جرى نقابل الغندوره
ندور على عشرايه من الجنيهات لزوم كافيه تكون قاعدته مستوره
و يسلام لو فى واحد من صحبنا جدع وتكون كمان حالته ميسوره
قشطه معانا يامان مانت ولى امرنا و صاحب راى و مشوره
و نقعد قاعده طحن كلها تفاحه و معسل مش قاعده اشفوره
و نسمع ادان الفجر نخش نام ولا نصلى ولا نقرا من القران حتى و لو سوره
نسيت فزورتى اللى عايز حد يحلها بذمتكم فى كده هى دى رجوله
معلش باحبكم بس خايف عليكم من وهم اغانى عمرو و حبيب قلبى تموره


موضوع هايل يا نونوش
دايما متالقه
ارجوا ان تتقبلي مروري بهذه الكلمات

اذا كنا كلنا عجبنا اسلوب ندى وتوبيكها فاسلوبك لا يختلف وتسلم ايدك ع هذا الكلام

موضوع جاااااااااااااامد تسلم ايدك يا ندى





طيب البنت بتحضنه ممكن طيب الغبى ابن الغبيه بيبوسه ليه هو كان واحده

هههههههههههههههههههه

الموضوع موجود من زمان من ساعة ما بدأ الغناء و التمثيل في الظهور عندنا و بدأت الالقاب تظهر و غالباً اللي بيطلق الالقاب دي هم نفسهم ثم يروجون لها و ما ينطبق عليهم ينطبق علي لاعبي كرة القدم في كل شئ القاب و اموال و شهرة و مساحة اعلامية واهتمام رأي عام بلا داعي و تعصب و كراهية و صراعات ...

وده موجود في كل المجتمعات بنسبة تزيد او تنقص فيما يخص الغناء و التمثيل و كرة القدم (و كرة السلة في امريكا فقط و اللعب الشعبية في بلادها فقط) و دائماً في كل المجتمعات هم اكثر الناس ثراءاً و اكثرهم شغلاً لاحاديث و اهتمامات الناس سواء كانوا يستحقون ذلك ام لا

شكراً علي الموضوع

كل مطرب بيطلق على نفسة لقب او واحد صاحبة هو اللى بيطلقة علية و الشباب يرددو زى العبط فى الشوارع
يعنى عندك عمرو دياب مؤلف اغلب اغانية اللى هو احمد بهجت قمر سمعت فى حوار بيقول ان هو اللى اطلق اسم الهضبة علية
و تامر و حماقى نفس النظام
و ميغركيش البنات المتاجرة فى حفلات تمورة اسلوب رخيص لنيل حب المراهقات
و على راى المثل
رزق مش عارف اية على مش عارف اية
شكرا على طرح هذا الموضوع للنقاش

انا معاكى فى كل حاجه بس عندى اعتراض بسيط

دلوقتى بلاش تقللى من مجهود حد .. يعنى مثلا عمرو .. بيغنى من 83 و كل الالبوماته جامده و كل الالبوم بيقدم لنا جديد

فحرام نقول انى عشاقه دول شباب هبلة و لا تافه و لا معندهاش اى اهداف و حاسه بالفراغ

الشباب الكتير اللى بيروح لعمرو حفلة .. ده عشان هو مبدع

و احد زى تامر ... ابتدى من تحت الصفر و وصل للقمة .. و اللى يقول انى مطرب وحش يبقى دماغه تعبانة .

حرام تسخرو من مجهود اى حد .. الناس دى عندها موهبة و عشان كده انتشر حوليهم المعجبين .. مش عشان المعجبين دول تافهين او هبل ..

انا شايف ان فيه فنانين تستحق مننا احترام
زي فؤاد ومنير وحماقي
وهم خارج ايطار الشباب التافه زي ما بتقوللي ياندي
لأن دول ناس بتغني علشان تمتعنا مش علشان الالقاب وكده
مع احترامي لرأي الجميع

ياجماعة المفروض نتكلم بصراحة اكتر من كدة يعنى
نعطى لكل واحد حقة مش اى كلام يبقى الفن والبيدمه
هبل وكدة يعنى فى فنانين يستحق الشكر عن اغانيهم
وتعابهم لكى يقدموا فن راقى ومحترم وكلمات اغانى
راقية بس انا معاكى ياندى فعلا فى اغانى هبطة وبذات
اغانى الشعبية والتافهة البقت جزء من الشباب فى التهيص
الكلام الى مفيش فى اى فايدة لكن اكيد لو رجعتوا نفسيكوا
هتلقى نفسك انت وهى بتحب تسمع اغنية رومانسية
حلوة او درما او اى اغنية يكون رتمها حلو على ودانك وتحب تسمعها
انا اسفة انى دخلت اوى بس فعلا لازم نكون صرحا اكتر من كدة
اكيد فى فن محترم وفاننين محترمين تقبلى مرورى اختك منو_________________نة

عندك حق ياندى ... موضوع فرحنى كتير ... واللى فرحنى اكتر ردود الشباب الواعى المحترم

تمام يانونوش جدا
بقينا نتجه على توافه الأمور ونسينا كبائرها
نسينا الصلاة .. نسينا نصرة الحبيب محمد (ص).. نسينا نصرة حبيبة الحبيب عائشة (ر)
بس زي ما في توافه الشباب في شباب ماشاء الله بجد والحمدلله اكتر شوية
شكرا على الموضوع الرااااااااااااااااائع

الله جاااااااااااامدة يا ندى

بجد بجد بجد اسلوبك تحفة

في تناسف كلمات
اما المقصود اروع بكتير

ابداعxابداع

المزيد من التالق

ميرسي يا حنان ع ردك الجميل

نورتينى يا قمر ... فائق تقديري واحترامى

هههههههههههههههههههههههههههههههههههههههههههههههههه هههههههههههههههههه

والله يا ندى انتى بتقولى كلام زي الفل

احسن توبيك شوفته هنا ف المنتدى

دائماً الابداع يا نونوش

تحياتى ليكى


ولانجم الجيل ولا حتى حماقى دا انا ممكن اطلق فيها مراتى

الهضبه ف يوم لو عرشه اتهد دانا ابطل غنا واسرح بحراتى

ههههههههههههههههههههههههههههههههههههههههههههه
ههههههههههههههه

ههههههههههههههههههههه

يبقي هتسرح بحراتى قريب

نورت يا محمد .. تحياتى

هههههههههههههههههههههههه
والله ياندى انتى زى العسل ومواضيعك تحفة ومميزة
دة الطبيعى اليومين دول عشاق تمورة وعمورة وحماقى
ياريت نفوق شوية وبلاش هبل
تسلمى
تقبلى مرورى

عندك حق بصراحة والموضوع دا بيضايقني جداً

ايه يعني أنصار تامر وعمرو

كلنا بنسمع أغاني أو بعضنا يعني

بس مش لدرجة أنهم يعملوا كل دا

قال رسول الله صلي الله عليه وسلم

"يحشر المرء مع من يحب"

شكراَ ليكي بجد علي الأسلوب الجميل في طرح التوبيك الأجمل دا

و الله بجد تسلم ايدك يا ندي
و الله انا تنيتني لحد ما كرهت عمرو و تامر
و الخناقات عليهم
دول يعني بيقدموا ايه
مفيش مره حد كتب ولا حتي اتخانق علي حد له قيمه زي الدكتور مجدي يعقوب و احمد زويل و الاف غيرهم يستحقوا بجد الذكر
بس بقي هيافه الشباب و البنات و الرومانسيه الكدابه اللي بتلف عولهم
اللي بيتسابقوا علي اللي تحمل الالبوم الجديد
يمكن يكونوا بيجيبوا فلوس الدراسه او حاجات ضروريه بيصررفوها عليهم و حفلاتهم
و بعد ده كله مغظم لو مكانشي كل ده حرام
و محدش هامه الكلام ده
و هيتنيهم زي ما هم
و بعدين الفلوس في البلد بتقل مش بتكتر و هم بيكنزوا الملايين و احنابنرميها من غير ما نحس
سوري طولت عليكي
بس و الله موضوع تحفه و اسلوب هايل
تسلم ايدك

والله يا جيداء انتى الى ردك هايل بجد

و ده القصد ليه منهتمش اكتر بالعلماء وانجازاتهم بدل ما يروحوا حفله يشتروا كتاب

مكلنا بنسمع اغانى وللمطربين الى ذكرتهم بس بالعقل مش بهبل

بجد ميرسي جدا ع ردك ونورتينى ووجودك زاد الموضوع قيمه

تقبلي فائق تقديري واحترامى

اسلوبك في العرض رائع يا ندي ولا استطيع ان اجد افضل من تلك القصيدة العامية التي كتبها بيرم التونسي منذ عشرات السنين وكأن الرجل كان يتبنأ بما سوف يحدث الان

ارجو ان يقرأها الاعضاء

يا اهل المغنى دماغنا وجعنا دقيقه سكوت لله
داحنا شبعنا كلام ماله معنى ياليل وياعين ويااّه

طلعت موضه غصون وبلابل شابط فيها حزين

شاكى وباكى وقال موش عارف يشكى ويبكى لمين

واللى جابت له الداء والكافيه طرشه ماهش سامعاه

يااهل المغنى دماغنا وجعنا دقيقه سكوت لله



ردى عليه ياطيور بينادى وارمى له الجناجين

وانت كمان يابور الــــوادى قل له رايح على فين

قل له اياك يرتاح يابابـــــوره ويريحنــــــــــا معــــــاه

ياهل المغنى دماغنا وجعنا دقيقه سكــــــوت لله



كل جدع فرحان بشبابه يقول فى عنيا دمـــوع

ياللى جلبتى شقاه وعذابه حلّى لنــــا الموضــــوع

طالع نازل يلقى عـــــوازل واقفــــــــه بتستنــــــاه

ياهل المغنى دماغنا وجعنا دقيقه سكوت لله



حافضين عشره اتناشر كلمه نقل من الجـــــــــورنال

شوق وحنين وأمل وأمانــــــى وصد وتيـــــــه ودلال

واللى اتعـــاد ينزاد ياخــــــــــوانا وليل ونهــــــــار هـــوّاه

ياهل المغنى دماغنا وجعنـــــــــــا دقيقه ســكوت لله




وفي النهاية اشكرك علي الموضوع اللي لمس جزئية مستفزة جدا من المجتمع

اشكرك ع ردك وواضافتك لشعر لبيرم التونسي

نورتنى يا محمد .. تقبل فائق تقديري واحترامى

بالظبط يا ندى زي ما قولتي

شباب تافه اللي بيتخانق ويقاتل عن نجمه المفضل ولا كأنه بيدافع عن عرضه

شيء مؤسف فعلا

كل فئة ما يطلق عنهم فنانين ممكن تعريفهم ( فئة تافهة ومالهاش اي لازمة في الحياة اقصى ما يمكن ان نستفيد من تلك الاشكال قد نتسلى بيهم في بعض اوقات فراغنا )

لكن للاسف في عصر مقلوب والمفاهيم فيه ملخبطة
اصبحوا ملء السمع والبصر
اصبحوا قدوة لكثير من الشباب
اصبحوا مثلا يحتذى به

ربنا يرحمنا من دي اشكال

يارب يرحمنا منهم

وزى ما حضرتك قولت احنا نتسلي بسماعهم مش يبقوا هما كل حياتنا

وربنا يرحمنا من بلاوى الزمن ده ... بوجود حضرتك زادنى شرف

اشكرك ع ردك القيم ورائيك الى بعتز بيه جدا ..

واتمنى انك متحرمنيش من وجودك في صفحاتى .. تقبل فائق تقديري واحترامى

شكرا علي الموضوع بجد كان نفسي حد يتكلم فيه

المشكلة بقي ان الموضوع ده مش بس علي الفنانين ولا عمورة ولا طامورة

لا ده كمان اهلي وزمالك ومصري واسماعيلي

ليه بقي كل حوراتنا ياما تفاااااااااااااااافهة اوووي يا اما متعصبة اووووي

والله بجد مفتقدين الحوار الراقي

يا سيدي انت بتحب مطرب او فنان او فريق كورة

عبر عن حبك يا سيدي بس باحترام من غير تعصب وشتيمة

وشكرا مرة تانية علي الموضوع التحفة وبجد اسلوبك شيك و وصل لقلبي بسرعة

ميرسي جدا ليك .. ردك رائع

انت اضفت حاجه مهمه هيا التعصب والتشدد لكل حاجه بننتمى ليها

عموما ربنا يهدى ... ميرسي لردك الجميل ... تقبل فائق تقديري واحترامى

عندك حق والله يا ندا
ليا واحد صاحبى بيموت فى تموره موووووووت
كل حياته تموره صور تموره كلها واخده وعاملها على الفوتوشوب واحطط نفسه مكانه
الديسكتوب بتاعو تموره التلفون كله من اوله لاخره صور واغانى تموره
ناقص يعمل النسخه الجهاز تموره ذى ابن عمى مرا عمل نسخه الهضبه ههههههههههههه
وفى الاخر توبيك جامد جدا

ههههههههههههههه

ميرسي لردك جدا.. وربنا يهديهم

تقبل فائق تقديري

ولا اروع ولا اجمل من اسلوبك ياندى بجد توبيك جميل وكلام واسلوب اجمل

وفعلا الشباب هو اللى بقى تافه جدا مش لاقى حاجه يعملها وبصراحه اللى معاه قرش محيره

بس تسلم ايدك انتى جبتى المفيد

ميرسي يا قمر ع كلامك

ووجودك زاد موضوعى قيمه ... تقبلي فائق تقديري واحترامى



[quote=goleat;808786]

اسلوووبك جميل فى التعبير يا ندى
اشكرك على طرح الموضوع المهم دا
وبالفعل ناس كتير بتهتم بأشياء تافهه ومالهاش معنى ولا لازمه خالص
الا فى اوقات الراحه والفراغ
احييكى مره تانيه على اسلوبك المبدع
دمتى متألقه يا نونوش

[/quote]


ميرسي يا قمر ع ردك الجميل

تقبلي فائق تقديري واحترامى