كيفكم ان شاء الله بخير ..وان شاء الله يفيدكم موضوعي ويعجبكم
موضوعي راح يكون عباره عن (برنامج عنايتي بالبشره و صراعي مع حب الشباب ) ..من جد حب الشاب كان بالنسبه ليه دراما ...يوم الامور حلوه, الوجه هادي والنفسيه تمام ويوم تكرهين الخرجه من البيت بسبب وجهك ..
نبذه مختصره عن حالتي:
بداء معايه من يوم عمري 14 سنه (يا قلبو عليه ) بس كان شي خفيف جدا ..حبه ولا حبتين تطلع وقت ال stress (الاجهاد ,الاختبارات..الخ) وكانت تظهر بس بالوجه .. واستمر معايه لحد اوائل العشرينات يعني قبل 9 اشهر تقريبا كان عندي cystic acne اللي هوه مرحله متقدمه من حب الشباب (راح اذكر السبب في تدهور بشرتي لما اوصل عند رأيي عن علاج الروئكتان)
الان وبعد معاناة وتجربه لكل علاج او برنامج لحب الشباب بالسوق ومواعيد عند اطباء الجلديه ..الحمد لله استقريت علي برنامج للبشره مره مناسبني اهم شي فيه انه لطيف ع البشره وبنفس الوقت فعال يعني ليه 5 اشهر استعمله ولا حبه ظهرت الي الان (ما شاء الله <<خايفه تحسد نفسها) ..طبعا بالاول لاحظت انو الحبوب بدأت تقل الي ان صارت ما تظهر مره وحده ..حتي وقت ال الاجهاد...
البرنامج من شركه سويسريه اسمها hormeta ما له محلات لكن فيه مندوبه تبيع المنتج بالنسبه ليه عرفتها عن طريق زميلتي رشحتني لهم وهما اتصلوا عليه وجات خبيره التجميل واعطتني المنتجات اللي تعالج حب الشباب ..
بالاول ابغا اقول اني ماني قاعده اسويلهم دعايه اللي تحب تعرف عن الشركه اكثر تسوي قوقل عنهم وتشوف الاراء وثاني شي ابغا اقوله ان منتجاتهم ناسبتني بس مو معني كذا انها راح تناسب الجميع ..ومثال عليه زميلتي تستعمل منتجاتهم ..صح بشرتها تحسنت بس لسي تطلع حبوب ..وانا قلت كذا لان اسعارهم جدا غاليه يعني مو تطلبونها وبعدين تدعون عليه (المجموعه لحب الشباب بس ب1300) ..
اول شي ابغا اتكلم عنه هوه روتيني اليومي الحالي وبعد ه راح يكون أرأيي عن المنتجات اللي جربتها عن حب الشباب ..
