احمد حسن بيقول الناس دي عملت ايه لمصر قصده على عمرو أديب
وبيقول احنا عملنا كتير لكن هم ماعملوش حاجة
مش قوي كدا يا احمد
دانت يا دوب بتلعب كورة
هانستفاد منها ايه يعني
لكن واحد زي عمرو اديب مهما كان سلوكه الا انه افاد مصريين كتير وياما أثار قضايا واتحلت على اديه
عشر سنين اعلام وبيثير مشاكل وقضايا
وانت بتلعب بالكورة واحنا بتابع وبنضيع وقتنا وبنفرح بحاجات هايفة كاس الامم 2006 ولا كاس الامم 2008 ولا غيرهم دول ماغيروش حاجة من حال المواطن المصري الا بفرحة مزيفة بيضحك علينا بيها ونحس اننا احسن ناس
وبتغيبو الناس عن الواقع المؤلم وخليتو تقدم مصر في الكورة اهم عندنا من أي تقدم في أي مجال مهم سواء اذا كان علمي او ثقافي او اجتماعي او ثقافي او اقتصادي او سياسي او ديني او حتى فني
كل المجالات المهمة دي مابقتش مهمة نهائي لدى المواطن ومفيش حد بيفرح لو حصل أي نجاح في أي مجال منها والفرح كله بيبقى في مجال مامنوش أي فايدة وهو الكورة
والظاهر يا احمد ان اهتمام الناس باتفه شيء خلاك تفكر انه اهم شيء
لا وكمان تفكر انك اديت لمصر والباقي ماداش
لا يا احمد يا حسن ماتتغرش قوي كدا..فوووووووووووق