النهاردة كل واحد ماشي في الشارع يقولك أنا هعمل موقع مشاركة أرباح أدسنس
دا حتي بلوجر المجانية بقي فيها مشاركة أرباح أدسنس
يعني لو عندك مدونة بلوجر فيها موضوع واحد وجالك كوبون أدوردز ممكن تعمل عنها اعلانات وتقول للناس تعالوا اكتبو عندي في المدونة وخدوا ارباح 100%
حقائق :
أصحاب المواقع الأجنبية الكبيرة كانوا و لا يزال بعضهم يشتري مقالات علشان تتنشر عندهم في الموقع.... يعني يروح موقع زي فري لانسر ويقول أنا عايز ناس تكتبلي مواضيع وهدفعلهم كذا
ييجي أخوانا الهنود ( طبعا سعر العمله عندهم منخفض جدا مقابل الدولار بالإضافه ان الإنجليزي عندهم اللغة الرسمية للبلد ) يجوا يفتحوا الجرايد بتاعتهم وينقلوا منها المواضيع ويعدلوا عليها شوية تعديلات ويكسبوا ( اعتقد ال20 موضوع ب 5 دولار ) وطبعا الموقع ياخد المقالات الحصرية ينشرها ويحط جنبها اعلانات أدسنس و كومشن جانكشن و كليك بانك
وكل يوم علي كدة 100 أو 500 مقال في اليوم وهكذا
لحد ما طلعت الموضة الجديدة مشاركة الارباح يعني كل واحد ييجي بمواضيعه وربنا يرزق الجميع ... بس في النهاية الزوار جايين للموقع و الشهرة الأكبر للموقع ... و الأعضاء دول مش مشكله يروح واحد ييجي 10 مع ألف سلامة
في الأول كان الموضوع مقتصر علي المواقع الكبيرة زي هب باجز وديجيتال بوينت وطبعا المنتدي هنا كان من اوائل المنتديات العربية اللي عملت مشاركة الأرباح
طيب... المواقع دي كبيرة بيجيلها زوار من جوجل يعني لو كتبت موضوع وعنوان صح ممكن تمسك نتيجة في جوجل وتكسب منها من غير ما تتعب وتعمل موقع وسيو وتعقيد
انما موقع زي فليكسيا و لا زي يو ساي تو يقولك اكتب موضوع وروح هات وزار ....... يبقي اية الفايدة ؟؟؟
و لا موقع زي اي تو لينكس لسة بيبدأحياته يقولك اكتب ويوعدك وعود ان المنتدي هيكبر وهيبقي كويس وربنا يسهل.
دا طبعا غير ان الزائر الأجنبي لما يدخل موقع و يلاقي مكتوب علية بالبنط العريض مشاركة أرباح أدسنس ... ببيحس ان المواضيع دي مش مكتوبه علشان تفيده انما مكتوبة علشان صاحبها عايز يكسب
ودا سبب كافي ان الزوار يقلوا وطبعا اللي هيذيدوا هما الأعضاء اللي عايزين يكسبوا
تكون النتيجة يبقي موقع شبه فليكسيا الزوار هم فقط اعضاء الموقع وكل واحد يقولك هت فور يو
الخلاصة في رأيي المتواضع لو عايز مشاركة أرباح أجنبي يبقي hub pages
لو عايز عربي يبقي نجوم اف ام
و الأفضل تشتغل علي مدونة أجنبي متخصصه وتتعب فيها
ويا ريت تشوفلك كام واحد وتقولهم تعالو اكتبو عندي وخدوا ارباح أدسنس 100 % ولما المدونة تتشهر ابقي قلهم مع السلامه من هنا واعملهم مدونة جديدة وقولهم تعالوا اكتبوا في المدونة الجديد
كل سنة وانتم طيبين بمناسبة 6 أكتوبر