أ- اقف اتفرج لأخر العركة
ب- ادخل اسلك
ج- وانا مالي.... خليني في حالي لتنش طوبة
2- واقف في طابور العيش في مركز متقدم وفجأة..... جه واحد غتيت في جسم مخبرين الداخلية وقف قدامك .... تعمل ايه؟
أ- ازقه وبعدين ألتفت للناس اللي ورايا وازعقلهم
ب- اضربه قفا مخبريين اخلي يلبس في شباك الفرن
ج- اروح البيت ونقضيها عيش فينو
3- ايه هي ادواتك في العراك؟
أ- اصحابي واهلي
ب- سيفي ال7 متر وشومتي ال9 كيلو ولساني اللي اكبر من كل ده
ج- انا ما بتعاركش اصلا
4-لو واحد اجنبي وقفك في شارع وشاور على ورقة في ايديه وسألك " وير زيز اوتيل بليز" حتقوله ايه؟
أ- تتمعن في الورقة وبعدين تقوله" هما قالولك فين بالظبط"
ب- تشترط عليه" جيف مي تن دولار الأول"
ج- اخده علي القنصلية الاثيوبية
5-ايه هو فيلمك المفضل؟
أ- صعيدي في الجامعة الامريكية
ب- ابراهيم الابيض
ج- اليس في بلاد العجائب
6- شعارك في الحياة؟
أ- الاهلي فوق الجميع
ب- الوقت كالسيف ان لم تكسره غزك
ج- الباب اللي يجيلك منه الريح سده واستريح
اذا كانت معظم اجاباتك " أ "
* انت يابني مصري حتى النخاع..... مصريتك بتجري في دمك اسرع من التوك توك..... وعايش دايما في احلام اليقظة.... لدرجة انك بتحلم ان مصر حتروح كاس العالم
اذا كانت معظم اجاباتك "ب "
* انت يابني بلطجي... وماحدش قادر يلمك... ومالكش كبير... لذا فماستقبلك كبير اوي في البلد دي وحتاخد فيها حقك تالت ومتلت..... اما عن مستقبلك المهني .... فمزور مرموق او نصاب عصامي
اذا كانت معظم اجاباتك " ج"
* انت ايه يابني ..... ممحي الكرامة والاحمر ما عندكش منه .... عموما انت مالكش مستقبل ... ده كويس انك عايش اساسا... اما اقصي امانيك فبطيخة ساقعة تاكلها انت واسرتك .... وانتوا بتتفرجوا على .... بطل العالم ممدوح فرج