على ايه هفضل شايل جوايا واعيش مهموم
ما كفايه حاجات عديتهالك ولا كنت بلوم
ومن انهارده انا مش هلعب دور المظلوم
انا هبقى الظالم والحاكم وانت المحكوم
فاق الى كان بيجازف مبقاش مجنون
مبقاش فى الحب بيأمن ومبقاش موهوم
بقى يعرف يقسى ويتلون ب 100 لون
والحب فقلبه صبح دابل ومبقاش ليه لون
يعنى من الاخر بقى زيك ملهوش احساس
بقى عند الطيبه دى ملغيه ولا ليها اساس
والعشره تهون كده بالساهل وكمان تنداس
على قد ما حبك اتعلم القسوه خلاص
مستغربنى ومش قادر تسمع كلامى ليك
مع انى بقيت صوره منك والبركه فيك
وابقى اسئل عنى ازاى بتعامل من بعديك
وانا هدعى ساعتها يارب انول اعجاب معاليك