السلام عليكم والرحمة ..

أنا مغتربة مصرية وعاوزة حد يساعدني في معرفة إذا كان السعر مناسب. أنا لقيت شقة بـ 9,000 دولار، بس مش عارفه إذا السعر ده مرتفع أو مناسب يعني في المنطقة دي؟

http://aqarmap.com/map.php?lang=en&c...0.06,31.24),13

في حد يعرف المنطقة دي وأسعارها إيه؟

لوسمحتوا عاوزة مساعده ..

فين النااااااااااااااااااس ..

فين النااااااااااااااااااس ..

صدقينى لو حد يعرف اكيد هيفيدك وهيرد عليكى

طب اسم المنطقه ايه ؟
وهحاول اساعدك

شكراً لك ..
بس ياريت المشركين يساعدوني إذا سمحتوا ..

أنا لقيت الشقة دي على الرابط ده بس مش عارفة أن السعر مناسب ولا لا ..


http://www.aqarmap.com/map.php?lang=...31.24),13&gor=


في حد عنده فكرة بخصوص الأسعار أو هل المنطقة ألي فيها العقار ده مناسبة وتستاهل السعر المعروض .؟؟

أروجوا المساعده ..

ربنا يساهلك

طيب ياريت العنوان بالتفصيل مش ظاهر فى الموقع

نعم هو فى شقة فى مصر اصلا ب9000 دولار
ازاى يعنى
الشقة دى فين فى الطلبية ولا فى البصراوى
هههههههههه
ازاى يعنى 9000 دولار
دى اقل شقة دلوقتى 20000 دولار
اللى هى تقريبا مية وكام والف جنية
الا بقى لو كنتى هتعدى فى غيةحمام
هههههه
دى فين ام تسع تلاف دولار دى
انتى هتشتغلينا ولا اية

حـــــــــــــددي تفااصيل اكتر

الأخ مصطفى .. انا كاتبة في الموضوع اني مغتربة

انا ماعمري جيت مصر بس بابا وماما مصريين (الله يرحمهم) وانا الان حاليا في الرياض وعاوزة أنه أرجع لمصر واستقر فيها ..

بالنسبة للأسعار أنا مش عارفة الأسعار ولا حتى المناطق في مصر عشان كدا أريد مساعده من الأعضاء ..

نعم يا اختى اريد انتى اية قريش ويسرب وكدة
انا هعديها علشان اول تعامل بينا يعنى
بس هو فى استفهام رفيع شوية كدة هو انتى مش لسة قايل ان بابا وماما الله يرحمهم كانو من هنا من اهل كايرو يعنى
طب فين باقى العيلة الخلان والعمام والى جميع الاهل والاصدقاء والطفلة منة وتوتو وطنط تريز
فين الناس دى كلها ولا الله يرحمهم هما كمان وبعدين انتى اعده ازاى هناك لوحدك
اعده مع مين يعنى

ياريت بلاش تتعبى نفسك وتفكرى فى مصر كتير
ومن الافضل انك تعيشى فى السعوديه
بلا مصر بلا وجع قلب

لية كدة ياعم سفير هو بره اوبا اوبا وجوه اعا اعا
اقلة لو جت هنا وجالها والسكر وشلل الرعاش وهشاشة عظام ولوينة وامراض القلب والبنكرياز وماتت
هتلاقى حتة تدفن فيها واشطة يعنى
لكن لوماتت بره حلنى بقى وراق رايح وجاى ما تعرفش ازاى بس بيروح ويجى وتصاريح بقى وحوارت تخلى الاقرع يشد فى شعرو غير كدة الجو هناك حر فحت والترب هناك ما حدش يطيق يدفن فيها ساعتين على بعض لكن هنا عندنا المقابر بسم الله ما شاء الله هواها يرد الروح كدة ويجلى الصدر كدة ويخليك ولا الدفدع الدكر فى موسم التزاوج وفوق كل دة ان المقابر عندنا معفية من الضاريب العقارية يعنى هتدفن من غير ما تدفع ولا مليم للحكومة
وعلى راى المثل لية تدفن قريب لما ممكن تدفن بعييييييييييييييييييييييييييييييييييييييييييييييد

بصي يا اختى
اولا انتى مش قلتى اذا السعر دة ايجار ولا شراء

لان لو ايجار احتمال يكون مناسب انما لو شراء مكانوش شباب مصر لقيو مشاكل في الجواز

وكمان شوفيلك حد موثوق منه يدورلك على الشقة واظن لو والدك ووالدتك متوفيين اكيد ليكى اعمام واخوال لانك بالطريقة دى هتتعرضي للنصب وخصوصا لو عرفو انك مش فاهمة ايتها حاجة في ايتها حاجة

وكمان في مواقع بتنصب على البشر بردو

وبعدين كمان انتى جايبة خريطة للموقع ومش ظاهرلا فيها اي حااجة


انا لو كنت عرفت المنطقة كنت قلتلك الاسعار بس يا خسارة انا مش مصرية اصلا

هههههههههههههههههههههههههههههههههههههههههههههههههه هههههه


اقولك حل اسهل تعالى المغرب عندنا اسهل واهو اتنا قاعدة فاضية ادور معاكى على شقة
هههههههههههههههههههههههههههههههههههه
ههههههههههه

ربنا يوفقك يا قمر وتلاقي شقة مناسبة

socialشكراً لك
وجون مصر شكراً على ردك الحلو ويعني لو أعتمدت على نفسي واني حابة أستقر في بلدي (مصر) أكون غلطانة ..

يلا على العموم شكراً

أختي أميرة انا بجد بجد مش عارفة أزاي الأسعار هناك يعني انا حابة أشتري شقة أو بيت في مصر أو في أي منطقة في مصر ومش عارفة أزاي الاسعار هناك..

socialشكراً لك
وجون مصر شكراً على ردك الحلو ويعني لو أعتمدت على نفسي واني حابة أستقر في بلدي (مصر) أكون غلطانة ..

يلا على العموم شكراً

أختي أميرة انا بجد بجد مش عارفة أزاي الأسعار هناك يعني انا حابة أشتري شقة أو بيت في مصر أو في أي منطقة في مصر ومش عارفة أزاي الاسعار هناك..

ومين قال بس يا بومبو انة غلط دة دة دلوقتى لازم تنزلى مصر ما ينفعش تعدى هناك لوحدك
بس الاسعار مش هقولك مولعة بس هى يعنى تقيلة فحت يعنى
وبعدين ما حدش هيضحك عليكى لو عايزة شقة
عليكى وعلى الشركات بقى زى مدينة نصر والمرشدى والناس دى
بتبقى الاسعار اشطة مش اوى وفى نفس الوقت امان

بصي يا قمر
هي زي ما مصطفي قال صح
انتي لو عايزه منطقه كويسه بسعر كويس
يبقي المناطق الجديده
زي اكتوبر و مدينه نصر و غيرها
بس بصراحه
حكاية 9000دولار مع شقه تمليك غريبه اوي
الا لو كانت الشقه صغيره جدا جدا
او في منطقه مش كويسه و مش مناسبه
و علي فكره مصر دي اجمل بلد في الدنيا
و هترتاحي هنا جدا
بس شوفي حد موثوق فيه يكون معاكي
علشان بجد ممكن يستغلوكي جدا
و الله المستعان

يا جماعه اهدو شويه مينفعش كدا
وحدو الله

لا اله الا الله

انصحك بالتعامل مع مكتب تسويق عقارى

هيفيدوكى وهيكونوا مضمونين

وياريت لو تشوفي حد من قرايبك لانك بالشكل ده هتتسوحى جامد