بسم الله ماشاء الله
انا مش مصدق نفسي حد يضربني بالقلم علي وشي علشان افوق انا انهارده كنت بفتح حسابي في جوجل ادسنس و كعادتي انا متفائل وحاسس ان كل الي انا بعمله هيجي بفايده بصراحه مش مصدق نفسي وهاين عليا ازغرط
وانا بفتح حسابي و بشوف التقارير بصيت لقيت في كلمه غريبه في لتقارير وهيه Payment issued
قلت اخدها كوبي وبسط في ترجمه جوجل ولقيت معناها تم صدور الدفع قلت اكيد دي غلطه وبعدين قولنا عملت ايه اقولكم بعد كده ضغطت عليها ولقيت انه تم اصدار الدفع لي بمبلغ 106 دولار ؟
ممكن حد يقولي اعمل ايه بعد كده مع العلم انه اقرب فرع لي في طنطا ممكن تقولولي اعمل ايه واروح فين

انا محتار
وفرحان
يارب تدي لكل مشتاق
106 دول يعملو كام مصري ؟
بسرعه عايزكم تفرحولي وتساعدوني
اخوكم محمد

مبروووووووووووووك اخي هم راح يعطوك على ما اظن رقم تروح للبنك وتصرف الشيك بتاعك

ههههههههههههههههه
الف مبروك وعقبالي
تقريبا من وسيله الدفع الي انت اخترتها
يعني لو ويسترن يونيون يبقي التحويل علي هناك
106 دولار يعملوا حوالي 600 جنيه مصري تقريبا

ادخل علي details
هتلاقي رقم جنب الكلمة دي
Money Transfer Control Number (MTCN)

انقل الرقم ده هو ده رقم الحوالة

المرسل google

البلد المرسل منه ireland

المبلغ المحول 106دولار



و هي دي البيانات اللي هتحتاجها باذن الله و الف مبروك

هل ممكن اروح النهارده دلوقتي الساعه 12 هما بيقفلو امتي

كلم 19190

و اسالهم الفرع بيقفل امتي بس هما ييشتغلوا لحد 10 بليل

مبروك أخي الكريم على الشيك و انصحك تزيد في اجتهادك و عملك وان شاء الله تربح اكثر واكثر
سلام

هههههههههههههههههههه

الف مبروووووووووووووووووك

وبالتوفيق ديما

يعملو يا معلم 550 مصرى تقريبا
مبرررررررررررررررررررررررررروووووووووووووووووووووو ووووككككككككككككككككككك

الف مبروك

وتصرفهم بالعافيه

الف مبروككككككككككككككككككككككككك

يا حرام الواد اتجنن
شكلك بقالك 3 سنين بتجمع فيهم

مبروك عقبال الشيك القادم

الاول مبروك


شوف انت مختار طرق الدفع اية


شيك

ولا دفع نقدى سريع

طالما سعادتك من طنطا
يبقي هأديلك معلومات طازه
عليك بفرع ويسترن يونيون الواقع بشارع النحاس خلف المحافظه في أول شارع النحاس علي إيدك الشمال وإنت رايح المحطه
تمام
هتدخل
قول للموظف أنا جاي لي حواله
هيقولك منين
هتقوله أيرلندا
هيقولك عمك جوجل
قوله نعم أيوه هو العم كوكل
هيقولك بطاقتك
هتقوله إتفضل
هيصورها وهيديها لك
هيقولك رقم الحوله ورقم تليفونك
وهتمضي وهيسلمك المبلغ
والوصل
هتاخدهم وتطلع علي شارع البحر علي "شركه مصر السعوديه للصرافه " بجانب المغربي للنظارات
هتقوله غير دول هيقولك إتفضل
بعد كده إركب تاكسي بلاش الأتوبيس وإتجه لعبدالفتاح مرزوق وإشتري بحوالي 200إلي 300جنيه جاتوهات وتورتات و106 شمعه وإطلع علي أقرب سوبر ماركت وهات 5 أو6 صناديق حاجه ساقعه ولو مفيش حاجه ساقعه عادي هات محل عصير قصب بالعصاره بالعاملين ب عربيه نصف نقل مليانه قصب ومفيشس مشكله إعصر في الشارع بتاعك

آخر وأهم خطوه إطلع علي البيت ومعاك الليله دي كلها وإعمل بارتي وإعزم الحبايب وإوعي

.
.
.
.
.
.
.
.
.
.
.
.
.
.
.
.
.
.
.
.
.
.
. تنساني فأنا قريب من طنطا وما هكسفك وهآجي لو إنت عزمتنيي

وبارك الله لك ووسع لك في رزقك
اللهم إغننا بحلالك عن حرامك وإكفنا بفضلك عن من سواك
قولوا آمين
والسلام خير ختــــــــــــــــــــــــــــــــــــــــــــــــ ـــــــــــــــــــــــــــــــــــام