الواحد فرح جدا لاني هستلم دفعتي الشهر دا
بعد مااتحرمت منها الشهر اللي فات بسبب 1 دولار ,, لان رصيدي كان 99 دولار
فقلت خير مش مشكله
استلم الشهر اللي بعده وتكون الفلوس زادت
صاحي من الساعه 11 الصبح عشان استلم الفلوس
رحت فرع فيكتوريا وقالولي البطاقه فيها شرخ ومش هينفع تستلم بيها
ليه وازاي وماينفعش ياجماعه ومافيهاش حاجه وعاديه
لا البطاقه مكسورة ومش هينفع تسحب بيها
قلتلهم طب ينفع قسيمه زواج
قال لأ ,, بطاقه او جواز سفر فقط
اتقرفت آخر قرف
رحت البنك العربي الافريقي ,, قالولي ماينفعش مبالغ كبيرة بس اللي نسحبها او ايداع فقط
رحت فرع سموحه على الساعه 3 كدا وبرضو تم رفض البطاقه
رغم انها في التصوير استحااااله تبان انها مكسورة ,,,,
لكن الرغامه والقرف بتاع الموظفين
قالو بأمر من البنك المركزي ومش عارف مين ومش عارف مين ,, لازم تكون البطاقه سليمه تماما
ياجماعه والله ماهتبان في التصوير
ورحت جايب ليهم صورة بطاقتي اهي مش باين فيها اي شرخ ولا كسر
راسهم والف جزمه مش هينفع
اتصلت بخدمه العملاء 19190
ماينفعش يافندم
بعد 5 دقايق محايلات ومحتاج الفلوس ضروري ومش هينفع
وتغيير البطاقه بياخد 15 يوم وحرام العطله دي عشان محتاج الفلوس ضروري
وانا مش هنصب عليكم يعني ودي بطاقتي وعنواني وقسيمه الزواج وكارنيه الكليه وكارنيه مكتبه اسكندريه
رفض تاااااام
بجد حرام حرام
مستني شهرين بحالهم عشان اسحب
ولما الفرج جي
فلوسي عندهم ومش عارف اخدها
والمصيبه عشان اغير البطاقه لازم اروح ادفع مصاريف الكليه عشان اعمل البطاقه لاني مقيد في الكليه
ومصاريف الكليه متأخرة 1400 جنيه
حاجه آخر قرف بجد
حسبي الله ونعم الوكيل
ايه الحل ياجماعه
اغير اسم المدفوع له الشهر ولا ايه النظام بجد
انا تعبت والله
غير مواد التخلف اللي ماندفعتش ههههه
