دخيلك لا تهملّني مريــض استاهل الرحـــمهوقلبي من جفــا صدك تـــــرا مالعافيه مـــعـدوم
حبيبي رد كلمني ترا جسمي نـــشف دمـّـــه.وصدري من لهيب الشـــــوق قالـولي هومكتـوم
عطوني ادويه واجد وواحد ما نسيـت اسمه لقيته من جميع الوصــف غيره ماله اي لــــزوم
اشوف الشوق لا خذتــه كأنه بعثره ولمّّــــهوكن القــــــلـب وجروحه غدا من بعدها ملحــوم
حبيبي صدق ما اكذب وصوني على الضمّه وقالوا قد ما تقدر ولـــو مـمـكن تضّمه اليــــوم
ومن عطـــره وثيابـــــه تراها لازم الشمّـــه..هوا غيره الى شميت بتصبح من هواه مـسمـــوم
حفظت الوصف في قلبي كأنه درس وصمّه .الى من زارني الليله ابطلــــب حقي الـمــهضـوم
دواي اليوم بيدينه يا خوفي يكون ما همّــهويقسم قلبي بهماله وهو أصل(ن) قد مــقســــــوم
ويغيب النورعن عيني وتصبح دنيتي ظلمه...وأصوم اليوم عن حبه ونا إللي حالف(ن)ماصـــوم
تلاقت كلها فينـي جـــروح الناس ملتمّــه.. الا يارب طمنني وريح خاطــري الــــمهــمـــوم
ابي يعرف بأن الشوق واصل بي الى القمّه ..وإن القلب من حبه غدا من حبي له مزحـــوووم
ابي منه دوا واحد تروح من بعدها الغمه... لوإنه مُرراضي به ولا إني عايش (ن) محــــروم
الا يا ليت لو اقدر اشوف من صابني بسهمه هواه اللي تمكن بي ولاني عنه أنا معــــصـــوم
الا يا شوق حلفتك برب الكون والنعمه وباللي له ســــجدت الليل وله ادعـــي وله اقــوم
حبيب الروح هو مثلي تخالط حبي بدمّه .ومثلي من انــين البــــعد حاله كــــنه المـــكلـوم
أنا بالشوق ذا كنّي يتيم (ن) مالقـــــا أمّه فطمت القلب بغيـــابك وتوي مـــاني بمفطــــــوم
وكنّي مفارق احبابي لا خال (ن) ولا عمه .ولا داري عن اخـــواني ولا عنــــهم تجيني علوم
وحيد القلب يا قلبي تمد الشوق وتزمّـهعلى طاري الفراق تنام وعلى طــاريه صرت تقوم
خياله ما يفارقنـي اسير(ن )جابني يمّــه .مقيّـــد حافي(ن) باكي ونااللي كنت عزيــز القوم
الا يا شوق جاوبنــي حلفـتك بالذمّه ..سألتـــك ماني بفـــاهــم لو إنه شـــي بدا مفـــهوم
أنا مابيه يطمني بكلمه يقولــها بفمـّـــه ...أبي حاله يعبر عنــه بأنــــه من الــوله مــهـزوم
وإن الحب في قلبه جنين(ن)داخل(ن) رحمه.وإنه لا فقد حبــــي قبل إسمه كتب مرحـــوم
الا ياليت يرجعلي حبيب (ن) ما نسيت اسمه ..الا يا كيف له ناســي وحــــبه داخلي مخــتوم