عينى عليك ياقلبى
جرح الجسد يتداوى بإيد طبيب إلا جرح القلب يفضل يصرخ مهما يداويه ألف طبيب
وعينى على قلبى محدش حاسس بيه
جرح ورا جرح ومش لاقى اللى يداويه

حتى حبيبه مش راضى يحن عليه
رغم انه عارف إن راحت قلبى ودواه فى ايديه
عينى عليك ياقلبى
عايش ف وسط جروح جرح بينده آآآآآه
وجرح يقول مجروح
والثالت بيصرخ جرحى مالوش دوا
جرحى بايد حبيبى جرحنى بسيف الهوا
عينى عليك ياقلبى
ديما مجروح ديما بتصرخ م الألم ودقاتك من الجرح بتروح
وياريت الجرح من الغريب لكن الجرح من اغلى حبيب جرحك يا قلبى من غير لزوم
عينى عليك يا قلبى
الدنيا بتروح من بين ايديك
كل واحد ويا حبيبه وانت حبيبك مش سائل فيك
عينى عليك ياقلبى

يارب يعجبكوا

ف انتظار ردودكم وارائكم

القلب اذا حب بجد بنجرح بجد لانه بيفتح كل ابوابه امام من يحب فلماذا هو يغلقه

جميل جدا
كلام جميل لكن كله جراح

اوقات لما يكون الانسان مجروح ميقدرش يقول غير كلمه آآآآآه من الجرح
ملحوظه الموضوع ده كتبته على فترات متباعده كل فقرة بتمثل ليا شئ وموقف فحبيت اجمعه فى موضوع واحد

القلب لو زعل ممكن يتصالح بس لو انجرح يبقى الدوا صعب لان الجرح مما عدى عليه السنين يفضل معلم جواه اى خدش بيصحى كل اوجاعه

اخبارك ايه ياقلبى لسه موجوع من دنيتك خلاص كفايه نفسى بقه اسمع ضحكتك

انا ف انتظار ارائكم

ف انتظار ردودكم

عزيزتي:


عادة نخطئ ف الاختيار ليس نحن ولكن قلوبنا

لان دائما ف الحب الاختيار للقلب

فإذا صادف اختيار قلوبنا سوء حظ

فهذا اننا لسنا مخطئون او يوجد بنا اي عيب او تقصير

لكن قد نكون اعطينا القلب لمن لايستحقه

او لم نفكر جيدا او نعرف هذا الانسان

منا من يقول لايوجد تفكير ف الحب

ولكن


الحب هو اساس التفكير

نعم هو حب بالقلب ويجب ان نفكر ف من اختاره قلبنا

هل هو مناسب ام لا

او غير ذلك


من الممكن ان نكتشف حقيقته قبل التعلق به

والوقوع ف حبه................


دومتي بكل خير..

شكرا على اشارتك ومرورك لموضوعى

فعلا العيب مش ف الحب العيب ف عدم فهمه الصحيح

فعلا العيب مش ف الحب العيب ف عدم فهمه الصحيح

الحب لايُفهم وليس فهم

فالفهم شئ يدخل العقل نتفهمه لنستفيد منه فيما بعد


امـــــــــا الحــــــــــــــــــــب

فهو احساس

يملأ كل شئ ف الجسد يخطف القلب ويسيطر علي العقل وكل شئ

فالاحساس عزيزتي

يختلف كثيرا عن الفهم


نعم قد يتخذ معظم شباب وبنات هذا الجيل طبعا او مفهوما خاطئ عن الحب

ولكن ليس لعدم فهمهم له

ولكن

لعدم احساسهم به................


دومتي بكل خير...........

كلماتك جميلة تسلم ايديك

لو حسيته صح هتعرف تفهمه صح وساعتها مش هتقدر تتخلص منه لانه ساعتها هيتوغل فى كل كيانك
انا لم اقصد فهمه بالمعنى ولكن لو حسيته صح ساعتها هتحب بجد وساعتها مش هتندم ابدا بس المشكل ان فى زمنا ده كل حاجة بسرعة تحب انهارده وتنسى بكره
انا بقى قصدى التانى للتحقق من الحب هل هو صادق ام مجرد سراب سوف يمر

تسلمى يا احلى رونه فى المنتدى

انا بقى قصدى التانى للتحقق من الحب هل هو صادق ام مجرد سراب سوف يمر




ارجـــــــــو التوضيح

يعنى مش لازم نتسرع فى الحكم على مشاعرنا قد تكون مجرد لحظات عابره
لازم نتأكد اذا كنا فعلا بنحب ولا لأ عشان م نتعذبش بيه ونرجع نقول الحب عذاب

اكيد طبعا وجهة نظرك سليمه


مش كل شخص هانتكلم معاه شويه

ونرتاح ليه ول اسلوبه

هانبقي خلاص بنحبه

طبعا احساس الحب بيختلف كتير عن الارتياح النفسي

لان احساس الحب

بتحسي انه بيستعمر كل كيانك

بتكوني مش ملك نفسك

دا طبعا غير التفكير وكل شئ بيحصل

بتلاقي احساس وحاجات انتي مش متعوده عليها وغريبه عليكي جدا وعمرك ماكنتي تتخيلي انك تعمليها

بتلاقي نفسك

بتعمليها عشان اللي بتحبيه..

الحب شئ مختلف تمام عن كل مايدور بين شباب وبنات هذا الجيل.........


دومتي بخير..........ز

فعلا اتفقنا وده لانك لو بتحب بجد هيكون احسن احنا مش ناقصين تعب
بس مش موجود دلوقتى غير قليل ويابخته اللى يلاقى أن هحمد ربنا كل يوم على نعمته عليا

عندك حق


طبعا الحمد لله ع كل شئ


بس طبعا

في كتير عندهم احساس وبيحبوا بجد

وفي العكس دول بقي ربنا يسامحهم


وربنا يوعدك بشخص يكون كويس وبيحب وقلبه كبير



ولو مرتبطه ربنا يباركلك فيه..

بشكرك ع مناقشتك واسلوبك الجميل..


مع التحيه.....

شكرا ليك مع العلم انا فرحى قرب ومعايا حبيب مفيش منه ف الدنيا اثنين
شكرا ليك على مناقشتك الجميل واتمنى تتكرر

الف مبرووووك

وربنا يوفقكم يارب..

واتمني ليكم حياه سعيده..

بالنسبه للمناقشه انا بعشقها

وفي هنا حاجه ف المنتدي مش عجباني

هي ان كل الاعضاء بيدخلوا يقولوا
ميرسي ع الكلام الجميل ويخرجوا


مش بيتناقشوا خالص


اتمني الحال يتغير....................

ياريت بس مش كلهم قصدين عدم الاهتمام اوقات بيبقى مفيش كلام يتقال غير فعلا جميل ياريت لو نغير من طريقتنا ونكون مفيدين لبعض

اتمني ذلك فعلا...

لان دا هايفيدنا كلنا

مش فيها حاجه لو اتكلمنا عن اي جزء من التوبيك ووضحنا لكاتبه

اشياء قد فاتت عليه او لم يدركها..

نتمني كل خير للجميع.......

عندى موضوع لسه كتباه تسعدنى لو قرأته """" شوهلى حياتى """""""

اكيد يشرفني ذلك....

ارتاح ياقلبى خلاص جرحك بدا يطيب بس ياخوفى م الدنيا لتصحيه م تانى

تتغير الاوقات ويتغير الزمن بس القلب عمره م يتغير مهما دار عليه الف زمن