حياتي فيه كانت جحيم
صوره من كاس المر بشرب
وصوره من الظلم بحاول اهرب
صوره وانا وسط صحباتي واخواتي
بضحك وعيوني بتصرخ بآهاتي
صوره وانا بين اهلي وناسي
ومحدش حاسس لا بيا ولا باحساسي
صوره بين القرايب والجيران
والقلب في وسطهم بردو حيران
البوم صور لقلب
قلب ما يعرفش يكون من حديد
قلب اتولد وعاش ومات وحيد
قلب مستني حلم وكان منه اكيد
احساس قوي كان كل يوم جواه بيزيد
فبالرغم من كل صدماته
ومن كل اللي شافه بحياته
واللحظات والساعات اللي كان بيتمنى فيها مماته
كان يتمنى انه يتولد من جديد
لما يجيه الملاك وياخده لبعيد
بعيد عن الكدب والخداع
بعيد عن الجراح والاوجاع
يبعد بعيد وياه
ويعيش بس لهواه
يبعد عن القسى وينساه
فضل الالبوم مضلم
ليل نهار معتم
يوم بعد يوم بيفوت
وانا بين الحياه والموت
حتى الالبوم بقى بيتكلم
مهو شاف كتير واتألم
بقى ينادي حد يمسح عنه الغبار
حد يرد ليه الروح ويطلعله النهار
هو ده البوم صوري انا
البوم صوري قبلك
وياك بس شاف الهنا
وتزيّن الالبوم بقربك
بقى يتمنى الحياه منى
بشرط انو يكون جنبك
اوعى تبعد وتسبني لوحدي هنا
ده انا مليش حياه بعدك
وياك يا حبيبي البومي نوّر
بأحلى رسمات اترسم وبأجمل الصور اتصور
صور عن الامل والتفائل بتعبّر
وازاي انو بايدينا من الحياه نغيّر
وياك اترسمت فيه احلى البسمات
وغردت فيه احلى الضحكات
اتملى بقصص الحب والحكايات
البومي قبلك البوم اهاتي
البومي بقربك البوم حياتي
ولو حيبقى في بعدك حيبقى البوم مماتي
وياك البومي بقى جنة نعيم
انت انفاسي اللي بتنفسها وربنا هو العليم
حس بــ حبك من دقات قلبي
ده انت يا حبيبي نور دربي
وكل اللي عايزاه تبقى جمبي
انـــــــــــت
البوم حياتي
يــــعــــنــــي
صور جنّاتي