فى عنيكى ... لغز واسرار
فى عنيكى .. رحلة ومشوار
وانا شاعر كلمات عندى مشاعر همسات شعر قصايد ابيات كلها فيكى
انا ممكن اضيع عمرى واضيع روحى واضيع فى عنيكى
فى عنيكى .. حسيت بأمان
فى عنيكى .. دايما غرقان
على كيفك ودينى على كيفك وخدينى وارمينى وسيبينى فى عنيكى
لو حد عايزنى فى حاجة يحلفنى بعنيكى
تعالى اتصالح على نفسى وانا وياكى ... وانا وياكى
واعيش جوا سلام ايدك واموت وانا بهواكى
تعالى اتصالح على نفسى وانا وياكى
واعيش جوا سلام ايدك واموت وانا بهواكى
والحياة بيكى تبقى حياة
فى عنيكى .. الشرق وليله وسحره
فى عنيكى .. الغرب نسيمه وبحره
بتغرب فى بلاد .. واجمع كل ورود بغداد .. عشان عندى معاكى معاد ..
جوا عنيكى
تيجى نسمه من بيروت على خدى تفوت توحشنى عنيكى
فى عنيكى .. وطنى وبلادى
فى عنيكى .. ارضى وميلادى
وحياتك ضمينى وفى ذاتك خبينى من العالم واحمينى فى عنيكى
وعلى ورقة ياسمينا اكتبى اسمينا حروف بأديكى
تعالى اتصالح على نفسى وانا وياكى ... وانا وياكى
واعيش جوا سلام ايدك واموت وانا بهواكى
تعالى اتصالح على نفسى وانا وياكى
واعيش جوا سلام ايدك واموت وانا بهواكى
والحياة بيكى تبقى حياة