غلطانة... و ...مقموصة

غلطانة... و ...مقموصة
إنسانة عايشة وسط ناس كتير
مش عارف بإيه أرضيها ومنين أجيب لحبي ليها دليل
تغلط وأسامح تزعل وأصالح وأقول ياواد خليك إنت الكبير
إنسانة علي قد ما هي جميلة في صفاتها إلا ان طبعها عايز الف تغيير
الغلط عندي ممنوع والجدال فيه غير مسموح والكلام بإختصار بتلومني عشان بحبك وعليك بغير
ولو ع الحب قلت مليون مرة والله العظيم الحياة في بُعدك مُرة وفي عينيا دايما عروسة النيل
لكن.....
كان مافيش علي لسانها غير كلمة دايماً ظالمني ونفسي أعرف من ده كله إيه الحكمة
وقتها...
ماكنتش بشوف غير إبتسامة شفايفي وضحكتي وبقول ليها كفاية عايزة إيه اكتر من إن إحساسي في وجودك جنبي هو هو نفس إحساسي في وحدتي
ياريت تقوليلي لفعل واحد من أفعالك تفسير ؟؟؟
كان الرد دلوعة وعليك حافضل أغير وكمان غلطانة.. و .. مقموصة وشاطر بس تعمل عليا تقيل
كان نفسي تفهم وتقّدر ...
كان نفسي تعرف إن وجودنا مع بعض وإصرارنا إننا نعيش في دنيا بإسم دنيا الهنا ده شىء متقدر
بس المقابل كان تجاهل وقسوة والظاهر منهم ضحكة بكلمتين دلع فاكرة بيهم الحزن من قلبي راح إختفي ولو في بينا حاجز خلاص إتكّسر
كانت لسه فاكرة إني ليها ومش ممكن في يوم أقسي عليها أو حتي مشاعري ناحيتها تتغير
وفي عز كلامها ليا...
مشيت وأنا بضرب كف علي كف وبقول لنفسي
للدرجة دي في ناس مبقاش عندها إحساس ولا حتي نظر
للدرجة دي كنت مخدوع في واحدة حبي ليها من الأول كان شيء غلط
غلطانة... و ...مقموصة