نجوم مصرية
منتديات نجوم مصرية منتدى المدونين واصحاب المواقع تحسين نتائج البحث سيو SEO وتطوير الروابط والزوار

تابع نجوم مصرية على أخبار جوجل

تابع نجوم مصرية على Facebook



ملخص ما قيل في G-Egypt 2010 ولقاء حصري لنجوم مصرية مع عادل سعود

 

اتسم اليوم الثالث لمؤتمر جوجل الاول في مصر بتغطية جوانب عديدة الخاصة باصحاب المشاريع الصغيرة والمواقع والمطورين وقد حضره عدد من موظفي جوجل المعروفين في العالم العربي مثل عادل سعود مسؤول جودة البحث وسلمى محمد المسؤولة عن adwords في مصر وكان لنا مع عادل سعود لقاء سنذكره لاحقا في الموضوع...

في البداية تم سرد عدد من الحقائق الهامة مثل :

- حجم الانفاق على الاعلانات على الانترنت في العالم العربي بلغ 110 - 130 مليون دولار لعام 2010
- تزايد عدد الشركات والمجموعات المستخدمة لتطبيقات الانترنت في الوطن العربي بنسبة 320%
-تزايد 200% في استخدام الهواتف الجوالة والذكية في الدخول على الانترنت
- تبلغ نسبة البحث باللغة العربية في مصر 70% من عمليات البحث وتبلغ في السعودية 80%




حوار حصري لنجوم مصرية مع عادل سعود :





س : نريد فرع لجوجل في مصر، يكون كبيرا وشاملا وليس خاص لحملات الاعلانات فقط كما هو الحال

ج : اضم صوتي لصوتكم، ولكن مثل هذا القرار يعود لرؤساء جوجل في الشرق الاوسط وعلى حد علمي فانهم يفكرون بالفعل في اقامة فرع وكانوا يفكرون في الاردن ثم دبي ثم القاهرة ولكن لم يتم تحديده حتى الان حسب علمي

س : (
ملحوظة هامة هذا السؤال كان خاص بجوجل ادسنس مع العلم ان عادل هو مسؤول جودة البحث في جوجل وليس له علاقة بادسنس) هل الموقع الذي ينشر فيديو من اليوتيوب يكون مسؤول عن محتوى هذا الفيديو اذا كان يخرق حقوق الملكية الفكرية؟
ج : اعتقد ان اليوتيوب يمنع مشاركة مثل هذه الفيديوهات وانا لا اعلم تحديدا سياسات ادسنس ويوتيوب في هذا الشان ولكن اعتقد انه لا مانع

س : هل سرعة الموقع تحتسب عاملا مباشرا لترتيب الموقع في نتائج البحث ام انه عامل غير مباشر يعتمد بالاساس على فترة بقاء الزائر في الموقع والـ Bounce rate؟

ج : بالفعل هو عامل قائم بذاته ، وجوجل لا تعرف كم بقى الزائر على الموقع (كانت مفاجاة بالنسبة لي ولا اعلم ان كنت فهمت ذلك جيدا منه !)

س : (سؤال الى حد ما سياسي) هل تعتبر جوجل موقع الويكليكس موقعا يخرق حقوق الخصوصية لذا تعاقبه؟

ج: اعتقد ان محتوى الويكيليكس اصبح الان متاحا على عدة مصادر على الانترنت وليس الويكيليكس فقط ولا اعتقد ان عليه عقوبات من جوجل

س : ما رايك بموضوع تبادل الروابط؟

ج: لا انصح به اطلاقا، فذلك يعتبر طريقة لمرور البيج رانك بشكل يخالف ارشادات جوجل ولكن يسمح بوضع تاجات نوفلو على الروابط وب تصبح بشكل اعلانات.

س : ما رايكم بالروابط القادمة من ادلة المواقع؟

ج : صراحة لو انا صاحب موقع لن اضيع وقتي في الحصول على روابط من ادلة كثيرة او الاشتراك عبر خدمات ارسال الموقع الى 1000 دليل ومثل هذه الوسائل، ولكن هناك ادلة سوف اسعى ان يكون رابطي موجودا فيها مثل دليل دموز ودليل ياهو والادلة التي محتواها يشابه محتوى موقعي


===========

فيديوهات من المؤتمر :







تابع نجوم مصرية على أخبار جوجل

تابع نجوم مصرية على Facebook




المقال "ملخص ما قيل في G-Egypt 2010 ولقاء حصري لنجوم مصرية مع عادل سعود" نشر بواسطة: بتاريخ:
ارواح واشباح
اصلى جدا يا عبدو
بس انا كنت عايزك تسأله سوال شاغلنى اوى
هل المواقع اللى بتشتغل فى بث الماتشات عن طريق قنوات من جاستن ومن باقى مواقع البث مخالفه ام لا
او ايه اللى تبقى عليها المواقع دى علشان متبقاش مخالفه

وشكرا ليك على اللقاء الحصرى لنجوم ده
abdobasha
هل المواقع اللى بتشتغل فى بث الماتشات عن طريق قنوات من جاستن ومن باقى مواقع البث مخالفه ام لا
نفس السؤال هو هو بتاع فكرة اليوتيوب والاجوان
كلمناه على مثال الاجوان دا

بس ارجع واقول هو بتاع جودة بحث مش ادسنس !
ارواح واشباح
طب ياريت يا عبدو لو عرفت توصل لحد من فريق ادسنس فيهم
ويوضحلنا اكتر تبقى عملت المفيد يا كبير
abdobasha
مفيش حد من ادسنس كان موجود !
اخرنا كان ادورد
ارواح واشباح
بس سوال بس
هو ليه الموظفين قليلن جدا جدا كده
يعنى مفيش غير 3 ولا اربعه
حاجه غريبه اوى
ارواح واشباح
هما علشان عايزين يسوقوا لادورز مهتمين
لكن ادسنس منفضلين لينا خالص
reemhmam
try2fly
الف شكر ع الموضوع المميز ...
ZAMAN
ي عبدووووو بشاااا انتى مين فيهم شمال ولى يمين
محمود جابر
مشكور عبده باشا وانا بقول انك اللى على يمين
hamedahmed
تسلم ياعبده على الشغل
hazem_copra
الله ينور يا عبدو اسئلة في الجون ومعلومات مفيدة جداااا
ganady
تسلم يا عبدو باشا ... انا للأسف كنسلت الدعوة ومحضرتش .. بس بيقولوا ان كان في موبايلات هدية ... مش قر ولا حاجة .. دا حقد بس ههههههه

شكرا علي الاسئلة المفيدة .. واعتقد انك اللي مش لابس تي شيرت جوجل في
ertuio
ي عبدووووو بشاااا انتى مين فيهم شمال ولى يمين
مشكور عبده باشا وانا بقول انك اللى على يمين
تسلم يا عبدو باشا ... انا للأسف كنسلت الدعوة ومحضرتش .. بس بيقولوا ان كان في موبايلات هدية ... مش قر ولا حاجة .. دا حقد بس ههههههه

شكرا علي الاسئلة المفيدة .. واعتقد انك اللي مش لابس تي شيرت جوجل في
صح عبدو هو اللي علي يمين
موضوع رائع كالعادة يا عبدو و تغطية شاملة (فيديو و صور و حوار توثيق كامل للخبر)
hossam512
شكرااا عالخبر
sherifer921
يا خبر ابيض هو ده عادل سعيود
شوفته فى المؤتمر بس هو كان بيشرح فى غرفه ال break out وانا محضرتش فيها بس شكله متغير كليا عن صورته اللى فى منتدى الدعم
وكان معاه واحده اجنبيه تانيه صورتها مع اصدقاء ليا d:
عموما هما مش اتكلموا عن ادسنس اطلاقا وعامه برضه هما كانوا حيقولوا ايه عن ادسنس ؟
اكيد نصائح من نوعيه لا تفعل لا تفعل لا تفعل
اللى كانوا موجودين هما اتنين من فريق ادوردز اول واحده مش فاكر اسمها بس واضح عليها شاطره جدا ما شاء الله والتانى اسمه هيثم شخصيا استلمته كتير بعد ما خلص وبصراحه هو شخص محترم جدا وقالى ان الدعم الوحيد العربى لادسنس موجود فى دبلن مش فى الشرق الاوسط اصلا ( عليكم وعلى ياسر ابو غضيب فى ايرلندا ) وان فرع جوجل اللى فى التجمع الخامس ده مركز لخدمه عملاء ادوردز مش مركز لجوجل نفسها بكل خدماتها
بالمناسبه وائل غنيم مدير التسويق فى جوجل قال فى الاستراحه ان اى اختصار روابط ده مخاللللللف ايا كان شكله سواء بقى بالطريقه العاديه او بطريقه بلوج الوردبريس والحوارات دى
الخلاصه علشان تكسب من ادسنس تبعا لنصائح الموظفين هو انك تعمل موقع له فكره وهدف بمحتوى متجدد غير منقول وده حيفرق معاك جامد فى الارباح
بجانب ان مش تعتمد على ادسنس كليا لان الاون لاين بيزنس مش ادسنس فقط
بس سؤال يا عبدو باشا
هو انت ضخم كده فعلا ولا علشان عادل صغير ف انت طالع جمبه كبير اوى كده
hema4ever
تسلم يا عبدو باشا ... انا للأسف كنسلت الدعوة ومحضرتش .. بس بيقولوا ان كان في موبايلات هدية ... مش قر ولا حاجة .. دا حقد بس ههههههه

شكرا علي الاسئلة المفيدة .. واعتقد انك اللي مش لابس تي شيرت جوجل في
هههههههههههههههه
وانا كمان للاسف كنسلت الدعوه وندمت جامد
كان نفسي اروح بس ياله
الف شكر ياعبده لسرعه نقلك الحدث
hema4ever
معلش سؤال كده ياعبدوباشا
عدد الحضور كان حوالي كام كده؟
abdobasha
ايوا انا اللي على اليمين
وحتى هو عادل نفسه قاللي انا مكنتش فاكرك طويل كدا
وافتكر صورتي اللي كنت حاطتها فمنتدى مشرفي المواقع

ومكنش فيه موبايلات ولا حاجة طبعا

كان تشيرتات ومجات بس
Dr! Ahmed
لو يعملوا اجتماع لادسنس

هيفيدنا كتير جدا

تشكر ياعبدو
abdobasha
عدد الحضور تقريبا 200 - 300 شخص
ezz-eldeen
بالمناسبه وائل غنيم مدير التسويق فى جوجل قال فى الاستراحه ان اى اختصار روابط ده مخاللللللف ايا كان شكله سواء بقى
نفس السؤال أنا سألته للمهندس (هيثم) بتاع ادوردز فى الاستراحة
ورد بنفس الإجابة إن السكربت مخالف مخالف مخالف

قلتله ان فيه محتوى فى الصفحة وان زر داونلود واضح وان مفيش مخالفة صريحة
قال ان المحتوى الموجود فى الصفحة وهمى وان الزوار بيضغطوا بالخطأ بدون قصد

وبالتالى اختصار الروابط مخالف

والحقيقة انا مشترك فى اختصار الروابط وعامل بيه شغل جامد، لكن مش هتفاجيء لو الحساب اتقفل فى اى وقت
وهيه مخاطرة فى الأول والآخر.
sherifer921
نفس السؤال أنا سألته للمهندس (هيثم) بتاع ادوردز فى الاستراحة
ورد بنفس الإجابة إن السكربت مخالف مخالف مخالف

قلتله ان فيه محتوى فى الصفحة وان زر داونلود واضح وان مفيش مخالفة صريحة
قال ان المحتوى الموجود فى الصفحة وهمى وان الزوار بيضغطوا بالخطأ بدون قصد

وبالتالى اختصار الروابط مخالف

والحقيقة انا مشترك فى اختصار الروابط وعامل بيه شغل جامد، لكن مش هتفاجيء لو الحساب اتقفل فى اى وقت
وهيه مخاطرة فى الأول والآخر.
ايوه يا باشا ما انا كنت واقف برضه لما اتسأل عن اختصار الروابط الجديد :d بس كويس انى عرفت انك صاحب السؤال لان اللى حواليه كانوا خمسه سته
عامه انت جبت الخلاصه وقولت انها مخاطره اولا واخيرا
نصيحه بقى ابدأ على جمب كده بشغل نضيف علشان يبقى ادسنس مصدر دخل ثابت مش ضربه شهرين تلاته ويقفل



اسم العضو:
سؤال عشوائي يجب الاجابة عليه

الرسالة:


رابط دائم

مواضيع مشابهة:
مدرسة الافلييت حصري لنجوم مصرية
شاهد صور عمرو دياب منذ الطفولة حتى الان حصرى لنجوم مصرية

Powered by vBulletin Version 3.8.8
Copyright ©2000 - 2022, Jelsoft Enterprises Ltd
جميع الحقوق محفوظة © fmisr.com منتديات نجوم مصرية