يا مسافر تاني بلدنا
مش عاوزة اروح وياك
انا كده مبسوطه يا سيدنا
لف ورجعني هناك

يا مسافر تاني بلدنا
مش عاوزة اروح وياك

رجعني هناك لمدينه
مش قادرة اسيبها خلاص
فيها احلي بلاج مع مينا
والخير في قلوب الناس

يا مسافر تاني بلدنا
مش عاوزة اروح وياك
رجعني ازاي بس انسي
تمشيتي علي كورنيشها
ومراكب زينه المرسي
والرمل الدهبي فارشها

يا مسافر تاني بلدنا
مش عاوزة اروح وياك

رجعني خلاص اسرتني
وجمالها اتملك عقلي
وامواجها كمان شدتني
والخضره اللي بتندهلي

يا مسافر تاني بلدنا
مش عاوزة اروح وياك

لساك ماعرفتش مين
دي مجننه عقلي وبالي
آه يا ساكنه ف قلبي سنين
ومعششه جوه خيالي

يا مسافر تاني بلدنا
مش عاوزة اروح وياك

مقطعها الاول اسكُن
يوم جيت وسكنتك يوم
قمتي انتي سكنتي حياتي
ونسيت انا اي هموم

يا مسافر تاني بلدنا
مش عاوزة اروح وياك

وباقيت اسمها دريّة
آه يا احلي واجمل درة
ياما نفسي ف ميت امنيه
اني ازورك ميت مرة

يا مسافر تاني بلدنا
مش عاوزة اروح وياك

وتعالي هنا اتحداك
لف الدنيادي بحالها
وبكل صراحه هناك
عمركش لاقيت في جمالها؟؟

يا مسافر تاني بلدنا
مش عاوزة اروح وياك

وعشان كده عاوزة استني
مش عاوزة اروح وياك
يامسافر تاني بلدنا
لف ورجعني هناك

يا مسافر تانى بلدنا
مش عايزة اروح وياك

تسلمى يا جميل ع مجهودك بس المره الى جايه حاولى تهتمى بلمعتى قبل القافيه
تسلم ايدك ومحاوله جميله

شكرا على النصيحه بس على فكرة دى مش كتابتى

ده موضوع عجبنى وشدنى الكلام وكفايه صدق الاحساس

منورنى على مرورك

موضوووع جمييييييييييييل اوى اوى

تسلمى ياقمر

منورانى دايما بردودك

التوبيك جميل اووووي ولذيذ جداااا

والاحساس فيها جميل والمعاني

والكلام جميل اوووووي

تقبلي مروري

مرسى على مرورك ويسعدنى انه عجبك

منورنى

رووووووووووووووعه ياقمر

وانا من عشاق الاسكندرية

فى حد مابيحبش الاسكندرية كفايه جمالها

تسلم على مرورك

انا من اسكندريه وشكرا على اهتمامك باسكندرية ومشكوووووووور

منور انت وكل ناس اسكندريه

شكرا على مرورك

بجد اشكرك على اختيارك موضوع بجد روعة

وفعلاً مفيش احلى من العروسه بجمالها وناسها وموجها

شكراً تانى مرة

مفيش شكر على واجب
شكرا على مرورك
منورنى

بجد تنفع اغنية
جميلة اوى تسلم ايديكى
وشكلك لحقتى الصيف من بدرى
تحياتى لك وياريت تشوفى موضوعى الجديد
والسلام ختام

حاضر ياقمر هشوفه
وتسلم على ردك ياجميل