عايزين نعرف بعض اكتر ونتعرف على بعض

الغنى في الغربه وطن___________ والفقر في الوطن غربه === شكرا

الغنى في الغربه وطن___________ والفقر في الوطن غربه === شكرا

والله عندك حق
نفسى اتغرب وارتاح من هنا على الاقل مهما تشوف من الناس فى الغربة مش من لحمك ودمك انما يله مالوش لازمة اللى يقدر يخرج يخرج
ادعولى اخرج

اهلا بيك معايا هنا يا رب نتعرف على بعض اكتر يا مصراوى
وشكرا على مشركتيك معايا يا كاكى

انا سفرت لاخواتى شهر فى الكويت رجعت كارة الدنيا
الغربة دى صعبة اوى ملكش اصحاب مبتعرفش تضحك من قلبك
الشوارع مليها البنجال والهنود اماكن معدودة بس الى تشوف فيهم الكويتة
عموما لو كنت هسافر بعد ما اخلص دراستى او استنى هنا
ربنا يكتبلى الخير ويرضينى بية
تسلم يا جميل على التوبيك
وانا على فكرة عندى 20 سنة كلية تربية انجليزى جامعة كفر الشيخ
زمتستغربش انها جامعة هههههههههههههه بقت خلاص جامعة

شكرا يا محمد انا بقى بقالى اكتر من 8 شهور بره مصر واسمى محمود

انا محمود ولى فتره بره مصر لانى مقيم حاليا بامريكا

اهلاااااااااااااااااااااااااا بيكم كلكم يا شباب
انا ندى وعايشه في السعوديه

انا صبري وفى السعودية من18 سنة ويا أهلابكم

انا اتش 21 سنه شغال في السعودية

ونفسي ارجع مصر

مصر العشق والجمال والروح والحنان والطيبه


مصر احلى بلاد الدنيا


مصر الامن والامان

السلام عليكم
اذيكم يا جماعة
انا ليلى عاية في ابوظبي
ايه ده يا اتش وهو انت كمان في الهم
ههههههههههههههههه
يلا ربنا يهون علينا ونرجع مصر
حلو اوي موضوع التعبير الي عملته عن مصر ده يا هشام
هههههههههههههههه


مرسي ع الموضوع الهايل ده يا outo بجد فكرة حلوة عشان نقرب من بعض

موضوع جميل
يا ريت نكون أصدقاء نتعرف ونتستفادو
كلنا من بعض اهي حاجة تهون علينا الغربة
شوية

أخوكم في الله : فارس محمد المصري
29 سنة عايس بالأردن

الغربة لها ثمن يارب متي العودة لمصر

لان نفسيت الواحد والمشكل هو السبب

عاملين ايه يا شباب ايه اخباركو انا بقالى دلوقتى اكتر من سنه فى امريكا
شكرا ليكو كلكو على المشاركه ومعرفش من غير المنتدى بجد الواحد كان عاش ازاى

تسلم يا برنس على الموضوع الجميل اللى يهون الغربة علينا وبجد مصر اجمل بلاد الدنيا ويارب نرجع بالسلامة الى ام الدنيا
احمد مقيم فى دبى

أنا أول مرة أكتب في المنتدى
يا جماعة مصر دي أحلى بلد في الدنيا بس على رأي شرين ((يمكن ناسي لأنك فيها ))
أنتو في نعمة ومش حاسيين بيها والله أنا بتعذب جدا هنا لا أصحاب ولا أهل ولا حد تتكلم معاه انتو لو جربتو الغربة هتحسوا بقيمة مصر أنا بتمنى أعيش في مصر وأموت فيها ان شاء الله...
وبالمناسبة أنا عايشة على حدود الامارات وعمان يعني ساكنين في سلطنة عمان بس شغل ماما وبابا والخروج والفسحه كلها في الامارات
يارب الأجازة تيجي بسرعة عشان أسافر مصر
... مصر هي أمي ...

انا فوزى الدبيكى
مصرى عايش فى السعودية من زمان ..بشعر كل يوم بالغربة هنا
وعندما انزل مصر اجازة اشعر انى فى غربة ببلدى ..
واشعر واتخيل انى مثل اهل الكهف ..عندما خرجو من الكهف ليشترو اشياء وجدو الاسعار تغيرت والعملة تغيرت وكل شىء تغير ..واشعر انى مش فى مصر بلدى التى كنت اعرفها ..
الناس ملابسها تغيرت اشكالها تغيرت اسعار بضائعها تغيرت واصبحت نار
ولذالك بطلت اقول عمار ررررررررررررررررر يامصر
والمصرى عموما فى اى مكان يشعر بالغربة حتى فى وطنة وهذا يحدث لاول مرة فى تاريخ مصر من ايام الفراعنة ..
وشكرا

اهلا بكل المشاركين

انا احمد 18 سنه مولود وعايش حاليا في قطر


ونازل مصر قريب انشاء الله علشان الجامعه بتاعتي في مصر

والواحد عمرو ماهيلاقي بلد زي مصر مصر الي بتوحشا بمجرد التفكير في ان احنا نسيبها





مصر اللتي في خاطري و في فمي احبها من كل روحي ودمي

السلام عليكوم يا شبابا ويا بنات عاوز اقلكم علي شئ الغربه دي صعبه والله اوي وكمان لما بتكوني بعيد عن اهلك انا بشتغل في السعوديه واصعب شئ في الدنيا لما يروح منك اعز الاحباب انا كنت في اجازه في مصر شعر 2 ورجعت في اواخر شهر 4 واصعب شئ لما يجيلك تلفون ويقلك بابا مات والله صعبه اوي لما يكون لسه موصلك المطار من كام يوم والله صبع ياريت كل اللي قراء رسالتي يدعي لباب اني ربنا يرحمه وانا اخوكم محمد من الزقازيق.مصر.

انا عم بختلف عنكم انا ولدت بالرياض واكيد بيجي يوم وارجع مصر ممكن السنه الجديده

عايز بس اقول لكل مصري عايز يسيبها ...... الإنسان بعيد عن اهله وناسه وبلده ولا حاجه ضعييييف اوي حتي لو كان قوي

وخصوصا احنا....احنا شعب بيطلع من بلده بينسي السعادة لحد ميرجع

انا eley عايش بمكة وعلي فكرة مش حاسس بأي غربة وبحبها أثر من مصر

اصلا غربة مش حلوة لان من زمان في اميركا وانسى اللغة مصرية والعربية وهذا صعب لان لا تستطيع تتكلم مع عائلتك جيدا

صعب يعيش خارج في اميركا ثم يذهب زيارة egypt لان hard يتحدث عربي وانا في اميركا من عمري 5 years old وعربي لا اتكلم جيدا ثم اان اريد اسافر مصر Again

انا احمد شغال ف السعودية من 4 سنوات وربنا يهون ان شاء الله

انا اسمي علاء ... وعايش في تركيا ..مهندس شبكات معتمد من سيسكو .. وليا شركة في اسطنبول لعمل قبولات جامعية للدراسة بكالوريوس وماجستير ودكتوراه باسعار حلوة .. وخاصة بيا .. وكمان في مجال السياحة والدورات ... واي انسان في مصر .. انا بالخدمة سواء استفسار او مساعدة .. تحياتي ليكم جميعا

بجد منتدى حلو وميزة جميله التعرف على اشخاص في نفس ظروفك وربنا يرجعنا كلنا لبلدنا ويصلح حالها

انتم عقدتنوني نفسيا يا جماعه وقفلتوني من السفر