السلام عليكم




بصراحه مش عارف\ه ابدا ازاي
بس الحكايه بقت متلخبطه و مزعجه ع الاخر
و محدش فاهم حاجه

ابتدت الحكايه بمنع عضويات و ازاله الاشراف عن بعض المشرفين غير متوقع مشرفين محترمين جدا و كلنا عارفينهم
تقريبا بدات الحكايه من 5 او 6 شهور
اهم مشرفين و اكثرهم احتراما اتاخد منهم الاشراف و اتهانوا
علشان كده سابوا الموقع

في مشرفين جداد دلوقتي بنشوفهم
ظهروا مره واحده
وغير جايزين للاشراف
الكلام ده مش من عندي
اهو
http://100fm6.com/vb/showthread.php?t=30754

طبقوا الشروط دي علي بعض المشرفين
غير جائزين
و غيرهم مش بيعملوا حاجه و لا لهم اي لازمه
و المشرفين بقم اكتر من الاعضاء
و
كمان المشرفين و الاعضاء اللي اتلغتاشرافهم او عضوياتهم مشيوا
و المنتدي بقي مش كويس زي الاول
حاله بقي وحش جدا
عايز\ه رد لكلامي ده
بس بالعقل
الدليل علي انه بقي وحش
ان لو ركزنا الاعضاء اللي كانوا نشطين و معليين المنتدي
مشيوا خلال ال3 شهور اللي فاتوا محدش بقي يدخل
و الاعضاء الجدد دلوقتي للاسف معظمهم مش محترمين
اسف\ه علي كلامي و علي حال المنتدي دلوقتي
و اسف\ه كمان باني مش بكتب باسمي الحقيقي
لان ده ممكن يوقفني
انا همشي
بس مش بالطريقه دي
و لما الاقي حل لكلامي لو سمحتم
شكرا

لو سمحتم ادخلوا جروب المشرفين
هتشوفوا مشرفين كتير اتوقف اشرافهم
غير اكتر منهم بكتير اتوقف اشرافهم بس اسمهم مش موجودين معاهم

اي مشرف بيخالف بيتوقف اشرافه
وادي امثلة بالاسم وانا اقولك عمل ايه

و اسف\ه كمان باني مش بكتب باسمي الحقيقي
لان ده ممكن يوقفني
انا همشي

هتفرق معاك عضويتك تتوقف ولا متتوقفش لما انت كدا كدا ماشى ؟

علشان الموضوع يكمل يا احمد
و انا قلت
ممكن ادخل باسمي الحقيقي و الله لو طلبتم
لان الجو مبقاش قوي زي الاول

الاسامي
اكيد اسامي المشرفين الجدد مش هقولها علشان محدش يتحرج
المفروض انتو عارفينها
مكتوب المشاركات تكون اكتر من 70
وفي اللي مكملش نصهم
و مشرفين ملهمش لازمه
مش عارفه ذكريللقدام هيزعجهم ولا لا
لان يعتبر الموضوع ده انكتب مره بس عن ناس معينه من العضو احمد شطا
و انا بكمل عليه
انا عارفه ان في مشرفين هم اللي اتنازلوا عن اشرافهم لاسبابهم سواء شغل او دراسه
بس اللي مش فاهمه المشرفين دول ازاي اتوقفوا

سكوربيون

راغب
راغب
احمد عوض
و ناس كتير هنا
للاسف مش فاكره دلوقتي
دول مشرفين محترمين
و عارفينهم كلنا
ليه السبب
واسف اني ذكرت الاسماء دول
بس اعضاء كتير سابوا المنتدي علشانهم
شكرا

كل الاعضاءاللى بقوا مشرفين يستحقوا الاشراف عن جداره وبدون تحيز

سورى يعنى حضرتك انتى لما سجلتى فى المنتدى سجلتى عشان مشرف والا عشان انتى حابه المنتدى وعايزه تقدميه

محدش بيسيب المنتدى عشان مشرف مشى حتى لو كان مين

محدش بيدخل منتدى عشان المشرفين اللى فيه اه ممكن نكون صداقه وصعب علينا وداعهم بس مش عشان هما مشى يبقى لازم احنا نمشى

يا جميله هم مشيوا علشان المنتدي اتغير مبقاش زي الاول
كان في قمة نشاطه قبل كده
و انا بتكلم عن اعضاء و مشرفين
مشيوا علشان اتغير
و الله انا مش عاور اعمل شوشره ولا اي حاجه
بس صعبان عليا الحال
و اسف لو فهمتوا غلط
المشرفين في من اللي جداد كتير ما شاء الله عليهم شغلهم كويس جدا
منهم سفير الاحترام
بجد و الله حد كويس جدا
و نفتخر انه بقي معانا هنا

سفير الاحترام اثبت جدارته و احترامه اللي اجبر الناس انهم يحترموه حتي اللي ميعرفهوش
و غيركم كتير ناس كويسه
بس حاسس ان الاشراف بقي كتير
ناس غريبه كدا لما بشوفهم مشرفين
ازايهم جهم امتي و مش بيدخلوا اصلا
انا دخلت المنتدي و الله بالصدفه
ابحات و فادتني
اتعودت عليه اعتبرته انا و اعضاء كتير هنا اكنه بيت عيله
كلنا اتجمعنا فيه
و بعد كده اتعرفنا علي بعض
مكنتش عارف حد هنا
يعني مجيتش علشان حد
بس كتير مشيوا علشان مشرفين
من حقكم تقولوا اللي انتوا عايزينه
و من حقكم تحذفوا الموضوع
شكرا
بس الكل مشي علشان المنتدي اتغير

عندك حق .... .
بس لو عندك حل قوله ..

الموضوع اتفتح كتيير واكلمو فيه اعضاء كتير من بينهم احمد شطا
واظن عيدو باشا رد وذكر الاسباب
انا معاكى ان كل الاعضاء الى ذكرتيها اعضاء محترمة جدا وليهم كل التقدير والاحترام سواء كانو مشرفين او مش مشرفين
هيفضل ليهم وزنهم واحترامهم والالقاب مش هتزيدهم احترام لان الشخص هو الى بيدى الاحترام للقبو
في ناس يمكن احنا مش شايفين انهم بيشتغلو لكن عبدو باشا هو ادرى من الكل بالمشرفين دول لان لوحة التحكم فيها اي حد بيكون ومدة تواجدو والشغل الى عملو سواء الاعضاء اخدت بالها من شغلو او لالا

ومن غير ما اذكر اسم حد في مشرفين مش بيدخلو المنتدى الا وهتلاقيهم على لوحة التحكم ورقابة على المواضيع نص وقتهم ودة لو حصل الا وليه غيرة على المنتدى وبيحبه
ومش انكر ان في مشرفين همها الوحيد انها تثبت مواضيعها وبس او تنزل مواضيعها من غير ماتحتاج لموافقة مشرف يعنى زي ما في الوحش هتلاقي بردو المحترم و بلاش نعمم في حاجة زي كدة

السلام عليكم

والله انا بتفق معاكى ان في مشرفين حاليا مش بيهمهم غير ادسنس

بس للامانه هما واحد او اتنين والباقي شايف شغله على قدر المستطاع

بالنسبه للناس الى مشيت فهما مشيوا بمزاجهم مش عشان مشرف ولا عضو مشي

المشرفين الى اتوقفوا وانتى ذكرتيهم وقبلهم ناس تانى يمكن انتى متعرفيهمش الى هما اسسو المنتدى ده اصلا

كانوا ناس يستاهلوا الاشراف 100 مره عن بعض الاخوه الى موجودين دلوقتى مع احترامى وتقديري ليهم كلهم

لانهم مكنش بيهمهم غير مصلحه المنتدى وبس ... بس جه وقت هما بطلوا يدخلوا او اهملوا في الاشراف فعبدو لغي الاشراف عنهم

اما بقا عنك وعن اليوزر بتاعك وانك مش هتدخلى وهتتوقفي والكلام ده ..فمش هيحصل ابدا

المفروض ان ده منتداكى ومنتدانا ولازم نناقش الى فيه من سلبيات ..وبجد لو بطلتى تدخلى هنفقد حد من اكثر الاعضاء احتراما

ومن اكتر الناس الى انا بعزها في المنتدى ... بلاش تفكرى في موضوع انك تسيبي المنتدى

بصراحه كلامكم ميتقالشي بعده كلام
يمكن تكونوا ريحتوا
و قلتوا الحق
بس في لخبطه جامده و محدش عارف الحل ايه
و متشكر جدا علي ردكم

راندا و حنان و ندي
مرسي ليكم كلكم
و شكرا لكلامك يا ندي و ربنا حلو مع انك مش عارفه انا ابقي مين معاكم
بس بجد انا اللي هخسركم
مش انتوا
شكرا
و ممكن تقفلوا الموضوع و تحذفوه
بس يا ريت تحاولوا تظبطوا حاجات كتير في الاشراف ده
شكرا

مع انك مش عارفه انا ابقي مين معاكم

لو معرفتكيش مكنتش قولتلك الكلمتين دول

شغل اشراف بقا هههههههههههههه

انتي بتقولي ايه

انتى مستغربة ليه يا قمر نونوش والمشرفين العوام اكيد كلهم عرفو انتى مين
ههههههههههههههههههههههههههه
محدش بيعرف يستخبى هنا اصلا هههههههههههههههه
بس بلاش كلمة تمشي دى

انا اعتقد ان كل عضو المفروض يكون مشرف على نفسة لان اى واحد خد لقب مشرف دة مش لجدارتة ولا حاجة دة من تعملاتة وتصرفاتة +مشاركاتة

فلما الواحد يعمل موضوع كويس يجيجب ناس وزروار ويكون ماشى بالقوانين بتعت المنتدى افضل ما يعمل موضوع وعرف انة ممكن يترفض من مشرف

هو الاشراف مش حكاية يعنى
كمان
انت ولا انتى فى تائثر اوى للاشراف اللى مشى اللى يمشى براحتتة او بظروف عندة المهم المنتدى يكون شغال وبيجيب زوار لو مفيش زوار يبقى ولا اشراف لية لازمة ولا الاعضاء المسجلين ليهم لزمة
الاهم زوار من الخارج والكل بينافس على كدة

ماشي يا حنون انا بستغبي بردو
بس عادي انا ذكرت في الاول ان لو حد منكم عايز يعرف انا مين حلفت اني اقول
العائق الوحيد
ان مكنتش عايزه حد بس يزعل مني
و اريح نفسي و ضميري بالنسبه لاخواتنا اللي مشيو و اللي كلكم نسيتوهم
ولا اثروا مع حد
و الحاجات الغريبه اللي بيحصل هنا ده

سورى يا قمر والله ماقصدت اقول بستغبى انا قصدت يستخبى والله
انا اسفة مش قصدت يا قمر

طيب انا هكون واقعي معاكي
دلوقت انا مشرف من فترة بسيطة
عمرك شوفتي حاجة مني مش كويسة؟
صدقيني الاشراف عمره كان بيزود حد او ينقص حد

دانا في اعضاء كتير هنا بتشتمني ومبعرفش ارد عليهم بسبب ان انا مشرف

يمكن الاشراف بيزود صاحبه في المنتديات العنصرية اللي بيبقي فيها تقسيم وتلاقي الواحد يقولك المشرف دة ولي الامر ولازم تطيعه ههههههههههههه

انما احنا هنا في نجوم مصرية اسرة وحدة ومفيش فرق بين عضو ومشرف

وطبيعي جدا ان كل المشرفين العامين يعرفوا انتي مين عشان الاي بي متكرر ودة شيئ بسيط جدا

وكل سنة وانتي طيبة

ع فكره و الله ما قصدتك و انت منهم ابدا
صحيح بردو معرفكش و جديد
بس يعني انت معملتش حاجه تخليني اقول عليك كده
و يا ريت الكل يفكر زيك كده
و الله كان المنتدي هيبقي احسن المنتديات
شكرا
افرح افرح
هههههههه

هههههههههه
لما انتى متقصديش كل المشرفين دول تقصدى مين
سورى يعنىماهو اللى مش عارف بيتكلم وخلاص
عايز اقول لصاحبة الموضوع ان المشرفين اللى سابوا المنتدى هنا سابوه علشام مصلحتهم لانهم عملوا منتديات خاصه بيهم وليهم الحق فى كدا طبعا فمكنش اى حد فيهم هيقدر يتابع المنتدى بتاعه ويراقب هنا


وانا عن نفسى قديم فى المنتدى وليا اكونت قديم بس مش بستعمله وعامل الاكونت ده من مده قصيره علشان كده المشاركات قليله

وبعدين هما فين المشرفين الىل مش محترمين وعملولك ايه علشان تقولى مش محترمين

اعتقد ان الكلام خلص
و مش محتاجه طريقه كلامك دي ولا اسلوبك ده خالص
و بعدين قليل اوي اللي خرجوا بسبب مواقعهم الخاصه
اللي اعرفهم خرجوا لانهم مش لاقيين مكانهم تاهوا في وسط حاجات كتي ر اوي اتغيرت
و مش قصدي ع المشرفين بس
بس و الله في اعضاء شبه جدد هنا مش محترمين بالمره
فخلاص
ملهاش لزوم شدة كلامك دي

اوك
انا اسف ليكى

انا اللي اسفه
مينفعش تتاسف
مقلتش حاجه
كلنا هنا اخوات
و عادي
و اكيد ده اخر رد للموضوع بالاسم ده
سلامو عليكو

بس هرجعلكوا في الاجازه
اتمني يكون المنتدي فيه كل حاجه حلوه
و من احسن المنتديات