مساء الخير
الرجاله دلوقتي في المجتمع العربي عاييزين يبرهنه لي نفسهم ولي زوجاتهم ان هو راجل او سيد البيت وان هي مجرد وحده بتشتغل في البيت وخلاص وتطيع اوامره وتنفذ طلباته
طيب يا محمد انا هرد على اسئلتك بس فيه سؤال مهم انت مطرحتوش مع تقديري ليك طبعا
هوا
ايه هيا الاسباب اللي تخلي الرجل يضرب ؟؟
انا حجاوبك والاجابات اللي حؤلهالك دي انا شفتها بتطبق بعيني لي نساء اعرفهم
الاسباب هيا
1- بعض الرجاله بيشوفوه ان المرأه دي ملجأ لفش خلقه والمشاكل اللي بيشوفها من الشغل وضعفهم في الشغل وبره البيت فعايزين يبرهنه لنفسهم انهم اقوياء جوا البيت وكمان بيفش خلقه فيها بالضرب
2- ويمكن كمان يكون عنده عقده من وهو صغير بسبب تربيه غلط من والده او بيكون شاف والده بيضرب والدته
3- ويمكن كمان ميكنش عنده نضج عاطفي عشان كده بيبقى جاف الطبع شويه
4- طبعا ممكن يكون عنده جهل ديني ودا انا شفته كتير قوي
5- وممكن يكون فاهم معنى الرجوله غلط اصلا فاهمها على انها سلطه
وفيه اسباب كتير يا محمد بصراحه
اوك دلوقتي انا حجاوبك على اسئلتك
-هل يحق للرجل ضرب المراه مهما كانت الاسباب وهل تؤيد ذلك ؟
الاسلام اباح للرجل ضرب زوجته في بعض الحالات الخاصه
وكمان الاسلام حدد الضرب يكون بي ايه وايه شروطه
يعني ميكنش بالات حاده او بعصايه
ولازم يتجنب ضربها على الوجه والاعضاء الحساسه
والرسول قال في حديث معين هوا انا مش فكره نص الحديث لو صبرت شويه ممكن اجبهولك من النت يا قمر
بس فيما معناه ان الضرب يكون اخر محاوله مع المراه
بس للأسف الشروط محدش بيطبقها والزوجه بتتعرض للأهانه والضرب والذل وبيفضلو ساكتين عشان يحفظه على اولادهم وحياتهم الزوجيه وعشان في المجتمع الشرقي بينظره نظهر مش كويسه للمطلقه لو كان الحل الطلاق
لكن انا في رأي اكرم واحسن للمرأه الطلاق عن الاهانه اللي بتشوفها من الرجل الجاهل
- هل من حق الاهل التدخل لدفاع عن بنتهم او انهم يسكتون ومايتدخلون لأن هاذا زوجها ؟
انا بصراحه مبحبش الاهل يدخله في اي حاجه بين الزوجيين لكن لو كانت الزوجه ضعيفه الشخصيه قوي
لازم تلجا لي اهلها وخصوصا والدها
- وما هو واجب المجتمع امام هذه المشكله ؟
المجتمع والدوله ليهم دور مهم في الموضوع دا
لازم يكون فيه ندوات ثقافيه المرأه تكون دور فعال فيها
ولازم يكون فيه بث برامج على الاذاعه والتلفيزيون عن المواضيع دي
والافضل ان يتم تدريس الحجات دي في المدارس وتوعيتهم وتثقيف الرجل عن المرأه لازم يعرف ان هيا الاخت والام والابنه
انا طولت عليك يا قمر
بس موضوع جميل
تحياتي وتقديري ليك
تحياتى ليك وكل تقدير على الكلام الجميل دة
بس انتى مش كنت قاصية على الرجالة شوبة
بس بجد اخيكى على هذا الكلام الجميل