السلام عليكم ورحمه الله وبركاته





ازيكم ياشباب عاملين ايه


ايه بقى هنتكلم فى ايه النهارده ... اها نسيت ده انا اللى هتكلم


ها
ناوين على ايه بقى !!!


عمرو دياب نزل بالبوستر وبالالبوم بتاعه


الالبوم مفيش كلام عليه غير انه ممتاز وشغل عالى قوى
البوستر مش ميت فل عليه

اكيد الكل شاف البوستر وللتاكيد اهو






ها تحفه مش كده عمرو مازال شباب
تشوفه تقول 25 سنه يعنى من الاخر الواد لوز
والكل بيحبه وبيعشقه وده عادى جدا مع سوبر ستار العرب
لكن اللى مش طبيعى اللى هو منزله فى البوستر ده
الهضبه عامل 3 موضات جديده للشباب

اول موضه :- حواجبه اللى واخد فيها ضربه مطواه
تانى موضه :- الوشم اللى على دراعه
تالت موضه :- بنطلونه اللى هيقع منه وهو ماسكه احسن يقع منه وهو بيتصور


هو احنا ياشباب ناقصين بناطيل تقع
الشباب بيمشوا بيبقوا عايزين حد يرفع لهم البناطيل
وبنشوف حاجات تكسف منهم والله


وربنا مارجوله ديه انك تبقى مسقط ده انت بتنزل فى نظر البنت
مفكر يعنى انها هتبصلك وانت زى الاهبل كده
ده انت تبقى اهبل لو فكرت فى كده


ده انت سقطت من نظرها هتاخد واحد بيسقط بنطلونه
وتبقى ماشيه جنبك عايزه تقول يارض ابلعينى


ياعم روح ياخساره الرجاله
بس بقى مانتكلمش فى الموضوع اللى بيعصبنى ده


خلونا فى المفيد


دلوقتى عمرو نزل بالموضه الجديده واكيد الشباب هينزل بيها
ماهو الكينج بتاع الجديد



عايزه اعرف ايه رايكم فى المصيبه ديه ؟؟؟
وهنعمل ايه يابنات لو الشباب مشيت كده؟؟؟


يالهوى مش هنلاقى رجاله نتجوزها

هههههههههههههههههههههههههه

ههههههههههههههههههههههههههههههههه

والله الواحد بقا مكسوف يرد علي كلامك لان اغلبه حقيقي

بس الحمد لله برضه لسه في رجاله

يمكن انتي بشوفي كتير مسقطين البناطين ومبينين الحجات الي تكسف

علشان دول فاضين ومش عندهم حاجه تشغلهم

بس الرجاله الي يشرفوا ومش بيبينوا الي بيكسف

مش فاضين للحورات دي عندهم كتير يشغلهم

متخفيش علي الرجاله موجين بس يمكن قلوا

خدي بالك واختاري حد تشاركيه حياتك ويكون راجل


موضوع جرئ جدا

وانتي عندك حق جدا جدا

اتكسفوا علي دمك يا رجاله

تحياتي

هههههههههههههههه
الموضوع جميل يابوسي ومتألق كالعاده
وعلي رأيك لما نشوف حد زي عمرو دياب اللي هو قدوة لناس كتيير(الهايفين طبعا) بيعمل كدة وفاكر ان هي دي الشياكة وانه هيبقي شاب كوول
امال الشباب يعمل ايه؟
ربنا يستر علي شبابنا
وميرسي ليكي ياقمر

هههههههههههههههههههههههههههههههههههههههههههههههه

توبيك جامد اوي والكلام الي فيه صح وكلام محدش يقدر يقول عليه اي حاجة

بس يا بوسي العنوان مستغرب ليه شوية وده الي شدني للموضوع

هو عموما كلامك صح يا بوسي والشباب بسبب الانفتاح والموضة والتطور اتغيروا والعادات بدات تتغير ومعاها بيتغير اللبس وبيتغير حتى الكلام منها الحلو ومنها الغريب الي مش بيناسب الشخص ومع ذلك بيعمله علشان يشد الانظار ليه ...

على الرغم من ده كله لازم يبقى فيه حرية واننا نحاول كل واحد يعمل الي هو عاوزه واكيد مش معنى كلامي ان كلامك فيه حاجة غلط ...

بس فيه سؤال محيرني ليه مش اختارتي موضوع باسم " مش هنلاقي بنات للرجالة الي بقت موجودة " ليه !!!

مع ان الي بيحصل من البنات لا يتحكي ولا يتوصف

وفي انتظار ردك او لو حبيتي تنزلي موضوع بالاسم الي اختارته

تحياتي على تألقك في مواضيعك

هههههههههههههههههههههههههه

ههههههههههههههههههههههههههههههههه

والله الواحد بقا مكسوف يرد علي كلامك لان اغلبه حقيقي

بس الحمد لله برضه لسه في رجاله

يمكن انتي بشوفي كتير مسقطين البناطين ومبينين الحجات الي تكسف

علشان دول فاضين ومش عندهم حاجه تشغلهم

بس الرجاله الي يشرفوا ومش بيبينوا الي بيكسف

مش فاضين للحورات دي عندهم كتير يشغلهم

متخفيش علي الرجاله موجين بس يمكن قلوا

خدي بالك واختاري حد تشاركيه حياتك ويكون راجل


موضوع جرئ جدا

وانتي عندك حق جدا جدا

اتكسفوا علي دمك يا رجاله

تحياتي

انا عارفه والله يا جميل ان لسه فى رجاله فى الدنيا
بس المشكله انهم بقوا قليلين اوى وزى متقول مهددين بالانقراض ههههههههههههههههههه يعنى لازم نحافظ عليهم ونكتر من عددهم كمان وكمان وانا عن نفسى لازم اخد واحد يكون راجل بمعنى الكلمه
مع انه هيبقى صعب شويه التدوير على حاجه زى دى

نورتنى جدا ياونتد ياقمر وعجبنى كلامك

هههههههههههههههه
الموضوع جميل يابوسي ومتألق كالعاده
وعلي رأيك لما نشوف حد زي عمرو دياب اللي هو قدوة لناس كتيير(الهايفين طبعا) بيعمل كدة وفاكر ان هي دي الشياكة وانه هيبقي شاب كوول
امال الشباب يعمل ايه؟
ربنا يستر علي شبابنا
وميرسي ليكي ياقمر

تسلميلى ياقمرايه على رأيك
واقوليلهم امانه عليكى ده يرضى ربنا يعنى
والله الواحده بقت مكسوفه لما تشوف الاشكال دى فى الجامعه والمشكله انهم مش بيبطلوا او يقولوا موضه وبطلت لا ربنا يخليلنا عمرو دياب واللى زيه علشان يلعب بدماغ الشباب الحلوه اللى ياعينى محتاجين حد يأخدهم من اديهم ويعلمهم دينهم من تانى

نورتينى جدا ياحنان ياقمر بمرورك الجميل ده
ويارب تكون كل البنات رأيها زى رأيك كده

هههههههههههههههههههههههههههههههههههههههههههههههه

توبيك جامد اوي والكلام الي فيه صح وكلام محدش يقدر يقول عليه اي حاجة

بس يا بوسي العنوان مستغرب ليه شوية وده الي شدني للموضوع

هو عموما كلامك صح يا بوسي والشباب بسبب الانفتاح والموضة والتطور اتغيروا والعادات بدات تتغير ومعاها بيتغير اللبس وبيتغير حتى الكلام منها الحلو ومنها الغريب الي مش بيناسب الشخص ومع ذلك بيعمله علشان يشد الانظار ليه ...

على الرغم من ده كله لازم يبقى فيه حرية واننا نحاول كل واحد يعمل الي هو عاوزه واكيد مش معنى كلامي ان كلامك فيه حاجة غلط ...

بس فيه سؤال محيرني ليه مش اختارتي موضوع باسم " مش هنلاقي بنات للرجالة الي بقت موجودة " ليه !!!

مع ان الي بيحصل من البنات لا يتحكي ولا يتوصف

وفي انتظار ردك او لو حبيتي تنزلي موضوع بالاسم الي اختارته

تحياتي على تألقك في مواضيعك

بينى وبينك ياتيتو هو كان لازم يكون فى عنوان كده يشد والا مكنش حد هيدخل اصلا الموضوع ده وبعدين العنوان بيعبر عن واقع وكلام بنات جايز الولاد اللى زى دول مش حاسين البنات بتقول عليهم ايه وانا حاولت اوريهم بس 1% من اللى بيتقال عليهم اغلبيه البنات شايفه ان الرجاله ماتت فى 73 يعنى دى مش موضه خالص زى ما انت بتقول يا تيتو انا عن نفسى بعتبره جهل
وبالنسبه للعنوان زى مافى رجاله بمعنى الكلمه ومحترمين فى برضه بنات كتيييييييير اوى محترمين بس مش معنى كده انى بدافع عن البنات لازى مافى و فى فى الشباب فى بنات وبنات فى بنات عايزه كسر رقابتها بس بجد البنات مش كلها بقت وحشه بالعكس المحترمين دلوقتى هما اللى بقوا قاعدين فى البيت بعد ما القطر فاتهم والبنات اللى مش كده بقم هما اللى متجوزين وعايشين حياتهم


وميرسى يا جميل ليك ولرأيك ولمرورك اللى نورنى جدااااا

والنبى يا بوسى مش هاقدر اقول غير
ربنا يستر يمكن يكون الرجالة الطبيعيين انقرضوا

هههههههههههههههههههههههههههههههههههههه

ايه يا بت الجمال دا

اجمد موضوع شفته

ااااااااااااااه قلبتي عليا المواجع يا بوسي فكرتيني باللي بشوفه

بشوف شويه شباب يعني هما شباب في البطاقه بس هههههههههههههههههههه

وتلاقي الشاب الحلو شويه ماشي وواثق في نفسه زياده وكان يعني مفيش غيره على وجهه الاوض

والوحش تلاقيه عامل في نفسه بلاوي زي اللي بيعملها عمر دياب دي ويمكن اكتر شويه عشان يلفت الانتباه بس

وطبعا انتباه البنات بس


ايـــــــــــــــــــه التــــــــــــــــفـــــــــــــــاهــــــــــــه دي

يلا

مش هقول غير حاجه واحده


رحم الله إمرئ عرف قدر نفسه

تسلمي يا قمرايه

هههههههههههههههه

اه والله صحيح بكرة هنمشى فى الشارع كل الشباب هيعملوا كدة

مش عارفة والله اية العيال الهبلة دى ناس غريبة والله

بس الموضوع تحفة والله يابوسى

تسلمى ياقمراية

موضوع هايل يا بوسى
بس حسيت من كلامكم ان الشباب اختفى يا بناااااااااااات احنا اهو بس انتو اللى مش شايفين هههههههههههه
بجد زى ما فى شباب خلاكو تخافوا على انقراض الرجالة بردوا فى بنات خلونا نقول فين السى السيد هههههههههه

بس احنا أمة بعدت عن دينها يبقى هنشوف العجب ربنا يستر

بس المشكله انهم بقوا قليلين اوى وزى متقول مهددين بالانقراض ههههههههههههههههههه يعنى لازم نحافظ عليهم ونكتر من عددهم

بشوف شويه شباب يعني هما شباب في البطاقه بس هههههههههههههههههههه

والنبى يا بوسى مش هاقدر اقول غير
ربنا يستر يمكن يكون الرجالة الطبيعيين انقرضوا

هههههههه
يعنى افهم من كدا ان حضراتكم معدتوش شايفين رجاله بجدا ؟؟؟
بصوا ياشباب ويابنات
اللى بيحصل للشباب وكمان البنات دا فى مجتمعنا يعبر عن حاله المجتمع اللى وصلها من السطحيه والتفاهه
تقدروا تقولولى لو فى شغله تشغلهم كانوا عملو كدا ؟؟ لو فى جامعه بجد بجد بيتعلموا فيها بدون الحاجات اللى بتحصل وكلنا عرفينها دى كان دا حصل؟؟؟
الشباب ((رجاله وبنات))اغلبهم بقو مبيدوروش الا على المنظره ازاى انهم يعجبوا الطرف الاخر
هاختم كلامى بقصه جميله اوى
ايام ما كانت الاندلس تابعه للمسلمين نزلها جاسوس تابع لاعداء المسلمين وتمشي فى المدينه وشاف شاب صغير يبكى جنب الحائط ولما سائله عن سبب بكائه قاله انى انا وصاحبى كنا نتبارز بالسيف وهو غلبنى وعلشان كدا انا بيبكى فارسل الجاسوس لاصحابه بالا يقومو ا بغزو الاندلس الان لانهم سيهزمون
وبعد مده نزل نفس الجاسوس الاندلس برده ولقى شاب بيبكى ساله عن سبب بكائه قاله ان حبيبته هجرته فبيبمى عليها فارسل لاصحابه وقالهم الان تغزون الاندلس وبالفعل سقطت من ايدى المسلمين
دا حالنا دلوقتى واسوا

هههههههه
يعنى افهم من كدا ان حضراتكم معدتوش شايفين رجاله بجدا ؟؟؟
بصوا ياشباب ويابنات
اللى بيحصل للشباب وكمان البنات دا فى مجتمعنا يعبر عن حاله المجتمع اللى وصلها من السطحيه والتفاهه
تقدروا تقولولى لو فى شغله تشغلهم كانوا عملو كدا ؟؟ لو فى جامعه بجد بجد بيتعلموا فيها بدون الحاجات اللى بتحصل وكلنا عرفينها دى كان دا حصل؟؟؟
الشباب ((رجاله وبنات))اغلبهم بقو مبيدوروش الا على المنظره ازاى انهم يعجبوا الطرف الاخر
هاختم كلامى بقصه جميله اوى
ايام ما كانت الاندلس تابعه للمسلمين نزلها جاسوس تابع لاعداء المسلمين وتمشي فى المدينه وشاف شاب صغير يبكى جنب الحائط ولما سائله عن سبب بكائه قاله انى انا وصاحبى كنا نتبارز بالسيف وهو غلبنى وعلشان كدا انا بيبكى فارسل الجاسوس لاصحابه بالا يقومو ا بغزو الاندلس الان لانهم سيهزمون
وبعد مده نزل نفس الجاسوس الاندلس برده ولقى شاب بيبكى ساله عن سبب بكائه قاله ان حبيبته هجرته فبيبمى عليها فارسل لاصحابه وقالهم الان تغزون الاندلس وبالفعل سقطت من ايدى المسلمين
دا حالنا دلوقتى واسوا

الله كلامك جميل جدا يااحمد
وكلكم بصراحه قلتو اللى انا كنت عايزة اقولة
بس فى كمان حاجه اننا بنقلد الغرب تقليد اعمى من غير مانفكر ودة غلط
طيب على الاقل الغرب بيعملو التفاهات دى لكن متقدمين جدا ففكرهم ومجتهدين فى عملهم
اما احنا للاسف عكس كدة تماما
والله انا بقول الكلام دة عن بلدنا وشبابنا وانا زعلانة جدا بس هعمل اية دة الواقع اللى لازم كلنا ناخد بالنا منة

ويالا ربنا يهدينا شباب وبنات

بجد ياجماعه انا مبسوطه اوى من ردودك ومن رايكم ده
وبالاخص الشباب عجبونى انهم تهكموا على الشخصيات دى
وبجد يااحمد انا عجبنى جدا جدا كلامك والمثل اللى انت قولته
نورتونى كلكم جدا ياحبايبى تسلمولى على الاراء الحلوه دى

ههههههههههههههههههههههههههههههههه
دمك زى العسل
انا لو شفت واد ماشى كده ايه الى هعمله نضره احتقار بس
بس علله يحس
عيال اخر زمن

هههههههههههههههه
ده انتى اللى اعثل والله يابنتوته
عالله كان بيحوق فيهم الحاجات دى لا دول بيفتكروا ان البنت دى معجبه بس بتعمل نفسها تقيله
ههههههههههههههه
نورتينى ياقمر بمرورك الجميل

ههههههههههههههه


بصراحه توبيك جامد جدا وجرئ جدا وصح جدا


بس عاوزه اقولك ان زى مافى رجاله هايفين كده فى بردو بنات هايفين زيهم وبيعجبوا بيهم

خليهم بقه يشبعوا ببعض واحنا نخرج منها

وكمان زى مافى رجاله هايفين في رجاله رجاله يعنى لسه منقرضوش

ميرسي ياقمر علي التوبيك الجميل

هااااااايل يا بوسى موضوع جمييييل اووووووووى

انا شخصيا هجنن من الموضوع دة خصوصا فى الكلية بتاعتى بشوف حاجات غريبة وعجيبة

من البنات ولاولاد بردو انا راى ان حصل هبوط شديد فى الاخلاق وكمان الدين

مبقاش عندنا ثقافة نقدر نتميز بيها فلجأنا للافتكاسات الغريبة علشان نتميز بيها

انا بصراحة لما بشوف الولاد دول بحس ان البلد فى خطر لانها مش هتلاقى رجالة يدافعوا عنها

مررررررررررررررررررسى ليكى انا عجبنى الموضوع اووووووووووووووووى

علي فكرة انا مش محتاج ارد عن الهضبة الهضبة فوق كل ده وبعدين مش معقول سوبر ستار العرب زي مانتي قولتي اللي بيغني من 26 سنة واللي بقي اسطورة وبقي علي الساحة لوحده بدون منازع لما يفكر يبين تفاهة غيره زي نجم الجير مثلا اننا ننتقده بكلام لاذع ومينفعش يتقال علي سوبر ستار زييه لو في نقد المفروض يبقي علي غناه مش علي لبسه او استايله في البوستر والحمد لله زي مانتي قولتي مفيش كلام علي الالبوم غير انه ممتاز

علي فكرة انا مش محتاج ارد عن الهضبة الهضبة فوق كل ده وبعدين مش معقول سوبر ستار العرب زي مانتي قولتي اللي بيغني من 26 سنة واللي بقي اسطورة وبقي علي الساحة لوحده بدون منازع لما يفكر يبين تفاهة غيره زي نجم الجير مثلا اننا ننتقده بكلام لاذع ومينفعش يتقال علي سوبر ستار زييه لو في نقد المفروض يبقي علي غناه مش علي لبسه او استايله في البوستر والحمد لله زي مانتي قولتي مفيش كلام علي الالبوم غير انه ممتاز

اولا ميرسى جدا يا جميل لمرورك ولرأيك
بس انا معملتش التوبيك ده لمجرد الهجوم وخلاص ومش معنى كده انى عملته برضه علشان بحب تامر مثلا او بفضله عن عمرو ولاكن انت قلت مينفعش انى انتقد لبسه وانه قدوه الشباب والمفروض على ما اظن ان القدوه ده بيبقى بكل حاجهشكل واخلاق ومظهر وانا كان من حقى انى اعاتبه زى اى حد ما بيغلط
وشكرا ليك يا جميل

علي فكرة انا مش محتاج ارد عن الهضبة الهضبة فوق كل ده وبعدين مش معقول سوبر ستار العرب زي مانتي قولتي اللي بيغني من 26 سنة واللي بقي اسطورة وبقي علي الساحة لوحده بدون منازع لما يفكر يبين تفاهة غيره زي نجم الجير مثلا اننا ننتقده بكلام لاذع ومينفعش يتقال علي سوبر ستار زييه لو في نقد المفروض يبقي علي غناه مش علي لبسه او استايله في البوستر والحمد لله زي مانتي قولتي مفيش كلام علي الالبوم غير انه ممتاز

%100
انت خدت الكلام من علي لساني علي فكره
هما بس عجبهم نجم الجير والكلام الغريب الي بيغنيه
حضرتك شوفتي الكليب (((((( تاعبة كل الناس)))))))))
ايه الابتذال ده واد صايع واقف عالنصية (زي شارلي شابلن) و بتعدي بنت لابسه من غير هدوم كتير و الكاميرا من فوق لتحت بتأكدلك على انها فعلا مثيرة و هوووووبه يشوفها الفتك يقوم ماشي وراها و يقولها كلمات الأغنية...و يلومها معقول تمشيني المشية ديه؟؟ينفع كده؟؟

و يؤكد انها مش بس تاعباه ( والمعنى واضح و مقصود تاعباه الزاي يعني) و تاعبة كل الناس الواقفين في الشارع و هيه ماشية ولا هاممها قد ايه الشباب تاعبانة.......و المقطع التاني يبدأه ((ايه يا بنتي اللي عملتيه فيا)) و في الأعادة ((ايه يا جامدة اللي عملتيه فيا مش قادر اشيل عينيا من عليكي.....)) !!!!!!!!!!!!!!

ايه يا جامدة!!!!!!!! ده لفظ ده!!! وهل تحول الحب في زماننا الى واحدة جامدة تمر على شاب فتتعبه فيجري وراها زي (الكلب لما يمشي ورا حتة لحمة!!!)))......و وراها وراها لغاية سطح بيتهم لحد ما زنقها و جريت بس على مين وراها وراها..........
وفي نفس الألبوم كوكتيل مشاعر اختر ما شئت.....نفس الشب التعبان ده بيغير على حبيبته من مجرد انها تسلم على حد و يلمس ايدها (الظاهر حبيبة تانية غير اللي عرفها في الشارع دي واحدة بنت ناس بئى مش تاعبة كل الناس) و مرة أنا خنتك امبارح و قلبي مش مسامح (معنى جديد اهوه للأخلاص) و مرة من نظرة جابتني جابت أهلي على بيتك جيت مش على مهلي (دعوة للزواج كويس والله).........الخ الخ الخ......

هوه ده الحب........شاب تعبان و بنت جامدة........هوه ده الجيل يا نجم الجيل!!!!

هوه ده المعنى اللي لازم يوصل للناس.........و للشباب.....يا كسفتك يا أستاذ عمرو خالد بعد ما تلاتين يوم في رمضان بيغنيلك مقدمة برنامجك الجنة في بيوتنا.....!! و مفيش مانع نسجد عالمسرح و نغني كام اغنية ديني كده.....حركات مبتذلة و ماسخة و مقززة..........

عمرك شوفتي عمرو دياب او اي مطرب محترم عمل كده
سايبن الكلام ده كله وجاين علي صوره تنقدوا فبيها وتقولوا الكلام ده كله

موضوع بجد رائع يا بوسي

انتى جيتى على الوتر الحساس وعزفتى
صراحه الى بيحصل من الشباب ده مهزله وقله قيمه
الواحد بيمشي في الشارع دلوقتى مبيلاقيش رجاله ونادر لما تلاقي واحد محترم ماشي بقيمته
الله يهدى شباب المسلمين ويفوقهم من غفلتهم دى

بجد موضوع مهم جدا بس انا هتكلم من منظور تاني خالص بعيد عن المنظور اللي انتي قولتية يعني مش هيرتبط بعمرو ولا حاجة
الموضة دي بيقت منتشرة جدا وانا شخصيا مش بحب الموضة الغريبة او المتخلفة دي
والموضة دي بتتعمل في امريكا بس بيبقي ليها معني تاني
وطبعا بالنسبة لعمرو الراجل مفيهوش كلام بس بغض النظر عن اللي هو عاملة في نفسة دة
هو كويس بس الشباب دلوقتي مستنيين اي حاجة علشان يقلدوا من غير تفكير
وبالنسبة للشباب في شباب كويس ومحترم
ومتخافوش هتلاقوا شباب كويس كتير
وشكرا علي الموضوع الجميل دة تسلم ايدك

شكرا جدا يا جماعه لكل الاراء مهما كانت
وكل واحد ليه وجهه نظر
ونورتونى جدا بجد يا جماعه

موضوع جميل جدا ومهم وفعلا انا معاكى الفنان مش بس بالموهبه ولكن ده سفير بلده وجيله وعمر مش صغير لا مكانه ولا سن وعلى العموم الله يرحم الفن والفنانين اللى ممكن نقوله الفن المصرى مات وده كله غربى حتى الشكل واللبس بقينا بنقلده واحنا مش حاسين ولا شايفين انه لا يساير ذوقنا ولا اخلاقنا ولا دينا والكلام ده مش لعمر وحده ولكن لفنانين كتير من الجنسين ربنا يسامحنا ويسترها علينا لسه هيحصل لنا ايه اكتر من اللى احنا فيه

اسف يابوسى الموضوع خلانى نسيت اشكرك على شجاعتك وانك فتحتيه الف شكر ياقمر

انا رديت على الموضوع وتم حذف ردى مش عارف ليه مع انى ماجرحتش فى حد
على العموم شكرا انا اسف

ينفع نقلد شعولا ؟؟؟

ههههههههه عارفه المشكلة ي ايه المشكلة انه بعد فترة من الزمن البنات نفسها اللي تشوفه مش عامل بالضبط زي عمرو حيبقى واد بلدي وسوفاج ههههههههههه

موضوع جميل جدا ومهم وفعلا انا معاكى الفنان مش بس بالموهبه ولكن ده سفير بلده وجيله وعمر مش صغير لا مكانه ولا سن وعلى العموم الله يرحم الفن والفنانين اللى ممكن نقوله الفن المصرى مات وده كله غربى حتى الشكل واللبس بقينا بنقلده واحنا مش حاسين ولا شايفين انه لا يساير ذوقنا ولا اخلاقنا ولا دينا والكلام ده مش لعمر وحده ولكن لفنانين كتير من الجنسين ربنا يسامحنا ويسترها علينا لسه هيحصل لنا ايه اكتر من اللى احنا فيه

اسف يابوسى الموضوع خلانى نسيت اشكرك على شجاعتك وانك فتحتيه الف شكر ياقمر

انا رديت على الموضوع وتم حذف ردى مش عارف ليه مع انى ماجرحتش فى حد
على العموم شكرا انا اسف

اولا ميرسى ليكى ياقمر على المرور الغالى ونورتينى جدا
بس الرد وصل اهو ومفيش حذف ولا حاجه للرد وشكرا ياقمر لردك الجميل وربنا يكملنا كده دايما بالعقل

ينفع نقلد شعولا ؟؟؟

ههههههههه عارفه المشكلة ي ايه المشكلة انه بعد فترة من الزمن البنات نفسها اللي تشوفه مش عامل بالضبط زي عمرو حيبقى واد بلدي وسوفاج ههههههههههه

ههههههههه لا والله مفيش بنت بتصمم على فكره فى دماغها وتكون فكره صح وتغيرهاوحتى لو عدت عليها 100سنه عمرها ماهتغير الفكره دى لانها متأكده انها صح بس انتوا الى واخدين فكره وحشه عن البنات
نورتنى ياجميل برأيك وبمرورك الجميل