السلام عليكم ورحمه الله وبركاته

حاصر الفساد مصر والمصريين وازكم انوفهم وشل عضلاتهم وكتم على انفاسهم وسد نفسهم وكرهوا عشيتهم ...

ولا تجد مصري واحد الا ويعيش حاله من الاغتراب في بلده ..فلا حلول لاى شئ والبلد من سئ الى اسوء وعندما تسأل عن اى شئ عما يدور حولك لن تجد الا اجابه واحده ...البلد بلدهم ...

البلد بلدهم ...ثقافه أمه نتجت عن القهر والفقر والجهل والتعصب والتدين الزائف ... فعندما تمت معاقبه القاتل بعقوبه لم يقتنع بها الشارع والرأى العام (قضيه سوزان تميم )

لم يجد الناس متنفسا او ردا منطقيا يقنعون به انفسهم سوى ((البلد بلدهم ...))

وعندما طرمخت الحكومه على حكم المحكمه الاداريه العليا ببطلان عقد مدينتى والتفت على قرار الرئيس -رئيس الدوله ورأس الحكم في مصر - وقررت ما قررت ...لم يجد الناس اجابه سوى ((البلد بلدهم ...))

الطماطم يرتفع سعرها فيحدث نقاش بين ربات البيوت واربابها ويحاولون ايجاد سبب مقنع لارتفاع اسعار الطماطم والبسله والكوسه والجزر والخيار ... وهل هى تداعيات ازمه عالميه ام هبوط وصعود الدولار امام الين ...؟
وفي النهايه لا يجدون سوى كلمه واحده ردا ع تسأولاتهم وهى

((البلد بلدهم ...))

الانتخابات تضرب ... تقلب ..تتزور ..تتحور ..تتقفل الصناديق ..يلغى الاشراف القضائي ...الحزب يظبط الرجاله ...المجلس ييجى بالتزوير ايشي قمراتيه وايشي تجار موبيلات متهربه وضرب نار والناس كفرانه ولا يجدون سوى ...((البلد بلدهم ...))

الوزير الفنان تتسرق في عهده الميمون زهره الخشخاش فلا يستقيل ولا يعتذر سياسيا ..وقبل ذلك يحترق خيره شباب المسرح المصري في محرقه بنى سويف ولا احد يعاقب في بنى سويف ويأتى ويقول انه لن يرحل الا بأمر من الرئيس ....ففعلا .......البلد بلدهم

البلد بلدهم ...ثقافه لابد ان تتغير حتى لو كان هذا التغيير مؤلما ...عاده اى جراحه وأى جرح بعد اى عمليه جراحيه لابد ان يؤلم ...والالم يعتصر قلب مصــــــــــــر الواهن الضعيف الذى يحتاج الى تغيير صمامات خاصه ..صمامات الامان الذى نفتقده هذه الايام حتى تعود ....البلد بلـــــــــــــــدنا

المختصر المفيد

البلد بلدنا مش بلدهم

هذا مقال اعجبنى

للدكتور شارل فؤاد المصري

في جريده المصري اليوم بتاريخ 2/10/2010

لى تعليق بسيط جدا على هذا المقال الرائع الذى تحدث فيه الدكتور شارل بلسان حال الشعب

وهوا اننا احنا لازم نغير مفهوم البلد بلدهم بتفاعلنا احنا في قضايا بلدنا

سلبيتنا عبر ما يزيد عن 40 عام هيا الى نمت هذه الثقافه العقيمه في مجتمعنا

بأدينا احنا اننا نغير المفهوم ده ونثبت بالفعل مش بالكلام ان فعلا البلد بلدنا ومصيرها في ايدينا احنا

لما ننزل وننتخب الى يستاهل انتخابه فعلا ....يبقي البلد بلدنا

لما نحتج على ارتفاع اسعار الخضروات لحد ما الحكومه تتصرف وينزل سعرها ...تبقي البلد بلدنا

لما نحتج على ارتفاع اسعار اللحوم الى وصلت في بعض المناطق ل 70 جنيه ولو وصلت لمقاطعتها لحد ما سعرها يرخص ...تبقي البلد بلدنا

لما نقف قدام الطاغيه الى مستعمر البلد بقاله 30 سنه هوا وولاده وحاشيته وكأنها عزبه ابوهم

هتبقي البلد فعلا بلـــــــــدنا

ربنا يرحمنا يانونوش

البلد عايزه معجزه علشان تتعدل

مفيش حل غير اننا نقول كلنا
ياااااااااااااارب

تسلم ايدك

الانتخابات تضرب ... تقلب ..تتزور ..تتحور ..تتقفل الصناديق ..يلغى الاشراف القضائي ...الحزب يظبط الرجاله ...المجلس ييجى بالتزوير ايشي قمراتيه وايشي تجار موبيلات متهربه وضرب نار والناس كفرانه ولا يجدون سوى ...((البلد بلدهم ...))


انا مش معاكم
انا الاكشن ماليش فيه
هتبقى فيه كوسه بالصلصله يا جدعان

اولا بشكرا يا قمر على الموضوع الاكثر من رائع

فى طرحه لكن فى حالنا جواه بتصعب علينا نفسنا وقلبتى علينا المواجع

وربنا قادر يخلصنا من الظلم والعذاب


تحياتى لكى

تقبلى مرورى

فعلا البلد بلدهم
مش بلدنا
يارب فعلا تحصل المعجزة الى تخلى البلد بلدنا

من الاخر كدا العيب مش فى البلد العيب فينا اولا فى الشعب وبعد كدا فى الناس اللى مسكه بلدهم
لان احنا سكتنى عن حقنا ومنعرفش نتكلم مش مبنعرفش بقى بنخاف نتكلم فى حقنا
والسكوت عن الحق شيطان اخرس
وحسنبا الله ونعم الوكيل
بجد موضوع جه على الجرح

[right]



وهوا اننا احنا لازم نغير مفهوم البلد بلدهم بتفاعلنا احنا في قضايا بلدنا

سلبيتنا عبر ما يزيد عن 40 عام هيا الى نمت هذه الثقافه العقيمه في مجتمعنا

بأدينا احنا اننا نغير المفهوم ده ونثبت بالفعل مش بالكلام ان فعلا البلد بلدنا ومصيرها في ايدينا احنا

لما ننزل وننتخب الى يستاهل انتخابه فعلا ....يبقي البلد بلدنا

لما نحتج على ارتفاع اسعار الخضروات لحد ما الحكومه تتصرف وينزل سعرها ...تبقي البلد بلدنا

لما نحتج على ارتفاع اسعار اللحوم الى وصلت في بعض المناطق ل 70 جنيه ولو وصلت لمقاطعتها لحد ما سعرها يرخص ...تبقي البلد بلدنا

لما نقف قدام الطاغيه الى مستعمر البلد بقاله 30 سنه هوا وولاده وحاشيته وكأنها عزبه ابوهم

هتبقي البلد فعلا بلـــــــــدنا


[/center]

[/left]

[/

مافيش غير كلمة واحدة اقدر اقولها ان ....

(

الـــــبــــلـــــــد بــــــلــــــدهـــــــــم

).

البلد بلدهم .. موضوع جامد جدا
بصراحه دى بلد الكوسه فى كل حاجة
انتخابات ووسايط وارتفاع اسعار ومرتبات فى النازل وحاجات تانية كتير
مش محتاج الكلام عليها بس هنقول ايه غير "حسبى الله ونعم الوكيل"

فى البدايه احب اشكرك على موضوع الرائع والذى هو فى الاصل واقع وبنعيشه ... ولكن !!!.

*فعندما تمت معاقبه القاتل بعقوبه لم يقتنع بها الشارع والرأى العام (قضيه سوزان تميم )
اذا كان الشارع المصرى غير راضى عن عقوبة هشام والسكرى !!!..
فأين حق محمد مسلم مش عايز ادخل فى تفاصيل لاننا كلنا على علم بما حصل له !!!. المفروض كان هشام طلعت والسرى برااااااااااااااااءه ..

* الطماطم يرتفع سعرها فيحدث نقاش بين ربات البيوت واربابها ويحاولون ايجاد سبب مقنع لارتفاع اسعار الطماطم والبسله والكوسه والجزر والخيار
الغلاء ليس فى مصر فقط وانما فى العالم اجمع
من شهر كان فى دول الخليج سعر كيلو الطماطم ما يعادل3او4 جنيه مصرى تقريبا انما الان بـ 40 جنيه
معنى ذلك ان ( انها مجنونه فى كل مكان وليس فى مصر فقط )
اما عن الفساد والبطاله والفقر أعتقد انها مثل الدائره المغلقه ومش هتتحل لا بمعجزه ولا معجزات لان اكتر من 80 مليون مصرى مشتركين فى ذلك والعيب مش فى الحكومه نفسها صحيح هى تتحمل الجزء الاكبر ولكن فى النهايه كنا مسؤلين
أما عن الانتخابات فأعتقد ان لو حصل تزوير لصالح جمال افضل من ان تكون انتخابات شريفه ونزيها لصالح البرادعى لان اللى احنا فيه دلوقتى احسن بكتر من ان تكون مصر كلها قواعد عسكريه لامريكا وحلفائها وطبعا كل ذلك هيكون فى عهد البرادعى باشا. لو ..لو ..لو
بقى رئيس لمصر
ودلوقتى البلد بلدنا هههههههههههههه بكره هتبقى بلد غيرنا

تقبلى مرورى الرخم اللى يسد النفس ههههههههههههههه

موضوع حلو جدا محتاجين واقفة حتى نقول لالالالالالالالالالالالالالا
لغلاء الاسعار
لو نقول لالالالالالالالالالالالالا
هنجح فى انخفاض الغلاء لمعدل استهلاك الفرد الواحدعلى الاقل

تقبلى مرورى منونة

ميرسي يا نونش على الموضوع بس انا ليا رأي

الشعب بردو الي موطي راسه انا من الشعب

لو الشعب كله قرر انه هيعمل حاجة احنا هنعمل بس الموضوع مش محتاج معجزة

موضوع محتاج نرجع لربنا تاني و نتقرب ليه

و كلنا هنعرف الصح من الغلط و انا في رأيي مافيش حاجة اشمها البلد بلدهم

متشكر على توبيك تسلم ايدك

توبيك جميل فعلا
واراء الاعضاء كلها حماس وحاجة حلوة خالص
بس مع احترامى للجميع
بعد الكلام ده هتعملوا ايه؟؟
فين الفعل؟؟
والا هنقضيها كلام وشعارات بس
ليه اللى بيقول المفروض نعمل مش يبدا بنفسه ويعمل حاجة
هنقول يعنى احنا اللى هنغير الدنيا
اه احنا اللى هنغيرها لو عايزين هنقدر
لو كل واحد بدأ بنفسه يعمل حاجة هنقدر نغير الدنيا ونقدمها
على فكرة الشعب المصرى شعب حلو اوى بس ناقصه الاراده والعزيمة والقوة فى نطق كلمة لا فى الاعتراض على اى حاجة مش تعجبه مش المفروض برده ان فى ديمقراطية
والا دى بس بنسمع عنها فى الافلام الخياليه
اسفة على تطولى
وتسلم ايدك يانونوش

والله يا نونوش الموضوع جاى ع الجرح بجد فعلا البلد بلدهم بس مفيش حد من الناس عنده طاقة إنه يغير الكلام ويقول البلد بلدنا وحقنا وناخده الكل كانن خايف مستضعف نفسه مش قادر يقول مفيش حد جنب التانى مفيش مساندة ومفيش تعاون وكل واحد بيقول وأنا مالى وهو أنا اللى هغير الكون دا لو فتحت بقى قولوا عليا يا رحمن يا رحيم وكل دا نتيجة القهر والخوف اللى إتزرع وبيتزرع فى قلوبنا لحد دلوقتى لحد ما بقينا جماد ما فيهوش حياة مالهوش إرادة ولا رأى بينفذ التعليمات بحذافيرها من غير ما يحود يمين ولا شمال بقينا فى حالة تبكى وتحزن بس مين يقول ومين يسمع موضوع هايل تسلم إيدك شكرا

طيب اوك انا معاكو و اتكلمنا و انا بدأت عملت مظاهرة امبارح في الجامعه انا و اصحابي

انا بدأت يلا اعملو انتو كمان حاجة

مانجه انا مش بتكلم و بس

مادام اشتكرت يبقا لازم اعمل حاجة

يلا اتجدعنو انتو كمان

عزيزتي انهم وقبل هذا الجنون الذي هم فيه الآن عمدوا منذ بداية الفترة التي تفضلتي بذكرها الى زرع الخوف في نفوسنا وعندما تأكوا انه تملك منا صارت البلد بلدهم . اليوم ان كان اي واحد منا طفح به الكيل وتجرأ وقرر ان يتكلم عن انواع واشكال هذا الفساد والمفسدين يجد ان من يسمعة يتلفت حواليه اذا حد من الجماعة اياهم سمعة ولا لأ وكأنة بيسرق لانه صحيح نحن لم نمت ولكن شفنا اللى ماتو وبذلك فان واحد فقط لايستطيع ان يغير لانه لن يستطيع ان يجذب الية حشد يؤيدة وفي نظر هؤلاء المفسدين ال100 وال1000 شخص ليسوا بحشد ويمكن التخلص منهم بعيدا عن الاعلام
وبجرة قلم ولذلك سلكنا سبيل اضعف الايمان لتغيير المنكر الا وهو القلب والدعاء للواحد القهار عسى ان تدركنا ساعة استجابة .
تقبلي مروري ولك كل التقدير يا نونوش

عجبني الموضوع جدا
بس مختلف معاكي في نقطة ومع الدكتور شارل فؤاد في نقطة

النقطة الاولي هي الحكم في قضية هشام طلعت مصطفي ( نعم الحكم غريب من الناحية القانونية ) ورغم اقتناعي بأن ( من قتل يقتل ولو بعد حين ) ولكني ايضا مقتنع ان هشام طلعت مصطفي بريئ من قتل سوزان تميم ,, بنفس طريقة براءة الذئب من دم ابن يعقوب

الموضوع ببساطة ان الحكومة لما بتشوف واحد بيتمرد عليها ويفكر نفسه كبير بقي تقوم الحكومة تحب تقرص ودنه شويتين ,, والدليل انهم لما عازوا يطلعوه طبخوا الحوار دة ,, ما هما كانوا مختلفين علي السبوبة اللي هتطلع من مدينتي ,,, ولما اتصالحوا واتراضوا وطلعوا انهم حبايب وهيقسموا السبوبة,,, الحكم اتخفف علي هشام طلعت ولسة هيتخفف كمان وكمان وكمان ,, وانا بكرر ان هشام ولا له دعوة بالقضية,, وان الزج بأسمه في القضية جه لسببين ,, الاول هو تأديبه ,, والتاني ان الامارات هددت بحسب استثمارتها من مصر لو متمتش محاكمة هشام طلعت محاكمة عادلة ( وعلي فكرة هشام طلعت مش مشربني شاي بالياسمين عشان اقول الكلمتين دول )


الجزئية التانية اللي هي موجودة في تعليقك علي المقالة وهي جزئية ( ننزل ننتخب اللي يستحق ) للأسف يا ندي كلمتك دي بتفترض ان الانتخابات نزيهة ,, وللأسف دة ابعد ما يكون عن الحقيقة,, يعني هضربلك مثال ,, لو انا مثلا نزلت دائرتي الانتخابية عشان انتخب ,, وانتي نزلتي دائرتك الانتخابية تنتخبي ,, انا هلاقي هناك بلطجية يضربوني وانتي هتلاقي عند مقر الانتخابات مسجلات اداب يفتعلوا خناقة معاكي ويبهدلوكي,, والكلام دة حصل مليون مرة قبل كدة وفي مليون واقعة لدة,, فبالتأكيد مش هينفع نروح الانتخابات,, انا مبقولش نبقي سلبيين بس الجزئية دي مينفعش فيه الايجابية...

وانا هقولك معلومة للأسف صحيحة,, في ناس كتير بتأيد مبارك وابنه ,, يعني مثلا كان في موضوع عامله مشرف عام هنا بيقول ادخل لتأييد جمال مبارك او حسني مبارك تقريبا مش فاكر,,

لقيت كل الناس داخلة تقول احنا بنأيد حسني مبارك وكأن الناس مش شايفة اللي بيحصل في البلد ,, اذن في طبقة من المتعلمين في مصر بتأيد مبارك ودة حقهم ,, انما حقهم علينا برضو نفهمهم الحقيقة فين بالهدوء والمنطق

للأسف البلد دي مالهاش غير حل واحد عشان ينصلح حالها بس طبعا مش هقوله لاني لو قولته مش هتشوفوني تاني في المنتدي ولا في اي حتة

واشكرك يا ندي علي الموضوع الجميل

موضوع أعجبني في جرؤته

شكرا لك على الموضوع.